<p><em>© Oceania Rugby</em></p><p>16 ივნისს, დილით, ჩვენი დროით 07:30 საათზე, საქართველოს მორაგბეთა ნაკრები 2018 წლის "წყნარი ოკეანის თასის" მეორე შეხვედრას გამართავს და არაოფიციალურ ფინალში მასპინძელ ფიჯის შეხვდება.</p><p>სუვაში მიმდინარე ორრაუნდიანი ტურნირის პირველ სათამაშო დღეს საქართველომ ტონგა 16:15 დაამარცხა, ხოლო ფიჯიმ სამოას 50 წუთში 4 ლელო გაუტანა და 24:3 დაწინაურდა, თუმცა დასკვნით 20 წუთში სამი ლელო გაუშვა. მიუხედავად ამისა, ფიჯელებმა 24:22 მოიგეს, 4 ლელოს გატანისთვის ბონუსიც აიღეს და ტურნირს 5 ქულით ლიდერობენ. "ბორჯღალოსნები" 4 ქულით მეორეზე არიან, ხოლო ტონგას და სამოას თითო-თითო ქულა აქვთ.</p><p></p><p>შეგახსენებთ, წელს "წყნარი ოკეანის თასის" გამარჯვებული ორი ტურის შედეგად ირკვევა და საქართველო-ფიჯის შეხვედრამდე, დილის 05:00 საათზე ტონგა სამოას ეთამაშება.</p><p><span style="color: #3366ff;"><strong>მესამედ ფიჯისთან</strong></span></p><p>"ბორჯღალოსნები" ფიჯის მესამედ ეთამაშებიან და ამ მომენტისთვის გუნდებს თითო-თითო მოგება აქვთ. პირველი შეხვედრა 2012 წლის ნოემბერში "მიხეილ მესხზე" გაიმართა და გამარჯვება მეტოქეს დარჩა - 24:19. 2016 წელს, წყნარი ოკეანის პირველი ტურნეს დროს, მილტონ ჰეიგის შეგირდებმა მეტოქესთან სრულფასოვანი რევანში აიღეს და ფიჯის სუვაში 14:3 სძლიეს.</p><p>წლევანდელი ივნისის ტესტებისთვის ფიჯელებმა ყველა უძლიერესს უხმეს. ეს იქნება ერთგვარი რეპეტიცია 2019 წლის მსოფლიო თასის წინ, სადაც ფიჯის 3 ოქტომბერს, ოსაკაში უნდა შევხვდეთ.</p><p><span style="color: #3366ff;"><strong>ხუთი ცვლილება</strong></span></p><p>ტონგასთან მოგებული მატჩის შემდეგ მილტონ ჰეიგმა 23-კაციან განაცხადში რამდენიმე ცვლილება განახორციელა და მომავალი მატჩისთვის მაქსიმალურად უძლიერესი შემადგენლობა შეარჩია.</p><p>უცვლელი დარჩა შერკინების პირველი ხაზი და თამაშს <strong>კახა ასეიშვილი</strong>, <strong>შალვა მამუკაშვილი</strong> და <strong>ლევან ჩილაჩავა</strong> იწყებენ. სრულადაა შეცვლილი პირველი ხაზის მარქაფა და თამაშში <strong>გიორგი ჭყოიძე</strong>, <strong>ზურაბ ჟვანია</strong> და <strong>გიორგი მელიქიძე</strong> ჩაერთვებიან.</p><p>მეორე ხაზში გუნდის კაპიტან <strong>გიორგი ნემსაძეს</strong> <strong>კოტე მიქაუტაძე</strong> შეუწყვილდება, ხოლო <strong>ნოდარ ჭეიშვილმა</strong> თადარიგში გადაინაცვლა.</p><p>ორი ცვლილებაა მესამე ხაზში. სასტარტო შემადგენლობაში ბრუნდება ფლანკერი <strong>ვიტო კოლელიშვილი</strong>, რომელსაც ტრავმის გამო "ფრანგი ბარბაროსებისა" და ტონგას წინააღმდეგ არ უთამაშია. მეორე ფლანკერად თამაშს <strong>გიორგი ცუცქირიძე</strong> იწყებს, ხოლო <strong>ოთარ გიორგაძემ</strong> შერკინების შემკვრელად გადაინაცვლა. მესამე ხაზში შეცვლაზე <strong>შალვა სუთიაშვილი</strong> შევა.</p><p>უცვლელი დარჩა ღერძი, თამაშს <strong>ვასილ ლობჟანიძე</strong> და <strong>ლაშა ხმალაძე</strong> იწყებენ, ხოლო ცენტრში <strong>დავით კაჭარავას</strong> <strong>ლაშა მალაღურაძე</strong> შეუწყვილდება. მალაღურაძემ სასტარტოში ბოლოს 2016 წლის ნოემბერში, შოტლანდიის წინააღმდეგ ითამაშა.</p><p>"ფრანგ ბარბაროსებთან" მატჩის შემდეგ ძირითადში ბრუნდება <strong>თამაზ მჭედლიძე</strong>, რომელიც ფრთაზე დადგება, ხოლო მეორე ფრთა <strong>ანზორ სიჭინავა</strong> ან <strong>ალექსანდრე თოდუა</strong> იქნება.</p><p>ფულბეკის პოზიციაზე <strong>სოსო მათიაშვილს</strong> ვიხილავთ, რომელმაც ტონგასთან ყველა, 16-ივე ქულა პირად ანგარიშზე ჩაიწერა.</p><p>ხაზის მარქაფაში არიან გამოცდილი <strong>გიორგი ბეგაძე</strong> და <strong>მერაბ კვირიკაშვილი</strong>, ასევე, ახალგაზრდა <strong>გიორგი კვესელაძე</strong>, რომელიც ტონგასთან მატჩის დებიუტში დაშავდა და მე-4 წუთზე შესაცვლელი შეიქმნა, თუმცა ტრავმა სერიოზული არ აღმოჩნდა.</p><p>23-კაციან განაცხადში 11 ისეთი მოთამაშეა, რომელთაც შარშანწინ სუვაში, ფიჯისთან მოგებულ მატჩში არ უთამაშიათ. ესენი არიან: ლობჟანიძე, სიჭინავა, თოდუა, მათიაშვილი, კვესელაძე, ჩილაჩავა, ჭყოიძე, მელიქიძე, მიქაუტაძე, ცუცქირიძე, კოლელიშვილი და გიორგაძე.</p><p><img src="/media/images/new_photo/2018/JUN1-15/07/shemadgenloba-673946.jpg" border="0" alt="Sportall.Ge" title="5 ცვლილება - "ბორჯღალოსნების" შემადგენლობა ფიჯისთან მატჩისთვის ცნობილია" width="792" /></p><p><strong></p><p>მომზადებულია rugby.ge-ს მიხედვით</strong><br></p>
goga
ფიჯიმ ყველა ვარსკვლავი გამოიძახაო? გენაცვალეთ ბიჭებო, თქვენი დიდი დამსახურებაა, ამხელა ანგარიშგასაწევი ძალა რომ გავხდით, სიამოვნებას მგვრის ეს ყველაფერი,ესეთ გუნდებთან ორმაგად ვგულშევმატკივრობ საქართველოს, ერთა თასი ამოვიდა ყელში, ინტერესი კაი ხანია დაიკარგა, ერთი რუმინეთი გვიგებდა და ეგეც ვეღარ გვიგებს. წარმატებები ბიჭებო, აბა თქვენ იცით!!!!!!
GIO
საფრანგეთის ჩემპიონატი ერთი თვის მორჩა!!!
დავითი
თუ სწორად გავიგე აქცენტი კიდევ უფრო ძალისმიერ თამაშზე გაკეთდა. "ჯახი" ძალიან მძიმე და ულმობელი უნდა გამოვიდეს.
რამაზ
ურთულესი თამაში იქნება. თუნდაც ერთი ქულით მოგების შემთხვევაში 1.618 მოგვემატება და რეიტინგში მეთორმეტედან ჩვენთვის სარეკორდო მეათე ადგილზე გადავინაცვლებთ!
გიორგი
კარგი შემადგენლობაა და მოვიგებთ ამ თამაშს!
111
სად არის თეთრაშვილი?
გულშემატკივარი
მჭედლიძის დაბრუნება ძალიან კარგი ამბავია, ტონგასთან თამაშის მერე სათადარიგო მორკინალებიც ნამდვილად გამოსაცვლელები იყვნენ
WTF
ურთულესი ბრძოლა გველის, მნიშვნელოვანი მოთამაშეები გვაკლია და იმედია როგორც ყოველთვის ბოლომდე ვიბრძოლებთ. ნადოლუმ იქნებ გადაიფიქროს თამაში :)
gela gloveli
ნარიაშვილი საფრანგეთის ჩემპიონატის თამაშებს თამაშობს, ფინალს
Irakliy
ნარიაშვილი რატომ არ არის?
გიო-გოლი
კარგი შემადგენლობაა, მაგრამ თაზოს თამაში ცენტრში უფრო ეფექტური მგონია შარიქაძის არყოფნაში. წარმატებები ლომებს!!!
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
უარი სუპერლიგას - ''ბარსელონა" გაზრდილი შემოსავლებით კმაყოფილია
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"ყველა დროის საუკეთესო ვარ და ამას კიდევ ერთხელ დავამტკიცებ" - მერაბ დვალიშვილი
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია
"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
საქართველოს ნაკრები ფიჯისთან მძიმე ბრძოლაში დამარცხდა [VIDEO]
მერაბ შარიქაძე: ახალი ციკლის დაწყება და პირველი შეხვედრის ჩატარება ყოველთვის გვიჭირს
"ბორჯღალოსნები" | ფიჯის ბათუმში ვერ ვაჯობეთ
"ბორჯღალოსნები" | ფიჯი საქართველოში 12 წლის შემდეგ ბრუნდება
"ბორჯღალოსნები" | მეორედ ბათუმში, ამჯერად ფიჯისთან
ქართველ მორაგბეებს ბორდოში ზურიკო დავითაშვილი ეწვია
"ბორჯღალოსნებს" პორტუგალიასთან მოგება რეიტინგში დაეტყოთ
პირველი ტაიმის შემდეგ საქართველოს ნაკრები ფიჯის ამარცხებს