ილიას ზუროსი - საქართველოს "მეექვსე მოთამაშე", რომელიც სწრაფად აზროვნებს და თამამ გადაწყვეტილებებს იღებს

ალბათ, ისრაელთან მსოფლიოს ჩემპიონატის მეორე შესარჩევი ეტაპის პირველ მატჩში საქართველოს ნაკრების ყველა გულშემატკივარმა ძალიან ინერვიულა. ასეთ ბრძოლაში მოპოვებული გამარჯვება ათმაგად უფრო სასიხარულოა და ახლა, როდესაც ემოციები დაცხრა, მშვიდად შევეცადოთ, განვიხილოთ გასული შეხვედრა.ამ თამაშში მთელმა გუნდმა სული და გული ჩადო, ყველა ბოლომდე დაიხარჯა. დიდებული იყო თორნიკე შენგელია, დუდა სანაძე, ნაკრების ახალწვეული მეტ ჯენინგი და რა თქმა უნდა, გოგა ბითაძე, რომელმაც კარიერის საუკეთესო მატჩი ჩაატარა. მან დაგვანახა, რომ არ დარჩება პერსპექტიულ კალათბურთელად და დიდი მომავალი აქვს. თავდადებისთვის მადლობას იმსახურებს ჩვენი გუნდის თითოეული წევრი და გვჯერა, კიდევ არაერთხელ გაგვახარებენ.და მაინც, გვგონია, მატჩის საუკეთესო მოთამაშე ჩვენი ნაკრების მწვრთნელი ილიას ზუროსი გახლდათ. დიახ, დიახ, მოთამაშე, რადგან საქართველოს ფეხბურთელთა ნაკრების თავკაცის, ვლადიმირ ვაისისგან განსხვავებით, ის წარმართავს თავისი გუნდის თამაშს, იღებს თამამ და ხანდახან არაორდინარულ გადაწყვეტილებებს; შესაძლოა, ზოგჯერ მცდარსაც, მაგრამ ის სიტუაციიდან გამომდინარე, მუდამ სიახლის ძიებაშია, ფორსმაჟორულ ვითარებაში არ იბნევა, სწრაფად აზროვნებს და სრულიად ადეკვატურად რეაგირებს.ბერძენი სპეციალისტი მთლიანადაა ჩართული თამაშში, ძალიან ტემპერამენტიანია და ამით თავის გუნდსაც ვნებს ხოლმე. ის კარგი მწვრთნელია, სამხრეთელია და საქართველოს ნაკრებს სწორედ ასეთი ხელმძღვანელი ესაჭიროება. უხდება კიდეც. რაღაცნაირად ჩვენებურია.ილიასი ფლობს გუნდის მართვის სადავეებს და რამდენადაც განერვიულებული უნდა იყოს, წონასწორობას ბოლომდე არასოდეს არ კარგავს, როდესაც მაქსიმალურად აღელდება, მომენტალურად დაწყნარდება და ჩადგება მწყობრში.გუშინდელი მატჩი გავიხსენოთ. ისრაელს არ ჰყავდა ე.წ. მძიმე ცენტრი და ასეთ თამაშში გიორგი შერმადინზე უფრო სასარგებლო ბითაძე რომ იქნებოდა, ამას უმალ მიხვდა ზუროსი და შეცვლა გააკეთა, რამეთუ უფრო მოძრავი და სწრაფი გოგა გაცილებით ეფექტური გამოდგა.ამის დასტურია ბითაძის სტატისტიკური მონაცემებიც. ის შეხვედრის ყველაზე სასარგებლო კალათბურთელი გახდა. მისი ეფექტურობის მაჩვენებელი +21-ია, რაც ყველაზე მეტია ორივე გუნდის კალათბურთელებში. გარდა ამისა, ბითაძე აღარ არის ის გამოუცდელი ბიჭი, რომელიც პარკეტზე გამოსვლისას უმალ იღებდა ფოლებს და თითქმის ყოველ მატჩს 5 პერსონალურით ასრულებდა. მან შეძლო იმ ბალანსის პოვნა, რომელიც მის ეფექტურობას და აგრესიულობას ათანაბრებს. ამის ნათელი მაგალითია შეტევაში მოპოვებული 7 მოხსნა (!). არანაკლებ ნაყოფიერი იყო დაცვაშიც, სადაც 2 მოხსნასთან ერთად 4 ბლოკი განახორციელა.<img src="/media/images/new_photo/2018/SEP1-15/06/3-sakartvelo.jpg" border="0" alt="Sportall.Ge" title="ილიას ზუროსი - საქართველოს "მეექვსე მოთამაშე", რომელიც სწრაფად აზროვნებს და თამამ გადაწყვეტილებებს იღებს" width="792" />როდესაც მესამე პერიოდში ვაგებდით და საქმე ცუდად მიგვდიოდა, გუნდის უპირობო ლიდერი შენგელია დაასვენა და მხოლოდ მეოთხე მეოთხედის მიმდინარეობისას შეუშვა პარკეტზე. ამ სვლამაც გაამართლა.იყო მომენტი, როცა სწრაფ თამაშში მოწინააღმდეგემ საქართველოს ნაკრები დაჯაბნა. როცა ისინი თავისუფლად შედიოდნენ ჩვენს სამწამიანში, ამ დროს ზუროსმა გუნდი გადააწყო, საერთოდ, ცენტრის გარეშე ათამაშა. შედეგად, მეტოქემ სისწრაფეში უპირატესობა დაკარგა.პირველი ტაიმი ქართველმა კალათბურთელებმა 12 ქულით მოიგეს და თითქოს, ფორა საკმაო იყო. შესვენების შემდეგ კი ეს ფორა გაზაფხულის თოვლივით გადნა. რატომ? კალათბურთი სპორტის სპეციფიკური სახეობაა, თუ შეიძლება ასე ითქვას, ხშირია "ამპლიტუდური რხევები", ერთი გუნდის გაქცევა, მერე თამაშის შემოტრიალება, თამაშში დაბრუნება და ა.შ. ამაშია სწორედ მისი ხიბლი.ამასთან ერთად, მთავარი ფაქტორი, რამაც საქართველოს ნაკრების მიერ მესამე მეოთხედის ჩაგდება გამოიწვია - არაზუსტი სროლებია.დიაგრამაზე ნათლად ჩანს, რომ ქართველ კალათბურთელებს შეტევებში ცდა არ დაუკლიათ, თუმცა სიზუსტემ აშკარად უმტყუნათ და ასევე, მშვენივრად გაისარჯა სამწამიანში ისრაელის ნაკრები.<img src="/media/images/new_photo/2018/SEP1-15/06/mesame-periodi-34636.jpg" border="0" alt="Sportall.Ge" title="ილიას ზუროსი - საქართველოს "მეექვსე მოთამაშე", რომელიც სწრაფად აზროვნებს და თამამ გადაწყვეტილებებს იღებს" width="792" />თანაც, ისრაელი არაა ხელწამოსაკრავი გუნდი და მით უმეტეს, მასპინძელი გახლდათ. მათმა მწვრთნელმა ოდენ კატაშმა შესვენებაზე შეგირდებს შენგელიას წინააღმდეგ უფრო აგრესიულად თამაში და ჩვენი სნაიპერებისთვის პერიმეტრის გადაკეტვა დაავალა, რაც შესანიშნავად შეასრულეს (ცოტა გაუმართლათ კიდეც, რადგან ჩვენებს იმ მომენტში სროლები არ წაუვიდათ). თორნიკემ პირველი ქულები მესამე მეოთხედში მხოლოდ დასასრულს ჩააგდო. ისრაელმა მთელ პირველ ტაიმში 37 ქულა ჩააგდო, მესამე პერიოდში კი - 31 და წინ გაიჭრა.ჩაგდებული მესამე მეოთხედის შემდეგ, მასპინძლები მეოთხის დასაწყისში 6 ქულით დაწინაურდნენ და აი, ამ დროს არ გატყდა ჩვენი გუნდი ფსიქოლოგიურად, ამ მომენტში გამოამჟღავნა მთელი ოსტატობა და დამსახურებულად გაიმარჯვა.გაიმარჯვა უკეთესმა გუნდმა. გაიმარჯვა გუნდმა, რომელსაც უკეთესი შემსრულებლები და უკეთესი მწვრთნელი ჰყავს.ზუროსმა ნამატჩევს ჩატარებულ პრესკონფერენციაზე განაცხადა, რომ მაგარი თამაში მოიგეს და კიდევ უფრო მაგარი თამაში ელით საბერძნეთთან. მის მშობლიურ საბერძნეთთან. კიდევ ბრძანა, რომ შედეგთან ერთად პერსპექტივაზეც უნდა იზრუნონ და უთუოდ მისცემს თავის გამოჩენის შესაძლებლობას ახალგაზრდებს. აი, ესაა გლობალურად ფიქრი და აზროვნება, ფიქრი ქართული კალათბურთის ხვალინდელ დღეზე.ხვალინდელი დღე კი უკვე აღარ მოჩანს მუქ ფერებში, თუ რა თქმა უნდა, ევროლიგამ ისევ არ შეგვიქმნა ხელოვნურად პრობლემები.

