კიდევ ერთი დასჯილი ქართულ სპორტში?

სამწუხაროდ, ქართველ სპორტსმენთა უდისციპლინობაზე კვლავ გვიწევს წერა - ამჯერად ძიუდოისტ ნოდარ მეტრეველზე სამწუხაროდ, კიდევ ერთხელ გვიწევს წერა ქართველ სპორტსმენთა უდისციპლინობაზე. ამჯერად, ძიუდოზე, კონკრეტულად კი მძიმეწონოსან ნოდარ მეტრეველზე.შეგახსენებთ - ამ უქმეებზე ის გუნდთან ერთად ბაქოში იმყოფებოდა "დიდი პრიზის" ტურნირზე, წილისყრის ოქმებშიც იყო შეყვანილი, მაგრამ არ უჭიდავია. გუშინ ამის მიზეზის ნაწილობრივ დადგენა შევძელით - როგორც ბაქოდან დაბრუნებულმა საქართველოს ძიუდოს ფედერაციის პრეზიდენტის მოვალეობის შემსრულებელმა გიორგი ალექსიძემ გვითხრა, სპორტსმენმა დაარღვია მწვრთნელთა სავარჯიშო გეგმა და ამის გამო დაისაჯა.სამწუხაროდ, ალექსიძემ მწვრთნელთა საქართველოში დაბრუნებამდე არ ისურვა დაკონკრეტება, რაში გამოიხატა ეს დარღვევა. სამაგიეროდ, გვითხრა, რომ მწვრთნელებთან კონსულტაციების შემდეგ სადამსჯელო ღონისძიებებს ფედერაციაც გაატარებს. გუნდი ბაქოში კიდევ ერთი კვირა დარჩება და ერთობლივ ვარჯიშებში მიიღებს მონაწილეობას, რომელშიც რვა გუნდი ჩაებმება: აზერბაიჯანი, საქართველო, თურქეთი, ყაზახეთი, ტაჯიკეთი, ესტონეთი, ჩეხეთი და სლოვენია.სამწუხაროდ, ეს არაა პირველი შემთხვევა, როცა ძიუდოს ფედერაციას საკუთარი სპორტსმენების დასჯა უწევს. შორეულ წლებს რომ თავი დავანებოთ, მხოლოდ ამ გაზაფხულზე ორი ძიუდოისტი დასაჯეს - ადამ ოქრუაშვილი პოლონეთში, რბილად რომ ვთქვათ, მიუღებელი ქცევისთვის, ხოლო სოსო ნიჟარაძე ვარჯიშზე ნაკრების კონსულტანტთან, ოლიმპიურ ჩემპიონ ზურაბ ზვიადაურთან ჩხუბისთვის, როცა ნიჟარაძემ მის მითითებებს დებოშით უპასუხა.მოვლენათა ასეთი განვითარება ძალიან ცუდია - ოქრუაშვილი წონის ერთ-ერთი გამოკვეთილი ლიდერი და ოლიმპიური ლიცენზიის მოპოვების რეალური კანდიდატი იყო. იგივე ითქმის მეტრეველზე, თუმცა ის შედარებით ახალი გადასულია ამ წონაში, ოღონდ უკვე დაიმსახურა ნაკრების თავკაც პეტერ ზაიზენბახერის სიმპათიები და გუნდის იმედიც გახდა. მწვრთნელები მასაც საგზურის რეალურ პრეტენდენტად განიხილავდნენ და იმათ შორის იყო, ვისაც ზაიზენბახერი მსოფლიოს პირველობისთვის საგანგებო გრაფიკით ამზადებდა. დაგვეთანხმებით, ასეთი აკრძალვები პირდაპირ ურტყამს ნაკრების შედეგებს, თუმცა დისციპლინაც აუცილებელია. მეტრეველსაც თუ აუკრძალეს ჭიდაობა, თუნდაც მცირე ხნით, ეს აუცილებლად დაეტყობა მის მომზადებას მსოფლიოსთვის, რადგან იქამდე არც ისე დიდი დრო დარჩა - აგვისტოში იმართება. აქვე იმასაც შევნიშნავთ, რომ მეტრეველი "რეჟიმისტი"არასოდეს ყოფილა და მწვრთნელები ყოველთვის საყვედურობდნენ ამაზე, მაგრამ საქმე დასჯის ასეთ მეთოდამდე არასოდეს მისულა.კიდევ უფრო სამწუხარო ისაა, რომ უდისციპლინობა და ჩხუბი (თუმცა, ვიმეორებთ - არ ვიცით, ამ კონკრეტულ შემთხვევაში ჩხუბი იყო თუ სხვა მიზეზია) ზოგადად ქართველი სპორტსმენების დამახასიათებელ თვისებად იქცა. მაგალითად, მახაჩყალაში მარტში გამართულ თავისუფალი სტილის მოჭიდავეთა მსოფლიოს თასზე ჩვენი გუნდის ერთბაშად ორმა წევრმა იჩხუბა და მთელმა დარბაზმა დაუსტვინა, დაღესტნელ კომენტატორს კი ანტიქართული აგრესიის გამოვლინების შანსი მისცეს;მოგვიანებით ბაქოში ისევ "თავისუფალთა", ოღონდ ამჯერად ჭაბუკთა ტურნირზე იჩხუბა ჩვენმა მძიმეწონოსანმა და თავი მოახსნევინა, რითაც ფინალში გასვლის ჩინებული შანსი დაკარგა - იმ პერიოდში უგებდა თურქ მეტოქეს, რომელსაც რეალურადაც აღემატებოდა მომზადებით და სპორტული ფორმით... გვესმის, ამათგან ზოგიერთ შემთხვევაში მეტოქემ ჩვენიანი წმინდა სპორტული აფერისტობით პროვოკაციაზე წამოაგო, მაგრამ აჯობებს, ჩვენმა სპორტსმენებმა გაისიგრძეგანონ, რომ უცხოეთში საკუთარ სამშობლოს წარმოადგენენ. ამასთან, ის პატარ-პატარა ეშმაკობებიც ისწავლონ, რათა უხეშობას აგრესიით კი არა, დაფარული "მუჯლუგუნებით"უპასუხონ. ამ შემთხვევაში არც შეჯიბრებიდან მოხსნიან და რეპუტაციასაც შეინარჩუნებენ. გვინდა - არ გვინდა, მოგვწონს თუ არა, სპორტული ეშმაკობა პაექრობის შემადგენელი ნაწილია და მისი ცოდნაც აუცილებელია.

"წინასწარ მაფრთხილებდნენ: "ხომ მართლა იქნები ბაკურიანში შეკრებაზე?". დავეჭვდი, ასე რატომ მაფრთხილებენ-თქო" - ბექა ღვინიაშვილმა ძიუდოს კარიერის დასრულების მიზეზზე ისაუბრა

[VIDEO] შავდათუაშვილი და დვალაშვილი ბრინჯაოს მედლებისთვის ბრძოლაში დამარცხდნენ - ტოკიოს გრანდ სლემის მეორე დღე

[VIDEO] მასპინძელი იაპონელი იპონით დაამარცხა! - ილია სულამანიძე ტოკიოს გრანდ სლემის გამარჯვებულია

ბაირამიანი: სომხეთის ნაკრებიც გაისვრის საქართველოს და უზბეკეთის მსგავსად

18 წ. | მესამედ ექვსი ერის ფესტივალზე

კვერნაძემ შეიძლება მნიშვნელოვანი მატჩი გამოტოვოს

ფიბა-ს სამსაჯო წელს ვართანოვი ათენში გახსნის, თვაური იზმირით გააგრძელებს

საზონოვი ტრანსფერზეა - "ტორინო" ზამთარში ქართველის გაყიდვას შეეცდება

[VIDEO] სემენიომ ისევ გაიტანა - "სიტიმ" "ნიუკასლი" დაამარცხა და EFL თასის ფინალისკენ პირველი ნაბიჯი გადადგა

[VIDEO] ლებრონის მორიგი ბრწყინვალე შეხვედრა - "ლეიკერსმა" "ატლანტა" დაამარცხა

"ზიზუ, გემი იძირება, დაგვიბრუნდი" - "რეალის" ფანებმა ბანერი გამოკიდეს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

მიხეილ ნარიაშვილი - "ბორჯღალოსნების" შერკინების მწვრთნელი

"გალათასარაი"? - ფაბიან რუისს პსჟ არ ეთმობა

ფრანგული კლუბის ექს-პრეზიდენტი დედის დაკრძალვაზე მოკლეს

საქართველოს ნაკრებმა ბოლო საკონტროლო შეხვედრა ალჟირთან ჩაატარა და ორი ბურთის სხვაობით დამარცხდა

ევროპის ჩემპიონატი. საქართველოს ნაკრები ხორვატიასთან დამარცხდა

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

[VIDEO] გობერის უხეში ფოლი ვემბანიამაზე — დისკვალიფიკაცია და 200 ათას დოლარზე მეტი ჯარიმა!

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

"ამას გრანდებთან ხომ არ იზამდა?" - "ბარნსლის" მწვრთნელი სობოსლაის საჩუქრით უკმაყოფილო დარჩა

ვერნერი კარიერას ქართველებისთვის კარგად ნაცნობ გუნდში გააგრძელებს

"არსენალს" რეკორდსმენი აუტების მწვრთნელი ეყოლება