- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ისევ ის ლევერ... პარდონ, ვიცე-კუზენი!
<p>ბუნდესლიგა. XXX ტურის გამოხმაურება: "ბაიერნმა" ვან გაალის გარეშე გაილაღა, "დორტმუნდი" საოცნებო ტიტულს მიუახლოვდა <br> შაბათს, გერმანული „სქაის“ კომენტატორს აკრძალული სიტყვა წამოსცდა. მან თქვა, ოტმარ ჰიტცფელდი ნაცისტების მწვრთნელიაო. გერმანულად ეს ასე გამოითქმის: <span style="font-size: 9pt; font-family: Arial; color: black;" lang="EN-US">Nazi-trainer</span> და მიხვდებით, რომ პირდაპირი თარგმანით ეს სწორედ ნაცისტების მწვრთნელს ნიშნავს.</p><p>არადა, მარსელ რაიფმა სულ სხვა რამ იგულისხმა. საქმე იმაშია, რომ შვეიცარიის ნაკრებს, რომელსაც სწორედ ჰიტცფელდი წვრთნის, შემოკლებით <span style="font-size: 9pt; font-family: Arial; color: black;" lang="EN-US">Nati</span>-ს ეძახიან, მაგრამ „ნაცი“ კი არ გამოითქმის, როგორც სრულ სიტყვაშია (ნაციონალმანშაფტ), არამედ შვეიცარიელები „ნათის“ ამბობენ ხოლმე, ზემოთ ხსენებულმა კომენტატორმა კი პირდაპირ „ნაცი“ თქვა. ამაზე გერმანიაში ბევრი იცინეს და ცოტა გაბრაზდნენ კიდეც - ხომ იცით, რამდენად მკაცრადაა აკრძალული იქ ნებისმიერი რამის ხსენება, რაც ადოლფ ჰიტლერს და იმდროინდელ გერმანიას უკავშირდება.</p><p>რაც შეეხება მთავარს, ანუ სპორტულ მხარეს: როგორც მოსალოდნელი იყო, მთავარი მოვლენები კვირას განვითარდა: ჯერ „ბაიერნმა“ თავისი საყვარელი მეტოქე „ლევერკუზენი“ გაანადგურა, რაშიც, როგორც ჩანს, ლუის ვან გაალს უდიდესი დამსახურება მიუძღვის - მიუხედავად იმისა, რომ კვირაზე მეტია, რეკორდმაისტერის თავკაცი აღარ არის; მერე კი, დორტმუნდის „ბორუსიამ“ ჩემპიონობისკენ უდიდესი ნაბიჯი გადადგა.</p><p>სხვა მხრივ, ფელიქს მაგათისა და კრისტოფ დაუმის სახით, ორი სახელოვანი მწვრთნელი გადარჩენისთვის იბრძვის, კიოლნში კი რელიგიაზე ალაპარაკდნენ. თქვენ წინაშეა ბუნდესლიგის 30-ე ტურის გამოხმაურება Tops & Flops-ის სახით.</p><p><strong>Flop</strong></p><p><em>ნაცრისფერი ჰამბურგი: არც იქით, არც აქეთ</em></p><p>მორჩა, რუუდ ვან ნისტელროი „ჰამბურგის“ ფორმას აღარასოდეს მოირგებს. ვეტერანმა ჰოლანდიელმა გოლეადორმა ამ უქმეებზე საკმაოდ მძიმე ტრავმა მიიღო და რაკი გაირკვა, რომ დარჩენილ ტურებში ვეღარ იასპარეზებდა, თამამად თქვა, ზაფხულში ჰამბურგიდან მივდივარო. მართალია, რუუდის წასვლით H<span style="font-size: 9pt; font-family: Arial; color: black;" lang="EN-US">S</span>V-ს სახელფასო ფონდი მნიშვნელოვნად შეუმცირდებათ, მაგრამ ვერც ევროტურნირებზე ითამაშებენ. ყოველ შემთხვევაში, ამ ეტაპზე გვირაბის ბოლოს სინათლე არ ჩანს, რადგან „ჰამბურგი“ მეხუთე ადგილზე მყოფ „მაინცს“ ხუთი ქულით ჩამორჩება.