კახა ქირია

ზუროსი რომ უკეთ გრძნობს თამაშს მე მგონი უფრო ნათლად ჩანს.და სერთოდ თუ შევადარებთ ბერძენი უფრო მაღლა დგას ბევრ კომპონენტში.
ზვიადი

სტატიის პათოსს ვეთანხმები და კიდევ, ამ რამდენიმე წლის განმავლობაში რაც ზუროსი ჩვენი ნაკრების მწვრთნელია მხოლოდ ერთხელ იყო შემთხვევა ,როცა საქართველოს ნაკრებმა ისე წააგო თამაში ,რომ თამაშში არ იყო ბოლომდე (სერბეთთან სახლში) ..ამის გაკეთება თითქმის შუძლებელია ჩვენი შესაძლებლობების გათვალისწინებით და ვერ ვიგონებ სხვა მსგავს შემთხვევას უახლესი 20-30 წლის გამავლობაში ვერც კალათბურთის და ვერც სხვა სათამაშო სახეობაში. ეს ამ ბერძენი კაცის დამსახურებაა ნამდვილად.
პეტრე

საკმაოდ კარგი სტატიაა(იშვიათი გამონაკლისი) ობიექტური შეფასებით. ზუროსის ვაისთან შედარებაც ავტორს ზუსტად და მოსწრებულად აქვს გაკეთებული.
sandro

სრულიად ვეთანხმები რომ კალათბურთის ფედერაციაში რაც ხდება, არ იხსნება ახალი დარბაზები , რეგიონებში რამდენი კალათბურთის გუნდია ? არაფერი არ კეთდება , ძველი თაობის იმედზე არიან , სადაც დარბაზები არ არის იქ რა მილიონიან კონტრაქტებზე საუბრობთ. ან ჩვენ გუნდებს შეხედეთ , ევროპაში ჩვენზე დაბალი ჩემპიონატი რომელია. თოკო რომ არ ყოფილიყო საერთოდ ვერაფერს ვერ ვიზამდით . ან ამ ფედერაციაში ერთი და იგივე ხალხი რატომ არის 20 წელი???
გიორგი ჯანიკაშვილი

ზოგიერთი ,,გულშემატკივრის¨კომენტარებს რომ ვკითხულობ'ნოდარ ახალკაცისდროინდელი ფეხბურთის გულშემატკივარი მახსენდება ვაკის პარკიდან-,,ბელადის¨ხელმძღვანელობით დინამოსთვის მომავალი თამაშის ,,სასტავს¨ რომ აყენებდნენ და უგზავნიდნენ ,,ფარსადანოვიჩს¨.ამათი დასკვნებით შერმადინს თამაში არ სცოდნია,ზუროსს დაცვის ზღუდეების დაყენება, და მთლიანად გუნდს-დაცვა.საიდან ამდენი ამბიცია_ უყურეთ კალათბურთს და ისიამოვნეთ.
არისტო

ტრიბუნაზე ჯდომა აი ბესკოვს უყვარდა თუ უყვარდა....
ზვიადი

ძალიან ვაფასებს ჰეიგს მაგრამ ზუროსი უფრო მაგრად მომწონს. თითქოს ქართველია და ნაღდი ქართველივით განიცდიდეს ნაკრების წარმატებას თუ წარუმატებლობას (ისე ქართველს უფრო გავს ვიდრე რობოტ ბერძენს).
Mmm

ზაზა არ ვიცი და ვიკას ისეთი ტრამვა აქ ლამის ვერ დადის კაცი და რა დახმარებაზე ლაპარაკობ? ან ზაზა როგორ დაგვეხმარებოდა როცა აქვე ეპროპაში მყოფი შენგელია და შერმადინი ვერ გვეარებოდა.
ამირანი

მოგება კარგია მარა საქართველოს ნაკრებს დაცვა არ აქვს სულ ისრაელის ნაკრები ისე დასეირნობდნენ საქართველოს კალათის ქვეშ თითქოს მარტო ისრაელი იყო დაცვაში უფრო უშლიდა ერთმანეთს ძაან შეუთამაშებელი გუნდია შერმადინმა როდის უნდა ისწავლოს ბურთის ტარება და თამაში ერთი შენგელიას იმედით ძნელია რამეს მიაღწია ეტყობა ზაზა რომ აკლია ნაკრებს იმედია საბერძნეთთან მაინც იქნება გუნდი შეკრული და დაცვას გამოასწორებს დაცვის გარეშე რამდენი სამქულანიც არუნდ ჩაუგდო ეს მესამე მეოთხედში ისრაელმა კარგი მაგალითი მოგცათ
ლევანი

ყველაფერი კარგი იყო ბრავო ბიჭებს,ბრავო ზუროსს, მარა ჩვენ კალათბურთს აკლია ის ცეცხლი (სისწრსფე) რაც მუდამ თან სდევდა ქართულ კალათბურთს, საკმარისია მეტოქემ სისწრაფეს მოუმატოს მაშინვე წარმატებას აღწევს, სად არიან ახალგაზრდები, რომლებიც ცეცხლს უნდა ანთებდნენ მოედნზე, ვხედავ ცეცხლს მხოლოდ ზუროსი ანთებს და თან ისე ხან და ხან გუნდს, რომ ავნებს ხოლმე (გაიხსენეთ წინა თამაშებში რამდენი ტექნიკური აკიდა გუნდს.) რაც შეეხება ფეხბურთს არ გინდათ კრიტიკა იქ უფრო უკეთესადააა საქმე. ცხონებული ახალკაცი, ლობანოვსკი, თამაშის დროს სულ სკამზე ისხდნენ, ხან და ხან ფარსადანოვიჩი ტრიბუნაზეც კი ჯდებოდა მარა მათი გუნდები ტრიალებდნენ სამაგიეროდ ხანჯლებივით მოედნებზე.
თორნიკე

რატომ ტყუიხარ "გოჩა"?! კალათბურთის ფედერაციაში ძალიან კარგი სიტუაციაა, არავითარი დაპირისპირება არც არასოდეს ყოფილა. გარედან რამდენიმე(სულ ორი-სამი) მოწინააღმდეგე ცდილობს აურიოს, მაგრამ არაფერი გამოუდის, რადგან არავინ აყვათ. რასაც მედიასაშუალებები ცდილობენ გაავრცელონ იქ რეალობა მხოლოდ ის არის, რომ ერთ-ერთი ახალგაზრდის მშობელმა უჩივლა ფედერაციას პროკურატურაში, რადგან მისი შვილი ნაკრებში არ აიყვანეს. მოკლედ შანტაჟი დაიწყო. ეს მთავარ მწვრთნელს რა თქმა უნდა, სასაცილოდ არ ყოფნის. რაც შეეხება "ბასკონია"-სთან კონტრაქტს, ის საუკეთესოა ქართული სპორტის ისტორიაში, რადგან ევროპის ერთ-ერთ უძლიერესი კლუბის სკოლაში საერთაშორისო უმაღლეს დონეზე ამზადებენ ბიჭებს. თანაც, ხელშეკრულება დაზღვეულია საერთაშორისო სადაზღვევო კომპანიაში.
natali

samtredski - "ისრაელზე მოგება ზაზას დროს ოცნეა იყო". აბსოლიტური ტყუილია.ზუსტად ზაზას დროს ანუ ევროპის ბოლო ჩემპიონატში, საქართვგელომ ზაზას კაპიტნობით დაამარცხა ისრაელის ნაკრები იმავე დარბაზში, სადაც გუშინ მოიგეს ჩვენმა ბიჭებმა. samtredski და მისნაირები, მომენტს არ უშვებენ, რომ ზაზას არ უკბინონ. ხომ არ ჯობია შეხვიდე კუხნაში და სამტრედიული ვარიები შებრაწო!!! კი ალბათ.
samtredski

ყველაფერი კარგად იქნებოდა ზაზას და ვიკას ნაადრევად რო არ გდაეწყვიტათ წასვლა ჯერ შეეძლოთ დახმარება დარწმუნებული ვარ ზირაქას და გორგოძის არ იყოს ვერაფრით უწონებ და მოკალით თუმცა თაობათა ცვლა მგონია რომ მაინც ღირსეული მოდის ისრალზე მოგება ზაზას დროს ოცნეა იყო.
გოჩა

საერთოდ სპორტში არ არის ჯანსაღი მდგომარეობა,ფედერაციებში რა ხდება კაცმა არ იცის,ესვრიან კიდეც ერთმანეთს,ახლა კალათბურთის ფედერაციაში პროკურატურაა შესული,სხვაგანაც არ იქნება ჯანსაღი მდგომარეობა,მერე ამათ ჰგონიათ მთავრობა აფინანსებს,მთავრობა კი არა ხალხი გაფინანსებთ,სპორტული ოჯახი ვართ და ჩვენ გავარკვევთ თქვენ არავინ გეკითხებათო ნუ ერევითო,ინტერვიუებში არ გაგიგონიათ?რას ნიშნავს ეს,დაუკვირდით არც ერთ ასაკობრივ ნაკრებში ბიჭებს არ უთამაშიათ და სადღაც გამოჩნდება კაცი,მაგრად თამაშობს,როგორ გამორჩათ,არა მგონია,გახსოვთ არაბიძემ ერთ ინტერვიუში ახსენა,რომ არ იძახებენ იმას.ვისაც.საჭიროაო,კალათბურთშიც მასეა და ზოგადად სპორტში,მერე ახალგაზრდებს უჭირთ განვითარება,ერთეულებს თუ უმართლებთ,სადღაც წავლენ თავისით უი აღმოჩნდება,რა კარგი კალათბურთელი გვყოლიაო ნუ ზოგადად სპორცმენი,საერთოდ ვსაუბრობ თორემ ვინმეს ჯინი კი არ მაქვს,ყველგან ფულია საჭირო,ასეა ბატონო და რა ვქნათ,ისრაელის დამარცხება საკუთარ კედლებში მართლა მაგარია ჯიგრები ხართ ბიჭებო.
დომენტი

ეს ვაისს წააკითხეთ რო ძინავს როცა შეცვლებია საჭირო
გუგა

სტატიას პათოსი მთლიანად მისაღებია, ზუროსს და მთელ გუნდს დიდი მადლობა ეკუთვნის. თუმცა ხვალინდელი დღე იმედიანი ნამდვილად არ ჩანს. რეალობას თვალი უნდა გავუსწოროთ, ჯერ ერთი არ გვყავს ძლიერი ინდივიდუალისტები, მარკოიშვილს, ცინცაძეს, სანიკიძეს 16-18 წლის ასაკში უკვე ეტყობოდათ რა დონის და გაქანების მოთამაშეები იყვნენ, შეგვიძლია მხოლოდ ბითაძეზე ვილაპარაკოთ ასე თუ ისე, თუმცა იგივე ფაჩულია ამ ასაკში უფრო მაღალ დონეზე იდგა. თუმცა გოგას იმედი მართლაც უნდა გვქონდეს, მაგრამ ვინ არის სხვა? 19-20 წლის კალათბურთელი ვისზეც შეიძლება თქვა, რომ დიდ კალათბურთს ითამაშებს, ასეთები არ არიან, ამ წლების მანძილზე არ არსებობდა ფედერაციის გამართული პოლიტიკა, რომელიც სამომავლვოდ ძლიერი კალათბურთელების ჩამოყალიბებას შეუწყობდა ხელს. შედეგიც სახეზეა, შეიძლება 4-5 წელიწადში ისევ გამოჩნდეს ასეთი კალათბურთელები, და ამაზე კარგი რა იქნება, მაგრამ ეს ისევ შემთხვევითობის დამსახურება იქნება და არა მიზანმიმართული პოლიტიკის.

17 წლის ხატიაშვილის 10 ქულა - საქართველოს ნაკრები ესპანეთთან დიდი ანგარიშით დამარცხდა

პირველი ტაიმის შემდეგ საქართველოს ნაკრები ესპანეთთან 14 ქულით მარცხდება

ნაკრების ვარჯიში ტენერიფეზე და ეპანეთთან მატჩის 12-კაციანი განაცხადი

დურანმა გაუტანა და ხელი სასქესო ორგანოზე წაივლო - აღშფოთებულმა "გალათასარაიმ" სასამართლოში უჩივლა

"ტოტენჰემის" მეკარემ შესაძლოა, კარიერა "ინტერში" გააგრძელოს

"ახლა გუნდებს სჯერათ, რომ ჩვენთან დადებითი შედეგის მიღწევა შეუძლიათ" - სლოტმა "სანდერლენდთან" მატჩი შეაფასა

კიტეიშვილის "შტურმი" სახლში დამარცხდა და ვერ გალიდერდა

ფუტსალის ნაკრები საერთაშორისო ტურნირზე იასპარეზებს

"ბორჯღალოსნების" მეტოქეები - მსოფლიოს ჩემპიონი სამხრეთ აფრიკა, იტალია და რუმინეთი ავსტრალიის მსოფლიო თასზე

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

პირველად "ბარსელონას" ისტორიაში - ლევანდოვსკიმ ანტი-რეკორდი დაამყარა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

ჩაკვეტაძის გაუმჯობესებული თამაში და მეტი დრო მოედანზე - "უოტფორდის" მწვრთნელმა ქართველზე ისაუბრა

მობილიზაცია შეეხო - უკრაინის ნაკრების ყოფილ ფეხბურთელს ფრონტის ხაზზე გააგზავნიან

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

თორნიკე შენგელიამ თავის ყოფილ გუნდს 10 ქულა ჩაუგდო - "ბარსელონამ" გაიმარჯვა

[VIDEO] შენგელია ნაკრებში გამარჯვებით მოდის - კაპიტანმა "ლიონს" 15 ქულა ჩაუგდო და მალე საქართველოში გამოფრინდება

ცნობილი გახდა თორნიკე შენგელიას ნაკრებში არყოფნის მიზეზი

[VIDEO] ბითაძის 19 წუთი - "ორლანდო მეჯიქი" "სან ანტონიო სპურსთან" 2 ქულით დამარცხდა

საქართველოს ნაკრები ჩეხეთან 20 ქულით დამარცხდა

მამუკელაშვილის 16 და შერმადინის 15 ქულა - საქართველოს ნაკრები ისრაელთან კვლავ დამარცხდა

ზუროსი: შედეგი ისტორიულია - ოლიმპიადის საკვალიფიკაციო ტურნირშიც მივიღებთ მონაწილეობას

შენგელიას გარეშე - საქართველოს ნაკრებმა პოლონეთში ივარჯიშა

შეაფასე საქართველოს კალათბურთელთა ნაკრები ისრაელის წინააღმდეგ

Mundo Deportivo: შენგელია თბილისში მაინც გაფრინდება - ეს სამშობლოსადმი უსაზღვრო სიყვარული და ერთგულებაა

შენგელიას 14 ქულა, 7 მოხსნა და გამარჯვება ყოფილ გუნდთან

[VIDEO] ბითაძის 16 წუთი "ჰიუსტონთან" - "ორლანდო" ოვერტაიმში დამარცხდა

[VIDEO] ბითაძის 4 ქულა და 3 მოხსნა - "ორლანდომ" "დეტროიტი" დაძაბულ ბრძოლაში დაამარცხა

საქართველო - ისრაელი 71:69 [ფოტოკოლაჟი]

გამომყვები ცოლად? - ხელის თხოვნა საქართველო-ისრაელის მატჩზე [VIDEO]

[VIDEO] ბითაძის 19 წუთი - "ორლანდო მეჯიქმა" ნიუ იორკ ნიქსი" დაამარცხა

[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89

ზუროსი: ახლა თავს უფრო ქართველად ვგრძნობ, ვიდრე ბერძენად

ანდრონიკაშვილის ტრავმა სერიოზული არ აღმოჩნდა

შენგელიას 14 ქულა "გრან კანარიასთან" და MVP-ს ტიტული

საქართველოს ნაკრები ისტორიულ მსოფლიოზე - კარგი და ცუდი, გამოსასწორებელი და "გამოუსწორებელი" - თაობათა ცვლა ისევ ზუროსთან ერთად?!

ოფიციალურად: თორნიკე შენგელია მატჩის დღეს ბარსელონიდან გამოფრინდება და საქართველოს ნაკრებს დაეხმარება

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

[VIDEO] ბითაძის 8 ქულა და 4 მოხსნა - "ორლანდო მეჯიქმა" "ჩიკაგო ბულსი" დაამარცხა

ილიას ზუროსმა ბერძნული გუნდი ჩაიბარა

"მუდამ ქართული კალათბურთის მნიშვნელოვანი ნაწილი იქნებით" - შენგელია ზუროსს გულთბილად დაემშვიდობა

ეროვნულ ნაკრებში ილიას ზუროსის ერა დასრულდა!

პირველი ტაიმის შემდეგ საქართველოს ნაკრები ისრაელთან 6 ქულით მარცხდება

ისევ შეცდომები დაცვაში - საქართველოს ნაკრები ისრაელთან დამარცხდა [VIDEO]

[VIDEO] ბითაძის ზუსტი ორქულიანები - "ორლანდო მეჯიქმა" "ლოს ანჯელეს კლიპერსი" დიდი ანგარიშით დაამარცხა