- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რუსები ისევ გვედავებიან
<p>თბილისში სტუმრად იმყოფება ლატვიის სამბოს ფედერაციის პრეზიდენტი, სამბოს საერთაშორისო ფედერაციის კომისარი ანდრეი ბირიუკოვი, რომელიც ამ ფედერაციის ეგიდით გამართული ყველა დონის საერთაშორისო ტურნირის მუდმივი დირექტორია...</p><p><br> თბილისში სტუმრად იმყოფება ლატვიის სამბოს ფედერაციის პრეზიდენტი, სამბოს საერთაშორისო ფედერაციის კომისარი ანდრეი ბირიუკოვი, რომელიც ამ ფედერაციის ეგიდით გამართული ყველა დონის საერთაშორისო ტურნირის მუდმივი დირექტორია. იგი თბილისშიც კონკრეტული მიზნით ჩამოვიდა - ადგილზე გაეცნო 7-11 ოქტომბერს გასამართი ჭაბუკებისა და ახალგაზრდების მსოფლიოს პირველობისთვის მზადებას, დაათვალიერა ამ შეჯიბრების მასპინძლად შეგულებული გივი კარტოზიას სახელობის თბილისის სპორტის სასახლე, შეხვდა და საორგანიზაციო საკითხებზე ესაუბრა ორგანიზატორებს. სპორტის სასახლეში მასთან ერთად მივიდნენ საქართველოს სპორტისა და ახალგაზრდობის საქმეთა მინისტრი ლადო ვარძელაშვილი, მისი მოადგილე დავით ნამგალაური, სამინისტროს სპორტის დეპარტამენტის თავმჯდომარე გია გალდავა, საქართველოს სამბისტთა ეროვნული ნაკრების თავკაცი ოლეგ იაძე, რომლის მხრებზეც გადადის საორგანიზაციო საკითხების მთელი სიმძიმე... სტუმარ-მასპინძლებმა ერთად დაათვალიერეს არენა, სადაც იმ წუთებში კალათბურთელთა ეროვნული ნაკრები ევროპის ჩემპიონატის საკვალიფიკაციო ტურნირისთვის ემზადებოდა. ბირიუკოვმა განმარტა ის ძირითადი პრიორიტეტები, რასაც შეჯიბრების ჩატარებისას ორგანიზატორებმა ყურადღება უნდა მიაქციონ - არენა, სტუმართა მიღება-განთავსება, ტრანსპორტირება. თან ეს ყველაფერი სრული ოთხი დღის განმავლობაში - ხუთშაბათიდან კვირის ჩათვლით, 11 ოქტომბერი, ანუ ორშაბათი კი გუნდების გამგზავრების დღეა. ბირიუკოვი სარეკლამო კამპანიითაც დაინტერესდა - იქნება თუ არა ბილბორდები და აფიშები ქალაქში, ექნება თუ არა მედია-საშუალებების საინფორმაციო მხარდაჭერა ტურნირს... მასპინძლებმა სტუმარს განუმარტეს, რომ შექმნილია საორგანიზაციო კომიტეტი, რომელმაც უკვე დაიწყო ზრუნვა ამ საკითხების მოსაგვარებლად და არანაირი პრობლემა არ შეიქმნება. კაცმა რომ თქვას, ეს მართლაც არაა ძნელად მოსაგვარებელი საკითხები. მით უფრო, ბოლო წლებში საქართველომ ამ მხრივ გარკვეული გამოცდილება უკვე დააგროვა. ბირიუკოვმა არც სტუმრისთვის დამახასიათებელი ჟესტი დაივიწყა და მოგვიანებით დითირამბები უძღვნა ჩვენს ნაკრებებს, დიდი შანსი გაქვთ, გუნდური პირველობა მოიგოთ და სოლიდური წარმატებით გამოხვიდეთო. მან ისიც აღნიშნა, საქართველო ჭიდაობის ქვეყანაა და ამ ტურნირის ჩასატარებლად ყველაფერი უნდა გავაკეთოთ ისე, როგორც ასეთი საჭიდაო ტრადიციების, ასეთი მოჭიდავეების ქვეყანას ეკადრებაო.</p><p>გვჯერა, საქართველო მართლაც ყველაფერს გააკეთებს საამისოდ. მით უფრო, ჩემპიონატის მასპინძლობაში აქტიურადაა ჩართული სპორტისა და ახალგაზრდობის სამინისტრო, რომელმაც ყველანაირი ფინანსური დახმარება აღუთქვა საქართველოს სამბოს ფედერაციას, მაგრამ არაა გამორიცხული, ამ შეჯიბრების მასპინძლობა მაინც ჩამოგვერთვას და ჩვენ ნაცვლად რუსეთში ჩატარდეს. მსოფლიოს პირველობის ყოფნა-არყოფნა ამ საღამოს გაირკვევა მოსკოვში, საერთაშორისო ფედერაციის პრეზიდიუმის სხდომაზე.</p><p>ამ ტურნირის მასპინძლობა პოლიტიკურ ჭიდაობაში გადაიზარდა. დღეს და ხვალ მოსკოვი `რუსეთის პრეზიდენტის თასს~ მასპინძლობს, რომელშიც ევროპის მოწინავე რვა გუნდია მიწვეული, მათ შორის, საქართველოც, მაგრამ ჩვენმა სამბისტებმა ხელისუფლებისგან მიიღო მითითება, რომ ტურნირზე არ წავიდნენ. საპასუხოდ რუსული მხარე ჯერ კიდევ ორი კვირის წინ დაგვემუქრა, თუ არ ჩამოხვალთ, მაშინ მსოფლიოს პირველობის მასპინძლობის უფლებას წაგართმევთო. კერძო საუბრებში რუს კოლეგებს ჩვენებისთვის არ დაუმალავთ, რომ ასეთი დავალება მათაც რუსეთის უმაღლესი ხელისუფლებისგან მიიღეს. ასეა თუ ისე, რუსული მხარე ახლა დანაქადნის ასრულებას ლამობს - დღეს საღამოს პრეზიდიუმი ამ საკითხის განსახილველად იკრიბება. მას საქართველოდან იაძე დაესწრება, რომელიც წუხელ გაემგზავრა ერევანში, იქიდან კი დღეს, დილის 7 საათზე გადაფრინდებოდა მოსკოვში. იაძის წასვლის მიზანი პრეზიდიუმის წევრებთან მოლაპარაკებაა, რათა მათ მხარი არ დაუჭირონ საქართველოსთვის ამ შეჯიბრების ჩამორთმევის გადაწყვეტილებას. გუშინ ის საკმაოდ იმედიანად იყო, რადგან სამბოს სამყაროში სიტყვაც ეთქმის და პრეზიდიუმშიც ბევრი მეგობარი ჰყავს, მაგრამ ბრძოლა რომ ძალზე ძნელი იქნება, ესეც კარგად ესმის. როგორი საქმეა - სამბოს ევროპულსა და მსოფლიოს ფედერაციებს რუსები ხელმძღვანელობენ, ორივე ფედერაციაში მაღალ თანამდებობებზეც ბლომად რუსია და პრეზიდიუმშიც. ცხადია, მათ სხვებზე ზემოქმედების ბევრი ბერკეტი გააჩნიათ, რასაც აუცილებლად გამოიყენებენ. სამბოში ყველაფერს ისინი განაგებენ და აკი კიდეც ჭრიან და კერავენ თავის ჭკუაზე, რასაც მათი ახლანდელი მცდელობაც ადასტურებს. ერთი მხრივ, პოლიტიკა მართლაც არ უნდა ავურიოთ სპორტში, მაგრამ ვერც ის ჟღერს კარგად, საქართველოს ნაკრები მისთვის ომის გამჩაღებელ, ტერიტორიების წამრთმევ სახელმწიფოში ჩავიდეს და მტრული ქვეყნის პრეზიდენტის თასისთვის იბრძოლოს. ანდა, ვთქვათ და, მოიგო, ის თასი როგორ უნდა ჩაიბაროს და ჩამოიტანოს საქართველოში! თუმცა სრულიად უპრეცედენტოა რუსთა სურვილიც - ტურნირის მასპინძლობა ვიღაცას წაართვას მხოლოდ იმიტომ, რომ ის ქვეყანა რაღაც შეჯიბრებაში არ გამოვიდა! იქნებ თქვათ, რომ ამას საერთაშორისო ფედერაცია აკეთებს და რუსები რა შუაში არიანო, მაგრამ, ალბათ, ყველა კარგად ხვდება, ვისი მიზეზით ხდება ეს. ახლანდელი მაგალითი კიდევ ერთხელ ადასტურებს სამბოში რუსთა ბოგინს.</p><p><strong>ყოველდღიური სპორტული გაზეთი "ლელო"</strong></p>
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