- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ზოგჯერ გრანდებიც ტირიან
<p>ლა ლიგა. XXXIV ტური: ორი წელიწადია, რაც მსგავსი არ მომხდარა - "ბარსელონამ" და "რეალმა" ერთ ტურში წყვილად წააგეს და 8-ქულიანი სტატუს-კვო შენარჩუნდა <br> ორი წელიწადია, რაც მსგავსი არ მომხდარა - "ბარსელონამ" და "რეალმა" ერთ ტურში წყვილად წააგეს. ასე უცნაურად შენარჩუნდა ლა ლიგაში ლიდერსა და მდევარს შორის 8-ქულიანი სტატუს-კვო - "კლასიკოების" ომში ქანცგაწყვეტილმა "რეალმა" და "ბარსელონამ" ექსპერიმენტული შემადგენლობებით ითამაშეს 34-ე ტურში და გავარდნის საფრთხის წინაშე მდგარ აუტსაიდერებთან წააგეს.</p><p>"რეალმა" შინ 2:3 დათმო "სარაგოსასთან", ხოლო "ბარსელონამ" სან სებასტიანში "რეალ სოსიედადთან" 1:2 წააგო. ბოლოს მსგავსი 2009 წელს მოხდა, როცა ბოლოსწინა ტურში კატალონიელებმა შინ "ოსასუნასთან" წააგეს, მადრიდელებმა კი - "მალიორკასთან".</p><p>მიუხედავად მარცხისა, კატალონიელებმა კიდევ ერთი ნაბიჯი გადადგეს ჩემპიონობისკენ - ლა ლიგის დასრულებამდე 4 ტურიღა რჩება, ტიტულის გაფორმებამდე "ბარსას" 4 ქულაღა ესაჭიროება (ამ ტურამდე 7 სჭირდებოდა).</p><p>ჟოზე მოურინიოს გუნდმა შაბათს ის ყველაზე ოპტიმისტი გულშემატკივრებიც გააწბილა, რომლებიც ჯერ კიდევ ოცნებობდნენ ტიტულზე. "რეალის" მარცხმა 5-გოლიან თრილერში მათ ოცნება საბოლოოდ დაუსამარა. ჩემპიონთა ლიგაზე 0:2 მარცხს "თეთრებმა" სულ რაღაც ოთხ დღეში კიდევ ერთი წაგება მიაყოლეს და ამით "სარაგოსას" პრიმერადივიზიონში დარჩენის კარგი შანსი მისცეს. "რეალის" დამმარცხებელს კი ანხელ ლაფიტა ჰქვია - 26 წლის ესპანელმა გარემარბმა, ვგონებ, კარიერის საუკეთესო მატჩი ჩაატარა, მის ანგარიშზე დუბლი და მოპოვებული პენალტია და ეს ყველაფერი მადრიდში, "სანტიაგო ბერნაბეუზე"! ამიტომ მასზე ცოტას კიდევ შევჩერდებით - ლაფიტა სარაგოსელია და "სარაგოსას" აღზრდილია, თუმცა 2007-ში ის არაგონულმა კლუბმა "დეპორტივოში" 2 მილიონ ევროდ გაყიდა, ორი წლის შემდეგ კი უკან გამოისყიდა.</p><p>ლაფიტა საფეხბურთო ოჯახიდანაა, მის მამა ხუანსაც უთამაშია "სარაგოსაში", მაგრამ გაცილებით ცნობილი ბიძაა - ფრანსისკო ვილიაროია, "რეალის" ყოფილი ფეხბურთელი! რომელმაც 1990 წლის მსოფლიოს ჩემპიონატზე ესპანეთის ნაკრების ყველა მატჩში ითამაშა. სხვათა შორის, ვილიაროია "რეალში" დაცვის მარცხენა ფლანგზე რობერტო კარლოსმა შეცვალა. ანხელის უმცროსი ძმა იგნასიოც ფეხბურთელია.</p><p>მოურინიომ "კლასიკოსთან" შედარებით 8 ცვლილება განახორციელა შემადგენლობაში (მხოლოდ კასილიასი, პეპე და სერხიო რამოსი დატოვა) და დაახლოებით ის გუნდი გამოიყვანა, რომელმაც ერთი კვირის წინ "მესტალიაზე" გაიბრწყინა. თუმცა ახლა სხვაგვარად წარიმართა ყველაფერი. ტაიმის დასრულებამდე 4 წუთით ადრე იკერ კასილიასმა ენით აღუწერელი შეცდომა დაუშვა, დასწრებაზე ითამაშა, მაგრამ საჯარიმოს გარეთ ბურთს ფეხი ააცილა, უჩემ პასი ლაფიტას გადააწოდა, რომელმაც "რეალის" კაპიტნისგან მიტოვებული კარი დალაშქრა.</p><p>მიუხედავად ასეთი ცუდი დასაწყისისა, მოურინიომ, რომელმაც მატჩის განაცხადშიც კი არ შეიყვანა კრიშტიანო რონალდო, შესვენებაზე ცვლილებები არ განახორციელა. მაგრამ პორტუგალიელი თავკაცის მოთმინების ფიალა მალევე ამოიწურა - "სარაგოსამ" მეორეც გაიტანა. ამ შეხვედრის ანტიგმირმა რიკარდო კარვალიომ საჯარიმოში ლაფიტა მოცელა და არაგონელთა კაპიტანმა გაბიმ ორამდე გაზარდა სტუმართა უპირატესობა. მოურინიომ მარსელო და დი მარია მოიხმო, ახალგაზრდების, კანალესისა და ნაჩოს ნაცვლად. შეცვლაზე შესული იოზილის ჩაწოდების შემდეგ სერხიო რამოსმა ერთი თავით გაქვითა, ამას მოჰვა ბენზემას გააქტიურება და ფრანგის ორი მეტად სახიფათო დარტყმა, მაგრამ გოლი ისევ "სარაგოსამ" შეაგდო - 77-ე წუთზე ლაფიტამ უსწრაფესი კონტრშეტევის წყალობით გაიტანა - ყველაფერი კი... მადრიდელთა კუთხურით დაიწყო.