- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
პაო ჩემპიონია!
<p>წლევანდელი ევროლიგა "პანათინაიკოსის" ტრიუმფით დასრულდა, რომელმაც "ოთხთა ფინალში" ღირსეული თამაშით დაგვამახსოვრა თავი <br> წლევანდელი ევროლიგა "პანათინაიკოსის" ტრიუმფით დასრულდა. ბერძნულ გრანდს "ოთხთა ფინალში" ორ ყველაზე უხერხულ მეტოქესთან მოუწია შეხვედრა და ორივე შემთხვევაში ღირსეული თამაშით დაგვამახსოვრა თავი.</p><p>1/2 ფინალი</p><p><em><strong>პანათინაიკოსი-მონტეპასკი 77:69</strong></em></p><p>17:21, 23:15, 16:11, 21:22</p><p>პ: კალატესი (17+6 მოხსნა), ბატისტი (16+7 მოხსნა), ფოცისი (14), დიამანტიდისი (8+9 პასი), სატო (6+5 მოხსნა), ვუიუკასი (6), პერპეროგლუ (5), ნიკოლასი (3), ცარცარისი (2).</p><p>მ: კაუკენასი (13), ჰეირსტონი (12), რაკოვიჩი (10), ლავრინოვიჩი (7), მაკალები (7+4 პასი), მოსი (6), ცისისი (4), აკინდელე (4), სტოუნრუკი (4+14 მოხსნა), კარარეტო (2).</p><p>"მონტეპასკიმ" არ უღალატა ტრადიციას და ისევ ვერ მოიპოვა ევროლიგის გადამწყვეტი მატჩის საგზური. იტალიური კლუბი მეხუთედ მოხვდა "ოთხთა ფინალში" და კვლავ წააგო ნახევარფინალი, მისი მეტოქე "პანათინაიკოსი" კი ბოლო 12 წლის განმავლობაში მეექვსედ ითამაშებს ფინალში.</p><p>სტარტზე ორივე გუნდს ნერვიულობა ეტყობოდა - მეტოქეებმა ერთ წუთში ოთხ-ოთხი (!) შეცდომა დაუშვეს. ამის შემდეგ "მონტეპასკიმ" ფარქვეშ უპირატესობა გამოიკვეთა, რისი წყალობითაც იტალიელებმა პირველი მეოთხედი 21:17 მოიგეს.</p><p>სხვათა შორის, "მონტეპასკის" იტალიური გუნდი მხოლოდ გეოგრაფიული პრინციპით ჰქვია - შემადგენლობაში მას მხოლოდ ორი იტალიელი ჰყავს, "პანათინაიკოსში" კი ერთბაშად შვიდი ბერძენი თამაშობს და შედეგზე პასუხისმგებლობა სწორედ მათ დააწვათ კისერზე. კალატესის, დიამანტიდისისა და ფოცისის მონდომებით "პაომ" მეორე მეოთხედი 23:15 მოიგო და საფუძველი ჩაუყარა საბოლოო გამარჯვებას.</p><p>მეორე ნახევარმა ბერძნული გრანდის კარნახით ჩაიარა. თითქმის იდეალური გახდა გუნდური მოქმედება, რამაც შოკში ჩააგდო "მონტეპასკი". ბერძნების რიგებში რთული იყო რომელიმე კალათბურთელის გამოყოფა - ნებისმიერი მაქსიმალური თავდადებითა და რაც მთავარია, ნაყოფიერად თამაშობდა. ბოლო მეოთხედის წინ "პანათინაიკოსი" 56:45 იყო წინ.</p><p>ბოლო მეოთხედში იტალიური გუნდის გულშემატკივრებს იმედი გაუჩნდათ, განსაკუთრებით მაშინ, როცა კაუკენასმა ერთ შეტევაში ოთხი ქულა დააგროვა (სამქულიანი+ჯარიმა), მაგრამ ეს დროებითი წარმატება იყო. მალე მეხუთე პერსონალურით მოედანი დატოვა კშიშტოფ ლავრინოვიჩმა და მატჩის გადარჩენის ბოლო იმედიც გაქრა. "პანათინაიკოსის" წარმატება დიდწილად მისი მწვრთნელის ჟელკო ობრადოვიჩის პროფესიონალიზმმა განაპირობა, რომლისთვისაც ეს ფინალი მე-12 (!) იქნება კარიერაში.</p><p><em><strong>მაკაბი-რეალი 82:63</strong></em></p><p>14:12, 18:17, 23:18, 27:16</p><p>მ: ეიდსონი (19+8 მოხსნა), შორცანიდისი (16+5 მოხსნა), პინი (14), პარგო (13+7 პასი), ბლიუ (10+5 მოხსნა), ჰენდრიქსი (6+6 მოხსნა), შარპი (3), ელიაჰუ (1).</p><p>რ: ტომიჩი (17+6 მოხსნა), რეიესი (15+14 მოხსნა), ლიული (9), პრიჯიონი (9), სუარესი (8), ტაკერი (3), ფიშერი (2).</p><p>მეორე ნახევარფინალმა არანაკლები ინტერესი გამოიწვია. ამ წყვილში ფავორიტის დასახელება რთული იყო, თუმცა ითვალისწინებდნენ იმასაც, რომ ისრაელის ჩემპიონმა სტაბილურად განვლო "ოთხთა ფინალამდე" გზა და ყველაზე ცოტა მატჩი წააგო.</p><p>პირველი სამი მეოთხედის განმავლობაში "მაკაბი" მუდმივად წინ გადიოდა და "რეალი" ახერხებდა მეტოქის დაწევას. ფარქვეშ ბრძოლაში უპირატესობის წყალობით</p><p>ესპანელები შორს არ უშვებდნენ მოწინააღმდეგეს და დიდი შესვენებისთვის სხვაობა "მაკაბის" სასარგებლოდ მხოლოდ სამი ქულა იყო - 32:29.</p><p>მეორე ტაიმში "მაკაბი" გაცილებით აქტიურად ათამაშდა, პირველ რიგში ეს ფარქვეშ ბრძოლაში აისახა. თანაც, "რეალს" გაუჭირდა ჯერემი პარგოს შეჩერება. მესამე მეოთხედის დასრულებამდე ცოტა ხნით ადრე ამერიკელის ჩატენვის შემდეგ დაიწყო ისრაელის ჩემპიონის გადამწყვეტი სპურტი. ამ მომენტში შეცდომა დაუშვა "რეალის" მწვრთნელმა: "მაკაბის" გაქცევის დროს მოედანზე არ იყვნენ მადრიდელთა ლიდერები - პრიჯიონი და რეიესი. ესპანელებს არც სამქულიანები წაუვიდათ, მატჩის ყველაზე შედეგიანი კალათბურთელი ეიდსონი კი თითქმის უშეცდომოდ ისროდა. მისი ერთ-ერთი სამქულიანის შემდეგ თამაში ფაქტობრივად დასრულებული იყო - "რეალს" 20-ქულიანი ჩამორჩენის გაბათილება აღარ შეეძლო.</p><p><strong>ფინალი</strong></p><p><em><strong>მაკაბი-პანათინაიკოსი 70:78</strong></em></p><p>15:22, 15:11, 13:21, 27:24</p><p>მ: პარგო (12+9 პასი+5 მოხსნა), ეიდსონი (17+ 7 მოხსნა), ბლიუ (14), ელიაჰუ (12+5 მოხსნა), პნინი (8+5 მოხსნა), შორცანიდისი (4), მაჩვანი (3).</p><p>პ: ბატისტი (18+6 მოხსნა), დიამანტიდისი (16+9 პასი+5 მოხსნა), ნიკოლასი (14), სატო (13+7 მოხსნა), ფოცისი (5+7 მოხსნა), კალატესი (4+6 პასი), ვიუკასი (4), მარიჩი (2), პერპეროგლუ (2).</p><p>ფინალური მატჩი ბარსელონას "პალაუ სანტ ხორდიზე" 16 ათასი მაყურებლის თანდასწრებით ჩატარდა, თანაც უმეტესობა მონაწილე გუნდების ფანები იყვნენ. მატჩიც ფინალის დონისა გამოვიდა. ორივე გუნდმა დამაჯერებლად და უშეცდომოდ დაიწყო თამაში და ასე გაგრძელდა მესამე მეოთხედამდე. დიდი შესვენებისთვის სხვაობა 3 ქულა იყო "პანათინაიკოსის" სასარგებლოდ.</p><p>მატჩის მესამე ნაწილი უკეთ "მაკაბიმ" დაიწყო და შორცანიდისის ორქულიანით წინ გავიდა - 36:35. თუმცა ისრაელის ჩემპიონის წარმატება აქ დასრულდა. ცოტა ხანში "პანათინაიკოსმა" 8:0 გაქცევა მოაწყო და თითქმის მატჩის ბოლომდე შეინარჩუნა კომფორტული უპირატესობა. საფინალო სირენამდე 2 წუთით ადრე ბერძნების უპირატესობამ 12 ქულა შეადგინა.</p><p>თითქოს ყველაფერი დამთავრებული იყო, მაგრამ ელიაჰუს მონდომებით "მაკაბიმ" ბოლო წუთში სხვაობა ოთხ ქულამდე შეამცირა. შემდეგ იყო შეგნებული ჯარიმების ტაქტიკა, მაგრამ ამ შემთხვევაში ქულებს მხოლოდ ბერძნები აგროვებდნენ.</p><p>საბოლოოდ მივიღეთ "პანათინაიკოსის" დამსახურებული გამარჯვება, რომელიც მეექვსეა ამ კლუბის ისტორიაში. უფრო ტიტულოვანი ამ გუნდის მწვრთნელია - ჟელკო ობრადოვიჩმა მერვედ მოიგო ევროლიგა, აქედან მეხუთედ "პაოს" მთავარი მწვრთნელის რანგში.</p>
გერმანიამ თურქეთი დრამატულ მატჩში დაამარცხა და მსოფლიო ჩემპიონატის შემდეგ ევრობასკეტიც მოიგო
თურქეთმა საბერძნეთი შეარცხვინა - სუპერ ფინალის მოლოდინში!
გერმანიამ ფინეთი მარტივად დაამარცხა და ევრობასკეტის ფინალში გავიდა
PFL-ის ვარსკვლავური ბრძოლა - ნურმაგომედოვმა ჰიუზი მეორედ დაამარცხა
ახალი ეტაპი "იბერიაში" - გუნდს გუგა ნერგაძე უხელმძღვანელებს
ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება
"მამარდას" დებიუტი "ჩელსისთან", "ჟორჟი" "რეალის" წინააღმდეგ და ხვიჩა გოლების ასათვლელად
ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ
"მინდა გვარდიოლამ ესპანეთის ნაკრები ჩაიბაროს" - დავიდ სილვა
ვსა-მ დუდუ დადიანის თასი ზედიზედ მეორედ მოიგო
20 წლამდელთა ნაკრებს ვიტო კოლელიშვილი ჩაიბარებს
კონფერენს ლიგა: სიგუას ლამაზი სოლო-რეიდი და საგოლე პასი
[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო
[VIDEO] კიტეიშვილი დაბრუნდა და "რეინჯერსს" გაუტანა
The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის
კვერნაძე ერთმატჩიანი დისკვალიფიკაციით დასაჯეს
რამუში იამალის მისიასა და პედრის შურისძიებაზე: ამის დამტკიცება მოედანზეა საჭირო
19-წლამდელები ბოსნია და ჰერცეგოვინას დაუპირისპირდებიან - შემადგენლობა
21-წლამდელთა შემადგენლობა ოქტომბრის მატჩებისთვის
კიტეიშვილი და დვალი დაბრუნდნენ - ოქტომბრის მატჩებისთვის საქართველოს ნაკრების შემადგენლობა ცნობილია
"დე ბრუინი ლეგენდაა, ყოველთვის ვიცი, რომ თუ გავიხსნები, მიპოვის" - ჰოილუნი
"კარგი პერიოდი გქონდა, მაგრამ ახლა ჩემი დროა" - სენდჰეგენმა დვალიშვილს მიმართა
"ისინი უპატივცემულოდ მომექცნენ" - ანტონიმ "მანჩესტერ იუნაიტედი" გააკრიტიკა