- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
როგორ დავეწიოთ მისტერ 93 პროცენტს?
<p>"დიდი ცირკიდან" ყოველდღე საინტერესო ამბებს ვიგებთ და დღეს ამ სიახლეთა ერთგვარ დაიჯესტს გთავაზობთ <br> ამ კვირას მსოფლიოს ჩემპიონატზე ეტაპი არ იმართება, თუმცა "დიდი ცირკიდან" ყოველდღე საინტერესო ამბებს ვიგებთ და დღეს ამ სიახლეთა ერთგვარ დაიჯესტს გთავაზობთ.</p><p><strong>კუბიცა პროგრესისკენ</p><p></strong>თურქეთის გრანპრის შემდეგ "ლოტუს-რენოს" შეფმა ერიკ ბუიემ საავადმყოფოში მოინახულა პოლონელი რობერტ კუბიცა, რომელიც რალიში 6 თებერვალს მიღებული ავარიის შემდეგ სარეაბილიტაციო კურსს გადის. დაზარებულს კიდევ რამდენიმე მცირე ოპერაცია ესაჭიროება, რის შემდეგაც დაიწყება ხელის დაზიანებული მყესებისა და კუნთების სერიოზული აღდგენითი კურსი.</p><p>"რობერტმა კიდევ ერთი სერიოზული ნაბიჯი გადადგა სრული აღდგენისკენ, - განაცხადა ბუიემ. - ექიმები თავადაც სასიამოვნოდ გაკვირვებულები არიან მისი მდგომარეობის გაუმჯობესების ტემპებით. მათი სიტყვებით, ახლა სრული გამოჯანმრთელება მხოლოდ დროისა და სიმშვიდის საკითხია, თუმცა ეს თვისება კუბიცასთვის ნაკლებად არის დამახასიათებელი. თუმცა ის კარგად აცნობიერებს, რომ აღდგენა საკმაოდ ხანგრძლივი პროცესი იქნება".</p><p>ბუიემ ისიც თქვა, რომ ჯანმრთელობის მდგომარეობის მიუხედავად, კუბიცა კვლავინდებურად გუნდის წევრად რჩება და იცის ყველაფერი, რაც საჯინიბოში ხდება: "ის მუდმივად ინტერესდება სიახლეებით, შესაბამისად, გუნდის სრულუფლებიანი წევრი გახლავთ".</p><p><strong>ვირჯინი პილოტს კარგავს</p><p></strong>ფინანსური გაუგებრობების გამო კითხვის ნიშნის ქვეშ დგას "ვირჯინის" დებიუტანტი პილოტის, ბელგიელი ჟერომ დ'ამბროზიოს კარიერა. ბელგიური პრესის ინფორმაციით, ჟერომის პირად სპონსორებს, რომლებიც პილოტის სარბოლო კარიერას აფინანსებენ, ჯერ კიდევ არ გადაურიცხავთ "ვირჯინის" ანგარიშზე კონტრაქტით გათვალისწინებული თანხა. ამის გამო, ერიკ ბუიე (ეს ფრანგი "ლოტუს-რენოს" გარდა კომპანია Gravity Sport Management-ის შეფია, რომელიც ბელგიელი პილოტის საქმეებს განაგებს) სასწრაფოდ გაემგზავრა ბელგიაში მოლაპარაკებების გასამართად.</p><p>როგორც ბუიე ამბობს, სპონსორები არ ასრულებენ კონტრაქტის გათვალისწინებულ ვალდებულებებს და "ვირჯინში" უკვე მოთმინებას კარგავენ. გუნდის ხელმძღვანელობამ გამოაცხადა, რომ თუ სიტუაცია უახლოეს პერიოდში არ შეიცვლება, ისინი ჟერომის შემცვლელის ძებნას დაიწყებენ.</p><p>ზოგიერთი წყაროს ცნობით, ბელგიელის სპონსორთა დავალიანება დაახლოებით 5 მილიონ ევროს შეადგენს.</p><p>შეგახსენებთ, რომ "ვირჯინში" დ'ამბროზიომ ბრაზილიელი ლუკას დე გრასი შეცვალა. ამ მომენტისთვის გუნდის სარეზერვო პილოტია კანადელი რობერტ უიკენსი, რომელიც "ფორმულა-რენოს" გამოდის. შესაძლოა, სწორედ ის გახდეს გამოცდილი გერმანელის ტიმო გლოკის პარტნიორი.</p><p><strong>მაკლარენი ბრძოლას გვპირდება</p><p></strong>ალბათ, ბევრს არ აწყობს ის სიტუაცია, რაც დღეს მსოფლიოს ჩემპიონატშია შექმნილი. ვგულისხმობთ "რედ ბულის" პილოტის სებასტიან ფეტელის ტოტალურ დომინირებას, რომელმაც ოთხიდან ოთხი კვალიფიკაცია მოიგო და რბოლებში 100 შესაძლებლიდან 93 ქულა დააგროვა (ამის გამო მან მაშინვე მიიღო პრესისგან ახალი მეტსახელი - "მისტერ 93%). ვიღაცამ ისიც თქვა - ჩემპიონატი დასრულებულია, რადგან ტიტულის მფლობელი უკვე სახეზეაო.</p><p>საკითხის ასე დაყენება არ მოსწონთ მათ, ვინც გერმანელს ტრასაზე ებრძვიან, მათ შორის "მაკლარენის" პილოტებს - ჯენსონ ბატონსა და ლუის ჰემილტონს.</p><p>"არ მგონია, რომ ტიტულისთვის ბრძოლა დასრულდა, - ამბობს ჯენსონი. - ამის მტკიცების საფუძველი არ არსებობს. ერთადერთი, რაც საჭიროა ფეტელთან საბრძოლველად - მცირედით სისწრაფის მომატება გახლავთ. და იმედი მაქვს, რომ ამ "მცირედს" უკვე შემდეგ კვირას ბარსელონაში მოვნახავთ".</p><p>უფრო მოკრძალებული კომენტარი ჰქონდა ჰემილტონს: "34 ქულა - ძალიან დიდი უპირატესობაა. თურქეთში მან თავისი სიამოვნებისთვის ირბოლა. ეს სიტუაცია ძალიან ჰგავს ფორმულა 1-ში მიხაელ შუმახერის დომინირებას. ჩვენ ყველაფერი უნდა გავაკეთოთ იმისთვის, რომ ფეტელს არ გავამეორებინოთ შუმახერის გზა. იმის შიში არ მაქვს, რომ ტიტულის ბედი სეზონის შუაში გაირკვევა. ასეთი რამ, შესაძლოა, მართლაც მოხდეს, მაგრამ ასევე სავსებით შესაძლებელია დავეწიოთ და გავუსწროთ მას".</p><p><strong>ალონსოს მათემატიკა</p><p></strong>"მაკლარენის" პილოტების აზრს ეთანხმება "ფერარის" ლიდერი ფერნანდო ალონსო, ოღონდ ის თავის აზრებს ციფრების მეშვეობით გადმოგვცემს.</p><p>"ძალიან მიყვარს ციფრებითა და ნუმეროლოგიით გართობა, - თქვა ესპანელმა. - და სანამ სახლს, მარანელოსა და თურქეთს შორის ვმოგზაურობდი, უსაქმობის გამო შედარებითი არითმეტიკას მივმართე. მაგალითად, შევადარე შარშანდელი და წლევანდელი პირველი ოთხი რბოლის შედეგები. ამ პატარა მათემატიკურმა თამაშმა ასეთი შედეგები მოიტანა: ამ მომენტისთვის საკუთარ თავთან 8 ქულას ვაგებ (41 შარშანდელი 49-ის წინააღმდეგ), თუმცა ერთი წლის წინ ამავე ეტაპებზე (მხედველობაში აქვს ავსტრალია, მალაიზია, ჩინეთი და თურქეთი) 13 ქულით ნაკლები დავაგროვე, ვიდრე დღეს (41 28-ის წინააღმდეგ). თუმცა შარშან ჩემი ჩამორჩენა ლიდერთან 11 ქულა იყო და არა 52, როგორც ეს ამ მომენტისთვის არის. მაგრამ შეგახსენებთ: 2010 წელს სილვერსტოუნის შემდეგ ლიდერს მთელი 47 ქულით ჩამოვრჩებოდი და ჩემპიონატის დასრულებამდე რვა რბოლა გვრჩებოდა. მაშინ კინაღამ მოვიგე ჩემპიონატი, ახლა კი პირველობის დამთავრებამდე 15 რბოლაა დარჩენილი.</p><p>ეს იმაზე მიუითებს, რომ ერთი და იგივე საკითხს, შესაძლოა, სხვადასხვა კუთხით შევხედოთ. ერთადერთი, რასაც მნიშვნელობა აქვს - შედეგია და თუ რეგულარულად ავალთ პოდიუმზე, დარწმუნებული ვართ, ჩავებმებით საჩემპიონო ბრძოლაში".</p><p><strong></p><p>გასწრება იოლი არ გამხდარა</p><p></strong>თუ "მაკლარენისა" და "ფერარის" პილოტები საჩემპიონო ბრძოლის საკითხებში თანხმდებიან, სამაგიეროდ, სულ სხვა დამოკიდებულება აქვთ ჩემპიონატში მომრავლებულ გასწრებებთან დაკავშირებით.</p><p>თურქეთის გრანპრის შემდეგ ბატონმა განაცხადა, რომ უკანა მოძრავი ანტიფრთის სისტემის (DRS) გამოყენებით გასწრება დაუშვებლად იოლი გახდა.</p><p>ალონსო, რომელმაც თურქეთში მესამე ადგილი დაიკავა მარკ უებერთან DRS-ბატალიების შემდეგ, დარწმუნებულია, რომ სიახლემ გაამართლა და ის სულაც არ ახდენს იდეის დისკრედიტაციას.</p><p>"ჩემი აზრით, გასწრებების სიმარტივე ან სირთულე DRS-ზე იმდენად არ არის დამოკიდებული, რამდენადაც საბურავის ცვეთის ხარისხზე, რომელიც ყველა ბოლიდზე სხვადასხვაა. ჯამში ეს ორი კომპონენტი განსაზღვრავს ბრძოლის შედეგს. მინდა გითხრათ, რომ მე ეს მომწონს - დღევანდელი ფორმულა 1 განსხვავდება შარშანდელისგან. ამასთან, ჩვენი მაყურებლისთვის სულერთია, რის საშუალებით ხდება გასწრება. მთავარია, რომ რბოლები უფრო სანახაობრივი გახდა და ბილეთში ფულის გადახდაც აღარ ენანებათ. შესაბამისად, ტრიუბნებზე უფრო მეტ ხალხს ვნახავთ და კიდევ უფრო მეტს - ტელეეკრანებთან", - ამბობს ალონსო BBC-თვის მიცემულ ინტერვიუში.</p><p><strong>ფორმულა ბერძნებსაც მოუნდათ</p><p></strong>რამდენიმეწლიანი მოლაპარაკებების შემდეგ საბერძნეთმა მოიწონა საერთაშორისო კლასის ავტოდრომის პროექტი, რომელზეც მომავალში ფორმულა 1-ის ეტაპი უნდა გაიმართოს.</p><p>პროექტის ინიციატორია ქალაქ პატრას ყოფილი მერი ევანგელოს ფლორატოსი. მან ბერძნული პრესისთვის მიცემულ ინტერვიუში განაცხადა, რომ უახლოეს მომავალში ქვეყნის მთავრობა ხელს მოაწერს ტრასის მშენებლობის პროექტს, რომლის ღირებულებაა 95 მილიონი ევრო. ავტოდრომი ქალაქ ფარესში (პატრადან 20 კილომეტრის მოშორებით) აშენდება. ვარაუდობენ, რომ პროექტის განხორციელებას დაახლოებით სამი წელი დასჭირდება.</p>
მოდელს მომღერალი არჩია - ლამინ იამალს არგენტინელ ქალბატონთან რომანი აქვს
მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა
[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია