ლუის ენრიკე ”რომას” სათავეში?

კანდიდატი კიდევ სამია: ანჩელოტი, დეშამი, ბიელსა "რომას" მთავარი მწვრთნელის საკითხი იტალიურ სპორტულ პრესაში ერთ-ერთი ყველაზე აქტუალურია და ეს მიუხედავად იმისა, რომ ვინჩენცო მონტელა ჯერ არავის გაუთავისუფლებია დაკავებული თანამდებობიდან. მეტიც, "ჯალოროსის" ამჟამინდელი თავკაცი დარწმუნებულია, რომ მომდევნო სეზონშიც იმუშავებს პოსტზე და საერთოდაც, გუნდის ისტორიაში ეპოქის შექმნის საშუალება მიეცემა. ეპოქის რა გითხრათ და იმის შანსი კი ნამდვილად აქვს, რომ პოსტი შეინარჩუნოს - ამის შესახებ კლუბის სპორტული დირექტორი ბრუნო კონტი საუბრობს:"პირადად მე, ვინჩენცო მონტელას მიერ გაწეულ სამუშაოს დადებითად ვაფასებ და მიმაჩნია, რომ როგორც მწვრთნელს, დიდი მომავალი აქვს. მხოლოდ ჩემი ნება რომ იყოს, აუცილებლად გავუგრძელებდი ხელშეკრულებას, მაგრამ საბოლოო გადაწყვეტილებას დირექტორთა საბჭო მიიღებს. ვიცი, რომ მონტელას ბევრი მხარდამჭერი ჰყავს და მისი შანსები საკმაოდ ძვირად ფასობს. ჯერჯერობით, ჩვენთვის უცნობია რა პოზიცია აქვს კლუბის ახალ მეპატრონე ტომას დი ბენედეტოს, რომელიც უახლოეს პერიოდში ჩამოვა რომში და ალბათ თავის სიტყვას იტყვის".მედიაში არ წყდება საუბრები იმის შესახებ, რომ მონტელას მაინც მოუწევს პოსტის დატოვება და მის შესაძლო შემცვლელად რამდენიმე კანდიდატიც კია გამოკვეთილი. უპირველესი რა თქმა უნდა კარლო ანჩელოტია, რომელიც რამდენიმე დღის წინ გაუშვეს "ჩელსიდან" და ახალი წინადადებების მოლოდინშია. სანამ კიდევ ერთ მეტად საინტერესო კანდიდატურაზე ვიტყოდეთ, ანჩელოტის თემაზე შევჩერდეთ და კარლო მაცონეს გადავცეთ სიტყვა, "რომას" ყოფილ ფეხბურთელს, ყოფილ მთვარ მწვრთნელს და ზოგადად, გუნდის ცოცხალ ლეგენდას:"თუ შემეკითხებიან, აუცილებლად ანჩელოტის დავუჭერ მხარს, რადგან მას ყველაფერი აქვს იმისთვის, რომ გუნდს წარმატებით გაუძღვეს. უდიდესი გამოცდილება დააგროვა და იცის როგორ მიიყვანოს გუნდი დიდ წარმატებამდე. ამასთან, ნამდვილი რომაელი, ჩვენი გუნდის წევრი და არაერთხელ აქვს ნათქვამი, რომ ადრე თუ გვიან "ჯალოროსის" აუცილებლად ჩაიბარებს. ჰოდა, ამაზე უკეთეს დროს უბრალოდ ვერ შეარჩევს".ანჩელოტისთან ერთად, რეალურ კანდიდატებად დიდიე დეშამი და მარსელო ბიელსა მოიაზრებიან, მათ რიცხვს კი ლუის ენრიკეც შეუერთდა. დიახ, ესპანელი ფეხბურთელი, რომჯელმაც სულ ახლახანს დაანება თამაშს თავი და განაცხადა, რომ სამწვრთნელო საქმიანობას უნდა მიჰყოს ხელი. ვერ გეტყვით, რატომ დაუკავშირეს ენრიკეს გვარი "ჯალოროსის", მაგრამ ფაქტია, რომ ამის შესახებ გავრცელებულმა ცნობებმა იტალიური მედია წალეკა. ბრუნო კონტიც გაკვირვებულია: "ლუის ენრიკე? - ვერაფერს გეტყვით, რადგან ამის შესახებ მეც ჟურნალისტებისგან შევიტყვე. ძალიან კარგი ფეხბურთელი იყო, შესანიშნავი ტექნიკით, მაგრამ რამდენად ერკვევა სამწვრთნელო საქმიანობაში ჩემთვის უცნობია. აქედან გამომდინარე, არ მაქვს საფუძველი, რომ ამ კანდიდატურას მხარი დავუჭირო. ისე კი, მიკვირს, რომ ენრიკეს, როგორც კანდიდატის შესახებ კომენტარს ვაკეთებ"."გაძეტა დელო სპორტის" ინფორმაციით, იქითა კვირის ბოლოს ტომას დი ბენედეტო დირექტორთა საბჭოს სხდომას მოიწვევს და მწვრთნელის საკითხიც სწორედ იქ გადაწყდება.

"ნაპოლი" მთავარი თავდამსხმელის გარეშე დარჩა

[VIDEO] კონტე წყობიდან გამოვიდა - "ნაპოლის" ამხანაგურ შეხვედრაში ასეთი რამ მოხდა...

კონტეს მადლობა ხვიჩას და შედარება "ახალ კვარად" წოდებულ ნოასთან

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა