საქართველოს ხელბურთელთა ნაკრები მსოფლიო შესარჩევის მატჩში ბოლო წუთებზე დამარცხდა [VIDEO]

ხელბურთის ეროვნულმა ნაკრებმა მსოფლიო ჩემპიონატის პირველი საკვალიფიკაციო მატჩი ბოლო წუთებზე, 24:29 დათმო რუმინეთთან, იტალიაში, ქალაქ ბენევენტოს "პალა ტედესკიში". ფრედ ითამაშეს იტალიამ და კოსოვომ 26:26. ჩვენი გუნდი შაბათს იტალიას ხვდება.საქართველოს ნაკრებმა ასეთი შვიდეულით დაიწყო: თევზაძე, რუსტამოვი, ორჯონიკიძე, ჩიქოვანი, ცხოვრებაძე, დიხამინჯია, მაისურაძე. დაცვაში შემოდიოდა წითელიშვილი, პირველ ტაიმში მოედანზე გამოვიდნენ ჭანტურია, კალანდაძე და აბრამიშვილი, ხოლო მეორეში თამაშში ჩაერთვნენ მეკარე ცინცაძე, კბილაშვილი და არსენაშვილი.პირველ ტაიმში ჩვენმა გუნდმა ვერაფრით ააწყო გუნდური თამაში და თავიდანვე ჩამორჩა. მაქსიმალური სხვაობა 6 ბურთი იყო: 6-12. გოლები ძირითადად გიორგი ცხოვრებაძის ინდივიდუალური შეტევების შემდეგ გადიოდა. მონპელიეს ახალგაზრდა მარჯვენა ინსაიდმა 5 გოლი გაიტანა, მაგრამ ბევრიც ააცილა და დაკარგვებიც საკმაოდ ჰქონდა.პირველი ტაიმის ბოლოსკენ სიტუაცია გამოსწორდა - დიხამინჯიამ კუთხიდან, ცხოვრებაძემ 9 მეტრიდან და კალანდაძემ სწრაფი გარღვევის შემდეგ ზედიზედ გაიტანეს 3 გოლი (9-12), ბოლოს კი მაისურაძემ შეაგდო 6 მეტრიდან, 18 წლის კალანდაძემ მეტოქის გადაცემა ჩაჭრა და ორჯონიკიძემ ტაიმის ბოლო წამზე სხვაობა ისევ დაიყვანა სამამდე - 13-16.შესვენების შემდეგ კარგად შემოვიდა მეკარე ცინცაძე, ლიდერობა იტვირთა ირაკლი ჩიქოვანმა და ორჯერ გაიტანა, 38-ე წუთზე კალანდაძემ გაათანაბრა (17-17), შოთა თევზაძე შვიდმეტრიანის მოსაგერიებლად დაბრუნდა მოედანზე და მოიგერია კიდეც, იქვე კი ჩიქოვანის პასის შემდეგ უჩა მაისურაძემ დაგვაწინაურა 18-17!უნდა ითქვას, რომ რუმინეთი სულაც არ ჩანდა ჩვენზე ძლიერ გუნდად. ჩვენს დაცვას მხოლოდ საფრანგეთის შამბერის მარჯვენა ინსაიდის, დემის გრიგორაშის (9 გოლი) შეჩერება გაუჭირდა, 5 გოლი კი გამთამაშებელმა კრისტიან ფენიჩიმ გაგვიტანა.მეტოქემ მალე დაიბრუნა ლიდერობა (19-18), ჩიქოვანმა ისევ გაათანაბრა, მაგრამ აქ მსაჯებმა ზედიზედ გაგვიძევეს წითელიშვილი და ჩიქოვანი. კრიტიკულ სიტუაციაში მშვენივრად შემოვიდა კბილაშვილი, რომელმაც ჯერ ინდივიდუალური გარღვევის შემდეგ ორიგინალური გოლი გაიტანა (20-20), შემდეგ სხვაობა მინიმუმამდე დაიყვანა (21-22) (ამასობაში თევზაძემ კიდევ ერთი შვიდმეტრიანი მოიგერია) და ბოლოს ორწუთიანი და შვიდმეტრიანი გამოიმუშავა: მაგრამ ცხოვრებაძემ ვერ გაიტანა და ანგარიშის გათანაბრების შანსი დაიკარგა. დასრულებამდე შვიდწუთნახევრით ადრე ნიკოლა მაქსიმოვიჩმა ტაიმაუტი აიღო. ანგარიში იგივე იყო: 21-22.მაგრამ, წუთშესვენების შემდეგ ჩვენებს ზედიზედ ორჯერ მოუვიდათ ტექნიკური წუნი, მეტოქე ისევ გაგვექცა სამით, კბილაშვილმა და ჩიქოვანმა ორჯერ დაიყვანეს სხვაობა ორამდე (23-25, რჩებოდა 4 წუთი), თუმცა, კიდევ ერთი დაკარგული ბურთის შემდეგ რუმინეთმა ოთხბურთიანი უპირატესობა მიიღო, სულ ბოლოს კი ჭანტურია ბოლო 30 წამის წესის დარღვევის გამო წითელი ბარათით და შვიდმეტრიანით დაისაჯა და საბოლოო სხვაობა ასეთი მატჩისთვის შეუფერებლად დიდი გამოვიდა - 24-29.მომდევნო ეტაპზე, პლეიოფში, მხოლოდ ჯგუფის გამარჯვებული გადის და შანსი ოთხივე გუნდს დარჩა, თუმცა, ჩვენი გუნდისთვის უფრო მნიშვნელოვანია ევრო 2022-ის პლეიოფი - 16 და 19 იანვარს ფინეთთან. სუომის გუნდთან მოგების შემთხვევაში საქართველოს ნაკრები 2020 წლის ოქტომბერში ევროპის ჩემპიონატის მთავარ შესარჩევ რაუნდს დაიწყებს ევროპის უძლიერეს 31 გუნდთან ერთად. საქართველო-ფინეთის პირველი მატჩი 16 იანვარს 19 საათზე დაწყება თბილისის სპორტის სასახლეში. საპასუხო შეხვედრა 19 იანვარსაა ქალაქ რიიჰიმიაკიში.მსოფლიო ჩემპიონატი 2021. ევროპის პირველი საკვალიფიკაციო რაუნდიIII ჯგუფი. პალა ტედესკი, ბენევენტო, იტალია (გამარჯვებული გავა პლეიოფში)10 იანვარი.რუმინეთი-საქართველო 29-24რუმინეთი: პოპესკუ, იანკუ - გრიგორაში 9, ფენიჩი 5, დუმიტრუ 3, სიმიკუ 3, ტალმაიერი 3, ბუიორი 2, ფოტაკე 2, ასოლტანეი 1, მოკანუ 1, სავენკო, ბოტეა, კაბუცი, ჩოგი, ჰუმეტ გამინდესაქართველო: თევზაძე, ცინცაძე - ჩიქოვანი 6, ცხოვრებაძე 5, ორჯონიკიძე 4, კბილაშვილი 3, დიხამინჯია 2, კალანდაძე 2, მაისურაძე 2, რუსტამოვი, წითელიშვილი, ჭანტურია, აბრამიშვილი, არსენაშვილი, მიქავა, გოგოლაძემსაჯები: არძირიდისი-მუტასი (კვი)იტალია- კოსოვო 26-26იტალია: კოლელუორი, ებნერი - არჩიერი 6, სტაბელინი 5, პარიზინი 4, სკატარი 2, ზონერერი 2, ტურკოვიჩი 2, ბულძამინი 1, დანტინო 1, დარიპანი 1, დოლდანი 1, პერეირა 1, მენგონი, ა. იბალი, ე. იბალიკოსოვო: გერბესკი, მუჩოლი - დედაი 8, იუპა 4, დრილონ ტაჰირუკაი 4, დრენიტ ტაჰირუკაი 3, აბდულაი 2, ფეტაჰუ 2, ჩუკა 2, ტერზიჩი 1, აჰმეტი, ბეშირი, გეგაი, ჩუნი, რამოსაი, ზენამსაჯები: პეტურსონი-პრასტარსონი (ისლ)11 იანვარი: 21:00 კოსოვო - რუმინეთი, 23:00 საქართველო-იტალია12 იანვარი: 19:00 კოსოვო - საქართველო, 21:00 იტალია - რუმინეთი

გრიგოლ1408

ასეთ სასწაულს როგორ წერთ.24-29წააგო და ბოლო წუთებზე როგორ დამარცხდა?

გიორგი ცხოვრებაძემ ჩემპიონთა ლიგაზე საუკეთესო მატჩი ჩაატარა

ქართველი ლეგიონერების მონაგარი | კბილაშვილმა 6 გოლი გაიტანა, კალანდაძემ და ცხოვრებაძემ – 4-4

ევრო 2026 | საქართველოს ნაკრების კალენდარი ევროპის ჩემპიონატზე

"მანჩესტერ იუნაიტედთან" მატჩში "ლივერპულის" შემადგენლობა ცნობილია

"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ

"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე

"საფონოვი მოთმინებას კარგავს" - რას წერს ფრანგული გამოცემა რუს მეკარეზე?

[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში

ფრე დინამოების დაპირისპირებაში; წყალტუბოელთა მოგება ფოთში

ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა

დავითაშვილის "სენტ-ეტიენმა" შინ მარცხი განიცადა

[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა

მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა

საქართველო 3:2 ყირგიზეთი

გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა

კვერნაძე შეცვლაზე შევიდა - "ფროზინონე" "მონცასთან" დამარცხდა

39 დღე გაძლო - "ნოტინგემმა" პოსტეკოღლუ გაათავისუფლა

ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა

"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა

"ქუთაისმა" რუსთავში იმარჯვა, "ორბმა" ტყიბულში თსუ-ს სძლია

რაფაელ ბენიტესი ბერძნულ გუნდს ჩაიბარებს

გვარდიოლამ გაამხილა, როდის იფიქრებს მწვრთნელის კარიერის დასრულებაზე

კანტე ევროპაში ბრუნდება? - ფრანგს სერიოზული მსურველი ჰყავს

საქართველოს წყალბურთელთა ნაკრები მსოფლიო უნივერსიადაზე პლეი-ოფში ითამაშებს

საქართველოს ნაკრები უნგრეთთან დამარცხდა

საქართველოს წყალბურთელთა ნაკრები რუმინეთთან დამარცხდა

საქართველოს წყალბურთელთა ნაკრებმა ოლიმპიურ ჩემპიონს სძლია

ელაჩას 6 გოლი და წაგება საბერძნეთთან - საქართველოს ნაკრები პლეი-ოფში ითამაშებს

საქართველოს ნაკრები იტალიასთან დიდი ანგარიშით დამარცხდა