ბილეთებს ცეცხლი წაეკიდა

”არსენალის” აღმასრულებელმა დირექტორმა აივან გაზიდისმა ემირეიტ სთედიუმზე“ დასასწრები ბილეთები 6 პროცენტით გააძვირა „არსენალი“, ზაფხულში, დონეცკის „შახტარის“ თავდამსხმელის, 22 წლის ბრაზილიელი უილიანის ყიდვას აპირებს. თურმე, უილიანი „ემირეიტ სთედიუმზე“ სამირ ნასრის შემცვლელად ესახებათ. „მეთოფეთა“ სკაუტებმა „დონეცკელი ბრაზილიელი“ ამ სეზონში რამდენჯერმე ნახეს და ძალიან მოეწონათ. აქვე უნდა ითქვას, რომ უილიანის შეძენაზე უარს არც „ჩელსი“ და „ლივერპული“ იტყოდნენ.ბუნებრივია გაგიჩნდებოდათ კითხვა: კი მაგრამ, ნასრი სად მიდის? საქმე ის არის, რომ ნასრის ამჟამინდელ კონტრაქტს ძალა მომავალი სეზონის დამთავრების შემდეგ ეკარგება და საქმეს ისეთი პირი უჩანს, რომ ფრანგი ვარსკვლავი „არსენალიდან“ წავა. მართალია, მწვრთნელ არსენ ვენგერს ჯერ კიდევ არ გადაუწურავს იმედი, რომ ნასრი კლუბთან ახალ, გრძელვადიან ხელშეკრულებას გააფორმებს, მაგრამ „მეთოფეთა“ მაღალ ეშელონებში გრძნობენ, რომ საკმარისია, ევროპის რომელიმე დიდი კლუბიდან სარფიანი წინადადება მიიღოს, რომ 23 წლის შემტევი ნახევარმცველი გაქცევას შეეცდება. ცხადია, ცნობილია ის გუნდები, რომლებმაც, შესაძლოა, ფრანგის ყიდვის სურვილით „არსენალს“ ჯერ არ მიმართეს, მაგრამ მის შესახებ გაიკითხ-გამოიკითხეს. ესენია: „ინტერი“, „ჩელსი“, „მანჩესტერ სიტი“ და „ბარსელონა“.დღეს ასეთი მდგომარეობაა: თუ ნასრიმ „არსენალთან“ ახალ კონტრაქტს ხელი ახლავე არ მოაწერა, „მეთოფეები“ შეეცდებიან ის ამ ზაფხულშივე გაყიდონ, თორემ გაისად ქუდს დაიხურავს და თავისუფალი აგენტის სტატუსით წავა. სხვა სიტყვებით, მომავალი სეზონის შემდეგ ლონდონელები ნასრის სანაცვლოდ კაპიკს ვეღარ იშოვნიან.რაც შეეხება ზემოთ ნახსენებ უილიანს, მას „შახტარი“ 22 მილიონ ფუნტს აფასებს. „არსენალი“ ასეთი თანხის გადახდას, სავარაუდოდ, არ აპირებს. ამბობენ, რომ ინგლისელები ვაჭრობას 13 მილიონიდან დაიწყებენ და სადამდე მივლენ, გამოჩნდება.ამ ბოლო დროს „არსენალის“ კიდევ ერთი წარმომადგენელი, ოღონდ, ამჯერად არა ფეხბურთელი, არამედ აღმასრულებელი შეფი, აივან გაზიდისი მოექცა ყურადღების ცენტრში. მან თქვა, რომ პრემიერლიგის კლუბები წლიურ აბონემენტებს ისეთ ფასს ადებენ, რომ სტადიონებზე მაყურებლის რაოდენობა დაიკლებს. მიზეზი: სულ იზრდება და იზრდება სატრანსფერო ბაზარზე ფეხბურთელების ფასი, კლუბებს კი მათ შესაძენად თანხა სჭირდებათ. აღსანიშნავია, რომ გაზიდისის ამ განცხადებას წინ „არსენალის“ მიერ ბილეთების ფასის 6,4 პროცენტით გაზრდა უსწრებდა.ცნობისათვის: „ემირეიტ სთედიუმზე“ დასწრება მსოფლიოში ყველაზე ძვირი სიამოვნებაა. ახლა ეს სიამოვნება კიდევ უფრო გაძვირდა. ამიერიდან, ყველაზე იაფი აბონემენტი 893-იდან 951 ფუნდამდე გაიზრდება.გაზიდისმა „არსენალის“ გულშემატკივარს ასე მიმართა: „სრულიად ვიზიარებ თქვენს გულისწყრომას სეზონური ბილეთების გაძვირების გამო. თქვენ იძულებულნი ხართ ან საოცრად დიდი თანხა გადაიხადოთ ან ფეხბურთზე აღარ იაროთ. ეს პრინციპული საკითხია, რომელსაც დიდი ყურადღების მიქცევა სჭირდება. ამიტომაც ვუჭერ მხარს უეფას ინიციატივას, რომლის მიხედვითაც ფეხბურთში ფულის ხარჯვას კონტროლი სჭირდება.ვეთანხმები იმ მოსაზრებას, რომ კლუბები ბილეთების ფასზე ასე ძალიან არ უნდა იყვნენ დამოკიდებული. უმაღლესი დონის კლუბებს ძირითადი შემოსავალი სხვა უნდა ჰქონდეთ. სამწუხაროდ, დღეს „არსენალი“ ბილეთებზე უფრო მეტად არის დამოკიდებული ვიდრე უშუალო კონკურენტები“.

ონანა კარიერას სავარაუდოდ, თურქეთში განაგრძობს

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!