ჯოკოვიჩის შანსი

ჩოგბურთი. ტურნირები მამაკაცთა ტურნირზე გამოსვლა დაიწყო მსოფლიოს პირველმა სამმა ჩოგანმა. ნოვაკ ჯოკოვიჩმა გამარჯვებათა სერია პოლონელ ლუკაშ კუბოტთან მატჩში გააგრძელა. სერბმა მეტოქეს ერთი ბრეიკ-პოინტიც არ დაანება, თავად კი ოთხი ბრეიკი გააკეთა. დევისის თასზე ორი გამარჯვების გათვალისწინებით ჯოკოვიჩი აგერ უკვე 35 მატჩია არ მარცხდება - ამ მაჩვენებლით ის ტომას მუსტერსსა და როჯერ ფედერერს გაუთანაბრდა. თუმცა ბიორნ ბორგისა (1979-80) და იმავე ფედერერის (2006-07) შედეგამდე ჯერ შორია - ამ დუეტს 41-მატჩიანი წაუგებელი სერია ჰქონდა. რეკორდი კი გილერმო ვილასს ეკუთვნის - ზედიზედ 46 გამარჯვება.ფედერერი ახალი რეკორდების დამყარებაზე აღარ ფიქრობს. ამასწინ მან განაცხადა, რომ კვლავინდებურად ლამობს რეიტინგის სათავეში დაბრუნებას და მიიჩნევს, რომ "დიდი სლემის" რომელიმე ტურნირის მოგების შემთხვევაში მიზნის ასრულება შესაძლებელი იქნება. რომში შვეიცარიელს პირველ მოწინააღმდეგედ უხერხული მეტოქე ჰყავდა ფრანგი ჟო-ვილფრიდ ცონგას სახით. პირველი პარტიის ბედი დასაწყისში გაკეთებულმა ბრეიკმა გადაწყვიტა. როჯერს არ გამოსდიოდა ბადესთან თამაში და საერთოდ ვერ აჩვენებდა ხარისხიან თამაშს. სამაგიეროდ, შვეიცარიელმა მოუმატა მეორე სეტში, მაყურებელს რამდენიმე ლამაზი გათამაშება აჩუქა და 4:0 დაწინაურდა. მიუხედავად ამისა, ფედერერმა ტრადიციული ჩავარდნა ვერ აიცილა - ორი ბრეიკ-პოინტი მოიგერია 4:1-ზე და კიდევ ერთი 5:2-ზე. როჯერმა არ დაუშვა უფრო სერიოზული ჩავარდნა, რომელსაც ადგილი ჰქონდა შარშან მონრეალის მასტერსზე, როცა ცონგამ გადამწყვეტი სეტი 1:5-დან მოიგო. მაგრამ ამჯერად, ფედერერმა გადამწყვეტ გათამაშებებში უშეცდომოდ ითამაშა და 6:4, 6:2 მოიგო.მოულოდნელი თრილერი გათამაშდა რაფაელ ნადალის მატჩში. როგორც აღმოჩნდა, შემთხვევითი არ ყოფილა წინა წრეში პაოლო ლორენცის გამარჯვება მადრიდის მასტერსის ერთ-ერთ გმირზე ტომაშ ბელუჩიზე. იტალიელმა თავიდანვე მიანიშნა მსოფლიოს პირველ ჩოგანს, რომ იოლი გასეირნება არ ექნებოდა. პაოლო თავის მოწოდებაზე მუდმივად გადიოდა ბადესთან და იქ წარმატებით მოქმედებდა. ნადალმა ვერაფრით დაიჭირა საკუთარი რითმი და 4:2 დაწინაურებულმა საკუთარი მოწოდება წააგო. ტაი-ბრეიკზე რაფაელი ისევ წინ იყო, მაგრამ ამჯერადაც ვერ მიიყვანა საქმე გამარჯვებამდე. 5:6-ზე ესპანელი "სმეშის" შესრულებისას შეცდა და სეტი დათმო.ერთსაათიანი ბრძოლის შემდეგ ცხადი გახდა, რომ ლორენცი ასეთ კონცენტრაციას ბოლომდე ვერ შეინარჩუნებდა. მან 0:2-დან ანგარიშის გათანაბრება შეძლო, გადაარჩინა უმძიმესი მეშვიდე გეიმი, მაგრამ ბოლოს დაღლილობამ იჩინა თავი. პუბლიკამ ლორენცის გამხნევება სცადა, მაგრამ მესამე პარტია სრულ ფორმალობად იქცა - 6:7, 6:4, 6:0.მიმოხილვის ბოლოს ერთი ინტრიგის შესახებ - სტატისტიკოსებმა გამოითვალეს, რომ ნოვაკ ჯოკოვიჩს უკვე რომის მასტერსის შემდეგ შეუძლია კარიერაში პირველად მსოფლიოს პირველი ჩოგანის სტატუსის მოპოვება. ეს იმ შემთხვევაში მოხდება, თუ სერბი მოიგებს ამ ტურნირს, ხოლო ნადალი ნახევარფინალამდე ვერ მიაღწევს...* * *ქალთა ტურნირის მეორე წრის მატჩებიდან უნდა გამოვყოთ ანა ივანოვიჩის მორიგი მარცხი. სერბმა წააგო და ვერ შეძლო მერვედფინალში გასვლა. მისი მატჩი იანინა ვიკმაიერთან კარგად დაიწყო - ანამ პირველი სეტი 6:2 მოიგო, მაგრამ ბელგიელმა მოუმატა და ტაი-ბრეიკზე გადაარჩინა მეორე სეტი, მესამეში კი ივანოვიჩმა ბევრი უხეში შეცდომა დაუშვა და წააგო - 6:2, 6:7(4), 3:6. მოულოდნელ წარმატებებს მიაღწიეს კვალიფიკაციის გამარჯვებულებმა. ანაბელ მედინა-გარიგესმა მარიონ ბარტოლის სძლია, პოლონა ჰერცოგმა კი ანდრეა პეტკოვიჩი გააწბილა.ATPInternazionali BNL d’Italiaრომი (იტალია). გრუნტისაპრიზო ფონდი: 2 227 500 ევროII წრენოვაკ ჯოკოვიჩი (სერ)-ლუკაშ კუბოტი (პოლ) 6:0, 6:3; პოტიტო სტარაჩე (იტა)-ვიქტორ ტროიცკი (სერ) 6:4, 6:4; როჯერ ფედერერი (შვეიც)-ჟო ვილფრიდ ცონგა (საფ) 6:4, 6:2; რაფაელ ნადალი (ესპ)-პაოლო ლორენცი (იტა) 6:7, 6:4, 6:0; ფელისიანო ლოპესი (ესპ)-ფილიპ კოლშრაიბერი (გერ) 6:4, 3:6, 6:3; მარდი ფიში (აშშ)-ივან ლუბიჩიჩი (ხორ) 7:6, 5:7, 6:2; ხუან იგნასიო ჩელა (არგ)-ჟილ სიმონი (საფ) 6:4, 6:2; ნიკოლას ალმაგრო (ესპ)-სემ კუერი (აშშ) 6:3, 7:6; სტანისლას ვავრინკა (შვეიც)-ფილიპო ვოლანდრი (იტა) 6:1, 3:6, 6:2.WTAInternazionali BNL d’Italiaრომი (იტალია). გრუნტისაპრიზო ფონდი: 2 050 000 დოლარიII წრეკაროლინ ვოზნიაცკი (დან, 1)-ანასტასია როდიონოვა (ავსტრა) 6:2, 6:0; ვიქტორია აზარენკა (ბლრ, 3)-სარა ერანი (იტა) 6:1, 6:2; ნა ლი (ჩინ, 4)-ლურდეს დომინგეს ლინო (ესპ) 6:4, 6:2; ელენა იანკოვიჩი (სერ, 5)-ლუსი საფაროვა (ჩეხ) 6:0, 6:3; სამანტა სტოსური (ავსტრა, 6)-ივეტა ბენეშოვა (ჩეხ) 6:1, 7:5; ელენა ვესნინა (რუს)-აგნიეშკა რადვანსკა (პოლ, 8) 3:6, 6:2, 6:1; ანაბელ მედინა გარიგესი (ესპ)-მარიონ ბარტოლი (საფ, 9) 6:4, 6:3; შაარ პეერი (ისრ, 10)-ალისა კლეიბანოვა (რუს) 6:3, 7:5; პოლონა ჰერცოგი (სლოვენ)-ანდრეა პეტკოვიჩი (გერ, 12) 6:4, 6:3; იანინა ვიკმაიერი (ბელ)-ანა ივანოვიჩი (სერ, 13) 2:6, 7:6(4), 6:3; ანასტასია პავლიუჩენკოვა (რუს, 16) ვერა დუშევინა (რუს) 7:5, 6:4; იარმილა გაიდოშოვა (ავსტრა)-ბეტანი მატეკი (აშშ) 6:2, 6:4; დანიელა ჰანტუხოვა (სლოვაკ)-რომინა ოპრანდი (იტა) 7:5, 6:1; გრეტა არნი (უნგ)-ალბერტა ბრიანტი (იტა) 6:4, 6:4.

თრილერი ცინცინატიზე - საბალენკამ რადუკანუ დაამარცხა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

ტონი კროოსმა ფეხბურთის ისტორიაში საუკეთესო მეკარე დაასახელა

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია