<p>შაბათ-კვირას საქართველოს ეროვნული 7-კაცა ნაკრები პოლონეთში, ლოძში ევროპის გრან პრის მეორე, დასკვნით ეტაპზე ითამაშებს.</p><p>რადგან წელს 2020 წლის ზაფხულის ოლიმპიური თამაშების შესარჩევი ეტაპი იყო, გრან პრი შემოკლებული პროგრამით ტარდება. პირველ ეტაპს დაახლოებით ერთი თვის წინ მოსკოვმა უმასპინძლა და ჩვენმა გუნდმა მე-10 ადგილი დაიკავა, ამ უქმეებზე კი მოწინავე 8 გუნდს შორის მოხვედრას გეგმავს.</p><p>ლოძში საქართველო „გ“ ჯგუფში ინგლისის, გერმანიისა და რუსეთის ნაკრებების წინააღმდეგ ითამაშებს. „ა“ ჯგუფში საფრანგეთი, ესპანეთი, პორტუგალია და რუმინეთი, ხოლო „ბ“ ჯგუფში ირლანდია, უელსი, იტალია და პოლონეთი მოხვდნენ.</p><p>20 ივლისს ჯგუფური ეტაპის შეხვედრებია და ტურნირის პირველი მატჩი საქართველოს დროით 14:06 საათზე ინგლისთან გვაქვს; 16:51 საათზე - გერმანიას, ხოლო 19:36 საათზე რუსეთს ვეთამაშებით. სამი ჯგუფის ორ-ორი მოწინავე და ორიც საუკეთესო მესამეადგილოსანი 21 ივლისს თასის მეოთხედფინალებში ჩაერთვება, ხოლო დანარჩენი ოთხეული მე-9 ადგილისთვის აგრძელებს ბრძოლას.</p><p>გრან პრის გამარჯვებული ის გუნდი გახდება, რომელსაც ორი ეტაპის ჯამში ყველაზე მეტი ქულა ექნება, ხოლო ბოლოადგილოსანი გაისად „ალაფაშზე“ დაქვეითდება, ოღონდ გავარდნა არ ემუქრებათ ეტაპის მასპინძლებს - საფრანგეთს, რუსეთს და პოლონეთს.</p><p>პირველი ეტაპის შემდეგ გუნდების მდგომარეობა ასეთია: საფრანგეთი 20 (ქულა), ირლანდია 18, ინგლისი 16, გერმანია 14, უელსი 12, ესპანეთი 10, პორტუგალია 8, იტალია 6, რუსეთი 4, საქართველო 3, პოლონეთი 2, რუმინეთი 1.</p><p>მსოფლიო სერიის მიღმა მყოფი ნაკრებებიდან სამი უკეთესი (ორი ეტაპის ჯამში) 2020 წელს სერიის შესარჩევ, 12-გუნდა ჰონკონგის ტურნირში მიიღებს მონაწილეობას. ამ სამი საგზურისთვის იბრძვიან - გერმანია, პორტუგალია, იტალია, რუსეთი, საქართველო, პოლონეთი და რუმინეთი.</p><p>გასულ კვირას საფრანგეთში გამართული ოლიმპიური თამაშების შესარჩევი ტურნირის შემდეგ გუნდს პოლონეთში "უმცროსი ბორჯღალოსნები" - დემე თაფლაძე და ოთარ ლაშხი დაემატნენ.</p><p><strong>პოლონეთში ითამაშებენ:</strong></p><p>ბექა წიკლაური (ლოკომოტივი), ივანე ხელაია (ლოკომოტივი), ლადო მიმინოშვილი (ბათუმი), იაგო ხაბულიანი (აია), სანდრო მამამთავრიშვილი (ლელო-სარასენსი), დემე თაფლაძე (ლელო-სარასენსი), ნიკოლოზ გიგაური (არმაზი), დავით თაბუკაშვილი (ხარები), ლაშა ლომიძე (აია), ოთარ ლაშხი (ლელო-სარასენსი), რამაზ ხარაზიშვილი (იუნკერები), რევაზ ხარაზიშვილი (იუნკერები).</p><p><strong>მთავარი მწვრთნელი: </strong>ზაზა ლეჟავა</p><p><strong>მწვრთნელი: </strong>ბესიკ ხამაშურიძე</p><p><strong>მენეჯერი:</strong> სანდრო ნიჟარაძე</p><p><strong>ფიზიო:</strong> გიორგი კანდელაკი</p><p><strong>ექიმი: </strong>ირაკლი ბერიაშვილი</p><p><p><p><strong>ვიდეო: </strong>ლაშა მჭედლიშვილი</p></p></p><p><p><p><strong>მომზადებულია rugby.ge-ს მიხედვით</strong></p></p> <p><p><strong></p><p></strong></p></p> <p><p><strong> </strong> <p></p></p><br></p>
გუჯა კახაძე
ჩვენმა ლომებმა ინგლისის ნაკრები დაამარცხა ENG 12 -21 GEO გილოცავთ!
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
შენგელია: გასაკვირია ჯიკიჩი ევროლიგის გუნდს რომ არ წვრთნის
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] გამარჯვებების დღე - საქართველოს ფეხბურთელთა ნაკრებმა ბულგარეთს დამაჯერებლად მოუგო!
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია