ფინალისტმა მოგებით დაიწყო

ჩოგბურთი. საფრანგეთის ღია პირველობა: ქალთა ტურნირში პირველი სენსაცია იტალიელი ფლავია პენეტას სახელს უკავშირდება ქალთა ტურნირში პირველი სენსაცია იტალიელი ფლავია პენეტას სახელს უკავშირდება. მსოფლიოს მე-19 ნომერი ბოლო წლებში აშკარად ყველაზე სუსტ სეზონს ატარებს. ინდიან უელსის სუპერტურნირის მესამე წრეში გასვლის შემდეგ ფლავიასთვის ეს როლან გაროსი ზედიზედ მეოთხე შეჯიბრია, რომელშიც ის პირველივე წრეში გამოეთიშა ბრძოლას.გუშინ იტალიელის დამარცხება შეძლო ტაშკენტში დაბადებულმა ვარვარა ლეპჩენკომ, რომელიც ამჟამად ამერიკის სახელით გამოდის. რეიტინგის 77-ე ნომერმა მეტოქეზე ერთით მეტი ბრეიკი გააკეთა და ამის ხარჯზე სამ სეტში გაიმარჯვა - 6:3, 2:6, 6:3. ამ ჩოგბურთელთა რიგით მეორე შეხვედრა საათსა და 58 წუთს გაგრძელდა და ლეპჩენკომ იტალიელთან ურთიერთშეხვედრებში გაათანაბრა ანგარიში.კიდევ ერთი განთესილი, რომელიც როლან გაროსს ჩამოშორდა, ტურნირის მე-19 ნომერი შაარ პეერი იყო. ისრაელის წარმომადგენელი ერთ დროს ძლიერ, მაგრამ უკანასკნელ პერიოდში კლასიფიკაციაში 86-ე პოზიციამდე დაქვეითებულ ესპანელ მარია ხოსე მარტინეს-სანჩესს ხვდებოდა. ეს უკანასკნელი შარშან კლასიფიკაციის საუკეთესო ოცეულში იმყოფებოდა, მაგრამ ეს წელი მისთვის ძალიან ცუდად ვითარდება. მარიამ ტრავმის გამო რამდენიმე თვე გამოტოვა, მაგრამ ახლა ყველაფერი წესრიგში აქვს, რაც გუშინდელმა შეხვედრამაც დაადასტურა.პირენეელმა ორი სეტი იკმარა პეერის დასამარცხებლად - 7:6(4), 6:1. მარტინეს-სანჩესმა ექვსი ბრეიკი გააკეთა და სამჯერ წააგო საკუთარი მოწოდება. აღსანიშნავია, რომ ისრაელელმა 36 უნებლიე შეცდომა დაუშვა, მისმა მეტოქემ - 25. მატჩი საათსა და 43 წუთში დასრულდა.წარმატებით დაიწყო საფრანგეთის ღია პირველობაზე გამოსვლა სამანტა სტოსურმა. ავსტრალიელისთვის როლან გაროსი განსაკუთრებული ტურნირია. ორი წლის წინ მან აქ პირველად გააღწია "დიდი შლემის" ჩემპიონატის ნახევარფინალში, შარშან კი გააუმჯობესა ეს შედეგი და ფინალში ითამაშა, სადაც იტალიელ ფრანჩესკა სკიავონესთან წააგო.სტოსურმა მატჩი საწყისი გეიმის წაგებით დაიწყო, მაგრამ ავსტრალიელმა მალე მიუჩინა კუთვნილი ადგილი ივეტ ბენეშოვას. ერთ-ერთმა ფავორიტმა 69 წუთში გაიფორმა პირველი გამარჯვება. სამანტამ 29 "ვინერსი" შეასრულა და 19 უნებლიე შეცდომა დაუშვა. საწყისი მატჩისთვის ცუდი მაჩვენებელი არ არის.გერმანელმა იულია გორჯესმა მშვიდად და დამაჯერებლად მოუგო შვედური წარმოშობის ფრანგ მატილდა იოჰანსონს. ადგილობრივი პუბლიკა მეორე ფრანგმა - ალიზ კორნემ გაახარა, რომელმაც ორ პარტიაში სძლია რენატა ვორაკოვას.სვეტლანა კუზნეცოვამ მოწოდებაზე ძალიან კარგი თამაში აჩვენა და ძირითადად, ამის ხარჯზე მოუგო მაგდალენა რიბარიკოვას. ამასთან, რუსმა აქტიური მოქმედებით მეტოქეზე შვიდი ქულით მეტი აიღო.როგორც ჩანს, კარგ ფორმაშია სერბი ელენა იანკოვიჩი, რომელმაც პირველი წრის ბარიერი ძალიან იოლად გაიარა. როლან გაროსის სამგზის ნახევარფინალისტმა სააათზე ოდნავ მეტი დრო მოანდომა 26 წლის უკრაინელი ალიონა ბონდარენკოს განადგურებას - 6:3, 6:1. საინტერესოა ამ ჩოგბურთელთა ურთიერთშეხვედრების ანგარიში - 13:1 ელენას სასარგებლოდ.სხვა მატჩებიდან აღსანიშნავია სამსაათიანი ბრძოლა ვერა დუშევინასა და ელენა დოკიჩს შორის, რომელშიც უფრო ძლიერი რუსი ჩოგბურთელი აღმოჩნდა, ცვეტანა პირონკოვას მოგება კეისი დელაკუას წინააღმდეგ, დღის ყველაზე გამანადგურებელი მოგება: პოლონა ჰერცოგმა საათზე ნაკლები მოანდომა ოლივია სანჩესის დამარცხებას (ფრანგმა მხოლოდ ერთი გეიმი აიღო ორ სეტში). აგრეთვე ლუსი საფაროვას მოულოდნელად დიდი უპირატესობა კირსტენ ფლიპკენსის წინააღმდეგ. ბელგიელმა 22 უნებლიე შეცდომა დაუშვა, ოთხიდან ვერც ერთი ბრეიკ-პოინტი ვერ გამოიყენა და საბოლოოდ, 57 წუთში მხოლოდ ორი გეიმი აიღო.სხვათა შორის, გუშინ როლან გაროსის ქალთა ბადე კიდევ ერთი განთესილის გარეშე დარჩა. ბოლო მომენტში საფრანგეთის ღია პირველობაზე თამაში იუარა რუსმა ალისა კლეიბანოვამ - მას ვირუსული ინფექცია შეეყარა და იძულებული გახდა განაცხადი გამოეტანა. მისი ადგილი ძირითად ბადეში კიდევ ერთმა რუსმა ანასტასია პივოვაროვამ დაიკავა, რომელმაც როლან გაროსის კვალიფიკაციის ფინალი წააგო ამერიკელ სლოუნ სტივენსთან.ქალებიI წრემარია ხოსე მარტინეს სანჩესი (ესპ)-შაარ პეერი (ისრ, 19) 7:6, 6:1; რებეკა მარინო (კან)-კატერინა ბონდარენკო (უკრ) 6:3, 6:3; სვეტლანა კუზნეცოვა (რუს, 13)-მაგდალენა რიბარიკოვა (სლოვაკ) 6:2, 6:3; ლუსი საფაროვა (ჩეხ)-კირსტენ ფლიპკენსი (ბელ) 6:1, 6:1; ჯულია გორჯესი (გერ, 17)-მატილდ იოჰანსონი (საფ) 6:1, 6:4; ცვეტანა პირონკოვა (ბულ, 32)-კეისი დელაკუა (ავსტრა) 7:5, 6:3; ხისელა დულკო (არგ)-ირინა ფალკონი (აშშ) 6:3, 6:4; სიმონა ჰალეპი (რუმ)-ალა კუდრიავცევა (რუს) 6:2, 6:1; სამანტა სტოსური (ავსტრა, 8)-ივეტა ბენეშოვა (ჩეხ) 6:2, 6:3; ალიზ კორნე (საფ)-რენატა ვორაკოვა (ჩეხ) 6:4, 6:2; მონა ბარტელი (გერ)-სიბილი ბამერი (ავსტრია) 6:1, 7:5; ანასტასია პავლიუჩენკოვა (რუს, 14)-იაროსლავა შვედოვა (ყაზ) 7:5, 6:3; ელენა იანკოვიჩი (სერ, 10)-ალიონა ბონდარენკო (უკრ) 6:3, 6:1; ვერა დუშევინა (რუს)-ელენა დოკიჩი (ავსტრა) 4:6, 6:3, 6:2; ბეტანი მატეკი (აშშ)-არანჩა პარა სანტონხა (ესპ) 2:6, 7:6, 6:3; ვარვარა ლეპჩენკო (აშშ)-ფლავია პენეტა (იტა, 18) 6:3, 2:6, 6:3; პოლონა ჰერცოგი (სლოვენ)-ოლივია სანჩესი (საფ) 6:0, 6:1.

მერვე მატჩიდან მეშვიდე წაგება სეზონში - ბასილაშვილი ცუდ ფორმაშია

მარცხი მსოფლიოს 106-ე ნომერთან - ბასილაშვილმა მონპელიეს ტურნირის პირველივე შეხვედრაში წააგო

[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა