- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ქართული ლეგიონის გვალვიანი უქმეები
<p>განსაკუთრებით უიღბლო ეს ტური რუსეთში მოთამაშე ქართველი ფეხბურთელებისთვის გამოდგა <br> მიუხედავად იმისა, რომ საქართველოში გამუდმებით წვიმს, ქართულ ლეგიონს "გვალვიანი" უქმეები გამოუვიდა - თუ არ ჩავთვლით მოლდოვის ჩემპიონატში მოთამაშე 30 წლის ლევან კორღალიძის გოლს, ჩვენებურებს თავი არაფრით გამოუჩენიათ.</p><p>ვერ ვიტყვით რომ ქართველი ფეხბურთელები მთელ ევროპაში ბრწყინავენ, მაგრამ ასეთ მოუსავლიან კვირასაც ვერ ვიხსენებთ. განსაკუთრებით უიღბლო ეს ტური რუსეთში მოთამაშე ქართველებისთვის გამოდგა...</p><p><strong>დამნაშავე მე ვარ მხოლოდ</strong></p><p>რუსული პრემიერლიგის 12 ქართველი ლეგიონერიდან მხოლოდ ორმა ითამაშა! მათი ნახევარი "ვოლგაში" თამაშობს, რომელსაც ომარ თეთრაძე წვრთნის. თეთრაძე მე-8 ტურში ყოფილ კლუბ "ანჟის" მასპინძლობდა. ქართველმა სპეციალისტმა მხოლოდ ორი თანამემამულე ათამაშა, დაცვაში ლაშა სალუქვაძე და შუახაზში გოგიტა გოგუა. მათე ვაწაძე სათადარიგო იყო, ხოლო სხვები განაცხადშიც არ ყოფილან.</p><p>მიუხედავად იმისა, რომ "ვოლგამ" ტაიმი მოიგო, ნიჟნი ნოვგოროდის გუნდი საბოლოოდ 1:2 დამარცხდა. "ჩემპიონატმა" გოგუას 6 ბალი დაუწერა, ეს შეფასება ერთ-ერთი საუკეთესო იყო დამარცხებულ გუნდში, სალუქვაძემ კი 5 ბალი მიიღო. სალუქვაძე გრიგალავას ცვლიდა დაცვის ცენტრში და ჩვეულ პოზიციაზე (მარჯვენა ფლანგზე) არ უთამაშია.</p><p>მატჩის შემდეგ თეთრაძემ გულშემაკტივრებს ბოდიში მოუხადა: "მინდა მოგიბოდიშოთ საშინელი მეორე ტაიმისთვის. ბიჭების სათანადოდ განწყობა ვერ შევძელი. მთელ პასუხისმგებლობას ამის გამო ჩემ თავზე ვიღებ, ფეხბურთელების ბრალი არაფერია."</p><p>ჯანო ანანიძეს (სპარტაკი) კოჭის ტრავმა გაუმიზეზდა, ნუკრი რევიშვილი (ანჟი) დაშავებულია, ალეკო ამისულაშვილის (კრასნოდარი) გამოჯანმრთელებამდე ჯერ დიდი დროა, დავით სირაძე (ნალჩიკი) სათადარიგოთა სკამზე დატოვეს.</p><p>რუსულ პრემიერლიგაზე სათქმელი მეტი არ გვაქვს და დუბლების ჩემპიონატზე შევჩერდებით, "რუბინის" დუბლებმა 2:0 მოუგეს "კრასნოდარისას" და ორივე გოლი ქართული წარმოშობის რუსეთის მოქალაქეებმა გაიტანეს, ნახევარმცველმა მიხეილ გორელიშვილმა და ფორვარდმა მერაბ ურიდიამ. მასპინძელთა შორის ითამაშეს ქართველმა ლეგიონერებმაც, ავთანდილ ბრაჭულმა და საბა კვირკველიამ.</p><p><strong>ვინ გავარდება?</strong></p><p>უკრაინული პრემიერლიგის დასრულებამდე 2 ტურით ადრე კვლავ გაურკვეველია, რომელი გუნდი დატოვებს ჩემპიონატს ზაპოროჟიეს "მეტალურგთან" ერთად. მაშინ, როცა თორნიკე ოქრიაშვილის "ილიჩივეცმა", მათე ღვინიანიძის "სევასტოპოლმა" და ჯაბა კანკავას "კრივბასმა" მოიგეს, დამარცხდა ჯაბა ლიპარტიას"ზარია".</p><p>ახლა მდგომარეობა ასეთია: ბოლოსწინა "ილიჩივეცს" 26 ქულა აქვს და ერთით ჩამორჩება "ზარიას" და "სევასტოპოლს", "კრივბასს" კი - 3-ით. მოკლედ, მიუხედავად იმისა, რომ "ილიჩივეცმა" 5:1 მოუგო "ტავრიას", რომელსაც ტრავმირებული გიგიაძე აკლდა, ყველაზე რთულად საქმე მაინც მას აქვს. ახალგაზრდა ქართველი ნახევარმცველი მეორე ტაიმში გამოვიდა (4:1-ზე) და მატჩის მიწურულს ყვითელი ბარათი მიიღო. 79-ე წუთზე მას ძალიან ლამაზი გოლის გატანა შეეძლო, მაგრამ მცირედით ააცილა ბურთი "ტავრიას" კარს.</p><p>ქართველთა გუნდებიდან ყველაზე კარგად "დნიპრო" თამაშობს ჩემპიონატში, უჩა ლობჟანიძის გუნდი 53 ქულით მესამეა, თუმცა თავად ქართველ მცველს აქვს პრობლემები, ხუანდე რამოსი მას ნაკლებად ენდობა, "ზარიასთან" მატჩშიც ბოლო წუთზე შეიყვანა და ისიც მხოლოდ დროის მოსაგებად.</p><p><strong>დევდარიანის საგოლე, ძალამიძის მიკროტრავმა</strong></p><p>დანიაში დავით დევდარიანის "ორჰუსმა" წინა ტურში გაინაღდა სასლიგის საგზური. ახლა ჩვენებურის გუნდი სტუმრად "ჰიორინგს" დაუზავდა. ქართველს ამჯერად გოლი არ გაუტანია, თუმცა თავი საგოლე გადაცემით გამოიჩინა.</p><p>ლადო დვალიშვილის "მაქაბი" საჩემპიონო ტიტულს მიუახლოვდა. ქართველის გუნდმა სტუმრად თელ ავივის "მაქაბი" 2:0 დაამარცხა. პირველი გოლისას ლადოს დარტყმული მცველს მოხვდა და ქართველის თანაგუნდელმა დაამატა.</p><p>პოლონეთში მცირე ტრავმის გამო არ უთამაშია "ვიძევის" შემტევ ნახევარმცველ ნიკა ძალამიძეს. მწვრთნელმა ის დაასვენა, ლოძელებმა კი მის გარეშეც მოიგეს სტუმრად "იაგიელონიასთან" - 3:1. ძალამიძის ტრავმა სერიოზული არ არის და ის მომდევნო ტურში დაუბრუნდება გუნდს, რომელიც 33 ქულით მე-10 ადგილზეა.</p><p>უნგრულ შოპრონილიგაში "ეტო" სტუმრად "კეჩშკემეტს" დაუზავდა - 3:3. ამ უხვგოლიან მატჩში რატი ალექსიძეს თავი არ გამოუჩენია და ის მეორე ტაიმში შეცვალეს (შეფასება 5 ბალი). მოულოდნელად "ეტოს" სასტარტო შემადგენლობაში ლაშა თოთაძე გამოჩნდა (6 ბალი).</p><p>იაპონურ ჯეი-ლიგაში ამჯერად გოლი აღარ გაუტანია "სანფრეჩეს" ქართველ ლეგიონერ დავით მუჯირს, მან 90 წუთი ითამაშა "კოფუსთან" 1:1 დასრულებულ მატჩში.</p><p>იტალიის სერია B-ში ლევან მჭედლიძემ დაიბრუნა ადგილი "ემპოლის" სასტარტო შემადგენლობაში. მისმა გუნდმა კი "ალბინოლეფეს" 3:1 სძლია. ჩვენებური მეორე ტაიმში გამოცვალეს. მართალია, "ემპოლი" მხოლოდ მეცხრეა, მაგრამ საპლეიოფო ადგილამდე გუნდს მხოლოდ 2 ქულა აშორებს. ჩემპიონატის დასრულებამდე კი სამი ტური დარჩება.</p><p><strong>ჰა ბურთი, ჰა პლეი ოფი!</strong></p><p>ზურაბ ხიზანიშვილის გარეშე დაასრულა ჩემპიონატი "რედინგმა", რომელმაც ბოლო ტურში "დერბის" 2:1 მოუგო. "როიალსმა" ჩემპიონატი 77 ქულით მე-5 ადგილზე დაასრულა და ახლა პრემიერლიგაში გადასასვლელ პლეი ოფში "კარდიფს" (80 ქულა, მე-4 ადგილი) ხვდება. "რედინგს" პირველი ნახევარფინალი 13 მაისს შინ ელის უელსურ კლუბთან. ქართველმა მცველმა 46 ტურიდან 22-ში მიიღო მონაწილეობა.</p><p><strong>99,99% სინჯის ოქროს გოლი</strong></p><p>ლევან კორღალიძემ მოლდოვის ნაციონალურ დივიზიონში მე-13 გოლი მიითვალა. მან "დინამოს" 32-ე წუთზე გაუტანა და ანგარიში 2:0 გახადა (შეხვედრა ლიდერმა 3:1 მოიგო). ჩემპიონატის ოფიციალური საიტი წერს, რომ ლევანის გოლმა "დაჩია" 99,99%-ით მოლდოვის ჩემპიონი გახადა.</p>
Le Parisien: შთამბეჭდავი კვარაცხელიათი დუეს გარეშე - მათი გუნდში ყოლა ნებისმიერი მწვრთნელისთვის ფუფუნებაა
"პარიზს უყვარხარ, "კვარადონა" - ევროპის უდიადეს სცენებს ანათებ" - პსჟ ხვიჩას აქებს
"მამარდაშვილის ტრანსფერზე "ლივერპულს" რამდენიმე კლუბმა მიმართა - გადაწყვეტილება სწრაფად უნდა მიიღონ" - ბრიტანული მედია
"ჩელსის" დიდი დანაკლისი პსჟ-ისთან მატჩის წინ - ლონდონელებს გუნდის კაპიტანი გამოაკლდათ
მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის
მე-17 ტურის ბოლო მატჩში "რუსთავმა" გურჯაანში "დელტა" დაამარცხა
VIDEO | ეროვნული ლიგა | დილა 1-0 ტორპედო. რამდენი რამ იყო "პირველად"...
დიხამინჯიამ 7 ბურთი გაიტანა, გავაშელიშვილმა და ცხოვრებაძემ 5-5, 4 გოლია კალანდაძის ანგარიშზე
"რასიზმი სირცხვილია, მაგრამ მოედნიდან არ უნდა გავდიოდეთ" - ხეფრენ ტურამი
ბათუმმა ზედიზედ მეოთხე გამარჯვება ორბთან იზეიმა
[VIDEO] პსჟ-მდე "ჩელსი" სახლში "ნიუკასლთან" დამარცხდა
[VIDEO] რეგრესი - საქართველოს ნაკრები რაგბი ევროპის ჩემპიონატის ფინალში პორტუგალიასთან დამარცხდა
VIDEO | ეროვნული ლიგა | რუსთავი 1:2 გაგრა. სულ სხვა "გაგრა"...
[VIDEO] სობოსლაის ულამაზესი ჯარიმა და რიშარლისონის გოლი 90-ე წუთზე - "ტოტენჰემი" "ენფილდზე" არ დამარცხდა
[VIDEO] რაფინიას ბენეფისი "სევილიასთან" - "ბარსელონამ"უხვგოლიან დაპირისპირებაში გაიმარჯვა
[VIDEO] წიტაიშვილის საგოლე გადაცემა - "მეცმა" "ტუტუზასთან" ანგარიში 0:2-დან გაათანაბრა
VIDEO | ეროვნული ლიგა | იბერია 1999 0:0 დინამო (თბ). ნულები, რომელიც არ გვიკვირს
სუპერლიგის მე-17 ტური კსუ-ს, "ქუთაისის" და "ივერიონის" მოგებებით დაიწყო
ემერის რეკორდი - "ასტონ ვილას" თავკაცმა საიუბილეო ნიშნული დააფიქსირა
ორი ვარიანტი - ვინ შეიძლება ჩაანაცვლოს ირანი მუნდიალზე, თუ ქვეყანა მსოფლიო ჩემპიონატზე გამოსვლაზე უარს იტყვის
გირასი სერია A-ს გრანდების სამიზნეში - "დორტმუნდის" ფორვარდს იტალიაში უხმობენ
შეინარჩუნებს პოსტს? - ტუდორის ბედი "ლივერპულთან" მატჩზე გადის
"ნაპოლი" ჰოილუნდს 44 მილიონ ევროდ გამოისყიდის