ფუტსალის ლიგა: 1-ელ ივნისს პლეი-ოფები იწყება!

21-25 მაისს, ფუტსალის ლიგის 2017/18 წწ. რეგულარული სეზონის დასკვნითი, 21-ე ტურის შეხვედრები გაიმართა.სასტარტო შეხვედრა ქუთაისის სპორტის სასახლეში გაიმართა, რომელშიც ადგილობრივი "მართვე" "აგორას" დაუპირისპირდა. ფრედ, 1:1 დასრულებული პირველი ტაიმის შემდეგ მასპინძლებმა მეტოქეს სათანადო წინააღმდეგობა ვეღარ გაუწიეს და საბოლოოდ 5:2 დამარცხდნენ.ამ შეხვედრაში თავისი სადებიუტო გოლები გაიტანა ბრაზილიელმა ბრუნო მელომ, რომელმაც დუბლი და ერთი საგოლე გადაცემა გაიფორმა. "მართვეს" რიგებში კი ორივე გოლი ოთარ ბერეჩიკიძის ანგარიშზეა, რომელიც 32 გოლით ბომბარდირთა დავას ერთპიროვნულად ლიდერობს.ამ შეხვედრის დასრულების შემდეგ საბოლოოდ გაირკვა, თუ როგორ დაწყვილდებოდნენ გუნდები 1/2-ფინალში და ტურის თბილისური ნაწილი, რომელიც 25 მაისს ოლიმპიურ სასახლეში მხოლოდ ფორმალობად იქცა."ტატიშვილმა" კიდევ ერთხელ დაამტკიცა, რომ შემთხვევით არ მოუგია რეგულარული სეზონი. "მედიკოსები" "აფხაზეთს" დაუპირისპირდნენ და 12:2 დაამარცხეს. 5 გოლი გაიტანა გიორგი სილაგავამ, რომელიც ბომბარდირთა დავაში ერთი ბურთით ჩამორჩება ოთარ ბერეჩიკიძეს.მატჩისშემდგომი კომენტარი:გიორგი სილაგავა, "ტატიშვილი": "მინდა ჩემს გუნდს მივულოცო რეგულარული ჩემპიონატის პირველ ადგილზე დასრულება, თუმცა დასკვნითი და ძალიან რთული ეტაპი ახლა იწყება. დღევანდელ შეხვედრაში, ვფიქრობ, სწორად შევასრულეთ მწვრთნელის დავალებები. რაც შეეხება ჩემს ბომბარდირობას, ეს მთლიანად ჩემი გუნდელების დამსახურებაა. ჩემპიონატი წინ არის და ვფიქრობ, გადავალ პირველ ადგილზე. ჩვენი მეტოქე ნახევარფინალურ ეტაპზე მოქმედი ჩემპიონი "თელასია". ჩვენი გუნდი წელს ყველაფერს აკეთებს იმისათვის, რომ გავხდეთ ჩემპიონები. მეტოქე ძალიან ძლიერი გუნდია, თუმცა ჩვენ, ჩვენი მხრივ, ყველაფერს გავაკეთებთ".სენსაციური შედეგი დაფიქსირდა "თელასისა" და "თბილისის" დაპირისპირებაში. მოქმედმა ჩემპიონმა დასკვნითი შეხვედრა საკადრო პრობლემების ფონზე ჩაატარა და 5:6 დამარცხდა. 5 გატანილი გოლით "დედაქალაქელებს" მირიან ჯანგავაძემ ულიდერამატჩისშემდგომი კომენტარი:მირიან ჯანგავაძე, "თბილისი": "პირველ რიგში, მინდა მადლობა ვუთხრა მოწინააღმდეგე გუნდს, რომელმაც ძალიან კარგად ითამაშა. მიუხედავად იმისა, რომ უმოტივაციო თამაში იყო, ბიჭებმა ყველაფერი გავაკეთეთ, რომ ეს შეხვედრა მოგვეგო და მნიშვნელოვანი სამი ქულა მოგვეპოვებინა. მეტოქეს წინ პლეი-ოფი აქვს და წარმატებას ვუსურვებ. ჩვენი გუნდისთვის კი ეს შეხვედრა წლევანდელ გათამაშებაში ბოლო იყო და მიხარია, რომ გავიმარჯვეთ".დამაჯერებელი გამარჯვებით, მეორე ადგილზე დაასრულა რეგულარული სეზონი "კოლხი-გულრიფშმა", რომელმაც ბსუ დაამარცხა - 11:3. შეხვედრა ირანელი ლეგიონერების ბენეფისად იქცა: ჰეთ-თრიკით გამოირჩნენ ომიდ ნაბათალიზადე და რაჰმან სარანი, ხოლო ბაბაქ ალავერიქჰანის ანგარიშზე 4 გოლია.მატჩისშემდგომი კომენტარი:ბაბაკ ალავერიქჰანი, "კოლხი": "დასრულდა რეგულარული ჩემპიონატი დღევანდელი შეხვედრით. მოხარული ვარ, რომ მოვიგეთ. ჩვენ მიმდინარე გათამაშებაში კარგი სტარტი გვქონდა და პლეი-ოფში გასვლაც მოვახერხეთ. დღევანდელ შეხვედრაში 4 გოლის გატანა შევძელი. ეს გოლები ბომბარდირობისთვის ბრძოლაში დამეხმარება. მადლობა ჩემს გუნდს ამისათვის. რაც შეეხება მეტოქეს, ნახევარფინალში საკმაოდ რთული მოწინააღდეგე გვყავს "აგორას" სახით, მაგრამ იმედი მაქვს, ღირსეულ წინააღმდეგობას გავუწევთ".შეხვედრის დაწყებამდე adjarasport.com-მა XIX და XX ტურის საუკეთესო ფეხბურთელები დააჯილდოვა - sbm.ge-ს მკითხველთა გადაწყვეტილებით, საუკეთესოები კოლხის ფეხბურთელები, ომიდ ნაბათალიზადე და დიტო ანდღულაძე გახდნენ.ჩემპიონატი ნახევარფინალური სერიით, 1-ელ ივნისს განახლდება. ფინალში გასასვლელად "ტატიშვილი" "სტუ-თელასს" დაუპირისპირდება, ხოლო "კოლხი-გულრიფშის" მეტოქე "აგორა" იქნება. პლეი-ოფი ორ მოგებამდე გასტანს. განმეორებითი დაპირისპირებები 3 ივნისს გაიმართება. ტრადიციულად, გულშემატკივარს ყველა მატჩის პირდაპირი რეპორტაჟის ხილვა "სილქ უნივერსალზე" შეეძლება.21.05.2018. ფუტსალის ლიგა. XXI ტური (ქუთაისის სპორტის სასახლე)მართვე - აგორა 5:2 (1:1)გოლები: 06:03’ გოგოხია (0:1), 18:56’ ბერეჩიკიძე (1:1), 22:14’ სიგუნავა (1:2), 22:59’ ბრუნო მელო (1:3), 34:23’ ბრუნო მელო (1:4), 35:24’ კობაიძე (1:5), 38:31’ ბერეჩიკიძე (2:5)25.05.2018. ფუტსალის ლიგა. XXI ტური (ოლიმპიური სასახლე)აფხაზეთი - ტატიშვილი 2:12 (1:7)გოლები: 02:59’ ჯვარაშვილი (0:1), 06:16’ სილაგავა (0:2), 08:36’ მესხიშვილი (ს.კ 0:3), 12:45’ სილაგავა (0:4), 14:02’ სილაგავა (0:5), 16:27’ მუმლაძე (1:5), 18:25’ ჯვარაშვილი (1:6), 18:41’ სილაგავა (1:7), 22:46’ თოთლაძე (1:8), 24:22’ ს.ლომიძე (2:8), 26:07’ ქურდაძე (2:9), 34:44’ სილაგავა (2:10), 36:08’ ჯვარაშვილი (2:11)გაფრთხილება: 16:38’ ონიანი (ტატ)სტუ-თელასი - თბილისი 5:6 (2:0)გოლები: 03:06’ სოზაშვილი (1:0), 15:35’ ესებუა (2:0), 20:50’ ჯანგავაძე (2:1), 22:45’ ბოხაშვილი (2:2), 23:37’ ჯანგავაძე (2:3), 25:37’ ჯანგავაძე (2:4), 27:35’ ჯანგავაძე (2:5), 29:38’ ჯანგავაძე (2:6), 30:13’ გეგეშიძე (3:6), 32:48’ ლუკავა (4:6), 38:36’ ლუკავა (5:6)გაფრთხილება: 28:06’ გეგეშიძე (თელ), 33:25’ ჭანუყვაძე (თელ), 39:48’ წოწკოლაური (თბი)ბსუ (ბთ) - კოლხი-გულრიფში 3:11 (1:8)გოლები: 01:08’ ალავერიქჰანი (0:1), 03:44’ ნადარაია (1:1), 04:46’ ნაბათალიზადე (1:2), 05:19’ ჯალაღანია (ს.კ 1:3), 08:32’ ალავერიქჰანი (1:4), 10:32’ სარანი (1:5), 11:42’ ნაბათალიზადე (1:6), 13:35’ ნაბათალიზადე (1:7), 15:20’ სარანი (1:8), 20:33’ დოლიძე (2:8), 33:02’ სარანი (2:9), 34:47’ ალავერიქჰანი (2:10), 37:09’ დოლიძე (3:10), 38:03’ ალავერიქჰანი (3:11)ბომბარდირები: ოთარ ბერეჩიკიძე (მართვე) - 32, გიორგი სილაგავა (ტატიშვილი) - 31, გიგა დანელია (აგორა), ბაბაქ ალავერიქჰანი (კოლხი) - 25* * *ღონისძიების პარტნიორები და მხარდამჭერები არიან: "სოკარი", ტელეკომპანია "SILK", "ნაბეღლავი", იურიდიული ჯგუფი "McGill", "ტატიშვილის სამედიცინო და სპორტული რეაბილიტაციის ცენტრი"მედიაპარტნიორები: რადიოები, "იმედი", JAKO FM, "კომერსანტი", "თანამგზავრი"; ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, tsff.ge, გაზეთი "ლელო".სპორტული სააგენტო SBM-ის პრესსამსახური

ანდრეს ინიესტა - ფინანსური თაღლითობის საქმის ფიგურანტი პერუში

"ადამიანი, რომელსაც ჩემს ცხოვრებასა და კარიერაზე უდიდესი გავლენა ჰქონდა, აღარ არის" - 64 წლის ასაკში "ვალენსიას" ლეგენდარული მეკარე გარდაიცვალა

"ასე რთულია. გუნდში 9 ახალი ტვინი მყავს" - კონტემ "ნაპოლის" მარცხის მიზეზებზე ისაუბრა

მარსელო ბროზოვიჩი შესაძლოა, სერია A-ში დაბრუნდეს

ლუკმენი თურქეთში წავა? - "გალათასარაი" მორიგ ხმაურიან ტრანსფერს გეგმავს

ენდრიკი მეტი სათამაშო დროის გამო "რეალიდან" მიდის - ფრანგულ გუნდთან ყველაფერი შეთანხმდა

რატიშვილი საბერძნეთში, ვართანოვი – რუმინეთში | ქართველები ფიბა ევროპის მატჩებზე

პსჟ მცველს ხელშეკრულებას გაუხანგრძლივებს და გასამრჯელოსაც მოუმატებს

გატუზო: ჭრილობებს ვიშუშებთ, ბოდიშს ვიხდით

"ბორჯღალოსნები" | გადამწყვეტი რკენა წლის ბოლო მატჩში

"ზურაბ ზვიადაურს საპროცესო შეთანხმება გაუფორმდა და საპატიმროს მარტის ბოლოს დატოვებს" - რას აცხადებს ადვოკატი

ჩაკვეტაძე უკვე გუნდთან ერთად ვარჯიშობს

მაკფადენი დაბრუნდა - საქართველოს ნაკრების 24-კაციანი შემადგენლობა ცნობილია

"ბარსელონა" ერიკ გარსიას კონტრაქტს გაუხანგრძლივებს

"მუდამ მსუქანსა და უდისციპლინოს მეძახდნენ, მე გამძლეობის მაგალითი ვარ" - ლუის სუარესი

"მესი თუ რონალდო?" - ლინეკერმა არჩევანი გააკეთა

ეს ნაცნობი დე ლაურენტისია - აურელიო კონტეს ემშვიდობება, თანაც უფასოდ

"იძულებული ვარ, მივმართო საზოგადოებას" - მორაგბე ლაშა ლომიძე მიმართვას ავრცელებს

[VIDEO] ბითაძის 16 წუთი "ჰიუსტონთან" - "ორლანდო" ოვერტაიმში დამარცხდა

ნორვეგიამ იტალიას თამაში შემოუტრიალა და მუნდიალზე გავიდა

შენგელიას 14 ქულა, 7 მოხსნა და გამარჯვება ყოფილ გუნდთან

შერმადინმა ესპანეთის უმაღლეს ლიგაში მე-2000 ბურთი მოხსნა

[VIDEO] მაგიური დუელი ტურინში - სინერმა ალკარასი დაამარცხა

ფუტსალის ლიგის ახალი სეზონი 6 დეკემბერს დაიწყება!

ფუტსალი. საქართველოს ნაკრებმა ლიეტუვა ორივე მატჩში დაამარცხა [VIDEO]

ფუტსალის 19-წლამდელთა ნაკრები უნგრეთის, თურქეთის და ესპანეთის გუნდებს დაუპირისპირდება

უკრაინის ქალთა ნაკრების წევრმა მეტოქის მწვრთნელს მუშტი სახეში დაარტყა [VIDEO]

სფფ-ში ფუტსალის ლიგის თასის წილისყრა გაიმართა - ტურნირი პირველად ჩატარდება

ფუტსალის ლიგის ჩემპიონი "თელასი" გახდა