</p><p>გაგახსენებთ, რომ „ჰამბურგი“ შარშან მეშვიდე ადგილზე გავიდა და ახლაც იქაა. ჩრდილოელები დროებით მწვრთნელ მიხაელ იონინგს თურმე კონტრაქტს</p><p>უგრძელებენ - ნიჭიერი კაცია, ორი აზრი არ არსებობს, მაგრამ ვერავის ვერაფერს დააკლებს. „ჰანოვერთან“ ნაჩვენები ფეხბურთიც უინტერესო იყო. მოკლედ, „ჰამბურგი“ ბუნდესლიგაში თავის სიტყვას ვეღარ ამბობს. თან ვან ნისტელროიც მიდის...</p><p><strong>Flop</strong></p><p><em>მაგათი: სულელები არიან!</em></p><p>როცა გუნდს გავარდნის საფრთხე ემუქრება, მწვრთნელმა ფეხბურთელები უნდა დაიცვას - ეს დაუწერელი კანონია, რადგან კრიტიკა და ლანძღვა ამ დროს არაფერს მოგიტანს, ფეხბურთელები უფრო აიჭრებიან, შეიძლება მწვრთნელზე გაბრაზდნენ და უარესებს ჩაიდენენ. „ვოლფსბურგის“ დამრიგებელი ფელიქს მაგათი კი ასე არ ფიქრობს. კითხვაზე, რატომ ვერ ახერხებს მისი გუნდი თამაშის მოგებას, „დესპოტმა ფელიქსმა“ ასე უპასუხა: „იმიტომ, რომ სულელი ფეხბურთელები მყავს! უმეტესობა მარტო თავის თავზე ფიქრობს. მაგალითად, დიეგოს მონდომება აკლდა და თავდაუჯერებელიც იყო.“</p><p>მაგათმა დიეგო 73-ე წუთზე გაიყვანა და თუ უნდა, რომ გაიგოს, რა ემუქრება მას ფელიქსის ზემოხსენებული სიტყვების შემდეგ, შეუძლია, შალკელებს, ჯეფერსონ ფარფანსა და ჯერმეინ ჯონსს ჰკითხოს. აკი ვამბობდით, ვოლფსბურგში მაგათი ინიშნება და დიეგოს პრობლემები შეექმნება-თქო.</p><p><strong>Flop</strong></p><p><em>ჩერჩილი ხარ, დაუმ?</em></p><p>„ჰოფენჰაიმთან“ წაგებული მატჩის შემდეგ, „აინტრახტის“ მწვრთნელ კრისტოფ დაუმს ბევრი არაფერი უთქვამს, მაგრამ რაც თქვა, საღადაოდ ისიც საკმარისი აღმოჩნდა. მან უინსტონ ჩერჩილის ცნობილი ფრაზა გააჟღერა: „Nევერ, ნევერ ევერ გივე უპ!“ ნამდვილად კარგად ჟღერს, მაგრამ „აინტრახტს“ ჩერჩილის მეორე ცნობილი ფრაზა უფრო მოუხდებოდა: „თუ წარუმატებლობას წარუმატებლობა მოსდევს, აღფრთოვანება არ უნდა დაკარგო, თორემ წარმატებას ვერ მიაღწევ!“ ან ეს ფრაზა: „თუ ჯოჯოხეთში მიდიხარ, უბრალოდ გზა განაგრძე!“</p><p>მომდევნო ფრაზა შეუძლია, სახლში, მისაღებ ოთახში გაიკრას: „მტრები გყავს? ე.ი. ცხოვრებაში რაღაცას მიაღწიე!“ რატომ უნდა გაიკრას? ული ჰიონესს ჰკითხეთ...</p><p><strong>Flop</strong></p><p><em>„ვიცეკუზენი“ დაბრუნდა!</em></p><p>ტურის წინ, „ლევერკუზენი“ მართლაც იდეალურ მდგომარეობაში იყო: მეტოქე „ბაიერნს“ ორი წამყვანი ფეხბურთელი აკლდა, დანარჩენები კი ტკივილგამაყუჩებლებით თამაშობდნენ; ლუის ვან გაალის გათავისუფლების შემდეგ კი, გუნდს ანდრის იონკერი წვრთნიდა. ამასთან, „ლევერკუზენი“ ლიდერ „დორტმუნდთან“ ხუთქულიან დისტანციაზე იყო მიახლოვებული და თანაც, „ფარმაცევტებს“ მეორე წრის საუკეთესო გუნდის სახელი ჰქონდათ - სტაბილურის, თავდაჯერებულის და მიხაელ ბალაკიც ისეთ ფორმაში იყო შესული, გერმანიის ნაკრების მწვრთნელმა იოახიმ ლიოვმა თამაშის წინ თქვა, შეიძლება, ბუნდესგუნდში დავაბრუნოო. მოკლედ, ყველაფერი იმაზე მიუთითებდა, რომ იუპ ჰაინკესის გუნდს „ბაიერნთან“ კარგად უნდა ეთამაშა - ისე, როგორც ჩემპიონობის პრეტენზიის მქონე გუნდს შეეფერება.</p><p>„დონ იუპი“ ალბათ ვერასდროს ახსნის, რატომ ითამაშეს მისმა შეგირდებმა პირველივე წუთებიდან ასე საზიზღრად, ნერვიულად და აბსოლუტურად უიდეოდ. ჰაინკესმა თქვა, რომ მისთვის გაუგებარია, რატომ ვერ გამოავლინა მისმა გუნდმა შესაძლებლობების თუნდაც 30 პროცენტი. განსაკუთრებით სამარცხვინო მიუნხენელთა პირველი ორი გოლი გახლდათ: რიბერის კუთხურის შემდეგ, შვაინშტაიგერმა ბურთს მიმართულება თავით შეუცვალა და „ლევერკუზენის“ კაპიტან როლფესისკენ გაგზავნა, რომელმაც „დიდსულოვნად“ გაიტანა ავტოგოლი; მეორე გოლის დროს კი, არტურო ვიდალმა, მეკარის საჯარიმოში, კუთხურის ხაზიდან ქუსლით (!) უპასა თომას მიულერს, რომელმაც გომესს გაატანინა.</p><p>„ლევერკუზენს“ ტყუილად კი არ ეძახიან ვიცე-კუზენს...</p><p><strong>Top</strong></p><p><em>გმირი ნიკო</em></p><p>„მაინცისა“ მიონხენგლადბახის მატჩის დროს, სტუმრებს კუთხური უნდა ჩაეწოდებინათ, როცა „გლადბახის“ მცველ დანტეს თვალები გაუფარდოვდა და ყბა ჩამოუვარდა - ისღა მოახერხა, რომ მსაჯისთვის ენიშნებინა, ასე თამაში ხომ არ შეიძლება, ეს კაცი მოედნიდან გაიყვანეთო. დანტე არბიტრს ნიკო ბუნგერტისკენ ანიშნებდა, ამ უკანასკნელს კი შუბლზე ისეთი „კოპი აჯდა“, იფიქრებდით, ცოტაც და სქელი რქა გამოუვაო.</p><p>მიუხედავად ამისა, ბუნგერტმა თამაში განაგრძო და ძალიან მაგრადაც იბრძოდა. თან, არც ის უნდა დაგვავიწყდეს, რომ მისთვის უჩვეულო პოზიციაზე თამაშობდა: ბუნგერტი მარჯვენა მცველია და ცენტრში მხოლოდ იმიტომ თამაშობდა, რომ მაინცელებს ამ შეხვედრისთვის ცენტრალური უკანახაზელები აღარ ჰყავდათ. ნიკომ ამ ამოცანას თავი კოპითაც ძალიან კარგად გაართვა.</p><p><strong>Top</strong></p><p><em>ნიურნბერგი ევროპისკენ</em></p><p>„ნიურნბერგის“ მთავარი მწვრთნელი დიტერ ჰეკინგი ამბობს, მომდევნო ტურში „მაინცთან“ ძალიან მაგარი თამაში გველის, ორივე გუნდი ახალგაზრდა და დამშეულიაო. ეს შეხვედრა მართლაც ძალიან საინტერესო იქნება, რადგან „მაინციცა“ და „ნიურნბერგიც“ ევროპის ლიგის საგზურისთვის იბრძვიან. ამ უქმეებზე კი, „ნიურნბერგმა“ გადარჩენისთვის მებრძოლ „კაიზერსლაუტერნს“ სტუმრად 2:0 მოუგო და თანაც, ფრანკებმა „ფრიც-ვალტერ-შტადიონზე“ ისე ითამაშეს, თითქოს „ნიურნბერგი“ გრანდი იყოს. მომავალ უიქ-ენდზე კი, მეხუთე ადგილისთვის გადამწყვეტი მატჩი გველის - „ნიურნბერგისა“ და „მაინცის“ მონაწილეობით. სეზონის წინ ამას ვინმე იფიქრებდა?</p><p><strong>Top</strong></p><p><em>ჰომერ სიმპსონის ღიპი</em></p><p>„სიმპსონების“ ერთ-ერთ სერიაში, ჰომერი ექიმთან მივა და სთხოვს სიმსუქნე გამიზომეო. ექიმი ღიპზე ხელს მიარტყამს და წამზომს ჩართავს, რათა გაზომოს დრო, რამდენ ხანს არ დამშვიდდება მისი მუცელი, ჰომერის ღიპი კი არა და არ ჩერდება. დაახლოებით ასეთივე სანახაობა იყო კვირას დორტმუნდის „ბორუსიას“ სტადიონის სამხრეთ ტრიბუნაზეც - ხელიხელგადახვეული ფანები დიდხანს ხტუნაობდნენ.</p><p>მატჩის შემდეგ, კევინ გროსკროიტცმა თქვა, გერმანიაში ყველაზე მაგარი გულშემატკივრები ჩვენ გვყავსო, მატს ჰუმელსმა კი დასძინა: „ასეთი რამ იშვიათად მინახავს. ეს განუმეორებელი სანახაობაა! ჩვენ მათ მადლობას „ვერცხლის სინით“ გადავუხდით!“</p><p>თუ მომდევნო ტურში „ბორუსია“ მიონხენგლადბახელ სეხნიას დაამარცხებს, ხოლო „ლევერკუზენი“ „ჰოფენჰაიმთან“ ვერ მოიგებს, დორტმუნდელები გერმანიის ჩემპიონობას სამი ტურით ადრე გაინაღდებენ.</p><p><strong>Top</strong></p><p><em>დაუჯერებელი ბაიერნი</em></p><p>ფეხბურთი და მონდომება, რომელიც „ბაიერნმა“ ლუის ვან გაალის გაგდების მერე პირველივე მატჩში აჩვენა, იდეალური იყო. თამამად შეგვიძლია ვთქვათ, რომ რეკორდმაისტერმა ამ სეზონში ასე კარგად პირველად ითამაშა. დროებითმა მწვრთნელმა ანდრის იონკერმა თქვა, ბიჭებმა ამ თამაშში გული და სული ჩააქსოვესო.</p><p>„ნუთუ ეს მართლა „ბაიერნი“ იყო? - რიტორიკული კითხვა დასვა მატჩის შემდეგ ფრანც ბეკენბაუერმა და იქვე დასძინა, - თუ ასეა, მაშინ გულითადი მოკითხვა ლუის ვან გაალს.“</p><p>საინტერესოა, რა დაუშავა ვან გაალმა ასეთი მიუნხენური გრანდის ფეხბურთელებს?