<p><p><div style="text-align: center;">ფოტო: არჩილ გეგენავა</div></p></p><p><p><p>დიდი 10-ის მიმდინარე სეზონის დასკვნით ტურს ცხრა გუნდი განსხვავებული მიზნებით ხვდება. გასარკვევია, ვინ გავა შესარჩევ ფინალში, ვინ ითამაშებს საჩემპიონო პლეი-ოფში, ვინ იქნება პლეი-ოფის პირველ ეტაპზე მასპინძელი, ვინ დარჩება დიდ 10-ში და ვინ დააღწევს თავს გადათამაშებას.</p></p></p><p><p><p>ხუთივე თამაში ერთდროულად, 6 აპრილს, 15:30 საათზე პარალელურ რეჟიმში, თბილისში, პატარძეულსა და რუსთავში დაიწყება.</p></p></p><p><p><p>ერთადერთი, ვინც დასკვნით ტურს უმოტივაციოდ ხვდება, "ბათუმია", რომელსაც პირველი ადგილი გარანტირებული აქვს, თუმცა, ამის მიუხედავად, გასულ ტურში ის "არმიას" უძლიერესი შემადგენლობით დაუხვდა და 30:13 დაამარცხა. ახლა ზღვისპირელები თბილისში, ვაზისუბანში "არმაზს" სტუმრობენ, რომელიც ექვსეულში დამკვიდრებისთვის იბრძვის.</p></p></p><p><p><p>მარნეულელებმა გასულ ტურში უშუალო კონკურენტ "ლელო-სარასენსს" 26:7 სძლიეს, რითაც ექვსეულში შევიდნენ, 37 ქულით მეხუთე ადგილზე არიან და "ბათუმთან" მოგებით არა მხოლოდ ადგილს შეინარჩუნებენ, არამედ მეოთხე ადგილზე ასვლის და პლეი-ოფის პირველ ეტაპზე შინ თამაშის შანსიც ექნებათ. პირველ წრეში "არმაზმა" ბათუმელებს დიდი ბრძოლა გაუმართა და ზღვისპირეთიდან ბონუსით დაბრუნდა (20:15).</p></p></p><p><p><p>„ავჭალაზე“ თბილისის "არმია" გორის "ჯიქს" მასპინძლობს. გუნდები განსხვავებული მიზნებისთვის იბრძვიან - თბილისელებს ბოლო ადგილისთვის სურთ თავის დაღწევა, გორელებს - ექვსეულში შესვლა. მიზნის მისაღწევად თავისი თამაში ორივეს მოსაგები აქვს, ოღონდ პარალელურ თამაშებში სასურველ შედეგებს უნდა ელოდონ. "არმიას" დიდ 10-ში დარჩენის შანსი მხოლოდ "აკადემიას" მარცხის შემთხვევაში ექნება, "ჯიქს" კი "აიას", "არმაზის" ან "ლელო-სარასენსის" მარცხი აძლევს ხელს.</p></p></p><p><p><p>გასულ ტურში ორივე გუნდი დამარცხდა. 2019 წელს კარგად ათამაშებული "არმია" წინა ტურში ბათუმში დამარცხდა, "ჯიქმა" კი "ლოკომოტივთან" დათმო შეხვედრა. პირველ წრეში "ჯიქმა" "არმიას" 11:6 მოუგო, თუმცა მაშინ ორივე გუნდი სასურველი ფორმისგან შორს იყო, ახლა კი ბევრად უკეთესი ხარისხის რაგბის თამაშობენ.</p></p></p><p><p><p>თბილისში მესამე მატჩი ნუცუბიძეზე გაიმართება და დედაქალაქურ დერბიში "აკადემია" "ლელო-სარასენსს" ეთამაშება. „მხატვრებს“ ოთხი თამაშია არ მოუგიათ და გასავარდნ ზონას 3 ქულა აშორებთ. ამრიგად, მათ გავარდნისგან თავის ასარიდებლად მოგება სჭირდებათ და ასეთ შემთხვევაში, თუ "ვეფხვები" დამარცხდა, გადათამაშებასაც აირიდებენ.