</p><p>"რეალი" არ შეეგუა მარცხს, მაგრამ იგუაინის პასით ბენზემას მიერ გატანილ გოლსღა გამორჩა. ამის შემდეგ რიკარდო კარვალიომ თვალწინ წითელი ბარათი იხილა, ჟოზეს გუნდი კვლავ 10 კაცის ამარა დარჩა. მიუხედავად ამისა, "რეალმა" შტურმი მოაწყო დობლასის კართან, თუმცა წარუმატებელი.</p><p>ჟოზე მოურინიო (რეალი): "უნდა ვაღიარო, რომ ცუდი პირველი ტაიმის შემდეგ ფეხბურთელების მოტივირება ვერ შევძელი. სამი გოლი გავუშვით და მხოლოდ ამის შემდეგ მოვეგეთ გონს. საკვირველია, ზუსტად ასეთი გუნდით ვითამაშეთ ბილბაოსა და ვალენსიაში და იქ იოლად ვიმარჯვეთ. მეტოქემ გოლის მერე ჩაკეტა თამაში და ცოტა გაუმართლა კიდეც, ამ მოგებით "სარაგოსამ" პრიმერაში დარჩენა თითქმის გაინაღდა. რონალდომ ჩემი გადაწყვეტილების გამო არ ითამაშა, ჩვენ სხვა ფორვარდებიც გვყავს, ბენზემა და იგუაინი მოწადინებულნი იყვნენ და მზად იყვნენ საბრძოლველადაც, ხოლო სკამზე ადებაიორი იჯდა."</p><p>ბასკეთში ხოსეპ გვარდიოლამ ლეო მესი კი დააყენა შემადგენლობაში, მაგრამ სასტარტოში ერთბაშად 4 ფეხბურთელი ათამაშა სარეზერვო გუნდიდან (თუმცა ჟეფრენი ოფიციალურად პირველი გუნდის ფეხბურთელად ითვლება): მონტოია, ტიაგო ალკანტარა, ჟეფრენი და ფონტასი. "სოსიედადს" ჰაერივით ესაჭიროებოდა ქულები წინააღმდეგ შემთხვევაში ბასკური კლუბი გავარდნა-დარჩენის ზღვარზე დაეშვებოდა. თავიდან სენსაციური დასასრულისა თამაშს არაფერი ეტყობოდა, "ბარსამ" პირველი ტაიმი ტიაგო ალკანტარას გოლის წყალობით იგებდა კიდევაც, ბურთსაც აკონტროლებდა, მაგრამ ბოლო 20 წუთში რაღაც შეიცვალა, კარგად ჩაერთვნენ შეცვლაზე შესული იფრანი და ზურუტუზა. საპასუხო გოლი ურუგვაელმა დიეგო იფრანმა გაიტანა. შემდეგ კი შეტევაში გართული სტუმრები საეჭვო პენალტით დასაჯეს, იუხეშა თუ არა საჯარიმოში მასკერანომ, ძნელი სათქმელია. ასეა თუ ისე, პენალტი ჩაბი პრიეტომ შეასრულა, ხოსე პინტომ კინაღამ მოიგერია, მაგრამ ფეხბურთში კინაღამ არ ითვლება - 2:1. ასე წააგო "ბარსამ" სეზონში მეორე მატჩი.</p><p>ხოსეპ გვარდიოლა (ბარსელონა): "დღეს ჩვენ ძალიან კარგი გაკვეთილი მივიღეთ. მეორედ ასეთ შეცდომას აღარ გავიმეორებთ, 4 ქულა გვჭირდება და ეს 4 ქულა უნდა მოვიპოვოთ. ბევრი ფეხბურთელი გვაკლდა, მეორე ტაიმში, თითქოს, ურიგოდ არ გვითამაშია, მაგრამ მაინც ხშირად ვკარგავდით პოზიციებს და, რაც ყველაზე მთავარია, ბურთს ხეირიანად ვერ ვაკონტროლებდით. ახლა მხოლოდ სამშაბათის საპასუხო მატჩზე ვიფიქრებთ "რეალთან". ძალიან რთული მატჩი გველის ყველა ასპექტში. ჩვენ უდიდესი უპირატესობა გვაქვს და ფინალში გასასვლელად ყველაფერი უნდა გავიღოთ."</p><p>შაბათის ბოლო შეხვედრაში მადრიდის "ატლეტიკომ" სტუმრად 10-კაციან "დეპორტივოს" მოუგო - 1:0. კიკე ფლორესის გუნდს "მეორე სუნთქვა" გაესხნა - ბოლო ხუთი ტურია, რაც "ატლეტიკოს" არ წაუგია, მოიგო 4 და ფრედ დაასრულა 1 შეხვედრა. გამარჯვების გოლი ლა კორუნიაში სერხიო აგუერომ თამაშის დასრულებამდე 10 წუთით ადრე გაიტანა.</p>
[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა
ალექსის სანჩესი კარიერას ლა ლიგაში გააგრძელებს
მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია