- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
დათვალიერება დიღმიდან დაიწყო
<p>2015 წლის ევროპის ახალგაზრდობის ოლიმპიური ფესტივალისთვის თბილისმა აქტიური მზადება დაიწყო</p><p><br> 2015 წლის ევროპის ახალგაზრდობის ოლიმპიური ფესტივალისთვის თბილისმა აქტიური მზადება დაიწყო. ეს მხოლოდ საშეჯიბრო ბაზებისა და ინფრასტრუქტურის კეთილმოწყობას როდი გულისხმობს. განსაკუთრებული ყურადღება, ცხადია, სპორტსმენთა შერჩევა-მომზადებას ექცევა. დასტურად დიღმის აუზში გამართულ ნორჩ მოცურავეთა შეჯიბრებაც გამოდგება.</p><p>საასპარეზოდ თავი მოიყარეს 1999-2000 წლებში დაბადებულმა ბიჭებმა და 9-10 წლის გოგონებმა (2015 წელს სწორედ ამ ასაკის მოცურავეები გამოვლენ თბილისში ფესტივალის ცისფერ ბილიკებზე). საპრიზო ადგილებისთვის დედაქალაქის, რუსთავის, გორისა და საჩხერის 117 წარმომადგენელი იბრძოდა.</p><p>- ფესტივალისთვის მზადების ოთხწლიანი პროგრამის შესაბამისად პირველი სასელექციო შეჯიბრება ჩავატარეთ, - გვითხრა საქართველოს მოცურავეთა ნაკრების მთავარმა მწვრთნელმა გიორგი აბზიანიძემ. - მართალია, ნორჩების მომზადების დონეზე ლაპარაკი ჯერ ნაადრევია, მაგრამ მონაწილეთა სიმრავლე მახარებს, ბევრ მათგანში პერსპექტივაც დავინახეთ, მაგრამ დასკვნების გამოტანას არ ვიჩქარებთ. ნოემბერში კიდევ ერთ სასელექციო პირველობას გავმართავთ. დარწმუნებული ვარ, მაშინ მონაწილეთა რაოდენობაც გაიზრდება და მომზადების ხარისხიც უფრო მაღალი იქნება. ამ პირველობაში ქუთაისელებსა და ბათუმელებს არ უასპარეზიათ აუზებთან დაკავშირებული პრობლემების გამო. რიონისპირა ქალაქში უკვე მუშაობს ერთი აუზი, ბათუმში კი მალე ჩადგება მწყობრში საწყლოსნო კომპლექსი და შემოდგომით ორივე ქალაქის წარმომადგენლებიც შემოგვიერთდებიან. გაისად დაფინანსებაც გაიზრდება. ყოველივე ეს კი იმის საწინდარია, რომ 2015 წლის ოლიმპიურ ფესტივალზე კონკურენტუნარიანი გუნდით წარვდგებით. დიღმის აუზში პირველობის გამართვა, სპორტის სამინისტროს, ეროვნული ოლიმპიური კომიტეტისა და კომპანია "ეკოფუდის" დახმარება რომ არა, ძალიან გაგვიჭირდებოდა.</p><p>ზურაბ ხომასურიძე, ოლიმპიური თამაშების მონაწილე: ერთი შეჯიბრებით ვერ განვსაზღვრავთ სპორტსმენის ბედ-იღბალს, მით უმეტეს -ამ ასაკში. როგორც ასპარეზობის სამმა დღემ გვიჩვენა, არიან პერსპექტიული მოზარდები, ოღონდ აუცილებელია, მათთვის ხშირად გაიმართოს შეჯიბრებები -იქნება ეს "მხიარული სტარტები", საქართველოს პირველობები თუ საერთაშორისო ტურნირები. მწვრთნელთა საბჭოს სხდომაზე გავაანალიზებთ ამ შეჯიბრების შედეგებს და სათანადო დასკვნებსაც გამოვიტანთ, რაც სამომავლოდ გამოგვადგება.</p><p>მანანა აბზიანიძე, "ლაგუნა ვერეს" მწვრთნელი: უწინ შეჯიბრებს უპირობოდ დედაქალაქელი მოცურავეები იგებდნენ. ამ პირველობაზე კი პერიფერიების წარმომადგენლებმა იძალეს, რაც ძალიან მახარებს. თუმცა აქვე ხმამაღლა მინდა ვთქვა -თბილისი უნდა ჩაფიქრდეს.</p><p>თეიმურაზ კვესაძე, საჩხერის საცურაო აუზის დირექტორი: შარშან დეკემბერში გაიხსნა ჩვენთან 25-მეტრიანი სტანდარტული აუზი 6 ბილიკით, ევროპული დონის, სადაც არა მარტო საქართველოს, არამედ კავკასიის რეგიონის პირველობების ჩატარებაც შეიძლება. ამ აუზში, რომელიც საჩხერის მუნიციპალიტეტის განკარგულებაშია, უკვე 50-მდე მოზარდი ვარჯიშობს. ახლო ურთიერთობა დავამყარეთ მუნიციპალიტეტის ყველა სკოლასთან, რესურსცენტრთან, დარწმუნებული ვარ, შემოდგომისთვის მომეცადინეთა რიცხვი გაიზრდება. რაც შეეხება ჭორვილას სკოლის ოთხბილიკიან აუზს, იქ ნაყოფიერად მუშაობენ მწვრთნელები -ლეილა კაპანაძე და ვალერი ცხადაძე. ამ შეჯიბრებაზე მათ გოგონათა გუნდი ჩამოიყვანეს. პირობებიც გვაქვს და რაიონის ხელმძღვანელთა მხარდაჭერაც, ამიტომ ყველაფერს გავაკეთებთ საიმისოდ, რომ საქართველოს ნაკრებს ღირსეული ცვლა მოვუმზადოთ.</p><p><strong>კვარცხლბეკი</strong></p><p>თავისუფალი ყაიდა. 50 მ. გოგონები. 1. მერი მუმლაძე ("ტონუსი", თბილისი), 2. ელენე ბერაია ("ოლიმპიკი", თბილისი), 3. ანა ცაციაშვილი (გორი). ვაჟები. 1. ნიკა შუშიაშვილი (სპორტის სამინისტრო), 2. საბა მდივანი ("ტონუსი"), 3. ოთარ ივანაშვილი (საჩხერე). 100 მ. გოგონები. 1. მერი მუმლაძე ("ტონუსი"), 2. ელენე ბერაია ("ოლიმპიკი"), 3. ნანა დემეტრაშვილი ("ჭორვილა"). ვაჟები. 1. ნიკა შუშიაშვილი (სპ. სამინისტრო), გივი დუდაშვილი (გორი), 3. ოთარ ივანაშვილი (საჩხერე). გულაღმა ცურვა. 50 მ. გოგონები. 1. ნათია მაჭავარიანი ("ჭორვილა"), 2. ანა თოიძე ("დიღომი", თბილისი), 3. ლიზი ჯაფარიძე (რუსთავი). ვაჟები. 1. გიორგი ხვედელიძე ("ტონუსი"), 2. გია მაჭავარიანი (საჩხერე), 3. ალექსანდრე კრავცოვი ("ლაგუნა-ვერე"). 100 მ. გოგონები. 1 ნათია მაჭავარიანი ("ჭორვილა"), 2. ლიზი ჯაფარიძე (რუსთავი), 3. ლიკა ჭიხორია (რუსთავი). ვაჟები. 1. გიორგი ხვედელიძე ("ტონუსი"), 2. გია მაჭავარიანი (საჩხერე), 3. ბადრი ხატიძე ("ნეპტუნი", თბილისი). ბრასი. 50 მ. გოგონები. 1. რუსუდან გოგინაშვილი (რუსთავი), 2. ბარბარე ტოგონიძე ("ლაგუნა-ვერე"), 3. ანა სტვილია (სპ. სამინისტრო). ვაჟები. 1. ილია პაპიძე ("ლაგუნა-ვერე"), 2. ლევან ბახტურიძე (საჩხერე), 3. რატი კობახიძე ("დიღომი"). 100 მ. გოგონები. 1. რუსუდან გოგინაშვილი (რუსთავი), 2. ანა სტვილია (სპ. სამინისტრო), 3. ბარბარე ტოგონიძე ("ლაგუნა-ვერე"). ვაჟები. 1. ილია პაპიძე (ლაგუნა-ვერე"), 2. ლევან ბახტურიძე (საჩხერე), 3. ნიკა ცაგარელი ("ტონუსი"). ბატერფლაი. 50 მ. გოგონები. 1. ანა ბუხრიკიძე (გორი), 2. ნათია იაგანაშვილი (რუსთავი). ვაჟები. ირაკლი კვარაცხელია ("ტონუსი"), 2. ვლადიმერ ტერლეცკი (გორი), 3. გიორგი წულუკიანი ("ოლიმპი"). 100 მ. გოგონები. 1. ანა ბუხრიკიძე (გორი), 2. ნათია იაგანაშვილი (რუსთავი). ვაჟები. 1. ირაკლი კვარაცხელია ("ტონუსი"), 2. ვლადიმერ ტერლეცკი (გორი), 3. გიგი წულუკიანი ("ოლიმპი"). კომპლექსი. 100 მ. გოგონები. 1. მერი მუმლაძე ("ტონუსი"), 2. რუსუდან გოგინაშვილი (რუსთავი), 3. ანა სტვილია (სპ. სამინისტრო). ვაჟები. 1. ილია პაპიძე ("ლაგუნა-ვერე"), 2. ნიკა შუშიაშვილი (სპ. სამინისტრო), 3. ირაკლი კვარაცხელია ("ტონუსი"). გუნდურ ჩათვლაში რუსთაველებმა გაიმარჯვეს.</p>
მამაკაცმა მოცურავეების წინ გაისეირნა და აუზში პირდაპირ თავით გადახტა - კადრები სოციალურ ქსელში ვირუსულად გავრცელდა [VIDEO]
ნოე ფანცხავამ პარიზის ოლიმპიურ თამაშებზე 41-ე ადგილი დაიკავა
15 წლის ანა ნიჟარაძემ ოლიმპიადაზე გამოსვლა დაასრულა
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
18 წ. | 3 ლელო საფრანგეთთან
გოჩოლეიშვილი შეცვლაზე და "ჰამბურგის" ფრე "აუგსბურგთან"
ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო
როგორი შეფასებები მიიღო მამარდაშვილმა "სიტისთან" მატჩში?
[VIDEO] "ლივერპულის" უნუგეშო დაცვა და ოთხი გოლი მამარდაშვილის კარში - "სიტიმ" "წითლებს" ისევ მოუგო
ბასილაშვილი მონტე კარლოს საკვალიფიკაციო ეტაპის ფინალში იასპარეზებს!
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
სამი კანდიდატი, საიდანაც ერთ-ერთი ფავორიტია - ვინ შეცვლის გატუზოს იტალიის ნაკრებში
ლიოვი მსოფლიო ჩემპიონატზე ერთ-ერთ ნაკრებს გაწვრთნის - მოულოდნელი დაბრუნება მუნდიალამდე 2 თვით ადრე