</p></p></p><p><p><p>ბოლო ორი თამაში დათმო "ლელო-სარასენსმა". ის ახლა მე-6 ადგილზეა და მხოლოდ 1 ქულით უსწრებს "ჯიქს". აღსანიშნავია, რომ ურთიერთშეხვედრებში გორელებს "ლელო-სარასენსთან" უკეთესი მაჩვენებელი აქვთ და თბილისელებს ექვსეულში ადგილის დასაბევებლად პრემიით გამარჯვება სჭირდებათ. ამავდროულად, მათ მეოთხე ადგილზე ასვლის და პლეი-ოფის პირველი მატჩის საკუთარ მოედანზე გამართვის შანსიც აქვთ. პირველ წრეში "აკადემიამ" შეძლო მეტოქის დამარცხება, მოკრძალებული სხვაობით 5:3. კიდევ ერთი საინტერესო დეტალი - ორივე გუნდმა ბოლო გამარჯვება ქვეყნის მოქმედ ჩემპიონ "ლოკომოტივთან" მოიპოვა და ორივემ მინიმალური სხვაობით.</p></p></p><p><p><p>დიდი 10-ის დებიუტანტი "ვეფხვები", რომელმაც უძლიერესთა შორის დარჩენის საკითხი გასულ ტურში ქუთაისში "აიას" ბონუსით დამარცხებით გადაჭრა, პატარძეულში რუსთავის "ხარებს" მასპინძლობს. ახლა კახელები უნდა ეცადონ, რომ მე-8 ადგილი შეინარჩუნონ და "იუნკერებთან" გადათამაშებაც აირიდონ. ამისთვის მათ გამარჯვება სჭირდებათ, მაგრამ გამარჯვება სწყურია "ხარებსაც", რომელიც მოგებით მეორე ადგილს შეინარჩუნებს და პირდაპირ შესარჩევ ფინალში მოხვდება. პირველ წრეში რუსთაველებმა "ვეფხვებს" 19:12 მოუგეს.</p></p></p><p><p><p>მეორე ადგილის მაძიებელი, ქვეყნის მოქმედი ჩემპიონი თბილისის "ლოკომოტივი" რუსთავში ქუთაისის "აიას" მასპინძლობს. რკინიგზელებს გამარჯვებით შესარჩევ ფინალში გასვლის შანსი ეძლევათ, თუმცა "აიას" ექვსეულში დასარჩენად უწევს ბრძოლა და იოლად არაფერს დათმობს. სტუმრებს საჩემპიონო პლეი-ოფში თამაშის შანსი მარცხის შემთხვევაშიც ექნებათ, ოღონდ ამისათვის მათი სამი მდევრიდან ერთ-ერთმა ვერ უნდა გაიმარჯვოს. არის კიდევ ერთი მოტივაცია - ქუთაისელებს მოგებით მეოთხე ადგილის შენარჩუნების და შესაბამისად, პლეი-ოფის პირველ ეტაპზე საკუთარ მოედანზე თამაშის შანსი ექნებათ. პირველ წრეში "ლოკომოტივმა" ქუთაისში 28:14 იმარჯვა.</p></p></p><p><p><p><strong>მომზადებულია Rugby.ge-ს მიხედვით</strong></p></p><br></p>
Crocobet დიდი 10-ის ახალი სეზონის დაწყებამდე დარჩა 4 დღე!
crocobet დიდი 10-ის ფინალი | სამი წლის შემდეგ - "ბათუმი" საქართველოს ჩემპიონია!
დიდი 10 | ბათუმი 33:21 ხარები
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
დიდი 10-ის გარდამავალი ტურნირი 9 ოქტომბერს დაიწყება
შიდა ჩემპიონატები სექტემბერში იწყება
კოვიდის 14 შემთხვევა და გადადებული შეხვედრა
კიდევ ერთი სახალისო ეპიზოდი ნიაზ მამრიკიშვილის შესრულებით [VIDEO]
Crocobet დიდი 10-ის ახალი სეზონის დაწყებამდე დარჩა 4 დღე!
დიდი 10 - ახალი სეზონი 24 სექტემბერს დაიწყება