კიმის შემდეგ კარო. ვინ არის შემდეგი?

მსოფლიოს პირველი ჩოგანი, დანიელი კაროლინ ვოზნიაცკი სლოვაკ დანიელა ჰანტუხოვასთან პირწმინდად დამარცხდა - 1:6, 3:6 მსოფლიოს პირველმა ჩოგანმა კაროლინ ვოზნიაცკიმ ისევ უნდა გადადოს კარიერაში "დიდი სლემის" პირველი ტურნირის მოგება. დანიელი მესამე წრიდან გამოეთიშა როლან გაროსს, თანაც პირწმინდად დამარცხდა სლოვაკ დანიელა ჰანტუხოვასთან - 1:6, 3:6.თუ გავიხსენებთ იმას, რომ წინა დღეს ტურნირს გამოაკლდა რეიტინგის მეორე ნომერი კიმ კლაისტერსი, მივიღებთ უნიკალურ სიტუაციას - პირველად "დიდი სლემის" ტურნირების ისტორიაში 1/8 ფინალში ვერ გავიდნენ პირველ ორ ნომრად განთესილი ჩოგბურთელები.ჰანტუხოვა სრულად დომინირებდა კორტზე. სლოვაკმა მხოლოდ ერთხელ წააგო საკუთარი მოწოდება და ხუთი ბრეიკი გააკეთა. აღვნიშნავთ იმასაც, რომ ვოზნიაცკის მხოლოდ 9 "ვინერსი" ჰქონდა, დანიელას - 28. მატჩი საათი და 13 წუთი გაგრძელდა. ჰანტუხოვასთვის ეს იყო პირველი მოგება ვოზნიაცკის წინააღმდეგ გამართულ ოთხ მატჩში.გუშინ კიდევ ერთი სენსაციის ავტორი გახდა არგენტინელი ხისელა დულკო. მან ბრძოლას გამოთიშა შარშანდელი ფინალისტი, ავსტრალიელი სამანტა სტოსური, რომლისთვისაც როლან გაროსი საყვარელი ტურნირია და აქ ზედიზედ ორი წელი მინიმუმ ნახევარფინალში თამაშობდა.ავსტრალიელი ძალიან ბევრს ცდებოდა - ორი საათის განმავლობაში 35 უნებლიე შეცდომა დაუგროვდა. მიუხედავად ამისა, სამანტას ჰქონდა მატჩის მოგების შანსი, განსაკუთრებით მაშინ, როცა მეორე სეტში ძალიან მაღალი დონის ჩოგბურთი აჩვენა (6:1). მაგრამ დულკო ფსიქოლოგიურად არ გატყდა, ბრეიკით დაწინაურდა 4:2 და ბოლომდე შეინარჩუნა ეს უპირატესობა. არგენტინელმა გაიმეორა "დიდი სლემის" ტურნირებზე თავისი საუკეთესო შედეგი - 2006 წელს როლან გაროსზე და 2009 წელს ამერიკის ღია პირველობაზე ხისელამ ასევე მერვედფინალში თამაშა.* * *გუშინდელი დღე ცენტრალური მატჩით უნდა დასრულებულიყო, რომელსაც ყველა მოუთმენლად ელოდა. ამჯერად არგენტინელ ხუან მარტინ დელ პოტროს უნდა ეცადა სეზონის ლიდერის ნოვაკ ჯოკოვიჩის შეჩერება.პირველი სეტი სერბმა 6:3 მოიგო, მაგრამ მეორე პარტია იგივე ანგარიშით დელ პოტრომ აიღო და ამის შემდეგ, ცუდი ხილვადობის გამო მატჩი შეწყდა და მისი დასრულება მეორე დღისთვის გადაიდო. ანგარიშით თუ ვიმსჯელებთ, დღეს წესით საინტერესო და დაძაბული ბრძოლა უნდა ვიხილოთ.როგორც ჩანს, კარგ ფორმაშია როჯერ ფედერერი. შვეიცარიელმა ზედიზედ მესამე მატჩი ისე მოიგო, რომ სეტი არ წაუგია. "დიდი სლემის" 16-გზის ჩემპიონმა 10 ეისი გააკეთა და მხოლოდ 20 უნებლიე შეცდომა დაუშვა სერბი იანკო ტიპსარევიჩის წინააღმდეგ - 6:1, 6:4, 6:3.ფედერერმა თამაშის ყველა კომპონენტში აჯობა მეტოქეს. პირველი მოწოდების სიზუსტე 67 პროცენტს უდრიდა, რეალიზაციის პროცენტი კიდევ უფრო მაღალი იყო - 84.კაცები1/16 ფინალიდავიდ ფერერი (ესპ, 7)-სერგეი სტახოვსკი (უკრ, 31) 6:1, 6:1, 6:3; გაელ მონფილსი (საფ, 9)-სტივ დარცისი (ბელ) 6:3, 6:4, 7:5; სტანისლას ვავრინკა (შვეიც, 14)-ჟო ვილფრიდ ცონგა (საფ, 17) 4:6, 6:7, 7:6, 6:2, 6:3; როჯერ ფედერერი (შვეიც, 3)-იანკო ტიპსარევიჩი (სერ, 29) 6:1, 6:4, 6:3; ფაბიო ფონინი (იტა)-გილერმო გარსია-ლოპესი (ესპ, 30) 4:6, 6:3, 6:3, 6:1; ალბერტ მონტანიესი (ესპ)-მიხაილ იუჟნი (რუს, 12) 6:1, 7:6, 6:1; რიშარ გასკე (საფ, 13)-ტომაშ ბელუჩი (ბრა, 23) 6:2, 6:3, 3:6, 6:3; ხუან მარტინ დელ პოტრო (არგ, 25)-ნოვაკ ჯოკოვიჩი (სერ, 2) 3:6, 6:3 შეწყდა.ქალები1/16 ფინალიდანიელა ჰანტუხოვა (სლოვაკ, 28)-კაროლინ ვოზნიაცკი (დან, 1) 6:1, 6:3; სვეტლანა კუზნეცოვა (რუს, 13)-რებეკა მარინო (კან) 6:0, 6:4; მარიონ ბარტოლი (საფ, 11)-ჯულია გორჯესი (გერ, 17) 3:6, 6:2, 6:4; ხისელა დულკო (არგ)-სამანტა სტოსური (ავსტრა, 8) 6:4, 1:6, 6:3; ვერა ზვონარევა (რუს, 3)-ანასტასია როდიონოვა (ავსტრა) 6:2, 6:3; ანასტასია პავლიუჩენკოვა (რუს, 14)-ნურია ლაგოსტერა ვივესი (ესპ) 3:6, 6:3, 6:3; ელენა იანკოვიჩი (სერ, 10)-ბეტანი მატეკი (აშშ) 6:2, 6:2; ფრანჩესკა სკიავონე (იტა, 5)-შუაი პენგი (ჩინ, 29) 6:3, 1:2 პენგის უარი.

ბასილაშვილი მონაკოშია და ძალიან პრესტიჟული მასტერსის ძირითად ბადეში გადასვლელად იბრძოლებს

ბასილაშვილის მორიგი შესანიშნავი მატჩი - ნიკა მაიამის მასტერსის ძირითად ბადეშია

მეტოქეს მხოლოდ 4 გეიმი დაუთმო - ბასილაშვილი ნელ-ნელა ფორმას უბრუნდება და მაიამის მასტერსის ძირითადი ბადისთვის იბრძვის

VIDEO | ეროვნული ლიგა | რუსთავი 0-3 დინამო (ბთ). "რუსთავის" მეორე ტაიმი, ბათუმის "დინამოს" პირველი მარცხი

ლიბერთიმ გრიფინი ბოლო წუთებზე გატეხა და ფინალურ სერიაში 2:1 დაწინაურდა

დარჩება "ბენფიკაში"? - მოურინიომ თავის მომავალზე ისაუბრა

ბასტონი თანახმაა - იტალიელის გადაბარგება ესპანურ გრანდში დროის საკითხია?

გეგმა "ელ კლასიკოში" თამაშია - რაფინიას მოედანზე მალე დაბრუნება უნდა

იტალიაში იწვევენ - ბერნარდო სილვას სერია A-ში თამაშის ვარიანტი გამოუჩნდა

ვინ შეცვლის გვარდიოლას - "სიტის" სამი კანდიდატი ჰყავს

18 წ. | როტაციით ინგლისთან

მიქაუტაძემ ამჯერად ვერ გაიტანა - "ვილიარეალი" "ჟირონასთან" დამარცხდა

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ფრე წაგების შემდეგ - გოგლიჩიძემ და ჩაკვეტაძემ შეუცვლელად ითამაშეს

U16. კვარაცხელიას ულამაზესი გოლი და საგოლე პასი - საქართველოს ნაკრები ბულგარეთთან პენალტების სერიაში დამარცხდა

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

"პსჟ-ის მიზანი ამ სეზონში სწორედ ესაა" - დემბელემ "ლივერპულთან" დაპირისპირებაზე ისაუბრა

35 წლის ასაკში ოსკარმა საფეხბურთო კარიერა დაასრულა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა