ჩმილიტე-ხოტენაშვილი - 6-6

მოჭადრაკე ქალთა ევროპის მე-12 ჩემპიონატზე ქართველმა დიდოსტატმა ბულგარელ მსოფლიოს და ევროპის ექსჩემპიონ ანტუანეტა სტეფანოვას სძლია გუშინ "შერატონ მეტეხი პალასის" საკონფერენციო დარბაზში, სადაც მოჭადრაკე ქალთა ევროპის მე-12 ჩემპიონატი მიმდინარეობს, უამრავმა გულშემატკივარმა მოიყარა თავი იმ მაგიდასთან, რომელსაც ბელა ხოტენაშვილი და ბულგარელი მსოფლიოს და ევროპის ექსჩემპიონი ანტოანეტა სტეფანოვა უსხდნენ.ლიდერთა მე-7 ტურის პარტია დაძაბულად წარიმართა. თითქმის ოთხსაათიანი პაექრობის შემდეგ ქართველმა დიდოსტატმა უკეთესი პოზიცია მიიღო, რაც წარმატების საწინდარი უნდა გამხდარიყო. სტუმარმა 43-ე სვლაზე 20 წუთზე მეტ ხანს იფიქრა და თითქოს ამოსუნთქვის საშუალებას მიაგნო, მაგრამ ხოტენაშვილი ზუსტად თამაშობდა და ეტლების ენდშპილში ორი ზედმეტი პაიკი დარჩა, ამის მიუხედავად, გამოცდილ მეტოქესთან მატერიალური უპირატესობის რეალიზებას კარგა ხანს მოუნდა. საბოლოოდ მაინც გაიმარჯვა და გათამაშების ცხრილში მე-6 ქულა ჩაიწერა.- მომქანცველი შეხვედრა იყო, როგორც ფიზიკურად, ისე ფსიქოლოგიურად, - მითხრა მატჩის შემდეგ ბელა ხოტენაშვილმა, - სტეფანოვასთან უწინ არასდროს მითამაშია. კარგია, რომ მოვიგე და სატურნირო მდგომარეობა განვიმტკიცე.- ექვს-ექვსი ქულით შენ და ვიქტორია ჩმილიტე ლიდერობთ. ჩემპიონატის დაწყებამდე თუ გეგმავდი ასეთ შედეგს?- მართალი გითხრათ, მოკრძალებული მიზნით ჩავები შეჯიბრებაში - 14 საუკეთესოში მოხვედრა, რომ მსოფლიოს ჩემპიონატის საგზური მომეპოვებინა. პირველი სამი ტურის შემდეგ ვიგრძენი, რომ მედლებისთვის ბრძოლაც შემიძლია. თბილისური ბატალიებისთვის მონდომებით ვემზადებოდი - ჯერ დიდოსტატ ზურაბ სტურუას ხელმძღვანელობით, შემდეგ საქართველოს ჭადრაკის ფედერაციამ ბაზალეთზე საწვრთნელი შეკრება მოგვიწყო. მე, ლელა ჯავახიშვილს, მაია ლომინეიშვილსა და სალომე მელიას ზურაბ სტურუა და დავით ჯოჯუა გვავარჯიშებდნენ. კარგია, რომ შაბათს ვისვენებთ, ძალებს მოვიკრებ. მედლების ბედს სწორედ დარჩენილი ოთხი ტური გადაწყვეტს...გულშემატკივრებს შევახსენებთ, რომ ხოტენაშვილმა ზედიზედ სძლია ეკატერინი ფახირიდუს (საბერძნეთი), კარინა ჰოროვსკას (პოლონეთი) და მარია რომანკოს (რუსეთი), შემდეგ ელინა დანიელიანსა (სომხეთი) და ანასტასია ბოდნარუკს (რუსეთი) დაუზავდა, ბოლო ორ ტურში კი ნაზი პაიკიძე და ანტოანეტა სტეფანოვა დაამარცხა.