- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბოლო წუთის მ(ს)აჯისცემა
<p>"კოლხეთი"-"ტორპედოს" მატჩის ბოლო წუთებზე მსაჯების გადაწყვეტილებებს ორივე გუნდის ფეხბურთელებისა და გულშემატკივრების უკმაყოფილება მოჰყვა <br> თავიდანვე გეტყვით, რომ სათაურმა შეცდომაში არ შეგიყვანოთ - შაბათს, "ფაზისზე" მსაჯები არ უცემიათ, თუმცა ბევრიც არაფერი დაუკლიათ და ცემის დიდი შანსიც იყო. უბრალოდ, გიორგი ვადაჭკორია გასახდელამდე მშვიდობით მიღწევას, არც მეტი, არც ნაკლები... ლაინსმენ ირაკლი უკლებას უნდა უმადლოდეს.</p><p>სამაგიეროდ, დიდი იყო ბოლო წუთის მაჯისცემა: თემიდის მსახურები ერთ წუთში ორჯერ მოექცნენ აღშფოთებული მობურთალების ალყაში, ნამატჩევს კი მათთან საქმეს ორივე გუნდი ერთდროულად "არჩევდა".</p><p>ეს ყველაფერი კი ბოლო დამატებულმა წუთმა "დაიტია": უკვე მეოთხე მსაჯის მიერ ნაჩვენები სამი წუთი იწურებოდა, როცა "კოლხეთმა" შეხვედრაში, ალბათ, ყველაზე მწვავე კონტრშეტევა განახორციელა, რომლის დამაგვირგვინებელ ფაზაში მანუჩარ წიქარიშვილი ის იყო სტუმართა მეკარესა და მცველს უნდა გასცდენოდა და ცარიელ კარში გატანაც არ უნდა გასჭირვებოდა, მაგრამ ფორვარდმა ბურთამდე ვეღარ მიაღწია - მისი საჯარიმოში დაცემა კი არბიტრმა პენალტად არ შეაფასა. ტრიბუნიდან ისე მოჩანდა, რომ მეკარემ წიქარიშვილის წაქცევა ვერ შეძლო, სამაგიეროდ, ეს "კარგად" მცველმა მოახერხა.</p><p>რა თქმა უნდა, კოლხები მსაჯს მისცვივდნენ და პასუხს თხოვდნენ, თუმცა შეხვედრა გრძელდებოდა და უარესიც მოხდა: უკვე მეოთხე (!) დამატებული წუთიც ამოწურული იყო, როცა ქუთათურებმა გოლი გაიტანეს: დაახლოებით ათიოდ მეტრიდან შეცვლაზე შესული თარხნიშვილის თავურმა დარტყმამ კოლხ მცველებსა და მეკარეს ზემოდან გადაუარა და ბადეში გაეხვია. ვადაჭკორია უკლებამ სწორედ მაშინ "გადაარჩინა" - მეტად საჩოთირო და ჩვენგან ისე ჩანდა, არარსებული თამაშგარე დააფიქსირა, რითაც არბიტრზე "დარტყმა" თავის თავზეც "გადაინაწილა".</p><p>როგორც კი არბიტრმა საფინალო სასტვენი მისცა, ორივე გუნდის მობურთალები მსაჯებს მიცვივდნენ - ფოთელები ვადაჭკორიას, ქუთათურები - ლაინსმენ უკლებას.</p><p>"დაგედო პენალტი და ასეთ სისულელეებს აღარ გააკეთებდი"; "პენალტი არ დადე, მაგრამ დაამთავრე ბარემ თამაში, დრო ამოწურულია და რას იგონებ?", "საიდან მოიფიქრე თამაშგარე, ლამის ხაზზე იდგნენ მეკარე და მცველები"; "არდანიშნული პენალტის გამოსწორება გოლის არჩათვლაა?" - ალბათ, იოლად მიხვდებით რომელ მხარეს ეკუთვნის კონკრეტული ფრაზები, რომლებსაც, რა თქმა უნდა, უწმაწური სიტყვების კორიანტელი მოვაშორეთ. მხარეები ერთ რამეზე შეთანხმდნენ: ბოლო წუთზე მსაჯებმა ორი უხეში შეცდომა დაუშვეს - ორივე გუნდი რომ უკმაყოფილო გეყოლება, მაგას მსაჯობა არ ჰქვიაო...</p><p>არადა, მატჩის 92 წუთი ისე მიიწურა, არც მსაჯობის მიმართ ჰქონდა ვინმეს სასაყვედურო და მობურთალებმაც საინტერესო ფეხბურთი შესთავაზეს გულშემატკივრებს. აშკარა იყო, ქუთათრებმა ერთ-ერთი საუკეთესო შეხვედრა ჩაატარეს და მოგების გაცილებით მეტი შანსი ჰქონდათ, თუმცა დამაგვირგვინებელ ფაზაში სცოდავდნენ, ან კოლხი მცველები თამაშობდნენ საიმედოდ. ცალკე აღნიშვნის ღირსია ლაშა ძაგანიას თამაში - მასპინძელთა მეკარე შეხვედრაში უდავოდ საუკეთესო გახლდათ.</p><p>უკვე მეათე წუთზე, დოლიძის ჩაწოდებულს ახლო მანძილიდან თავი კვარაცხელიამ დაუხვედრა და ძაგანიამაც პირველად მაშინ ითამაშა საიმედოდ. ტაიმის შუაში კი იმავე დოლიძეს ახლოდან გატანა მართებდა, მაგრამ მახვილი კუთხიდან კარის ბადეს გარედან მოარტყა. იქვე ქუთათურთა ახალწვეულმა ფლანგიდან სახიფათო გადაცემა გააკეთა, ბურთი მასპინძელი მცველებისგან კარში მიდიოდა და "კოლხეთი" მეკარემ გადაარჩინა.</p><p>რა თქმა უნდა, ამ დროს ფოთელები მხოლოდ დაცვაზე არ ფიქრობდნენ, თავიდან გადაცემების სიზუსტეში კი მოიკოჭლებდნენ, მაგრამ სოსო ფილიას შეგირდებმა თანდათან თამაში დაალაგეს და ლამის პირველი ხეირიანი შეტევა გოლით დაასრულეს - 41-ე წუთზე, ქუთათურებს კი ეგონათ, ბურთი მოედნიდან გავიდა, მაგრამ კვერენჩხილაძემ მისი თამაშში დატოვება შეძლო, ზამირ ჯანაშიამ კი მდივნიშვილს გოლით უპასა, 1:0.</p><p>ქუთათურებს გასათანაბრებლად დიდი დრო არ დასჭრვებიათ - ძაგანიამ ახლოდან დარტყმული სასწაულებრივ კი უკუაგდო, მაგრამ მცველები ვეღარ მიეშველნენ და რეზო გოცირიძეს გატანა არ გასჭირვებია, 1:1.</p><p>მალევე ქუთათურები პენალტს ითხოვდნენ, შემდეგ კი რამდენჯერმე დასჭირდა ოსტატობის ჩვენება ძაგანიას, იმაზე აღარაფერს ვამბობთ, რომ სველი ბურთი ერთხელაც არ გავარდნია ხელიდან. კოლხთაგან კი კვერენჩხილაძის ფლანგური შეტევის გამორჩევა შეიძლება.</p><p>ბოლოს კი იყო ის ორი ეპიზოდი, რასაც მსაჯებზე გაწევა და სიტყვიერი შეურაცხყოფების კორიანტელი მოჰყვა. ვადაჭკორია და კომპანია პოლიციამ და სტადიონის უსაფრთხოების სამსახურმა გაიყვანეს სამშვიდობოს. გასახდელთან ახლოს თავმოყრილი ქომაგების შეკავება კი პოლიციის კორდონმა მოახერხა.</p><p><strong>მატჩის შემდეგ:</strong></p><p>გიორგი გიგატაძე ("ტორპედო"): "კარგი თამაში იყო, კმაყოფილი ვარ, თუმცა, შედეგით უკმაყოფილო ვარ. ასევე იქნება "კოლხეთიც". ჩვენ ბევრი მომენტი გვქონდა, დამაგვირგვინებელ ფაზაში ვცოდავდით. ცუდი იყო მინდვრის საფარიც. რაც შეეხება მსაჯობას, ეს შესაბამისი სამსახურების საქმეა."</p><p>სოსო ფილია: "მსაჯებზე არც მე ვილაპარაკებ. ჩვენ მოგება გვჭირდებოდა და ამისთვის ყველაფერი გავიღეთ. მეტოქე შესწავლილიც გვყავდა, თუმცა სამწუხაროდ, მოგება ვერ მოვახერხეთ. არადა, 3 ქულა მნიშვნელოვანი იყო. გია გიგატაძე ჩემი ყოფილი შეგირდია და წარმატებებს ვუსურვებ."</p><p>23.04.2011 ფოთი. ფაზისი. 1000 მაყურებელი</p><p><em><strong>კოლხეთი-ტორპედო 1:1</strong></em></p><p>1:0 მდივნიშვილი (41. ჯანაშიას პასით), 1:1 გოცირიძე (54).</p><p>კოლხეთი ტორპედო</p><p>4-1-3-1-1 4-4-2</p><p>ძაგანია მიგინეიშვილი</p><p>ცხვიტარია ფოფხაძე</p><p>მახვილაძე თოდუა</p><p>ინწკირველი ფარულავა</p><p>გავაშელიშვილი ჩიკვილაძე</p><p>გოგონაია გ. დოლიძე</p><p>ზ. ჯანაშია დიღმელაშვილი</p><p>გვალია გ. დათუნაიშვილი</p><p>სიჭინავა სეთურიძე</p><p>კვერენჩხილაძე რ. გოცირიძე</p><p>მდივნიშვილი ვ. კვარაცხელია</p><p>მწვრთნელი მწვრთნელი</p><p>ს. ფილია გ. გიგატაძე</p><p>კოლხეთი</p><p>53. ჯანაშია-წიქარიშვილი</p><p>65. სიჭინავა-გულუა</p><p>90. მდივნიშვილი-გელაჭეიშვილი</p><p>სათადარიგოები: ლობჟანიძე, მოისწრაფეშვილი, გეგელია, ლემონჯავა</p><p>ტორპედო</p><p>70. დოლიძე-თარხნიშვილი</p><p>85. კვარაცხელია-ლ. ქებაძე</p><p>სათადარიგოები: ქვილითაია, გიგაური, მაჭავარიანი, ბაკურაძე, გუგუჩია</p><p>არბიტრი: გ. ვადაჭკორია (თბილისი)</p><p><strong></p><p>მამუკა ქანთარია</p><p>ფოთიდან</strong></p>
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