<p>სასიამოვნო მოულოდნელობა - NBA-ს პლეი ოფის პირველ ეტაპზე "ატლანტამ" ორლანდოში გამარჯვება იზეიმა <br> სასიამოვნო მოულოდნელობა - ასე შეიძლება ეწოდოს NBA-ს პლეი ოფის პირველ ეტაპზე "ატლანტას" ორლანდოში გამარჯვებას. მართალია, რეგულარულ ეტაპზე ჯორჯიელებმა "ორლანდო მეჯიქს" ოთხიდან სამი მატჩი მოუგეს, მაგრამ რეგულარული ეტაპი ფლორიდელებმა უკეთ ჩაატარეს, "ატლანტასთან" საპლეიოფოდ მოედნის უპირატესობაც დაიბევეს და ბევრს არ ეგონა, რომ "ატლანტა" დუაით ჰოვარდის გუნდს პირველივე მატჩში დააკარგვინებდა მოედნის უპირატესობას.</p><p>"ჰოქსის" კალათბურთელებმა კიდევ ერთხელ დაგვარწმუნეს ცნობილი ფრაზის ჭეშმარიტებაში: ერთი კაცი თამაშს ვერ მოიგებს... თავად განსაჯეთ: "ორლანდოს" ცენტრმა დუაით ჰოვარდმა 46 ქულა ჩააგდო, ბურთი 19 ჯერ მოხსნა, მაგრამ გამარჯვება "ატლანტას" დარჩა (103:93). 46 ბალი, 1987 წლის შემდეგ ერთ საპლეიოფო მატჩში ჩაგდებული ქულების სარეკორდო მაჩვენებელი აღმოჩნდა. აბსოლუტური რეკორდი ჰაკიმ ოლაჯოუნს ეკუთვნის - 49 ქულა.</p><p>ჰოვარდის მეურვეობა მატჩის სხვადასხვა ეპიზოდში ოთხ ატლანტელს უწევდა: კოლინზს, ფაჩულიას, პაუელს და ტომასს. დანარჩენი ატლანტელები შეტევაზე ზრუნავდნენ და ყველაფერი კარგად გამოსდიოდათ: სმიტმა საბოლოოდ 15 ქულა ჩააგდო, ჯონსონმა - 25, კროუფორდმა - 23, ჰაინრიხმა - 13, ჰორფორდმა - 16. სტუმრებმა ყველაზე დიდ უპირატესობას მესამე პერიოდში მიაღწიეს - 71:54. ეს ანგარიში ზაზა ფაჩულიას ზუსტი საჯარიმოების შემდეგ დაფიქსირდა. ამ ეპიზოდს ამერიკული პრესა განსაკუთრებულად გამოეხმაურა და ჩვენც ცალკე აბზაცს დავუთმობთ.</p><p>დუაით ჰოვარდი ყოველთვის გაწონასწორებულია, თუმცა მესამე პერიოდში მისთვის უჩვეულოდ გაცხარდა... ზაზამ ბურთი "ორლანდოს" ფარზე ცხვირწინ რომ მოუხსნა და კალათში ჩაბრუნებას ცდილობდა, ჰოვარდმა ქართველი კისრულით იატაკზე დააგდო.</p><p>"სუპერმენის" ასეთი მოქმედება არბიტრებმა ტექნიკური ჯარიმით შეაფასეს. თანაგუნდელებმა ზაზას ფეხზე წამოდგომა არ აცადეს, მიცვივდნენ და სათადარიგოთა სკამისკენ წაიყვანეს. უმალ ყველაფერი დამშვიდდა, ჰოვარდი კი მსაჯების გადაწყვეტილებას ღიმილით შეხვდა. ტექნიკური ჯარიმა ჯო ჯონსონმა ჩააგდო, იქვე ფაჩულიამ ორი მიამატა და უპირატესობა 17 ქულამდე გაიზარდა.</p><p>მას მერე მასპინძლებმა სხვაობა მალე შეამცირეს, მაგრამ ეს "ატლანტამ" 10-ქულიანი უპირატესობა საფინალო სირენამდე შეინარჩუნა.</p><p>მეორე შეხვედრა ისევ ორლანდოს მოედანზე 19 აპრილს გაიმართება.</p><p><em><strong>ორლანდო-ატლანტა 93:103</strong></em></p><p>ზაზა ფაჩულია: 08:55 წუთი, 2 ქულა (1-დან 0 ორქულიანი, 2-დან 2 საჯარიმო), 1 მოხსნა, 3 ფოლი, 1 შეცდომა</p><p>ქრონოლოგია</p><p>I პერიოდი</p><p>05:15 ზაზამ კოლინზი შეცვალა</p><p>04:14 ფოლი: 1</p><p>03:36 ფოლი: 2</p><p>03:36 ტომასმა ზაზა შეცვალა</p><p>III პერიოდი</p><p>06:33 ზაზამ კოლინზი შეცვალა</p><p>06:18 შეცდომა: 1</p><p>05:37 მოხსნა: შეტ-1. დაც-0</p><p>05:37 საჯარიმოები: 2/2 (71:54)</p><p>02:20 ორქულიანი: არაზუსტი</p><p>01:10 უილიამსმა ზაზა შეცვალა</p><p>IV პერიოდი</p><p>06:33 ზაზამ უილიამსი შეცვალა</p><p>04:52 ფოლი: 3</p><p>04:40 კროუფორდმა ზაზა შეცვალა</p><p><strong>კომენტარი</strong></p><p>ზაზა ფაჩულია: არ უნდა დავკმაყოფილდეთ!</p><p>- რეგულარული ეტაპის ბოლოს სათანადოდ ვერ ვთამაშობდით, პლეი ოფს წაგებათა ექვსმატჩიანი სერიით შევხვდით. თუმცა, მონდომებით ვმუშაობდით და იმედი გვქონდა, რომ "ორლანდოსთან" პირველივე შეხვედრას 100 პროცენტით მომზადებულები შევხვდებოდით. საბედნიეროდ, ასეც მოხდა. პლეი ოფი დიდებულად დავიწყეთ, მაგრამ კმაყოფილების საფუძველი არ გვაქვს. ბევრი შეცდომა დავუშვით, რაც მომდევნო მატჩებში აუცილებლად უნდა გამოვასწოროთ.</p><p><strong>სოციალური MVP</strong></p><p>ზაზა 238, დუაითი 166</p><p>NBA-ს ოფიციალურ საიტზე, "ორლანდო"-"ატლანტას" მიმოხილვას ერთი დანართი აქვს, რომელსაც სათაურად აწერია: "სოციალური MVP". საქმე ეხება გამოკითხვას, რომლის მიზანია სოციალურ ქსელში ყველაზე პოპულარული კალათბურთელის გამოვლენა. ამ გამოკითხვის მიხედვით "ორლანდოსა" და "ატლანტას" კალათბურთელებს შორის ზაზა ფაჩულია ლიდერობს, რომელსაც 238 ხმა აქვს. მეორეა დუაით ჰოვარდი - 166 ხმა, მესამე ქუენტინ რიჩარდსონი - 153.</p><p>.</p>
საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი
საქართველოს ნაკრების მოთამაშე კარიერას "ბაიერნში" გააგრძელებს
მამუკელაშვილმა "ტორონტო რეპტორზთან" ორწლიანი კონტრაქტი გააფორმა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