<p>ევროპა ლიგის პლეი-ოფის პირველ მატჩში "ტორპედო" "ლუდოგორეცთან" 0:1 დამარცხდა.</p><p>"მიხეილ მესხის სტადიონზე" მისულმა ხალხმა არცთუ ისე თვალსასეირო მატჩი იხილა, თუმცა "ტორპედოს" გულშემატკივრობა არ მოჰკლებია და არც ხალხი გაქცეულა პირველი გოლის შემდეგ.</p><p>გთავაზობთ "ტორპედოს" ფეხბურთელების 10-ბალიან შეფასებებს:</p><p><strong>როინ კვასხვაძე</strong> 7.0 - "მეტი გოლის გატანაც შეგვეძლო, თუმცა როინ კვასხვაძემ არ მოგვცა ამის საშუალება და მინდა მისი თამაში გამოვარჩიო" - ეს ჩემი სიტყვები არ არის, ეს "ლუდოგორეცის" თავკაცის, პაულო აუტუორის კომენტარია. საქართველოს ნაკრების მეკარემ შესანიშნავი მატჩი ჩაატარა, ძალიან მნიშვნელოვანი "სეივები" გააკეთა (6) და გუნდი უფრო დიდი ანგარიშით მარცხისგან იხსნა.</p><p><strong>ლევან გეგეჭკორი</strong> 5.0 - "ლუდოგორეცის" ფეხბურთელები მარჯვენა ფლანგს არ ტვირთავდნენ და იყო მომენტები, რომ გეგეჭკორს შეტევებში ჩართვის დროს მეტი თავისუფლება ეძლეოდა. თუმცა მის მიერ წამოწყებული შეტევები გაურკვეველი მიმართულებით გადაცემული ბურთით სრულდებოდა და შედეგი არ მოჰქონდა. დაცვაშიც ბევრი საქმე <span style="font-size: 12.16px;">არ ჰქონია</span>, ბულგარელები ძირითადად საპირისპირო ფლანგს იყენებდნენ.</p><p><strong>მამუკა კობახიძე</strong> 5.5 - კობახიძე შეხვედრის პირველ ნახევარში კარგი იყო და საკუთარ ტერიტორიაზე საკმაოდ ნაყოფიერად იცავდა საჯარიმოს. თუმცა მეორე ტაიმში დაღლა დაეტყო და რიგ მომენტებში შეცდომებსაც მოუმატა, თუნდაც 69-ე წუთზე, როდესაც სისინიო გაექცა და კვასხვაძემ გუნდი მეორე გოლისგან იხსნა.</p><p><strong>ალექსანდრ აზაცკი</strong> 4.5 - გოლის მომენტში თითქოს აზაცკიმ გვიან დაიწყო ფიქრი და მერე აღარც იცოდა, რა გაეკეთებინა, უაზროდ წაიფორთხიალა. არადა, ცენტრალურ მცველს გაცილებით მეტი მართებდა იმ მომენტში და მოწოდების სიმაღლეზე მყოფი ფეხბურთელი, მინიმუმ, ვანდერსონს სივრცეს არ მისცემდა. სხვა შემტევებშიც აზაცკი სარგებლის მომტანი არ იყო, ბევრჯერ შეცდა და მისი შეცდომის გამოსწორება კობახიძეს მოუწია.</p><p><strong>ლაზარ მარინი</strong> 4.0 - ბულგარელმა, გაშვებული გოლის მომენტის გარდა, არაერთ მომენტში დაკარგა პოზიცია და იმერელთა შემადგენლობაში ყველაზე სუსტად გამოიყურებოდა. ამ შეხვედრაში მისი მარგი ქმედების კოეფიციენტი კატასტროფულად დაბალი იყო და მის ფლანგზე იგივე ვანდერსონი რასაც უნდოდა, იმას აკეთებდა. მარინის ცუდი თამაშით გამოწვეული იყო ისიც, რომ მეტოქემ მაქსიმალურად დატვირთა მისი ფლანგი.</p><p><strong>მარეკ გლინგა</strong> 6.5 - აი, ქუთაისის "ტორპედომ" ორი სხვადასხვა ტაიმი ჩაატარა, როცა დარბოდნენ და როცა დაღლილები დარბოდნენ. ეს ფაქტორი სლოვაკ ფეხბურთელსაც შეეტყო. ის მცველებს სათანადოდ ვერ აზღვევდა. სამაგიეროდ, ნაყოფიერი იყო შეტევების წამოწყებისას. მან რამდენიმე მნიშვნელოვანი და ლამაზი პასი გააკეთა.</p><p><strong>მათე ცინცაძე</strong> 5.0 - გოლის მომენტში ცინცაძეც <span style="font-size: 12.16px;">შეცდა</span>, რადგან საგოლე გადაცემის ავტორმა მარსელინიომ ისე ჩაუქროლა, არც კი გაუგია და რომ შეამჩნია, უკვე ვანდერსონს ჰქონდა ბურთი. ცინცაძეს შეუძლია გუნდის "ტვინი" გახდეს, მაგრამ როგორც ფიზიკური - ასევე სათამაშო თვალსაზრისით ამისგან შორსაა.</p><p><strong>გრიგოლ დოლიძე</strong> 6.0 - შეხვედრის ბოლოს ერთი კურიოზული ფაქტი მოხდა, დოპინგტესტზე გრიგოლ დოლიძე და თენგიზ წიქარიძე გაიყვანეს. გრიგოლ დოლიძე 35 წლისაა. მისგან მეორე ტაიმში დაღლა და ნაკლებად აქტიურობა მოსალოდნელი იყო. დოლიძეს რა უნდა უთხრა, როცა მასზე გაცილებით ახალგაზრდა ფეხბურთელები უფრო ადრე დაიღალნენ. თუ შედარებაზე გვექნება საქმე, დოლიძე შეტევაში ყველაზე კარგი იყო. იყო მომენტები, როცა კარგი პასის გაცემის საშუალებაც ჰქონდა, თუმცა დააგვიანა.</p><p>P.S მან შეუცვლელად ითამაშა.</p><p><strong>გიორგი კუხიანიძე</strong> 5.5 - კუხიანიძე სადღაც დაკარგული იყო, მეტოქის მცველებთან და საყრდენებთან ორთაბრძოლაში ის გამარჯვებული ნაკლებად გამოდიოდა. არადა, გვახსოვს მისი "კუკეშთან" მატჩი, მაგრამ "ლუდოგორეცთან" მას მეტოქე მაქსიმალურად კეტავდა.</p><p><strong>გიორგი ქიმაძე</strong> 5.0 - ქუთაისელთა ვინგერმა ამ საკვალიფიკაციო ეტაპზე ერთ-ერთი ყველაზე ცუდი მატჩი ჩაატარა. მის იმედად მყოფი გულშემატკივარი ამჯერად ვეღარ გაახარა და მისი ქმედებები არ იყო შედეგიანი. საბოლოოდ ჩხეტიანმა ის პირველი შეცვალა.</p><p><strong>მილოშ ლაჩნი</strong> 5.5 - დასაფასებელია ის, რომ მუდმივად ბრძოლაში იყო ჩართული, თუმცა, როდესაც საჭირო იყო და ფლანგიდან ჩაწოდება ხდებოდა, ხშირად მის პოზიციაზე არ იმყოფებოდა და ბურთიც უმისამართოდ იკარგებოდა. კლუბში ლაჩნისგან გაცილებით მეტს უნდა მოითხოვდნენ, რადგან ის რიგ მომენტებში შეტევების შემაფერხებელი ფაქტორია.</p><p><p><div style="text-align: center;"><strong><span style="color: #3366ff;">ცვლილებები</span></strong></div></p> <strong>თორნიკე კაპანაძე</strong> - სასაცილო იყო ის, რომ კაპანაძეს მასზე გაცილებით მაღალ მცველებთან ბურთს ფლანგიდან უწოდებდნენ და რა თქმა უნდა, ორთაბრძოლებში მარცხდებოდა. არადა, კაპანაძეს სულ სხვა სახის პასები ესაჭიროებოდა, თუმცა ამაზე არავინ ფიქრობდა.</p><p><strong>არფანგ დაფე</strong> - სენეგალელმა ლეგიონერმა ქუთაისელთა შეტევები უფრო გამოაცოცხლა და რამდენიმე ლამაზი ფინტიც შემოგვთავაზა. ალბათ, უკეთესი იქნებოდა, შედარებით ადრე ჩაერთოთ შეხვედრაში და მეტი დრო მისცემოდა.</p><p><strong>ლევან კუტალია</strong> - კუტალიას მცირე დრო ჰქონდა რაიმეს შესაქმნელად. რამდენჯერმე შეეცადა, თუმცა განსაკუთრებული არაფერი არ მოჰყოლია.</p><p><strong>კახა ჩხეტიანი</strong> 5.5 - "ტორპედომ" რომ შეხვედრის დასაწყისიდანავე ინიციატივა საკუთარ ხელში აიღო, ეს კარგი იყო და გულშემატკივარიც კმაყოფილი დარჩა, თუმცა, როდესაც ფეხბურთელები შეტევაში გადადიოდნენ, მრჩებოდა შთაბეჭდილება, რომ არ იცოდნენ, რა უნდა გაეკეთებინათ. ქუთაისელთა შეტევების დასასრული ასეთი იყო - ჩაწოდება საჯარიმოში და იქ დაკარგული ბურთი. ეს ყველაფერი რომ შესამჩნევი გახდა, ჩხეტიანს მართებდა ალტერნატიული შეტევის გზების მოფიქრება, თუმცა თამაშის დასასრულამდე მსგავსი რამ არ გვინახავს.</p><p><p><p><p><br></p>
კოტე
ორი დღის წინანდელ სტატიებს დღევანდელად რატომ ასაღებთ :))) მადლობა გამოქვეყნებისთვის :)
ave
არ დაიგალეტ? ერტიდაიგივე სტატია მერამდენედ უნდა დადოტ?
Sos
გუნდი აქამდე მივიდა დახმარება უნდა , კონტროლი მაგრა შეგვიძლია საქმის კეთება არავის. იმათ რაც შეუძლიათ აკეთებენ, არ შეიძლება ყველას აჯობო მითუმეტეს ქართულმა კლუბმა. . ეს ბარჩევები შიგა ჩემპიონატში გააკეთეთ თუ ვინმეს გული შეგტკივათ, ახლა გვერდზე დგომა უნდა ტორპედოს და უნდა გრძნობდნენ რომ მარტო არ არიან.. ჯერ ბალესჩიკობა ვისწავლოთ რაც ჩვენ გვევალება ისინი თამაშს ისწავლიან...
babu
ქართული ფეხბურთი რა დღეშიცაა იქიდან გამომდინარე ტორპედო თუ ჯგუფურ ეტაპზე გავიდა ეს იქნება სასწაული.....და სასწაული როცა ხდება თვალები უნდა დახუჭო და არა პირიქით
ჰაჰა-s
რატო წვალობ, ჩვენც ვიცით რო არა მარტო ტორპედო მთლიანად საფეხბურთო საქართველოა ყელამდე ნაგავში, მაგათი მინუსების ჩამოსათვლელად ორივე ხელის ტითები არ გეყოფა.
სოსო
მეკარეს უფრო მაღალ ქულას დავუწერდი.რაც შეეხება მატჩის ანალიზს,ამ პორტალზე და ლელოში დაბეჭდილ ანალიზებზე გაცილებით მოკლე,მაგრამ გაცილებით სრულყოფილი ანალიზი აქვს "ჰაჰას".ერთადერთი,რაც ჰაჰამ ცალკე არ გამოჰყო,მაგრამ ჩემი აზრით გამოსაყოფი იყო ის არის,რომ რამდენჯერმე,როცა კონტრშეტევის შანსი მოგვეცა,ჩვენი შემტევები არასწორად იშლებოდნენ და ერთმანეთს ხელს უშლიდნენ.ეს ელემენტარული რაღაცეები მათ უკვე სკოლაში უნდა სცოდნოდათ
კოტე
ვერაფერს თუ ვერ გააკეთებ, ისედაც წააგებ თამაშს, რა მნიშვნელობა აქვს, მეორე ნომრად გეთამაშება თუ პირველად ))
gia
კახა ჩხეტიანი 5.5 --- სასაცილოა. 1.5 უნდა დაუწეროთ ამას გუნდს საერთოდ არ ეტყობა მწვრთნელის ხელი. სტრატეგიას ვერ საზღვრავს და ვარჯიშებზეც არ გავს დალაგებულ კომბინაციებს გუნდი რასაც აკეთებს
ჰაჰა
რამდენიმე შენიშვნა: ტორპედომ კი არ შეუტია თავიდან, იმათმა დათმეს ცენტრი. 2) გუნდმა არ იცოდა როგორ შეეტია ანუ როგორც თქვენ იძახით პირველ ნომრად (რა უბედურებაა, ამ ტერმინს სადმე ხმარობენ?) თამაში არ იციან. ამიტომ გადაიღალა ბევრი. 3) ქიმაძემ ყველაზე ცუდად ითამაშა ქულა -3.0, შეიძლება ამით აიხსნას მარინის სუსტი თამაშიც. 4. შეტევაში პასს ვაგვიანებთ, ამიტომაც ჩვენები ხსირად იყვნენ თამაშგარეში. პლიუს ვერ ხვდებოდნენ, რომ თამაშგარეში იყვნენ და ბრაზდებოდნენ პარტნიორზე. 4) ყველაზე მთავარი ნებისმიერი ქართველის გაჭირვება- ბურთის დამუშავებისას დიდ დროს კარგავენ, ან არასწორად აკეთებენ და ტემპი და სივრცე იკარგება. 5) დოლიძეს უფრო აქტიურად უნდა ეთამაშა, ხოლო შემდეგ უნდა შეეცვალათ კაპანაძით. ლაჩნი უნდა დარჩენილიყო, თუნდაც იმიტომ რომ ძალა ქონდა. 6. დაფე არ ვარგოდა, პირიქით თავისი უტექნიკობით რამდენჯერმე ბურთი აუტში გაუშვა. ამ დროს იმათი მარცხენა ფრთა/დაცვაში სუსტი ან დაღლილი იყო, იქნებ იქ მაინც ვისარგებლოთ ამითი?
babu
მოწინააღმდეგე მეორე ნომრად რომ გეთამაშება და ვერაფერს რომ ვერ გააკეთებ იქ უკვე წააგე თამაში
912
კვასხვაძე ძირითადში ლატვიასთან მაგაზე მაგარ ფორმაში არამგონია სხვა მეკარე იყოს
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი
"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია
ქართველი მსაჯები სომხეთისა და ირლანდიის მატჩს განსჯიან
"ფენერბაჰჩეს" დომენიკო ტედესკო ჩაიბარებს
ნიკოლოზ ბასილაშვილი ჩინური ტურნირის პირველივე წრეში დამარცხდა
ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს
თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ
"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია
"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება
აბურჯანია კარიერას საუდის არაბეთში გააგრძელებს
U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
გიორგი პაპუნაშვილმა და კიდევ ოთხმა ფეხბურთელმა "ტორპედო" დატოვა
მჭედლიძესთან ერთად 2 ფეხბურთელი წავიდა, არის შევსებაც - ქუთაისის "ტორპედოში" სიახლეებია
კახა ჩხეტიანი ეროვნულ ლიგას დაუბრუნდა
როინ კვასხვაძე პასუხობს, თუ რატომ გადაწყვიტა თბილისის "დინამოში" გადასვლა
ქუთაისის "ტორპედომ" ახსნა, თუ რატომ მოხდა ჩხუბი ტრიბუნაზე
როინ კვასხვაძე "დინამოდან" მიდის? - მეკარე გავრცელებულ ინფორმაციას პასუხობს
იმედია, ყველა არ გავარდება - დღეს ქართულ კლუბებს განმეორებითი მატჩები აქვთ
დემჩენკომ ბათუმში სამი ყოფილი შეგირდი მიიყვანა, წამსვლელი ძალიან ბევრია - "დინამოში" დიდი ცვლილებებია
რა გეგმა აქვს შუსტერს? - დღეს 2 ქართული კლუბი ითამაშებს
დღეს სამი ქართული კლუბი ითამაშებს - წაგებით დავიწყეთ...
როინ კვასხვაძის დაბრუნებით ქუთაისის "ტორპედოა" დაინტერესებული
"ტორპედო" "ლუდოგორეცს" ვერ გაუმკლავდა - უკეთესმა გუნდმა გაიმარჯვა [VIDEO]
ოთხიდან ოთხივე გავარდა - რა ვიხილეთ ქართული გუნდებისგან ევროტურნირებზე?
საბრძოლო ანგარიშებით საპასუხო მატჩებში - კონფერენს ლიგის მეორე რაუნდის პირველი შეხვედრების მიმოხილვა
კახა ჩხეტიანმა "ტორპედო" დატოვა
საქართველო მხოლოდ 5 ქვეყანას უსწრებს - UEFA-მ კლუბების შედეგების მიხედვით, ახალი რეიტინგი გამოაქვეყნა
ოფიციალურად - ჩხეტიანი "ტორპედოში" დაბრუნდა
"ტორპედოში" ცვლილებები გრძელდება - გუნდი გამოცდილმა მეკარემ დატოვა
ცნობილი გახდა "ლუდოგორეცისა" და "ტორპედოს" სასტარტო შემადგენლობები
"ტორპედომ" "ლუდოგორეცთან" პირველი ტაიმი 0:2 წააგო
კვასხვაძე, ხარაბაძე და სხვა - წიტაიშვილის დამატების შემდეგ ბათუმის "დინამო" კიდევ ხუთი ფეხბურთელით გაძლიერდა
ქუთაისის "ტორპედო" 20 მაისს ახალ მწვრთნელს წარადგენს
"ტორპედოსთან" პრობლემა არ გვქონია, მეტოქე კლასით ჩამოგვრჩებოდა - აცხადებენ ბულგარელები
sportal.bg: "ტორპედოს" ქომაგებმა "ლუდოგორეცის" ფანებთან ჩხუბი დააპირეს და პოლიციამ ისინი სტადიონიდან გააძევა [VIDEO]