- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლევან მაისაშვილი: რუსეთთან მატჩი ჩემპიონობის გვირგვინი უნდა გახდეს
<p>2020 წლის რაგბი ევროპის ჩემპიონატში "ბორჯღალოსნებმა" ოთხ შეხვედრაში 19 ქულა მოაგროვა და ნაადრევად გახდა ტურნირის გამარჯვებული - უკვე მე-12-ედ და პირველად ლევან მაისაშვილის თავკაცობით.</p><p>გუნდმა ტიტული გასულ შაბათს, "სტად ჟან ბუენზე" პორტუგალიის ბონუსით, 39:24 მოგებით დაიბევა, თუმცა წინ კიდევ ერთი მატჩია, 14 მარტს (16:00 საათზე) "მიხეილ მესხზე" რუსეთის ნაკრებთან. მაისაშვილი იმედოვნებს, რომ დასკვნით შეხვედრაში თამაშის ხარისხი უწინდელზე უკეთესი იქნება:</p><p>"სასიამოვნოა, როდესაც ჩემპიონი ხდები, თუმცა ჩემთვის ეს თვითმიზანი არ ყოფილა. მიზანი იყო ტურნირი ლაღი, შემტევი თამაშით მოგვეგო და ნაწილობრივ ეს მიღწეულია, რუსეთთან მატჩი კი ამ ყველაფრის გვირგვინი უნდა გახდეს. მეც და ბიჭებსაც გვაქვს ერთგვარი დაუკმაყოფილებლობის გრძნობა და იმედს ვიტოვებთ, რომ დასკვნით შეხვედრაში საკუთარი მიზნების სრულყოფილად რეალიზებას მოვახერხებთ".</p><p><strong>განვლილ მატჩზე</strong></p><p>პორტუგალიასთან მიღწეული შედეგით მაისაშვილი კმაყოფილი დარჩა, თუმცა ამბობს, რომ თამაშის ხარისხი ისეთი არ იყო, როგორი მოლოდინიც ჰქონდა:</p><p>"შედეგით კმაყოფილი ვარ - ვგეგმავდით ბონუს-ქულით მოგებას, რაც შევასრულეთ და ერთი ტურით ადრე გავხდით რაგბი ევროპის ჩემპიონები. თამაშის ხარისხი ისეთი არ იყო, როგორიც გვსურდა და ამას თავისი მიზეზები აქვს. თავიდანვე ვთქვით, რომ ამ ტურნირზე გაფართოებულ შემადგენლობაში გვექნებოდა როტაცია; ასევე, პოზიციების მონაცვლეობა და ა.შ. შემადგენლობაში ცვლილებები კი შეუთამაშებლობას იწვევს. გარდა ამისა, შეტევებში დავუშვით შეცდომები, რომლებიც არ უნდა დაგვეშვა, დავკარგეთ ბურთი და ორი ლელო კონტრშეტევებზე გავუშვით.</p><p>ამან ცოტა აგვრია და ქაოტური, ინდივიდუალური თამაში დავიწყეთ. იყო საკამათო მომენტები რაქებში, რაზეც მსაჯი არ რეაგირებდა და ბიჭებს ჰქონდათ დავალება, პასუხი თავად გაეცათ აგრესიული თამაშით. ეს თავიდან ვერ შევძელით და წნეხში მოვექეცით, თუმცა არც ერთ ეტაპზე არ გაგვჩენია იმის საფრთხე, რომ შეიძლებოდა ვერ მოგვეგო. ბოლომდე ვცდილობდით იმის შესრულებას, რაზეც ნამუშევარი გვქონდა და კარგი ლელოები გავიტანეთ. ჩემს თავს და გუნდს ყოველთვის კრიტიკული თვალით ვუყურებ, თუმცა მთავარი ისაა, რომ დასახულ მიზანს მივაღწიეთ. ნუ დაგვავიწყდება ისიც, რომ ყველა თამაშში გვყავს მოწინააღმდეგე, რომელსაც თავისი გეგმები აქვს და შესაძლოა, ყველაფერი ყოველთვის ისე არ გამოვიდეს, როგორც ჩვენ გვინდა".</p><p>პორტუგალიასთან მატჩში ორი დებიუტი შედგა - თორნიკე ჯალაღონიამ და ლაშა ლომიძემ "ბორჯღალოსანთა" კვართით პირველად ითამაშეს. დაგეგმილი იყო, რომ მათ მოედანზე მეტი დრო უნდა გაეტარებინათ, თუმცა ტრავმებმა მწვრთნელების გეგმები შეცვალა:</p><p>"დაგეგმილი გვქონდა, რომ მათთვის მეტი სათამაშო დრო მიგვეცა. სამწუხაროდ, ეს არ მოხერხდა, რადგან მატჩის დებიუტში დაუგეგმავი ტრავმები მივიღეთ. ჯალაღონია ადრე რომ ჩაგვერთო თამაშში, შემდგომი ტრავმის შემთხვევაში რთულ სიტუაციაში აღმოვჩნდებოდით, რადგან მე-11 წუთზე დაშავდა და შესაცვლელი შეიქნა გიგაური. საწყის წუთებში დაშავდა კაჭარავაც და არ ვიცოდით, როდის გახდებოდა საჭირო მისი შეცვლა. ჯალაღონიასთან და ლომიძესთან ნდობის ნაკლებობის ფაქტორი არ ყოფილა, რადგან ისინი კარგი სარაგბო უნარ-ჩვევების მქონე მოთამაშეები არიან".</p><p><strong>მომავალი მატჩის შესახებ</strong></p><p>საფრანგეთიდან დაბრუნების შემდეგ "ბორჯღალოსნები" შეკრებაზე "შევარდენზე" შევიდა და რუსეთთან მატჩისთვის ინტენსიურად ემზადება. ტრავმები მოიშუშეს და გუნდთან ერთად არიან აკაკი ტაბუცაძე და ლაშა ტაბიძე. ასევე გაფართოებულ შემადგენლობაში დაბრუნდა ბურჯი ლაშა ტაბიძე:</p><p>"რაგბი ევროპის ჩემპიონატზე თავიდანვე გვქონდა გათვლილი, რომ იქნებოდა როტაცია შემადგენლობაში. ამას ტრავმებიც დაემატა - კვესელაძე, მოდებაძე, ნარიაშვილი, გიგაშვილი, მიქაუტაძე, გიგაური… როტაციას თან ახლავს ის, რომ გუნდს შესათამაშებლად გარკვეული დრო სჭირდება და გარკვეულ პრობლემებს ესეც ქმნის. ტაბუცაძემ პირველი ორი თამაში ბრწყინვალედ ჩაატარა, მაგრამ ტრავმა მიიღო და პორტუგალიასთან ვერ ვათამაშეთ. ახლა მას ვაკვირდებით და ვნახოთ, შეძლებს თუ ვერა რუსეთთან მოედანზე გასვლას. ტაბიძე გაფართოებულ შემადგენლობაში თავიდანვე იყო და ისევ შემოგვიერთდა. გაჩეჩილაძეს ტრავმა ჰქონდა, ახლა მწყობრშია და სრული დატვირთვით ემზადება".</p><p>მომავალმა მეტოქემ ტურნირის პირველი ორი მატჩი დათმო – შინ ესპანეთთან 12:31 და სტუმრად ბელგიასთან 12:38. სამაგიეროდ, მოიგეს მომდევნო ორი შეხვედრა – პორტუგალიასთან 19:18 და რუმინეთთან 32:25:</p><p>"რუსეთმა პირველი ორი შეხვედრა საკუთარი შეცდომების გამო დათმო, რაც ბოლო ორ მატჩში მკვეთრად გამოასწორა. მეტოქის დაუფასებლობა არ იქნება, მით უმეტეს, ეს თამაში ჩვენთვის ყოველთვის პრინციპულია. რუსები შეტევაში აგრესიულები არიან და ეცდებიან, დაარღვიონ ის უსიამოვნო ტრადიცია, რასაც ჩვენთან წაგებების სერია ჰქვია, მაგრამ მთავარია, ჩვენ არ დავუშვათ ისეთი შეცდომები, რომლებიც მეტოქეს სწრაფი კონტრშეტევის შესაძლებლობებს მისცემს, რაც მათ კარგად ეხერხებათ. ჩვენი მიზანი ამჯერადაც აგრესიული, შემტევი რაგბის თამაში იქნება, რაც პორტუგალიასთან რიგ შემთხვევებში გამოგვდიოდა, თუმცა იყო ეპიზოდები, როდესაც ამას ვერ ვახერხებდით. ვეცდებით, მოწინააღმდეგეს ბურთის შენელების საშუალება არ მივცეთ და დაცვაში უფრო ხისტები ვიყოთ".</p><p><p><p>"ბორჯღალოსნებს" "დათვებთან" აქამდე 23-ჯერ უთამაშია და მეტოქემ მოიგო მხოლოდ ერთი, სულ პირველი მატჩი 1993 წელს (9:15), ერთხელ კი ფრე დაფიქსირდა (12:12 2002 წელს). დანარჩენ 21 შემთხვევაში გამარჯვებული საქართველო იყო, აქედან ბოლო 18 შეხვედრაში ზედიზედ.</p></p></p><p><p><p><strong>მომზადებულია rugby.ge-ს მიხედვით</strong></p></p> <p><p><strong></p><p></strong></p></p> <p><p><strong> </strong> <p><p><p></p></p><br></p>
-
Michel de Notredame
Mеня опять терзают смутные сомнения, რომ არის ალბათობა რუსეთმა თბილისში აიღოს ბონუს ქულა - თუ დიდ ძმას დასჭირდა. დასჭირდეს შეიძლება რუმინეთ ბელგიის შედეგიდან გამომდინარე : თუ ბელგიამ ქულა აიღო, მაშინ რუსეთს ემუქრება ჩამოქვეითება. ვნახოთ, ცხოვრება გვიჩვენებს...https://www.youtube.com/watch?v=5jWjCpu2pSM
-
emigranti
პაწას დავამატებ იმ მატჩის შესახებ. მოთელვისას ნუგზარმა მოედნის შუახაზზე დაალაგა ბურთები და დარტყვებში წაივარჯიშა. გვერდით ხაზთან რუსეთის ნაკრების მწვრთნელი იდგა აკვირდებოდა. ბოლოს ვერ მოითმინა და დაიყვირა: "смотрите на него, хотя бы разок промахнись Нугзар!"
-
toro
კარგი იყო ძაგნიძის გახსენება.. სამწუხაროდ სათანადოდ არ არის მისი მოვლენა გაშუქებული, არც ფოტომასალა ჩანს საკმარისი, მით უმეტეს ვიდეო.. და ახალ თაობას მწირი ინფორმაცია აქვს.. ძაგნიძის დარი მორაგბე/ფულბექი რომ დღეს გვყავდეს, უდავოდ ერთი თავით მაღლა ვიქნებოდით.. კარგი იქნება, თუ როდესმე ვინმე ითავებს, რომ მოკრიბოს/აღადგინოს ყველა არსებული ვიდეო-ფოტო მასალა მასზე, პატარა ფილმის შესაქმენლად, რომ ჩვენ გავიხსენოთ და ჯუნიორებმა კიდევ გაიგონ და დატკბნენ, თუ როგორი "არანორმალური" ძალის და სიზუსტის დამრტყმელი და რა დონის 15 ნომერი გვყავდა..
-
emigranti
იმ ერთადერთი წაგებული მატჩის თვითმხილველი ვარ. პოლონეთის ქალაქ სოპოტში სამი გუნდის მონაწილეობით ჩატარდა. გუნდი აბსოლუტურად უვარჯიშებელი იყო და ყველაზე მეტად ბატონ თემურ ბენდიაშვილის დამსახურებაა,საერთოდ რომ შეიკრიბნენ. მძიმე პერიოდი იყო საქართველოში და რაგბისათვის ვის ეცალა. ერთი ეპიზოდის გამო ვწერ ამ პოსტს. რუსეთთან მატჩის წინა მოთელვაზე ოპერატორი შევნიშნე(ჟუნალისტები არც კი დამინახია, სოფლის მოედანივით იყო თითქმის ტრიბუნების გარეშე), რომელიც მოთელვაზეც და თამაშისას მხოლოდ ნუგზარ ძაგნიძეს იღებდა. თამაშის შემდეგ დაველაპარაკე და ფრანგი აღმოჩნდა მსოფლიო რაგბიდან(თამაშში ლელო არავის გაუტანია). თავისი საქციელი ასე ახსნა:" სირცხვილი იქნება რომ მის შესახებ არაფერი დარჩეს მსოფლიო რაგბის ისტორიაშიო"-უნიჭიერესიაო ასე თქვა ნუგზარზე. რაგბისთვის იყო დაბადებული და მსგავსი სარაგბო ნიჭის პატრონი დღესაც სანატრელია.
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
მარცხი მოსალოდნელი შედეგით - საქართველოს ნაკრები სამხრეთ აფრიკასთან დამარცხდა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"მოგებიდან დიდ მარცხამდე ერთი ნაბიჯია" - რა ითქვა "კლერმონთან" ნამატჩევს
ლევან მაისაშვილი – მაღალი მიღწევების დირექტორი
"არ ვითხოვთ ფულს, ვითხოვთ შესაძლებლობას" - ლევან მაისაშვილი
ლევან მაისაშვილი: "შავმა ლომმა" ისტორია დაწერა
ჩელენჯ თასი | ისტორიული მატჩის შემდგომი კომენტარები
ლევან მაისაშვილი: ეს დიდი დაფასებაა და ღირსეულად უნდა წარვდგეთ