ლიგის საგზურზე ბრდღვნაა

ტურის უკანასკნელი შეხვედრა ორშაბათს გვიან ღამით გაიმართა და “იუვენტუსის” “ლაციოზე” ძლევით დასრულდა ლაციო-იუვენტუსი 0:1ლაციო (4-4-2): მუსლერა – ლიხტშტაინერი, ბიავა (71. სკალონი), დიასი, გარიდო – ერნანდესი, ლედესმა, მათუზალემი, ბროკი (88. კოზაკი) – სარატე (85. ბრეშიანო), ფლოკარი.იუვენტუსი (4-4-2): ბუფონი – მოტა (71. სალიჰამიჯიჩი), ბარძალი, კიელინი, გროსო – კრასიჩი, აკვილანი, მელო, პეპე – დელ პიერო (90. ბონუჩი), მატრი (71. ტონი).გოლი: 0:1 პეპე (87).გაფრთხილება: გროსო, პეპე, სალიჰამიჯიჩი (იუვენტუსი).გაძევება: ლედესმა (81).გაფრთხილება: 0-3; კუთხური: 3-6; ჯარიმა: 19-14; თამაშგარე: 2-2; კარში დარტყმა: 14(4)-5(3); ბურთის ფლობა: 59%-41%.მაყურებელი: 65 000XXXV ტურის უკანასკნელი შეხვედრა ორშაბათს გვიან ღამით გაიმართა და “იუვენტუსის” “ლაციოზე” ძლევით დასრულდა. ტურინული გრანდისთვის მიმდინარე სეზონი წარმატებულად ვერ ჩაითვლება, მაგრამ ისიც ფაქტია, რომ ძლიერ გუნდებთან საკმაოდ კარგად ასპარეზობს. “ლაციომ” ფავორიტის სტატუსით მიიღო მეტოქე, გადაჭედილ “ოლიმპიკოზე” შეტევებშიც წარმართა თამაში, მაგრამ ვერას გახდა და მატჩის დასრულებამდე სამიოდე წუთით ადრე გოლიც გაუშვა. ასეთმა რეზულტატმა უკიდურესად დაძაბა ჩემპიონთა ლიგის საგზურისთვის ბრძოლა – მეოთხე ადგილზე ჯერ კიდევ “ლაციოა”, რომელსაც 35 ტურის შემდეგ 60 ქულა აქვს მოგროვილი, ერთი ქულით ნაკლები აქვთ “უდინეზეს” და “რომას”, ოთხით ნაკლები კი “იუვენტუსს”. “ბიანკონერის” შანსებზე საერთოდ აღარ იყო ლაპარაკი, მაგრამ რომში მოპოვებული გამარჯვების შემდეგ, “იუვეც” ოთხეულის პრეტენდენტთა შორის გაერია.შეხვედრის პირველი ტაიმი ორმხრივ იერიშებში წარიმართა, თუმცა ტერიტორიულ უპირატესობას მასპინძლები ფლობდნენ. განსაკუთრებულად აქტიური განაპირა მცველები გახლდნენ, რომლებიც აქტიურად ერთვებოდნენ ფლანგებიდან და კარგად ამწვავებდნენ თამაშს. განსაკუთრებით ეს ლიხტშტაინერზე ითქმის, რომელმაც აიკლო ტურინელთა მარჯვენა ფლანგი. სწორედ ამის გამო იყო, რომ მეორე ნახევარში ლუიჯი დელ ნერიმ მოტას შეცვლის გადაწყვეტილება მიიღო და ჰასან სალიჰამიჯიჩით ჩაანაცვლა. საერთოდ, დაცვის მარჯვენა ფრთა ტურინელთათვის აქილევსის ქუსლად იქცა, ხან მოტა ირჯება, ხანაც სორენსენი, თუმცა ორივე ძალიან ახალგაზრდაა და შეცდომებსაც უხვად უშვებენ.მეორე ნახევარში მასპინძელთა უპირატესობა კიდევ უფრო გამოიკვეთა, თუმცა დამაგვირგვინებელ ფაზაში რომაელებს მუდმივად რაღაც აკლდებოდათ. მიუხედავად იმისა, რომ ტურინელ მცველებს უშეცდომოთ არ უასპარეზიათ, კარის მშრალად შენახვა მოახერხეს და ეს სწორედ მასპინძელთა უნიათობის ბრალია შეტევით ფაზაში. რამდენჯერმე ძალიან ახლოს იყვნენ “ლაციალები” გოლთან, თუმცა ხან სიზუსტე აკლდებოდათ, ხანაც ჯანლუიჯი ბუფონი იყო მოწოდების სიმაღლეზე. რაც შეეხება “იუვენტუსს”, გოლს თუ არ ჩავთვლით, ყველაზე კარგი შანსი ალესანდრო მატრის მიეცა – რეკოშეტის შემდეგ სწორედ მას მიუვიდა ბურთი და კიპერთან პირისპირ დარჩენილმა ბურთი პირდაპირ მუსლერას გაარტყა. ყველაზე საინტერესო ბოლო ათწუთეული გამოვიდა – ჯერ კრისტიან ლედესმა გააგდო უხეშობისთვის მატჩის არბიტრმა და “ლაციო” ათი ფეხბურთელით დარჩა, მატჩის მიწურულს კი სიმონე პეპე გავიდა დასარტყმელ პოზიციაზე და შეხვედრის ერთადერთი გოლი გაიტანა. აქვე ვთქვათ, რომ საგოლე პასის ავტორი ლუკა ტონი გახლავთ, რომელმაც თავით გადააწოდა თანაგუნდელს და მანაც მარცხენა ფეხით მოათავსა ბურთი მუსლერას კარის შორეულ კუთხეში.ნამატჩევს, ლუიჯი დელ ნერი ტრადიციულად ცოტა არაადეკვატური იყო: “ძალიან მნიშვნელოვანი მატჩი მოვუგეთ უშუალო კონკურენტს და ვაგრძლებთ ბრძოლას უმაღლესი მიზნისთვის. მთელი შეხვედრის განმავლობაში ვდომინირებდით, რაც არ იყო იოლი, ჩვენ ხომ სატურნირო ცხრილში მეოთხე ადგილზე მყოფ გუნდთან გვიწევდა ჯახი. მიუხედავად ამისა, დავჯაბნეთ მეტოქე და სრულიად დამსახურებულად მოვიპოვოთ სამი ქულა, რომელიც ექვსის ტოლფასია”.დელ ნერის არაადეკვატურობა იმაში გამოიხატება, რომ “იუვენტუსი” სულაც არ ყოფილა დომინანტი და თანაც, მთელი შეხვედრის განმავლობაში – პირიქით, უპირატესობას “ლაციო” ფლობდა, თუმცა “იუვემ” ისარგებლა მასპინძელთა კაცნაკლულობით და ერთ-ერთი იშვიათი შეტევა გოლით დაასრულა. სენიორ ლუიჯის სიტყვების დაბრახუნებაც სჩვევია – მისი თქმით, “ბიანკონერი” უმაღლესი ადგილისთვის იბრძვის და რთული სათქმელია, რომელ უმაღლეს ადგილზე და მწვერვალზეა ლაპარაკი. მოკლედ, დელ ნერი თავის სტიქიაშია, ჩვენ კი ედუარდო რეიას გადავცეთ სიტყვა, რომელმაც მსაჯის შეცდომაზე გაამახვილა ყურადღება:“ერთ-ერთ ეპიზოდში რეფერის აუცილებლად უნდა დაენიშნა თერთმეტმეტრიანი, მაგრამ სხვაგვარად მოიქცა. სერჯო ფლოკარი აშკარად წააქცია მცველმა, მაგრამ არბიტრმა ეს ან ვერ, ან არ დაინახა. პირველად არ ხდება, როდესაც მსაჯი ჩვენს საწინააღმდეგოდ ცდება და შემიძლია “ნაპოლისთან” გამართული შეხვედრა გავიხსენო. საერთოდ, თავის მართლება არ მჩვევია და ისე არ გამიგოთ, თითქოს ფეხბურთელების შეცდომებს სხვას ვაბრალებდე - თუმცა, ისიც ფაქტია, რომ მიმდინარე სეზონში მსაჯის შეცდომის მსხვერპლი უკვე არაერთხელ გავხდით”.თ მ ფ წ ბ ქ1. მილანი 35 23 8 4 61-23 772. ინტერი 35 21 6 8 62-39 693. ნაპოლი 35 21 5 9 55-34 684. ლაციო 35 18 6 11 46-33 605. უდინეზე 35 18 5 12 61-42 596. რომა 35 17 8 10 55-49 597. იუვენტუსი 35 15 11 9 53-42 568. პალერმო 35 15 5 15 53-58 509. ფიორენტინა 35 12 13 10 45-38 4910. ჯენოა 35 12 9 14 38-40 4511. კალიარი 35 12 8 15 42-46 4412. კიევო 35 10 12 13 33-35 4213. პარმა 35 10 11 14 37-46 4114. კატანია 35 10 10 15 35-47 4015. ბოლონია 35 11 10 14 34-47 4016. ჩეზენა 35 9 10 16 33-47 3717. სამპდორია 35 8 12 15 30-42 3618. ლეჩე 35 9 8 18 40-61 3519. ბრეშა 35 7 10 18 31-47 3120. ბარი 35 4 9 22 22-52 21ბოლონიას დაკლებული აქვს სამი ქულაბომბარდირები: 26 – დი ნატალე (უდინეზე), კავანი (ნაპოლი); 20 - ეტოო (ინტერი); 19 - დი ვაიო (ბოლონია); 18 - მატრი (იუვენტუსი); 14 - იბრაჰიმოვიჩი (მილანი), პატო (მილანი), პაცინი (ინტერი).

იტალიაში საუკეთესოები აღიარეს - მაკტომინეი, "ნაპოლი", კონტე

[VIDEO] ნერესს ვეღარ აჩერებენ - "ნაპოლიმ" სტუმრად "რომას" სძლია

ინსინიე სერია A-ში ბრუნდება - კონტრაქტი უკვე შეთანხმებულია

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს