"ბორჯღალოსნები" ესპანეთთან - ხუთი ცვლილება და ერთი დებიუტი

"ბორჯღალოსნების" მთავარმა მწვრთნელმა ლევან მაისაშვილმა, რაგბი ევროპის ჩემპიონატის მეორე ტურში მადრიდში, უნივერსიტეტის ცენტრალურ სტადიონზე ესპანეთთან გასამართი მატჩისთვის 23-კაციანი შემადგენლობა დაასახელა.პირველ ტურში რუმინეთთან 41:13 გამარჯვების შემდეგ, სასტარტო შემადგენლობაში 5 ცვლილებაა – სამი ხაზში და ორი შერკინებაში.შეხვედრა 9 თებერვალს, საქართველოს დროით 15:45 საათზე დაიწყება და "ბორჯღალოსნების" კვართით დებიუტი ექნება აკაკი ტაბუცაძეს, რომელიც ფრთაზე თამაშს ტრავმირებული მირიან მოდებაძის ნაცვლად იწყებს. 22 წლის ტაბუცაძეს "უმცროს ბორჯღალოსნებსა" და 7-კაცას ნაკრებში უთამაშია. ის რამდენჯერმე იყო გამოძახებული ეროვნულ გუნდში, თუმცა ტრავმების გამო აქამდე თამაში არ მოუწია, ახლა კი პირველ სანაკრებო კეპს მოიხვეჭს.კიდევ ერთი ტრავმირებული მორაგბის, გიორგი კვესელაძის ნაცვლად, ცენტრში თამაშს იწყებს თამაზ მჭედლიძე, რომელიც დავით კაჭარავას შეუწყვილდება. ფულბეკის პოზიციაზე მარქაფიდან დაწინაურდა სოსო მათიაშვილი, ხოლო ლაშა ხმალაძემ თადარიგში გადაინაცვლა. უცვლელი დარჩა ღერძი – ვასილ ლობჟანიძე და თედო აბჟანდაძე. ფრთაზე ადგილი შეინარჩუნა გამოცდილმა სანდრო თოდუამ.შერკინების პირველ ხაზში ადგილი შეინარჩუნეს გუნდის კაპიტანმა მიხეილ ნარიაშვილმა, ასევე კვაჭმა შალვა მამუკაშვილმა, ხოლო მარცხენა ბურჯი ლევან ჩილაჩავა იქნება, რომელსაც რუმინელთა წინააღმდეგ არ უთამაშია. მარქაფაში გადაინაცვლა ბექა გიგაშვილმა.მეორე ხაზში, კოტე მიქაუტაძის ნაცვლად (რომელიც 4 თებერვალს მამა გახდა და საფრანგეთში დაბრუნდა), მარქაფიდან შალვა სუთიაშვილი დაწინაურდა და ის ნოდარ ჭეიშვილს შეუწყვილდება. უცვლელია მესამე ხაზი - ბექა საღინაძე, გიორგი ცუცქირიძე და ბექა გორგაძე.რუმინეთთან მატჩის მსგავსად, მარქაფაში არიან კვაჭი გიორგი ჭყოიძე, ბურჯი გურამ გოგიჩაშვილი, მესამეხაზელი მიხეილ გაჩეჩილაძე, 9 ნომერი გელა აფრასიძე და შუამარბი ლაშა მალაღურაძე. თადარიგში ერთი ახალი სახეა - მეორეხაზელი დავით გიგაური. მან "ბორჯღალოსნების" კვართით შარშან სამი შეხვედრა ჩაატარა და ერთი ლელო გაიტანა."ბორჯღალოსნებს" ესპანელი "ლომები" 16-ჯერ ჰყავს დამარცხებული, ერთი შეხვედრა ფრედ დასრულდა, ხოლო 3 მატჩი მეტოქემ მოიგო. წლევანდელი რაგბი ევროპის პირველ ტურში, ჩვენმა მომავალმა მეტოქემ რუსეთის ნაკრები სტუმრად, სოჭში ბონუსით, 31:12 დაამარცხა.რაგბი ევროპის ჩემპიონატი 2020, II ტური. 9 თებერვალიუნივერსიტეტის სტადიონი. 15:45 სთ. მადრიდი.საქართველოხაზი: 15. სოსო მათიაშვილი (ლელო-სარასენს), 14. ალექსანდრე თოდუა (ბათუმი), 13. დავით კაჭარავა (ენისეი), 12. თამაზ მჭედლიძე (რუანი), 11. აკაკი ტაბუცაძე (ლელო-სარასენს), 10. თედო აბჟანდაძე (ბრივი), 9. ვასილ ლობჟანიძე (ბრივი);შერკინება: 1. მიხეილ ნარიაშვილი (მონპელიე, კაპ.), 2. შალვა მამუკაშვილი (ყოჩები), 3. ლევან ჩილაჩავა (მონპელიე), 4. შალვა სუთიაშვილი (ანგულემი), 5. ნოდარ ჭეიშვილი (ლონდონ სქოთიშ), 6. ბექა საღინაძე (ორიაკი), 7. გიორგი ცუცქირიძე (ორიაკი), 8. ბექა გორგაძე (ბორდო).მარქაფა: 16. გიორგი ჭყოიძე (ლოკომოტივი პენზა), 17. გურამ გოგიჩაშვილი (რასინგ 92), 18. ბექა გიგაშვილი (ტულონი), 19. დავით გიგაური (კოლომიე), 20. მიხეილ გაჩეჩილაძე (ენისეი); 21. გელა აფრასიძე (მონპელიე), 22. ლაშა მალაღურაძე (ვევეა), 23. ლაშა ხმალაძეს (ბათუმი).მომზადებულია rugby.ge-ს მიხედვით <img src="pictures/artimages/original/4cf2eca3fa741ae34e6d9c2c3c02872a.jpg" border="0" alt="Sportall.Ge" title=""ბორჯღალოსნები" ესპანეთთან - ხუთი ცვლილება და ერთი დებიუტი" />

გლახუნა

სად არის ნემსაძე, ასეიშვილი, ჟვანია... უნდა განმარტება გასცეს მწვრთნელობამ!
: )))))))

არ გვაქვს მაგის გაჭირვება 1 ხაზში საიმისოდ, რომ მაგას ვინმე ეხვეწოს.
სოსო

ლევან მაისაშვილი,ჯერჯერობით დროებითის რანგში მოღვაწეობს და არავითარი შორსმიმავალი გეგმების დალაგება არ შეუძლია.ამიტომ ეყრდნობა იმ ხალხს,ვინც მსოფლიოს თასისათვის ემზადებოდა.
სოსო

გასკონია ესპანეთშიცაა და საფრანგეთშიც,ამიტომ მათ წარმომადგენლებს შეუძლიათ როგორც ერთი ქვეყნის,ისე მეორის ნაკრებში თამაში.ის მორაგბეები,ვინც საფრანგეთის უძლიერეს ნაკრებში ვერ ხვდებიან,ესპანეთის ნაკრებში მიდიან.ამიტომ ესპანეთს სურვილის შემთხვევაში შეუძლია მათი დახმარებით,საკმაოდ ძლიერი ნაკრები გააკეთოს.ლექსო ყაულაშვილის ამბავი კი, საწყენია.ქართველი მორაგბეები, ყოველთვის გამძაფრებული პატრიოტიზმით გამოირჩეოდნენ.ის, სამწუხაროდ,ეტყობა გამონაკლისია.
1

მახსენდება ჰეიგის დროს იყო პროტესტები (კომენტარებში), რატომ არ იწვევთ ამას, რატომ იწვევთ იმას - შემადგენლობას ყოველთვის უწუნებდნენ. ახლა არცერთი პრეტენზია არ ისმის. დავიჯერო ყველა იზიარებს ამ შემადგენლობას? განსხვავებული აზრი გაქრა ჰეიგთან ერთად? თუ "მიზეზ მიზეზ დოს მარილი აკლიაო" იყო მაშინ რადგან ჰეიგი იყო?
იდალგო

ჯობდა საერთოდ არ გაგეკეთებინა კომენტარი!
რომანი

საქართველო ისეთ ქვეყნებს მოუგებს სადაც რაგბი განვითარების მომენტშია ან განუვითარებელია! ან კიდევ ღრმა კრიზისში მყოფ ნორმალურ ნაკრებს! იტალია იტალიას გავიძახდით და რა ვნახეთ? ჯობდა საერთოდ არ გვეთამაშა!
იდალგო

თქვენს ლექსო ყაულაშვილს მიღებული აქვს ესპანეთის მოქალაქეობა და არის მათ ნაკრებში, ჩვენს წინააღმდეგ
მესამეს

ლექსო ყაულაშვილი უარს ამბობს ნაკრებში თამაშზე, საფრანგეთის ნაკრებში მიწვევის იმედი აქვს.(როგორც ვიცი)
....

ალბათ ამჩნევთ-რაც უფრო დრო გადის ესპანეთის ეროვნული სარაგბო ნაკრები ძლიერდება და ძლიერდება.ვერ ვიტყვი,რომ დღესდღეობით საქართველოს ნაკრებზე ძლიერია,მაგრამ რუსეთთან სოჭში მათ მიერ მოგებული მატჩის ანგარიშში სხვაობა დამაფიქრებელია.5 ლეგიონერით გაძლიერება ამაზე მეტყველებს.ყველას გვახსოვს,მათ მოედანზე რიგ მატჩებში თუ როგორი უხერხული მეტოქე იყო ჩვენთვის ესპანეთის ნაკრები.რამოდენიმე მატჩი წაგებულიც გვაქვს.არავინ იცის ესპანეთთან მომამავალი მატჩი როგორ წარიმართება,მათ მიერ რუსეთთან სტუმრად დიდი ანგარიშით მოგებული მატჩის შემდეგ.
მესამე

ლექსო ყაულაშვილი სად არის, რატომ არ თამაშობს ნაკრებში?

გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება

მეცხრე ადგილი მსოფლიო ჩემპიონატზე - საქართველომ შოტლანდია დაამარცხა

მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა

"საქართველოს ნაკრები სამაგალითოა" - ამბობს სომხეთის ეროვნული გუნდის ყოფილი კაპიტანი

"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია

ქართველი მსაჯები სომხეთისა და ირლანდიის მატჩს განსჯიან

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

ჯიკიჩი ევრობასკეტის საუკეთესო მწვრთნელის პრიზისთვის იბრძვის - როგორ შეგიძლიათ მისცეთ ხმა საქართველოს ნაკრების დამრიგებელს

თბილისური მატჩი ბოლო აღმოჩნდა - ილიევს ბულგარეთის ნაკრებიდან უშვებენ

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

საქართველო - ფინეთი. ორივე ნაკრების გულშემატკივართა დესანტი რიგისაკენ მიემართება

აბურჯანია კარიერას საუდის არაბეთში გააგრძელებს

U21 | საქართველო V ჩრდილოეთ ირლანდია - მატჩისწინა ვარჯიში წყალტუბოში

ხარატიშვილი ჩეხურ კლუბში გადავიდა

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"ბორჯღალოსნები" | მომავალი მეტოქე - "ჩიტასი"

"ბორჯღალოსნები" | მომავალი მეტოქე - მსოფლიოს 4-გზის ჩემპიონი და რეიტინგ-ლიდერი სამხრეთ აფრიკა

"ბორჯღალოსნები" | შეცვლილი შემადგენლობით და დებიუტანტებით "ჩიტასთან"

როგორ განწყობაზეა ჩვენი მეტოქე? - "ჩიტასის" შემადგენლობა

ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