- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
U20. "უმცროსი ბორჯღალოსნების" შემადგენლობა ახალ ზელანდიასთან - ბრძოლა ბოლომდე იქნება!
<p><p><p>4 ივნისს, საქართველოს დროით 20:00 საათზე, "უმცროსი ბორჯღალოსნები" 2019 წლის მსოფლიო რაგბის 20-წლამდელთა ჩემპიონატის პირველ მატჩს გამართავს და მისი მეტოქე ახალი ზელანდიის ნაკრები იქნება.</p><p>ტურნირის დაარსების წლიდან (2008), "ბეიბი ბლექსმა" (20წ. ახალი ზელანდიის თიკუნი) 20-წლამდელთა მსოფლიო ჩემპიონატი ყველაზე ბევრჯერ, 6-ჯერ მოიგო. ზელანდიელებმა თასი ბოლოს 2017 წელს, საქართველოში გამართული ჩემპიონატისას აღმართეს, შარშან კი ერთ-ერთი ყველაზე ცუდი ტურნირი ჰქონდათ და მეოთხე ადგილს დასჯერდნენ.</p><p>ჩვენი გუნდი ამ ტურნირში ზედიზედ მეოთხე წელია თამაშობს და შარშან სამი თამაშის მოგებით, 20-წლამდელთა ჩემპიონატზე საუკეთესო შედეგი აჩვენა - მე-9 ადგილი.</p><p>წელს "უმცროსი ბორჯღალოსნები" „გ“ ჯგუფში ახალი ზელანდიის, სამხრეთ აფრიკის და შოტლანდიის ნაკრებებთან ერთად თამაშობს. 4 ივნისს ჩვენი მეტოქე ახალი ზელანდია იქნება, 8-ში - სამხრეთი აფრიკა, ხოლო 12 ივნისს - შოტლანდია.</p><p>გუნდის მთავარი მწვრთნელი <strong>ილია მაისურაძე</strong> ამბობს, რომ ამ დონის ტურნირში იოლი მეტოქეები არ არსებობენ:</p><p>„როდესაც მსოფლიოს ჩემპიონატზე გადიხარ, უკვე იცი, რომ იქ იოლი ჯგუფი არ იქნება. ვუყურეთ 20-წლამდელთა წყნარი ოკეანის თასის თამაშებს და ვნახეთ ახალი ზელანდიის ნაკრები, რომელიც ჩამოყალიბების პროცესში იყო. გუნდს 6 მოთამაშე აკლდა, თუმცა თამაშიდან თამაშამდე უმატებდა. ვიცით, რა გუნდია სამხრეთი აფრიკა, რომელთანაც სამხრეთაფრიკულ ტურნეზე პირველი თამაში გვქონდა. ბიჭები ამ შეხვედრაში შებოჭილები იყვნენ და ვიმედოვნებ, მათთან მეორე მატჩი უკეთესი იქნება. ჩვენს ჯგუფშია შოტლანდია, რომლის წლევანდელი ექვსი ერის თამაშები ვნახეთ და დარწმუნებული ვარ, ეს გუნდი კიდევ უფრო გაძლიერდებოდა. დანებებას არ ვაპირებთ. ვეცდებით, ყველა თამაშზე ღირსეულად გამოვიდეთ და ქულები ავიღოთ“.</p><p><strong>ბრძოლა ბოლომდე იქნება</strong></p><p>"უმცროსი ბორჯღალოსნები" არგენტინაში 25 მაისს გაემგზავრა და ხანგრძლივი მოგზაურობის შემდეგ ადგილზე დაბანაკდა. პირველი ორი დღე აღდგენას დაეთმო, მესამე დღიდან კი ორჯერადი ვარჯიშები დაიწყეს.</p><p>მწვრთნელი <strong>ზურაბ ამონაშვილი</strong> მზადების შესახებ გვიყვება:</p><p>„ენერგია აღვიდგინეთ და 3 დღე ორჯერადი ვარჯიშები გვქონდა, მაგრამ ჩვენი საცხოვრებელი სავარჯიშო მოედნამდე 35 წუთის სავალ გზაზეა და ბოლო 3 დღეა მხოლოდ ერთ ვარჯიშს ვატარებთ, საღამოს კი ვიდეოანალიზი და კრებები გვაქვს. ვფიქრობთ, აღდგენის პროცესმა კარგად ჩაიარა და ვარჯიშებიც გეგმის მიხედვით მიდის“.</p></p></p><p><img src="pictures/artimages/original/536945df4d41ffb8f939eec3448796b7.jpg" border="0" alt="Sportall.Ge" title="U20. "უმცროსი ბორჯღალოსნების" შემადგენლობა ახალ ზელანდიასთან - ბრძოლა ბოლომდე იქნება!" /></p><p><p><p>მწვრთნელებმა პირველი მეტოქის თამაშები შეისწავლეს და ზუსტად იციან, რომ "უმცროსი ბორჯღალოსნების" წინააღმდეგ ახალი ზელანდია უძლიერესი შემადგენლობით ითამაშებს:</p><p>„ახალი ზელანდიის ორი თამაში ვნახეთ, რომლებშიც ფიჯის დიდი სხვაობით მოუგეს, ავსტრალიასთან კი დამარცხდნენ. ამ შეხვედრებში მათ არ ჰყავდათ ზე რაგბის მოთამაშეები, არგენტინაში კი უძლიერესი შემადგენლობით ჩამოვიდნენ. აქედან გამომდინარე, ველოდებით, რომ უფრო ძლიერ გუნდთან მოგვიწევს თამაში. ტრადიციულად, ახალ ზელანდიას ამ ტურნირზე ყოველთვის ძლიერი გუნდი ჰყავს. ჩვენ ერთ სასტუმროში ვცხოვრობთ და ზუსტად ვიცით, რომ ჩვენთან სათამაშოდ სრული სერიოზულობით ემზადებიან“ - ამბობს ამონაშვილი და ქომაგს ბოლომდე ბრძოლას ჰპირდება:</p><p>„მიუხედავად მეტოქის სიძლიერისა, არაფრის დათმობას არ ვაპირებთ და შევეცდებით, ჩვენი შესაძლებლობების მაქსიმუმი გამოვავლინოთ. ტურნირს საბრძოლო შემადგენლობით ვიწყებთ და ვეცდებით, რომ თამაშში ბოლომდე დავრჩეთ“.</p><p>ახალ ზელანდიასთან თამაშს ორი ლეგიონერი იწყებს. "ჯიქი", "არმაზი" და "ლელო-სარასენსი" 3-3 მოთამაშითაა წარმოდგენილი, დანარჩენი ოთხი მორაგბე კი "ხარებიდან", "აიადან", "არმიადან" და "ყოჩებიდან" არიან. განაცხადში ტურნირზე მყოფი 28-ვე მორაგბეა, თუმცა შეცვლაზე მხოლოდ 8 მათგანი შევა.</p><p><strong>ამაშუკელი 20-წლამდელთა ჩემპიონატზე</strong></p><p>ხვალვე, 4 ივნისს, მსოფლიო რაგბის 20-წლამდელთა ჩემპიონატზე დებიუტი ექნება ქართველ რეფერის, ნიკა ამაშუკელს. საგულისხმოა, რომ ასეთი დონის ტურნირზე აქამდე არც ერთ ქართველ რეფერის არ უმსაჯია.</p><p>ამაშუკელი ცენტრალური მსაჯი „ა“ ჯგუფის შეხვედრაში იქნება, რომელშიც 2018 წლის ჩემპიონი საფრანგეთი ტურნირზე წელს „ალაფიდან“ აღზევებულ ფიჯის ეთამაშება. მატჩი 22:30 საათზე დაიწყება.</p><p><strong>მსოფლიო რაგბის 20-წლამდელთა ჩემპიონატი</p><p>ახალი ზელანდია - საქართველო (20:00 საქ.დრ.)</p><p>ხაზი - ბექები:</strong></p><p>15. თემურ ჭიჭინაძე (ჯიქი), 14. ზურა ქავთარაძე (ხარები), 13. დემურ თაფლაძე (ლელო), 12. გივი ცინცაძე (არმაზი), 11. კოტე მარჯანიშვილი (არმაზი), 10. თედო აბჟანდაძე (აია, კაპ.), 9. მიხეილ ალანია (არმაზი);</p><p><strong>შერკინება - ფორვარდები:</strong></p><p>1. ნიკა ღვალაძე (გრენობლი), 2. ლუკა ნიორაძე (ჯიქი), 3. ლუკა აზარიაშვილი (მონპელიე), 4. ვახტანგ ჯინჭარაძე (ჯიქი), 5. ლუკა გელაშვილი (არმია), 6. იოსებ გუშარაშვილი (ყოჩები), 7. კობა კოლოტაური (ლელო), 8. ბექა ყორიაული (ლელო).</p><p><strong>მარქაფა:</strong></p><p>16. ვანო კარკაძე (ორიაკი), 17. ზაურ თევდორაშვილი (ანგულემი), 18. გია ხარაიშვილი (რასინგ 92), 19. იოანე იაშაღაშვილი (არმაზი), 20. ტატო გვიმრაძე (ხვამლი), 21. გიორგი მარგალიტაძე (ლელო), 22. სანდრო მარგიანი (აკადემია), 23. ლაშა ლომიძე (აია), 24. ირაკლი სიმსივე (აია), 25. ოთარ ლაშხი (ლელო), 26. პაატა ბურჭულაძე (ხარები), 27. დაჩი პაპუნაშვილი (არმია), 28. ლუკა ჭელიძე (ტულონი).</p><p><strong>მთავარი მწვრთნელი:</strong> ილია მაისურაძე</p><p><strong>მწვრთნელები:</strong> ლადო კილასონია, ზურაბ ამონაშვილი</p><p><strong>მენეჯერი:</strong> ოთარ იაშვილი</p><p><strong>ფიზმომზადება: </strong>გიორგი ნადარეიშვილი, ნიკოლოზ პინაიშვილი</p><p><strong>ფიზიო:</strong> რომან სახოკია, ბენჟამინ მოადაბი, ირაკლი შაორშაძე</p><p><strong>ექიმი: </strong>ოდისეი სადოევი</p><p><strong>ვიდეო: </strong>ვლადიმერ კუპრეიშვილი</p><p><strong>ჯიპიესი: </strong>შავლეგ მახარაშვილი</p><p><strong></p><p>"გ" ჯგუფი</p><p>4 ივნისი. I ტური</strong></p><p>სამხრეთი აფრიკა - შოტლანდია (17:30)</p><p><strong>8 ივნისი</p><p>სამხრეთი აფრიკა - საქართველო (17:30)</strong></p><p>ახალი ზელანდია - შოტლანდია (22:30)</p><p><strong>12 ივნისი</p><p>საქართველო - შოტლანდია (17:30)</strong></p><p>სამხრეთი აფრიკა - ახალი ზელანდია (22:30)</p></p></p><p><p><p><strong>მომზადებულია rugby.ge-ს მიხედვით</strong></p></p></p><p><br></p>
-
გიორგი
გაიზარდა.
-
Fani
რაგბი ტივი-ზეა ეს და ჩვენი გუნდის სხვა თამაშები
-
qomagi
ეგ იმის გამოა რომ მწვრთნელები გათვლას მომდევნო მატჩებზე აკეთებენ (სიმართლე რომ ვთქვათ, რა აზრი აქვს ზელანდიას თავი შეაკლან, თუმცა კი იბრძოლებენ)
-
სოსო
შარშანდელი წარუმატებლობის შემდეგ,ზელანდიის ნაკრები განსაკუთრებული პასუხისმგებლობით იქნება მომზადებული და ჩვენ, პირველივე ტურში გადავეყარეთ.ვნახოთ რა იქნება,თუმცა ჩვენი ბიჭები რომ თავს არ დაზოგავენ,დარწმუნებული ვარ.წარმატებები ბიჭებო,დღესაც და მთელ ტურნირზეც.თქვენ თქვენი თამაში ითამაშეთ და წარმატებები აუცილებლად მოვა.
-
გუგა
რომელიმე არხი გადმოსცემს ამ ჩემპიონატს?
-
ანდრო
მაინტერესებს შარშან ჯაფარიძე რომ იყო ბურჯი 3 ნომერი, რატომ არაფერს წერთ? ტრამვა აქვს თუ 20 წლისაა უკვე? შარშან ნამდვილი აღმოჩენა იყო და გუნდის წარმატებებში მისი წვლილი დიდი იყო.
-
Zero
ეჭვიც არ გვეპარება, რომ ღირსეულად და უდიდესი მოტივაციით ეთამაშებიან თითოეულ მეტოქეს. წარმატებებს გისურვებთ !!!
-
გიორგი
ლომიძე და კარკაძე რომ არ არიან ცოტა მიკვირს. ტრავმა აქვთ ?
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია