- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გამარჯვებულს უმაღლესი, დამარცხებულს სიმპათია
<p>პლეო-ოფის მატჩში ცხინვალის "სპარტაკმა" საჩხერეს "ჩიხურას" დაძაბულ ბრძოლაში 2:1 სძლია და უმაღლესში ადგილი შეინარჩუნა <br> საქართველოს ჩემპიონატი. პლეი-ოფის მატჩი</p><p><em><strong>სპარტაკი-ჩიხურა 2:1</strong></em></p><p>29.05. თბილისი. ეროვნული. 5000 მაყურებელი</p><p>1:0 მეტრეველი (8, მამუჩიშვილის პასით), 2:0 ბუზალაძე (26), 2:1 გვეტაძე (61).</p><p>90-ე წუთზე მგელაძემ (სპარტაკი) ვერ გამოიყენა პენალტი.</p><p>სპარტაკი (4-3-2-1) ჩიხურა (4-2-3-1)</p><p>ნ. დაუშვილი ბეგაშვილი</p><p>ჭაფოძე მაჭარაშვილი</p><p>მგელაძე ლ. ჩაგელიშვილი</p><p>ბოიომო გვეტაძე</p><p>მანჩხავა ზივზივაძე</p><p>მამუჩიშვილი ზაბახიძე</p><p>თ. შონია ქიმაძე</p><p>კილასონია ა. ალავიძე</p><p>ბუზალაძე ქამუშაძე</p><p>დეკანოიძე ივანიშვილი</p><p>ზ. მეტრეველი დ. ჩაგელიშვილი</p><p>მწვრთნელი: ბ. კვარაცხელია მწვრთნელი: ს. ფრუიძე</p><p>სპარტაკი</p><p>49. ბუზალაძე-კლოვისი</p><p>73. კილასონია-გ. ალავიძე</p><p>85. შონია-მ. ჯიშკარიანი</p><p>სათადარიგოები: ხომერიკი, ბურძენაძე, კაკაშვილი, ზერეკიძე.</p><p>ჩიხურა</p><p>46. ა. ალავიძე-მუმლაძე</p><p>79. მაჭარაშვილი-თ. მეტრეველი</p><p>81. ივანიშვილი-დემეტრაშვილი</p><p>სათადარიგოები: დოღაძე, გიორგობიანი, გიორბელიძე.</p><p>გაფრთხილება: მეტრეველი (10), ქამუშაძე (75), კლოვისი (85), ჯიშკარიანი (89), გ. ალავიძე (90)</p><p>არბიტრი: ლ. სილაგავა (თბილისი)</p><p>2010-11 წლების საფეხბურთო სეზონის ბოლოსწინა მატჩი ისეთი გამოდგა, პლეი-ოფის შეხვედრა როგორიც უნდა ყოფილიყო - უაღრესად დაძაბული, ნერვული და საინტერესო; ერთის მხრივ, ამაში გასაკვირვი არაფერი უნდა ყოფილიყო: ამ მატჩში გამარჯვებული ხომ უმაღლესი ლიგის საგზურის მფლობელი ხდებოდა!</p><p>რაღა თქმა უნდა, უფრო მეტი შანსი უმაღლესლიგელ "სპარტაკს" ჰქონდა, თუმცა, იმაშიც დარწმუნებული ვიყავით, პირველი ლიგის "ჩიხურა" რომ ყველა ღონეს იხმარდა ოთხწლიანი პაუზის შემდეგ კვლავაც ეასპარეზა უმაღლეს ლიგაში. საბოლოოდ, რანგით მაღალი ლიგის წარმომადგენელმა ურთულეს ბრძოლაში შეძლო გამარჯვება, თუმცა ეროვნულ სტადიონზე შეკრებილი ქომაგები გულგრილნი ნამდვილად ვერ დარჩებოდნენ საჩხერელთა თავგანწირული და მონდომებული თამაშის შემხედვარე.</p><p>მოკლედ, ის შემთხვევაა, დამარცხებულ გუნდზე აუგს რომ ვერავინ იტყვის, - ეგ კი არა, გამოცდილი მწვრთნელის, სოსო ფრუიძის შეგირდებს, ერთი-ორ ეპიზოდში უფრო მეტი საშემსრულებლო ოსტატობა რომ გამოეჩინათ, არავინ იცის, ახალ სეზონში უმაღლეს ლიგაში "სპარტაკი" იასპარეზებდა თუ "ჩიხურა"...</p><p>გუშინდელი მეტოქეები ამ უპრინციპულეს დაპირისპირებას სერიოზული საკადრო პრობლემებით შეხვდნენ: "სპარტაკს" ორი გამოცდილი მოთამაშე (სოსო გრიშიკაშვილი, ლაშა ჯაკობია) და გამთამაშებელი ვალერი ბოლქვაძე აკლდა, "ჩიხურამ" კი ისევ ტრავმირებულების გამო 18-კაციანი განაცხადი სრულად ვერ შეავსო.</p><p>მატჩის საწყისი წუთები "სპარტაკის" უპირატესობით წარიმართა და უმეტესწილად ცხინვალელთა მარცხენა გარემარბის, ბესიკ დეკანოიძის აქტიურობით იყო განპირობებული; მალე კი შეხვედრის პირველი გოლიც ვიხილეთ, რომელიც "დინამოს" ყოფილმა ფეხბურთელებმა "შექმნეს": გიორგი მამუჩიშვილმა მარჯვენა ფლანგიდან ბურთი მეტოქის საჯარიმოში ჩაკიდა, სადაც ზვიად მეტრეველმა ყველას დაასწრო და ზუსტი თავური დარტყმით ანგარიში გახსნა. ამ გოლს "ჩიხურას" ფეხბურთელებზე დამთრგუნველად არ უმოქმედია და ორიოდ წუთში ორი მწვავე შეტევაც განახორციელეს: დავით ჩაგელიშვილის დარტყმული ბურთი "სპარტაკის" მეკარემ ნიკა დაუშვილმა მოიგერია, აი, ალექსანდრე ივანიშვილმა კი ბურთი მეტოქის კარის ძელს გაარტყა. "სპარტაკმა" ყოველივე ამას თეიმურაზ შონიას სახიფათო დარტყმით უპასუხა - "ჩიხურა" გიორგი ბეგაშვილის საიმედო თამაშმა გადაარჩინა.</p><p>საჩხერელთა გუნდის მეკარემ კიდევ ერთ ეპიზოდში იყოჩაღა, როცა ზვიად მეტრეველის ახლოდან დარტყმული ბურთი მოიგერია, მაგრამ დამატებაზე ყველას ილია ბუზალაძემ დაასწრო და, ფაქტობრივად, ცარიელ კარში ზუსტი დარტყმა არც გასჭირვებია. ტაიმის ბოლომდე "ჩიხურამ" კიდევ ერთხელ სცადა ანგარიშში სხვაობის შემცირება, მაგრამ ირაკლი ზაბახიძის შორეული დარტყმა დაუშვილმა მოიგერია.</p><p>ორბურთიანი უპირატესობა სერიოზული ჰანდიკაპია და ძნელად თუ ვინმე წარმოიდგენდა, შესვენების შემდეგ "ჩიხურა" ასეთ აქტიურ თამაშს თუ მოახვევდა მეტოქეს. პირველი "სიგნალი" მეორე ტაიმის დასაწყისშივე იყო, როცა ირაკლი გვეტაძე "მოჭრილი" დარტყმით ცდილობდა გოლის გატანას, მაგრამ ბურთი მიზანს მცირედით აცდა. ამის შემდეგ დავით ჩაგელიშვილს ზედიზედ ორი მომენტი შეექმნა, მაგრამ კვლავ - უშედეგოდ; სამაგიეროდ, ზუსტი აღმოჩნდა ირაკლი გვეტაძის დარტყმა და საერთოდაც, "ჩიხურას" ცენტრალურმა მცველმა მართლაც ეფექტური გოლი გაიტანა: ლამის საკუთარი საჯარიმოდან წამოიწყო რეიდი და შემდეგ, 25 მეტრიდან ისე "გაისროლა", "სპარტაკის" მეკარეს შანსი რომ არ დაუტოვა!..</p><p>ამ გოლმა მატჩს ინტრიგა დაუბრუნა, "ჩიხურას" ქომაგებიც (მეტოქის გულშემატკივრებს აშკარად რომ ჭარბობდენ) ენერგიულად ამხნევებდნენ თავიანთ საყვარელ გუნდს და ყველა დაძაბული ბოლო წუთების მოლოდინში ვიყავით. "სპარტაკი" ვერაფერს უპირისპირებდა აღმაფრენით მოთამაშე მეტოქეს და ცხინვალელთა მთავარმა მწვრთნელმა ბადრი კვარაცხელიამ შეცვლებით სცადა მოედანზე არსებული სიტუაციის გამოსწორება. თუმცა, ერთ ეპიზოდში "ჩიხურამ" ანგარიშის გათანაბრების რეალური შანსი გაუშვა ხელიდან: შეცვლაზე შემოსული თორნიკე მუმლაძე მეტოქის მეკარესთან პირისპირ აღმოჩნდა, მაგრამ მეტისმეტად სუსტად დაარტყა და დაუშვილსაც ამ ბურთის აღება არ გასჭირვებია</p><p>თუმცა, შეხვედრის კულმინაცია წინ გველოდა: 90-ე წუთი იყო, ტიერი-ანს კლოვისმა მარჯვენა ფლანგიდან სწრაფი იერიში რომ განახორციელა და მეტოქის საჯარიმოშიც შეიჭრა, სადაც "ჩიხურას" მცველთან ორთაბრძოლისას წაიქცა. ტრიბუნიდან ძნელია იმის მტკიცება, იყო თუ არა პენალტი 100-პროცენტიანი, მაგრამ ფაქტია, რომ "სპარტაკს" ანგარიშის გაზრდის მშვენიერი შანსი მიეცა; თუმცა, ნიკა მგელაძისა და გიორგი ბეგაშვილის "დუელი" ამ უკანასკნელის გამარჯვებით დამთავრდა და "ჩიხურაც" ბოლო შტურმზე გადავიდა.</p><p>და აი, მაშინ, მსაჯის მიერ დამატებული მეოთხე წუთი რომ იწურებოდა, "სპარტაკი" აშკარა ხიფათს გადარჩა - კუთხურიდან ჩამოწოდებულ ბურთზე ლევან ჩაგელიშვილმა ყველას დაასწრო, მაგრამ "ჩიხურას" ცენტრალური მცველის თავური დარტყმა მიზანს სულ მცირე მანძილით აცდა. არადა, ეს გოლი რომ გასულიყო, ვერავინ იტყოდა, "ჩიხურამ" ძირითად დროში საყაიმო შედეგს დაუმსახურებლად მიაღწიაო...</p>
"იბერია 1999"-მა ბათუმში მოიგო
"დილამ" "ტორპედოს" ანდრონიკაშვილის გოლით მოუგო
"დინამო თბილისისა" და "გარეჯის" მოგებები, "სამგურალი"-"გაგრას" ფრე
14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა
ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო
დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს
“მილანს” ლევანდოვსკი სურს - აგენტმა საუდის არაბეთის ვარიანტი გამორიცხა
ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს
[VIDEO] ზივზივაძის 33 წუთი და "ჰაიდენჰაიმის" 0:6 "ბაიერთან"
[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა
[VIDEO. ეროვნული ლიგა] უცვლელი ამოცანები! "თელავს" ძალა და კლასი არ ეყო...
4-გოლიანი თრილერი - 10-კაციანმა "მანჩესტერ იუნაიტედმა" "ტოტენჰემს" დაუქამბექა
საქართველოს ნაკრებს ძირითადი შემადგენლობის ორი ფეხბურთელი გამოაკლდა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
"უკან პასის გაკეთება რომ ავკრძალოთ, რას იტყვით?" - პელეგრინიმ ორიგინალური იდეა გააჟღერა
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO] ანდრია ბართიშვილის ჯადოსნური მომენტი! ამ ბიჭს მართლა კოჭებში ეტყობა...