- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მოსალოდნელი ვერდიქტი, ანუ ერთადერთი გამოსავალი?
<p>როგორც ჩანს, მხოლოდ ხუთი ფეხბურთელის დასჯა ყოფილა სკანდალური სიტუაციიდან ერთადერთი გამოსავალი <br> განაჩენი გამოტანილია: ტოტალიზატორის სკანდალში გახვეულ ხუთ ქართველ ფეხბურთელს სამუდამო დისკვალიფიკაცია მიესაჯა!</p><p>აი, ასეთი იყო საქართველოს ფეხბურთის ფედერაციის აღმასკომის გუშინდელი გადაწყვეტილება, რაც იმის მაუწყებელია, რომ 35 წლის როინ ონიანს, 29 წლის ლევან ვართაგავას (ორივე -"ბაია"), 32 წლის სპარტაკ გოგიას, 24 წლის კახაბერ კირთაძეს (ორივე-"სამტრედია") და 24 წლის გიგა ბეჭვაიას ("ვიტ ჯორჯია") ამიერიდან პროფესიულ დონეზე თამაში ეკრძალებათ.</p><p>რა თქმა უნდა, ფეხბურთელებს ამ გადაწყვეტილების გასაჩივრება შეეძლებათ; ნურც იმას გამოვრიცხავთ, რომ გარკვეული დროის გასვლის მერე (ვთქვათ, ერთი-ორი წლის შემდეგ) ამ ხუთიდან რომელიმე ფეხბურთელს... ამნისტია შეეხოს და საყვარელ საქმიანობას დაუბრუნდეს. ბოლოს და ბოლოს, მსგავსი პრეცედენტი ადრეც ყოფილა: მესამე ჩემპიონატში, გურჯაანის "ალაზანისა" და რუსთავის "გორდას" შეხვედრაში, სტუმართა ერთ-ერთმა წამყვანმა ფეხბურთელმა ნერვები ვერ მოთოკა მსაჯის აშკარა ტენდენციურობის გამო და არბიტრს... პანღური ამოარტყა!</p><p>მსაჯის შეცდომა აშკარა იყო, მაგრამ ფეხბურთელის საქციელსაც არ ჰქონდა გამართლება და იმის მიუხედავად, რომ ეს მოთამაშე თავის ამპლუაში საქართველოში ერთ-ერთი საუკეთესო გახლდათ და მანამდეც არასდროს ყოფილა შემჩნეული დისციპლინის დარღვევაში, მაინც უმკაცრესი განაჩენი გამოუტანეს - სამუდამო დისკვალიფიკაცია მიუსაჯეს! თუმცა, სულ მალე ამ ფეხბურთელმა პრესის საშუალებით დანაშაული მოინანია და სამუდამო დისკვალიფიკაციაც... პირობითად შეეცვალა (ეგ კი არა, იმის მერე ბევრად უფრო წარმატებული კარიერაც ჰქონდა). მოკლედ, იმის თქმა გვინდა, რომ აღმასკომის გუშინდელი გადაწყვეტილება მთლად საბოლოო არ უნდა იყოს და თუ ზემოთდასახელებული ხუთი ფეხბურთელი თავს უდანაშაულოდ მიიჩნევს, ალბათ, ვალდებულიც არის რომ გაასაჩივროს.</p><p>არადა, როგორც ცნობილია, აღმასკომის წევრთა ნაწილი ფეხბურთელების 5 წლით დისკვალიფიკაციას ითხოვდა, მეორე ნაწილი კი - სამუდამოს. ანუ, ფაქტობრივად, დიდი სხვაობა არც უნდა ყოფილიყო: მოთამაშე 5 წლით რომ ჩამოცილებული იქნება სავარჯიშო პროცესს, ცოტა არ იყოს, ძნელი წარმოსადგენია, რომ ამ ვადის გასვლის შემდეგ ძველებურ დონეზე იასპარეზოს (ერთადერთი, ალბათ, ედუარდ სტრელცოვის მაგალითია გამონაკლისი, შვიდწლიანი პატიმრობის შემდეგ კვლავაც ვარსკვლავურად რომ თამაშობდა).</p><p>ველოდით თუ არა აღმასკომისგან ასეთ ვერდიქტს? უფრო, ალბათ, ველოდით; ოღონდ, რატომღაც ისიც გვჯეროდა, რომ მხოლოდ და მხოლოდ ამ ხუთ ფეხბურთელს დასჯიდნენ "სამაგალითოდ" და ამით, ის მართლაც სკანდალურ-გახმაურებული თემა "დაიხურებოდა"! არადა, რა ვქნათ: ვერაფრით დაგვიჯერებია, რომ იმ ავადგასახსენებელი სამი მატჩის ("დინამო"-"ბაია", "ვიტ ჯორჯია"-სიონი", "სიონი"-"სამტრედია") მანიპულირებაში მხოლოდ და მხოლოდ ონიანი, ვართაგავა, გოგია, კირთაძე და ბეჭვაია იღებდნენ მონაწილეობას. ისიც უცნაურად გვეჩვენება, რომ უეფადან გამოგზავნილ (თანაც, ბევრად უფრო ადრე, ვიდრე კონსტიტუციური უსაფრთხოების დეპარტამენტი ვიდეოკადრებს გაავრცელებდა) წერილს, ბევრად უფრო "სერიოზული გაგრძელება" ექნებოდა. ანუ, რა გამოდის: უეფაში სერიოზული ეჭვი აქვთ, რომ "ვიტ ჯორჯია"-"სპარტაკის" სათასო და ჩემპიონატის შეხვედრა, პლუს "კოლხეთი"-"სამტრედიას" მატჩი ასევე მანიპულირებელი იყო, მაგრამ...</p><p>...არ დავმალავთ: ვერდიქტი მკაცრი იყო, მაგრამ მოსალოდნელი; თუმცა, კიდევ ვიმეორებთ, რომ მხოლოდ ამ ხუთი ფეხბურთელის მოკვეთით საქმე არ უნდა "დაიხუროს"; პირიქით, - ალბათ, აჯობებს, რომ ისეთი მექანიზმი შემუშავდეს, კონკრეტულ ფეხბურთელ(ებ)ს, მწვრთნელ(ებ)ს, მსაჯ(ებ)სა თუ, საერთოდ ფეხბურთში დასაქმებულ პიროვნებებს გარკვეული მანიპულაციების სურვილი ერთხელ და სამუდამოდ გაუქრეთ. თორემ, დაუსჯელობის სინდრომი კვლავაც თუ იქნება, მაშინ წინ ვერავის და ვერაფერს აღვუდგებით, - რა ვქნათ, დღესაც ვერაფრით დაგვიჯერებია, რომ იმ ავადსახსენებელ საქმეში მხოლოდ და მხოლოდ როინ ონიანი, ლევან ვართაგავა, სპარტაკ გოგია, კახაბერ კირთაძე და გიგა ბეჭვაია არიან გარეულნი.</p><p>თუმცა, ეტყობა, "საქმისათვის" ასე სჯობდა: ერთი-ორის (ანუ, ხუთი კაცის) დასჯა ბევრად იოლი გამოსავალით მოჩანს; ანუ, თუ მანიპულაციებში გარეულ ფეხბურთელთა რიცხვი გაიზრდებოდა, ამ შემთხვევაში უკვე, საერთოდ, გუნდების დასჯის საკითხიც დადგებოდა დღის წესრიგში. დიახ, გუნდების (და არა, ერთი-ორი გუნდის), - ეს კი, თავად განსაჯეთ, რამხელა მასშტაბის სკანდალს გამოიწვევდა და ამ შემთხვევაში ხომ არა მხოლოდ ეროვნული ჩემპიონატის, არამედ, საერთოდ, ქართული ფეხბურთის პრესტიჟიც შეილახებოდა (თანაც, საერთაშორისო დონეზე). ახლა კი, ფაქტობრივად, ამ საქმეს წერტილი დაუსვეს და თუ ვინმეს ჰგონია, რომ ერთ (გნებავთ, ორ) ფეხბურთელს შეუძლია ყველა "ვალდებულების" (აუტების საკმარისი რაოდენობა, პირველი ყვეითელი ბარათი, ადრეული შეცვლა, პენალტი და ასე შემდეგ) შესრულება, მაშინ მართლაც კარგად ყოფილა ჩვენი ფეხბურთის საქმე.</p><p>თანაც, არ დაგვავიწყდეს, რომ სეზონის ბოლოა და იმის საშიშროებაც ხომ იყო, რომ სატურნირო ცხრილი... ძირფესვიანად შეცვლილიყო. ეს კი იმ შემთხვევაში მოხდებოდა, თუ გარიგებულ მატჩებში მონაწილეობა გუნდებს დაუმტკიცდებოდათ. ჰოდა ზეპირი ლაპარაკი რომ არ გამოგვივიდეს, საქართველოს 2010-2011 წლების XXII ეროვნული ჩემპიონატის უმაღლესი ლიგის პირველობის რეგლამენტს "მოვიშველიებთ"; კერძოდ, VII პუნქტის ("სადისციპლინო სასჯელი") მე-14 პარაგრაფს, სადაც გარკვევით წერია: საქართველოს პროფესიული ფეხბურთის ლიგის სადისციპლინო სამსახური და საქართველოს ფეხბურთის ფედერაციის სპორტულ-დისციპლინარული კომისია უფლებამოსილია დასაჯოს ეგრეთ წოდებულ გარიგებულ თამაშებში მონაწილე გუნდები:</p><p>ა) გარიგებულ მატჩში გამოვლენილ გუნდებს ჩაეთვლებათ დამარცხება 0:3 და დაჯარიმდებიან 10000-10000 ლარით. თითოეულ გუნდს დააკლდება 3-3 ქულა.</p><p>ბ) საქართველოს პროფესიული ფეხბურთის ლიგა საქართველოს ფეხბურთის ფედერაციის სადისციპლინო კომიტეტის წინაშე დააყენებს საკითხს დამნაშავე გუნდის ჩემპიონატიდან მოხსნის შესახებ. საკითხის განხილვისას სადისციპლინო კოლეგია იხელმძღვანელებს მატჩზე მივლინებული საქართველოს ფეხბურთის ფედერაციისა და საქართველოს პროფესიული ფეხბურთის ლიგის წარმომადგენლების, დელეგატის, მსაჯთა დამკვირვებლის და მსაჯების წერილობითი მოხსენებითი ბარათებით. ჩაწყობილ, გარიგებულ მატჩში განმეორებით მონაწილეობის მიღების შემთხვევაში, საქართველოს პროფესიული ფეხბურთის ლიგის და საქართველოს ფეხბურთის ფედერაციის ხელმძღვანელების წინაშე დაისმევა საკითხი დამნაშავე გუნდების ჩემპიონატიდან მოხსნის შესახებ.</p><p>აი, ასეა მითითებული ჩემპიონატის რეგლამენტში, მაგრამ, ალბათ, მხოლოდ ხუთი ფეხბურთელის სამაგალითოდ დასჯა ყოფილა ქართულ ფეხბურთში ბოლო დროს შექმნილი იმ მართლაც ხმაურიანი და სკანდალური სიტუაციიდან ერთადერთი გამოსავალი!</p>
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