გუშინ ასევე წარმატებით ითამაშა ლიტველმა ვიქტორია ჩმილიტემ, რომლის ხუთდღიანი დრეიფი წინა ტურში სტეფანოვამ შეაფერხა. ბალტიისპირელმა დიდოსტატმა მე-7 ტურში იოლად სძლია მარია რომანკოს. ხუთქულიანთაგან ყაიმზე შეთანხმდენ ორგზის ევროპის ჩემპიონები -კატერინა ლახნო (უკრაინა) და პია კრამლინგი (შვედეთი), ლელა ჯავახიშვილმაც რატომღაც უკეთეს პოზიციაში ასევე კონტინენტის ორგზის ოქროსმედალოსან ტატიანა კოსინცევასთან (რუსეთი) დაზავება არჩია.ჩვენი გაზეთის წინა ნომერში გამოვთქვით ვარაუდი, რომ საქართველოს ქალთა ნაკრების ლიდერი ნანა ძაგნიძე აშკარად არ არის ჩვეულ სპორტულ ფორმაში. ეს გუშინდელ ტურში კიდევ ერთხელ დადასტურდა - თეთრი ფიგურებით მან ნაზი პაიკიძესთან წააგო.აქვე გაუწყებთ რამდენიმე საინტერესო შეხვედრის შედეგებს: ელინა დანიელიანი (სომხეთი)-ანა მუზიჩუკი (სლოვენია) 0,5:0,5, ალექსანდრა კოსტენიუკი (რუსეთი)-ჰოანგ თან თრანგი (უნგრეთი) 0,5:0,5, კრისტინა-ადელა ფოიშორი (რუმინეთი)-ნადეჟდა კოსინცევა (რუსეთი) 0:1, იოლანტა ზავადსკა (პოლონეთი)-ქეთევან არახამია-გრანტი (შოტლანდია) 0:1, სალომე მელია-ლაურა როგულე (ლატვია)1:0, ელენა სედინა (იტალია)-ნინო ხურციძე 0:1, ანასტასია ბოდნარუკი (რუსეთი)-მირანდა მიქაძე 1:0, ნინო ბაციაშვილი-ზოია სევერიუხინა (რუსეთი) 1:0, სოფიო გურამიშვილი-ტატიანა შადრინა (რუსეთი) 1:0.შვიდი ტურის შემდეგ: ჩმილიტე-ხოტენაშვილი-6-6, ლახნო, ჯავახიშვილი, კრამლინგი-5,5-5,5 ქულა. ჩვენებურთაგან 5-5 ქულა მოაგროვეს პაიკიძემ, ხურციძემ და მელიამ. ჩემპიონატის მონაწილეები დღე დაისვენებენ, მათთვის კულტურული ღონისძიებები მოეწყობა. ხვალ მე-8 ტურში კი ერთმანეთს დაუპირისპირდებიან: ხოტენაშვილი (6)-ჩმილიტე (6), კრამლინგი (5,5)-ჯავახიშვილი (5,5), ანა მუზიჩუკი (5)-ლახნო (5,5), ხურციძე (5)-ნადეჟდა კოსინცევა (5), ტატიანა კოსინცევა (5)-მელია (5), სავინა (5)-კოსტენიუკი (5), ჰოანგი (5)-დანიელიანი (5), სტეფანოვა (5)-ბოდნარუკი (5), არახამია-გრანტი (5)-გალოიანი (5), პაიკიძე (5)-ოვოდი (5), რომანკო (5)-ბაციაშვილი (4,5).

kopala

ბელა ყველა ქარტველი სპორტის ქომაგი დღეს შენს გვერდითაა,გვჯერა და გვწამს რომ გავიმარჯვებთ
kopala

ბელა წარმატებას გისურვებთ ხვალინდელ დიდ ბრძოლაში

[PHOTO] სიყვარულს რას გაუგებ - ნიკოლმა იამალს "რეალის" ახალწვეულთან უღალატა

ალექსის სანჩესი კარიერას ლა ლიგაში გააგრძელებს

მიქაუტაძის "ვილიარეალმა" დონეცკის "შახტარის" ფეხბურთელი ინათხოვრა

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!