- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სულ ცოტაც და "მილანი" ჩემპიონია
<p>თეორიულად "ინტერს" ჯერ კიდევ შეუძლია ლიდერ "როსონერის" გადასწრება, თუმცა მოვლენათა ასეთი განვითარება წარმოუდგენელად მოსჩანს <br> სერია A-ს მიმდინარე სეზონის დასრულებამდე ოთხი ტურია დარჩენილი, "მილანი" კი უახლოეს მდევარს მთელი რვა ქულით უსწრებს. ნიშნავს თუ არა ეს იმას, რომ "როსონერი" უკვე ჩემპიონია"? - არ ნიშნავს, რადგან თეორიულად "ინტერს" ჯერ კიდევ შეუძლია ლიდერის გადასწრება, თუმცა პრაქტიკული თვალსაზრისით, მოვლენათა ასეთი განვითარება წარმოუდგენელად მოსჩანს.</p><p>ანუ, ლეონარდოს გუნდმა დარჩენილი ოთხივე შეხვედრა უნდა მოიგოს, "მილანი" კი სამჯერ დამარცხდეს, მაშინ, როდესაც აქამდე ჩატარებული 33 შეხვედრიდან მხოლოდ ოთხი წაგება იგემა. მოკლედ, პრაქტიკულად გადაწყვეტილი ამბავია, რომ სკუდეტოს მასიმილიანო ალეგრის გუნდი დაეუფლება, საკითხავი მხოლოდ ისაა, როდის? - შესაძლოა, "მილანის" პირველობა უკვე მომდევნო ტურში გაფორმდეს, ეს იმ შემთხვევაში მოხდება თუ "ნერაძური" "ჩეზენასთან" დაკარგავს ქულებს, "მილანი" კი "ბოლონიას" მოუგებს. ასე რომ, შემდეგი ტური შესაძლოა საჩემპიონოც კი გამოდგეს - თუმცა, შემდეგზე სხვა დროს ვისაუბროთ, დღეს კი განვლილ უქმეებზე დატრიალებული ამბები გავიხსენოთ.</p><p>ყველა შეხვედრა შაბათს გაიმართა, თუმცა ყველაზე ადრე მოედანზე "რომას" და "კიევოს" ფეხბურთელები გავიდნენ. შეიძლებოდა ამ შეხვედრისთვის არც კი მიგვექცია ყურადღება, მაგრამ ჩემპიონთა ლიგის საგზურისთვის მებრძოლ გუნდთა მარცხებმა "ჯალოროსის" გამარჯვებას ფასი დაადო. "კიევოს" მინიმალური ანგარიშით დამარცხება საკმარისი გახდა იმისთვის, რომ ფრანჩესკო ტოტის კვლავაც ჩემპიონთა ლიგის საგზურის მოპოვებაზე ესაუბრა:</p><p>"სიმონე პეროტამ უმნიშვნელოვანესი გოლი გაიტანა და თამამად შემიძლია ვთქვა, რომ ჩემპიონთა ლიგის საგზურისთვის ბრძოლას დავუბრუნდით. "ლაციოსთან" სხვაობა მხოლოდ ოთხი ქულაა, რომლის აღმოფხვრა სავსებით შესაძლებელია. მინდა ვინჩენცო მონტელას გამოვუცხადო მხარდაჭერა, რომელმაც შესანიშნავად წარმართა თამაში და სწორედ მისი დამსახურებაა ის, რომ ოთხეულში მოხვედრის შანსს ვინარჩუნებთ. ჩემი აზრით, მონტელასგან ბრწყინვალე სპეციალისტი დადგება".</p><p>ერთი სიტყვით, "რომას" ბანაკში კარგ ხასიათზე არიან, რასაც "ლაციოს" "ინტერთან" მარცხმა შეუწყო ხელი. ჯუზეპე მეაცას სახელობის სტადიონზე მეტად საინტერესო, დრამატული მატჩი გაიმართა და მასპინძელთა საასარგებლოდ დასრულდა. არადა, ისე დაიწყეს "ლაციალებმა", უკეთესს კაცი ვერ ინატრებდა: პირველი ტაიმის შუაწელს ანგარიში გახსნეს, რასაც წინ ჟულიო სეზარის წითელი ბარათი და მოედნიდან გაძევება უძღვოდა. მაურო სარატემ თერთმეტმეტრიანი დარტყმით გამოიჩინა თავი და ტრიბუნებზე შეკრებილი გულშემატკივრები დაადუმა.</p><p>ქებათა ქება "ინტერის" ფეხბურთელებს, არ გატყდნენ, მოიკრიბეს ძალები და თამაშის დიდი ნაწილი უპირატესობით წარმართეს. ეს გატანილ ორ გოლშიც აისახა და აი ასე, კაცნაკლულმა მილანელებმა უმნიშვნელოვანესი სამი ქულა ჩაიწერეს აქტივში. აქვე ვთქვათ, რომ მე-40 წუთზე ანგარიში ვესლი სნეიდერმა გაათანაბრა, 53-ეზე კი სამუელ ეტოომ გაიბრწყინა და გამარჯჯვების გოლი გამოჭედა. შეხვედრა ნერვულ ვითარებაში წარიმართა და თითქმის ყველა ჯარიმას ფეხბურთელთა კინკლაობა და გაწევ-გამოწევა მოსდევდა. 66-ე წუთზე, არბიტრმა სტეფანო მაურიც გააძევა მოედნიდან და გუნდებმა ათ-ათი კაცით ჩაამთავრეს თამაში.</p><p>სამართლიანობა მოითხოვს აღინიშნოს, რომ ბოლო ოცი წუთი სტუმართა უპირტატესობით წარიმართა და ანგარიშის გაქვითაც არაერთხელ შეეძლოთ, თუმცა დამაგვირგვინებელ ფაზაში იშვიათი უზუსტობა გამოიჩინეს. საბოლოოდ, 2:1 "ინტერის" სასარგებლოდ და ლეონარდოს ისევ სჯერა, რომ სკუდეტო ჯერ არ დაუკარგავს:</p><p>"საოცარი გუნდია "ინტერი", არასდროს ნებდება და "ლაციოსთან" მატჩმა ეს კიდევ ერთხელ გამოაჩინა. ურთულესი მდგომარეობიდან გამოვძვერით და ჰაერივით საჭირო ქულები მოვიპოვეთ. პირადად მე, ჯერ კიდევ მჯერა, რომ სკუდეტოს მოპოვება შესაძლებელია. ზედმეტად ოპტიმისტი ვარ ხომ? - უბრალოდ, ჩემპიონატი ჯერ არ დასრულებულა, ფეხბურთი კი სპორის ისეთი სახეობაა, სადაც არაფერი არაა გამორიცხული. "ინტერი" არასდროს ნებდება, ეს ფრაზა ხავიერ ძანეტიმ თქვა მატჩის წინ და მას, სრულიად ვეთანხმები".</p><p>"ინტერი" კი იმად გადავიდა მეორე ადგილზე, რომ "ნაპოლიმ" სიცილიაში წააგო და საბოლოოდ დაუსვა წერტილი სასკუდეტო ამბიციებს. მას შემდეგ, რაც "პალერმო" კიდევ ერთხელ ჩაიბარა დელიო როსიმ, გუნდი აშკარად გამოცოცხლდა და ნეაპოლელთა წაქცევა ამის კიდევ ერთი დადასტურებაა. კუნძულელთაგან ფედერიკო ბალცარეტი და ჩეზარე ბოვო გამოირჩნენ, სტუმართა რიგებში კი საუკეთესო ედინსონ კავანი გახლდათ და გოლიც მის ანგარიშზეა. "პალერმომ" ამ გამარჯვებით ევროპის ლიგის საგზურის მოპოვების შანსი შეინარჩუნა, "ნაპოლის" კი ისღა დარჩენია, სამეულისთვის იბრძოლოს, რათა ჩემპიონთა ლიგაში საკვალიფიკაციო ეტაპის გარეშე მოხვდეს. სწორედ ამაზე ამახვილებს ყურადღებას გუნდის მთავარი მწვრთნელი, ვალტერ მაძარი:</p><p>"ზედიზედ ორი წაგების შემდეგ, ბედნიერი ვერ ვიქნები, მაგრამ როდესაც მთელ განვლილ გზას ვუყურებ, სიამაყის გრძნობა არ მტოვებს. შესანიშნავი სეზონია, რომელიც ჯერ კიდევ გრძელდება და მოტივაციაც ძალიან დიდი გვაქვს. მართალია, სკუდეტოს მოპოვების შანსი დავკარგეთ, მაგრამ ყველანაირად უნდა ვეცადოთ, რომ ჩემპიონთა ლიგის საგზური ყვერლანაირი პლეიოფის გარეშე მოვიპოვოთ. ამისთვის სამეულში ადგილის შენარჩუნებაა საჭირო, რისთვისაც ბოლომდე ვიბრძოლებთ. მომდევნო ტურში "ჯენოას" ვმასპინძლობთ და აუცილებლად სამი ქულა უნდა ჩავიწეროთ აქტივში".</p><p>არაპროგნოზირებადი გუნდია "უდინეზე", ნეაპოლში ორი წამყვანი ფორვარდის გარეშე ჩავიდა და სამი ქულა მოიპოვა, საკუთარ კედლებში კი "პარმასთან" წააგო - თანაც, ემილიელებთან ალექსის სანჩესმაც ითამაშა და ანტონიო დი ნატალემაც. მართალია, ეს უკანასკნელი მხოლოდ მეორე ტაიმში ჩაერთო შეხვედრაში, მაგრამ ნახევარ საათზე მეტი ჰქონდა გუნდის დასახმარებლად. არაფერი სახეირო ამ საქმისგან არ გამოვიდა, ბოლო დროს გამოცოცხლებულმა კარვალიო ამაურიმ კი ორი გოლი "მიართვა" მეტოქეს და "პარმამ" უმნიშვნელოვანესი სამი ქულა ჩაიწერა აქტივში. რაც შეეხება "უდინეზეს", გუნდმა შესანიშნავი შანსი გაუშვა ხელიდან, რომ ოთხეულში შესულიყო და "ლაციოს" ადგილი დაეკავებინა.</p><p>და ბოლოს, ჩემპიონატის ერთპიროვნულ ლიდერზე ვთქვათ - "მილანი" ატსაიდერთა შორის მყოფ "ბრეშას" ესტუმრა და მეტოქე მინიმალური სხვაობით, 1:0 დაამარცხა. ერთადერთი გატანლი გოლის ავტორი რობინიოა, რომელიც ანტონიო კასანომ შეატოვა მეკარეს პირისპირ და მანაც, აუღელვებლად გაახვია ბურთი მეტოქის კარის ბადე. ეს ყველაფერი 82-ე წუთზე მოხდა, მაშინ, როდესაც "ბრეშა" უფრო აქტიურობდა შეტევაში და თავგანწირვით იბრძოდა სერია A-ში ადგილის შესანარჩუნებლად. რობინიოს გოლმა "მილანი" სკუდეტოსთან, "ბრეშა" კი სერია B-სთან მაქსიმალურად დაახლოვა.</p><p>თ მ ფ წ ბ ქ</p><p>1. მილანი 34 22 8 4 60-23 74</p><p>2. ინტერი 34 20 6 8 60-38 66</p><p>3. ნაპოლი 34 20 5 9 54-34 65</p><p>4. ლაციო 34 18 6 10 46-32 60</p><p>5. უდინეზე 34 18 5 11 59-37 59</p><p>6. რომა 34 16 8 10 52-47 56</p><p>7. იუვენტუსი 34 14 11 9 52-42 53</p><p>8. პალერმო 34 15 5 14 52-55 50</p><p>9. ფიორენტინა 34 11 13 10 40-36 46</p><p>10. ჯენოა 34 12 9 13 38-39 45</p><p>11. კალიარი 34 12 8 14 42-44 44</p><p>12. ბოლონია 34 11 10 13 34-46 40</p><p>13. კიევო 34 9 12 13 32-35 39</p><p>14. პარმა 34 9 11 14 34-45 38</p><p>15. ჩეზენა 34 9 10 15 32-45 37</p><p>16. კატანია 34 9 10 15 33-47 37</p><p>17. სამპდორია 34 8 11 15 27-39 35</p><p>18. ლეჩე 34 9 8 17 40-60 35</p><p>19. ბრეშა 34 7 9 18 28-44 30</p><p>20. ბარი 34 4 9 21 20-49 21</p><p>ბოლონიას დაკლებული აქვს სამი ქულა</p><p>ბომბარდირები: 26 – დი ნატალე (უდინეზე), კავანი (ნაპოლი); 20 - ეტოო (ინტერი); 19 - დი ვაიო (ბოლონია); 18 - მატრი (იუვენტუსი); 14 - იბრაჰიმოვიჩი (მილანი), პატო (მილანი).</p>
"ნაპოლი" მთავარი თავდამსხმელის გარეშე დარჩა
[VIDEO] კონტე წყობიდან გამოვიდა - "ნაპოლის" ამხანაგურ შეხვედრაში ასეთი რამ მოხდა...
კონტეს მადლობა ხვიჩას და შედარება "ახალ კვარად" წოდებულ ნოასთან
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია