გოგა ბითაძის სასტარტო ხუთეული, 6 ქულა, 11 მოხსნა და 4 ბლოკი - "ინდიანა" ოვერტაიმში დამარცხდა [VIDEO]

6 ნოემბერს, NBA-ს რეგულარული სეზონის მე-7 ტურში გოგა ბითაძის "ინდიანა პეისერსი" სტუმრად "შარლოტ ჰორნეტსთან" 120:122 დამარცხდა.მესამე მეოთხედის შემდეგ სტუმრები 92:78-ს იგებდნენ, მაგრამ მეოთხე მეოთხედში მასპინძლებმა ანგარიშიც გაათანაბრეს და 6 ქულითაც დაწინაურდნენ. ძირითადი დრო 113:113 დასრულდა, ოვერტაიმში კი მასპინძლებმა იმარჯვეს. არადა, "პეისიერსი" 19 ქულითაც კი იგებდა.ბითაძემ მატჩი სასტარტოში დაიწყო და 31:48 წუთი ითამაშა. მან 6 ქულა ჩააგდო (7-დან 3 ორქულიანი, 2-დან 0 სამქულიანი), 11-ჯერ მოხსნა ბურთი, 4 პასი გააკეთა, 4 ბლოკი მიითვალა და 3-ჯერ დაკარგა ბურთი. სამწუხაროდ, გოგამ ისევ 6 პერსონალური მიიღო, ოღონდ, "ჩიკაგო ბულზთან" შეხვედრისგან განსხვავებით, უფრო გვიან დატოვა პარკეტი.გოგა ბლოკებში საუკეთესო იყო, მოხსნებში კი მხოლოდ შარლოტელი კოდი მარტინი გაუტოლდა.აღსანიშნავია, რომ გოგა "ინდიანას" შეტევებში ცენტრალური როლი ჰქონდა, განსაკუთრებით პირველ ტაიმში. მისი "პიკ ენ როლის" დროს მუდმივად ბროგდონი გადიოდა შესატევ პოზიციაზე, ან ისროდა, ან პერიმეტრზე გაჰქონდა. თუმცა, სამწუხარო ის გახლავთ, რომ გოგა ისევ ბევრ ჯარიმას იღებს.პირველი ტაიმის ბოლო 5 წუთში, აშკარად ჩანდა, რომ "ინდიანას" მწვრთნელმა გოგა სწორედ იმიტომ დასვა სკამზე, რომ მეტჯერ აღარ დაჯარიმებულიყო. იმ დროისთვის ანგარიში 52:36 იყო, ტაიმის ბოლოს სხვაობა 7 ქულამდე შემცირდა - 64:57. ეს მცირე დეტალიც აჩვენებს იმას, გოგას შეუძლია ძალიან სასარგებლო იყოს გუნდისთვის, თუ უფრო ყურადღებით ითამაშებს და ზედმეტ ჯარიმებს არ "აიკიდებს".ყველაზე მოულოდნელი ის გახლავთ, რომ საწყის შეხვედრებში გოგა დაცვაში უფრო კარგად თამაშობს, ვიდრე შეტევაში. არა და, ყველა პირიქით ელოდა. შესაძლოა, ეს მწვრთნელის დავალებაც იყოს, რომ დაცვაზე უფრო დიდი ყურადღება გაამახვილოს, თუმცა მისთვის 32 წუთში 6 ქულა ძალიან ცოტაა.ყველაზე მეტი, 35 ქულა შარლოტელმა დევონტ გრემმა ჩააგდო, ინდიანელთაგან კი ჯეი უორენი (33) და მალკოლმ ბროგდონი (31) გამოირჩნენ."ინდიანა" 3 მოგებით აღმოსავლეთ კონფერენციაში მეცხრე ადგილზეა და 8 ნოემბერს "ვაშინგტონს" უმასპინძლებს.დღის სხვა მატჩები ასე დასრულდა:კლივლენდი-ბოსტონი 113:119 ატლანტა-სან ანტონიო 108:100 ჩიკაგო-ლეიკერსი 112:118 ოკლაჰომა-ორლანდო 102:94 დენვერი-მაიამი 109:89

რიგითი

ძალიან სოლიდურად და პროფესიონალურად გამოიყურება უკვე მესამე თამაშია.. რაც მთავარია მომატების პერსპექტივა იგრძნობა განუსაზღვრელად დიდი.. აი ჯარიმები კიდე არაფერია, როგორც ჩვენ დავინახეთ რო ტყვილა დაუსტვინეს ისე დაინახა მწვრთნელმაც.. ოღონდ ცოტა აკურატულობა მაინც მართებს და ხანდახან უნდა გაატაროს კიდეც კაცი რადგან სტატისტიკას ძალიან აქცევენ ყურადღებას... წარმატებები..
ბ.მ.ბ.

კაი რა, როგორც ახალბედას ისე უყურებენ და ძალიან სადავო ჯარიმებს აძლევენ, მიდი გოგა, მაგარი უნდა გახდე, ძალიან მაგარი!!!
გულშემატკივარი

გოგას უკვე 13 ბლოკშოტი დაუგროვდა და საშუალოდ 2.6 თამაშში, მე-3 ადგილზეა ნბა-ში. ძალიან ცუდი მსაჯობა იყო, შარლოტმა 42 ჯარიმა ისროლა, ინდიანამ 7. გოგასაც სადავო სიტუაციებში აკიდეს პერსონალურები.
aburjga

ვულოცავ გოგას, ყველას გილოცავთ ვისაც ქართველის და საქართველოს წარმატება გიხარიათ. ძალიან სწრაფად გაიარა ადაპტაცია, რაც მის ნიჭიერებაზე მეტყველებს. 32 წუთი სათამაშო დრო ეს ძალიან სოლიდურია ე.ი. ფიზიკური მომზადება მაღალ დონეზეა. ბოლო 2 ჯარიმა საერთოდ ჯარიმასთან მიმსგავსებულიც არ იყო. მეტი რომ არ ვთქვა, გასაკვირია მსაჯების ასეთი შეცდომა ისიც თამაშის მიწურულს, სულ კულმინაციურ მომენტში! ეტყობა კიდევ მაგრად მოუმატებს! მთავარია იმ დაშავებული კაცის მწყობრში შესვლის შემდეგ კიდევ მიეცეს სათამაშო დრო, 20 წუთი მაინც! წარმატებები გოგა!
დიდგორელი!

მსაჯმა 2 ჯარიმა იმენნა ტყუილად აკიდა გოგას ძირითადი დროის ბოლო წუთზე!!! ვინც თამაშს უყურა იქნებ ამიხსნას რატომ დააჯარიმეს ბითაძე ერთხელ დაცვის და მეორედ შეტევის დროს?! ზოგადად ძალიან სოლიდურად გამოიყურება ჩვენიანი უკვე მესამე თამაშია. თუ ასე გააგრძელებს მერე გვექნება თებერვალში ##nbavotebitadze
912

წაუგრინებს

ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა

14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა

[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა

კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში

საქართველო 10:1 ესტონეთი

"ბორჯღალოსნები" | ნამატით კანადასთან

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა

[VIDEO] ლუკა გაგნიძის მეორე საგოლე პასი ესპანეთში

საქართველო 5:0 ესტონეთი

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

კიტეიშვილის მაღალი შეფასებები და "შტურმის" ფრე "ზალცბურგთან"

"ლიონთან" მატჩში პსჟ-ს შემადგენლობა ცნობილია

წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა

პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"

[VIDEOS] ბითაძის სათამაშო დრო გაიზარდა, სანდრომ 10 ქულა დააგროვა - ქართველების გუნდები დამარცხდნენ

[VIDEO] ბითაძის "ორლანდოს" 4-მატჩიანი წაგებათა სერია "შარლოტ ჰორნეთსთან" დასრულდა

[VIDEOS] მამუკელაშვილი ყოფილ გუნდს დაუპირისპირდა - ბითაძის "ორლანდო" "ფილადელფიასთან" დამარცხდა

[VIDEO] ბითაძის დომინანტური მატჩი - "ორლანდო მეჯიქმა" "ვაშინგტონ ვიზარდსი" დაამარცხა

[VIDEOS] გოგასგან და სანდროსგან მეტს ველით - ქართველების გუნდები დამარცხდნენ