<p>საქართველოს 7-კაცა რაგბის ნაკრები დღეს საფრანგეთში გაემგზავრა, სადაც 5-დღიან შეკრებას გაივლის და რაგბი ევროპის გრან პრის მეორე ეტაპს ითამაშებს.</p><p>ჩვენმა გუნდმა პირველ ეტაპზე 19-20 მაისს, მოსკოვში ითამაშა და მხოლოდ ბოლო, მეხუთე თამაში მოიგო, რის შემდეგაც მე-11 ადგილი დაიკავა. მას შემდეგ 7-კაცა საქართველოში ემზადებოდა და მარტყოფის ბაზაზე 1-კვირიანი შეკრებაც გაიარა.</p><p>დღეს 14-კაციანი შემადგენლობა საფრანგეთში გაემგზავრა და ორლეანში 5-დღიანი შეკრება ექნება, რის შემდეგაც პარიზის მახლობლად, მარკუსიში, "ლე ბლეს" (საფრანგეთის ეროვნული ნაკრები) ბაზაზე ჩავა და 30 ივნისსა და 1-ელ ივლისს გრან პრის მეორე ეტაპზე ითამაშებს.</p><p>პირველ დღეს ჯგუფური ეტაპის შეხვედრებია და საქართველო B ჯგუფში გერმანიის, რუსეთისა და პორტუგალიის ნაკრებების წინააღმდეგ ითამაშებს, 1-ელ ივლისს კი პლეი-ოფებია.</p><p><img src="/media/images/new_photo/2018/JUN16-30/07/sastavii.jpg" border="0" alt="Sportall.Ge" title="საქართველოს 7-კაცა რაგბის ნაკრები საფრანგეთში გაემგზავრა" width="792" /></p><p>მარკუსის ეტაპის დასრულების შემდეგ გუნდი საფრანგეთში დარჩება და ორლეანში განაგრძობს მზადებას, საიდანაც ინგლისში გადაინაცვლებს და 7-8 ივლისს მესამე, ექსეთერის ეტაპს ითამაშებს.</p><p>ევროპის გრან პრი ოთხ ეტაპად ტარდება და ბოლო ეტაპს 8-9 სექტემბერს პოლონეთი, ლოძი უმასპინძლებს.</p><p><span style="color: #3366ff;"><strong>საფრანგეთში ახალგაზრდებთან ერთად</strong></span></p><p>მოსკოვის ეტაპის შემდეგ გუნდის მთავარმა მწვრთნელმა <strong>ზაზა ლეჟავამ</strong> ფრანგულ შეკრებაზე გადახალისებული შემადგენლობა წაიყვანა. მსოფლიო რაგბის 20-წლამდელთა ჩემპიონატის დასრულების შემდეგ გუნდს "უმცროსი ბორჯღალოსნებიდან" <strong>ლაშა ლომიძე</strong> და <strong>ოთარ ძაგნიძე</strong> დაემატნენ, ასევე, <strong>თენგიზ პერანიძე</strong>, რომელიც 20-წლამდელთა გაფართოებულ შემადგენლობაში იყო და <strong>რეზი ხარაზიშვილი</strong>, რომელმაც 20-წლამდელთა რეზერვის შემადგენლობაში ინგლისის საგრაფოების 20-წლამდელთა ნაკრების წინააღმდეგ ითამაშა.</p><p>"აქცენტი მომავალზე კეთდება და შანსს ახალგაზრდებს ვაძლევთ. ჩვენი მიზანია, რომ ეროვნულ ნაკრებს გავუზარდოთ მაღალი დონის უკანახაზელები, რაშიც მოთამაშეებს 7-კაცაში მიღებული გამოცდილება დაეხმარებათ და ასევე, ჩამოვაყალიბოთ ძლიერი გუნდი, რომელიც მომდევნო წლებში სტაბილურად ითამაშებს" - ამბობს ლეჟავა.</p><p><img src="/media/images/new_photo/2018/JUN16-30/07/eqseteri.jpg" border="0" alt="Sportall.Ge" title="საქართველოს 7-კაცა რაგბის ნაკრები საფრანგეთში გაემგზავრა" width="792" /></p><p>მოსკოვის ეტაპზე არ უთამაშიათ და საფრანგეთში გაემგზავრნენ <strong>გიორგი ჭუაძე</strong>, <strong>ირაკლი სვანიძე</strong>, <strong>აკაკი ტაბუცაძე</strong> და <strong>იოანე ხელაია</strong>. გაფართოებულ სიაშია "ბორჯღალოსანი" <strong>სოსო მათიაშვილი</strong>, რომელიც ეროვნულში სწორედ 7-კაცადან დაწინაურდა. ის 1 კვირა დაისვენებს, 7-კაცას 2 ივლისს შეუერთდება და მასთან ერთად მომდევნო, ექსეთერის ეტაპისთვის მოემზადება.</p><p>ფრანგულ-ინგლისურ ეტაპებზე გაემგზავრნენ:</p><p>ილია სპანდერაშვილი (არმაზი), ზურაბ ძნელაძე (აია), გიორგი ჭუაძე (აკადემია), გიორგი მჭედლიშვილი (ჯიქი), ლაშა ლომიძე (აია), ოთარ ძაგნიძე (აია), თენგიზ პერანიძე (ლელო-სარასენსი), რეზი ხარაზიშვილი (იუნკერები), ირაკლი სვანიძე (ჯიქი), გიორგი გოგოლაძე (კასტანიანი, საფრანგეთი), რამაზ ხარაზიშვილი (ლოკომოტივი), აკაკი ტაბუცაძე (ლელო-სარასენსი), იოანე ხელაია (აკადემია), თორნიკე მანაგაძე (აია), სოსო მათიაშვილი (აკადემია).</p><p><strong></p><p>მომზადებულია Rugby.ge-ს მიხედვით</strong><br></p>
გუჯა კახაძე
წარმატებები!
"შავი ლომი" | 30 მორაგბით იტალიაში
დემეტრე დევდარიანი - „მჯერა, ამ გუნდით ყველაფრის მიღწევა შეგვიძლია“
თორნიკე გოგებაშვილმა თანამდებობა დატოვა
"ხელმძღვანელობა ნდობას უცხადებს" - "იუნაიტედი" უახლოეს პერიოდში ამორიმს არ დაითხოვს
"ბეშიქთაშმა" სულშერი გაათავისუფლა
"ნიუკასლმა" ვოლტემადე 90 მილიონად შეიძინა - ისაკს გზა გაეხსნა?
იანისის ლიდერობით - საბერძნეთმა იტალია დაძაბულ ბრძოლაში დაამარცხა
"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია
[VIDEO] არიის - საქართველოს ნაკრებმა ევროპის მოქმედი ჩემპიონი 14 ქულით დაამარცხა!
ჯეიმი ვარდი კარიერას სერია A-ში გააგრძელებს
[VIDEO] ოგბაიძის გოლი და საგოლე პასი "ცვიკაუსთან"
[VIDEO] მესის მორიგი გაბრწყინება და ინტერ მაიამი ლიგის თასის ფინალშია
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
"ჩემპიონთა ლიგიდან გამოვარდნა? სამაგიეროდ, ევროპალიგის მოგებისთვის ვიბრძოლებთ" - ჟოზემ მოურინიო
ევროპაში ამიტომ არ გაუშვეს? - სპერციანს მოულოდნელი მსურველი გამოუჩნდა
"ნაპოლიში" კვარაცხელიას ეს ფენომენი შეცვლის" - ანტონიო კასანო
ოფიციალურად: როჯერ ფედერერი მილიარდერი გახდა
"ვილიარეალი" 30 მილიონს იხდის, მაგრამ ბოლოს შესაძლოა, პრემიერლიგაში აღმოჩნდეს" - რას წერს ცნობილი ფრანგული გამოცემა მიქაუტაძეზე
[VIDEO] უდიდესი სენსაცია - "მანჩესტერ იუნაიტედმა" მეოთხე დივიზიონის გუნდთან წააგო
ჩემპიონთა ლიგა სრულად დაკომპლექტდა
უკრაინელი თავდამსხმელი "ვილიარეალში" არ გადავა, რომელიც მიქაუტაძის შეძენას ცდილობს
"ყარაბაღი" მეორედ იასპარეზებს ჩემპიონთა ლიგაზე
პსჟ გამოცდილი მცველის გასხვისებას აპირებს