</p><p><strong>XXX ტურის სიმბოლური ნაკრები (კიკერი, 3-2-3-2)</strong></p><p>ტომ შტარკე (ჰოფენჰაიმი, 2) - აცუტო უჩიდა (შალკე, 2), მატს ჰუმელსი (ბორუსია დ, 9), პეტრი პასანენი (ვერდერი, 2) - კრისტიან ტრეში (შტუტგარტი, 1), მათიას ლემანი (ზანკტ პაული, 1) - ანდრე შიურლე (მაინცი, 3), მარიო გიოტცე (ბორუსია დ, 6), კრისტიან აიგლერი (ნიურნბერგი, 2) - მარიო გომესი (ბაიერნი, 5), ედუ (შალკე, 1)</p><p>ესეც ასე, „კიკერის“ ტურის სიმბოლურ ნაკრებში მოხვედრათა რაოდენობის მიხედვით, დორტმუნდის „ბორუსიას“ მცველი მატს ჰუმელსი უკვე ერთპიროვნული ლიდერია - ბუნდესლიგის მიმდინარე სეზონის ერთ-ერთი საუკეთესო ფეხბურთელი სიმბოლურში მეცხრეს (!) მოხვდა. გაგიკვირდებათ და ტურის სიმბოლურში „ზანკტ პაულისა“ და „შტუტგარტის“ ფეხბურთელებიც გამოჩნდნენ...</p><p><strong>ტურის გმირი</strong></p><p><em>მარიო გომესი (ბაიერნი)</em></p><p>...მარიო გომესი კი მხოლოდ მეორედ გახდა ტურის საუკეთესო ფეხბურთელი. ამჯერად იმიტომ, რომ „ლევერკუზენთან“ სუფთა ჰეთ-თრიკი შეასრულა. „ბაიერნის“ ფორმით სუფთა ჰეთ-თრიკი მან პირველად გააკეთა, ზოგადად კი, ბუნდესლიგაში, ერთ შეხვედრაში სამი გოლის გატანა მეშვიდედ მოახერხა.</p><p><strong>საუკეთესო ფეხბურთელები</strong></p><p>30 ტურის შემდეგ, „კიკერის“ შეფასებების მიხედვით</p><p>ფეხბურთელი კლუბი საშუალო შეფასება</p><p>1. მატს ჰუმელსი ბორუსია (დ) 2.57</p><p>2. შინჯი კაგავა ბორუსია (დ) 2.64</p><p>3. ნური შაჰინი ბორუსია (დ) 2.64</p><p>4. მარიო გიოტცე ბორუსია (დ) 2.65</p><p>5. სვენ ბენდერი ბორუსია (დ) 2.67</p><p>6. მანუელ ნოიერი შალკე 2.72</p><p>7. რომან ვაიდენფელერი ბორუსია (დ) 2.72</p><p>8. ოლივერ ბაუმანი ფრაიბურგი 2.79</p><p>9. ფილიპ ვოლშაიდი ნიურნბერგი 2.87</p><p>10. ტომ შტარკე ჰოფენჰაიმი 2.88</p><p><strong>გოლს პლუს პასის რეიტინგი</strong></p><p>ფეხბურთელი კლუბი თამაში გოლი პასი ქულა</p><p>1. მარიო გომესი ბაიერნი 28 22 3 25</p><p>2. პაპის დემბა სისე ფრაიბურგი 28 20 1 21</p><p>3. თომას მიულერი ბაიერნი 30 10 11 21</p><p>4. მარიო გიოტცე ბორუსია (დ) 29 6 14 20</p><p>5. ფრანკ რიბერი ბაიერნი 22 5 15 20</p><p>6. დიდიე ია კონანი ჰანოვერი 25 13 7 20</p><p>7. ლუკას ბარიოსი ბორუსია (დ) 28 13 6 19</p><p>8. თეოფანის გეკასი აინტრახტი 30 16 3 19</p><p>9. მილოვოე ნოვაკოვიჩი კიოლნი 24 14 4 18</p><p>10. მლადენ პეტრიჩი ჰამბურგი 21 11 7 18</p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია