სემი „ვესტ ჰემს“ დააბრუნებს

56 წლის ინგლისელი მწვრთნელი, სემ ელერდაისი ახალი ამოცანის წინაშე დგას - „ვესტ ჰემი“ პრემიერლიგაში უნდა დააბრუნოს 56 წლის ინგლისელი მწვრთნელი, სემ ელერდაისი ახალი ამოცანის წინაშე დგას - „ვესტ ჰემი“ პრემიერლიგაში უნდა დააბრუნოს. „დიდი სემი“ დარწმუნებულია, რომ ამას მანამდე შეძლებს, სანამ „ჩაქუჩებს“ ახალ ბინაში, „ოლიმპიურ სტადიონზე“ გადასახლების დრო მოუვათ. ამრიგად, „ვესტ ჰემის“ პატრონებსა და „ნიუკასლისა“ და „ბლექბერნის“ ყოფილ თავკაცს შორის ყველაფერი გარკვეულია. ელერდაისი ახალ გუნდში ორ წელიწადს დაჰყოფს. ამ ხნის განმავლობაში ის ხელფასად 3 მილიონ ფუნტს მიიღებს. ამის გარდა გათვალისწინებულია დიდძალი პრემიაც.„ვესტ ჰემის“ ახალმა თავკაცმა, რომელიც ამჟამად ესპანეთში ისვენებს, შემოთვალა: „ახლა ოჯახთან ერთად ვისვენებ, მაგრამ, როგორც კი დავბრუნდები, საქმეს შევუდგები. ახალი გავარდნილი გუნდის გონზე მოყვანა ყოველთვის ძნელია, თუმცა მე ყველა ღონეს ვიხმარ, რათა „ვესტ ჰემი“ პრემიერლიგაში რაც შეიძლება სწრაფად დავაბრუნო“.ცნობილი გახდა, რომ „ჩაქუჩების“ მეპატრონეებმა, დევიდ გოლდმა და დევიდ სალივანმა ელერდაისს ფეხბურთელების გაყიდვა არ დააძალეს, უთხრეს, რომ მას შეუძლია ყველა დაიტოვოს. ეს იმას ნიშნავს, რომ „ვესტ ჰემის“ გუნდში დარჩება იანვარში შეძენილი 26 წლის სენეგალელი დებმა ბა. „დიდი სემი“ დარწმუნებულია, რომ ბა, რომელმაც გასულ სეზონში 7 გოლი გაიტანა, პრემიერლიგაში დაბრუნების საქმეში გადამწყვეტ როლს ითამაშებს, თუმცა მანამდე სენეგალელს ხელს შეუწყობენ, რომ ბოლომდე გამოჯანმრთელდეს - აქამდე მას ნიჭის სრულყოფილად გამომჟღავნების საშუალებას მოუშუშებელი ტრავმა არ აძლევდა. საერთოდ, ელერდაისი ცნობილია, როგორც მწვრთნელი, რომელიც სამედიცინო წვრილმანებს დიდ მნიშვნელობას ანიჭებს და ფეხბურთელებს ექსპლოატაციას კი არ უწევს, პირიქით, მათ ჯანმრთელობაზე ზრუნავს.დეკემბერში, როდესაც სემ ელერდაისი „ბლექბერნიდან“ უსამართლოდ გაუშვეს, დაირხა ხმა, თითქოს ის საკლუბი ფეხბურთში მოღვაწეობას თავს ანებედა, მაგრამ ამ ხმამ წესიერად გავრცელებაც კი ვერ მოასწრო, რომ „ვესტ ჰემმა“ ინტერესი გამოამჟღავნა. გეხსომებათ, „ვესტ ჰემს“ ავრამ გრანტის გაშვება და მის ნაცვლად ახალი მწვრთნელის მიყვანა ზამთარშივე უნდოდა, მაგრამ შემდეგ სეზონის ბოლომდე დაცდა ამჯობინა. „ჩაქუჩები“ ელერდაისის კანდიდატურასთან ერთად მარტინ ო’ნილის კანდიდატურასაც განიხილავდნენ.„ბლექბერნიდან“ გაშვებული ელერდაისი ბოლო დრომდე ტელევიზიაში ექსპერტად მუშაობდა. გაზეთები წერენ, რომ კარგი იქნებოდა, „დიდი სემის“ კვალიფიკაციის მქონე სპეციალისტი პრემიერლიგის გუნდში მოწყობილიყო, მაგრამ იმასაც დასძენენ, რომ თუ „ვესტ ჰემის“ პატრონები მას ხელს შეუწყობენ, არც პრემიერლიგის ამბავი გადაიდება ძალიან შორს. ლონდონის ისტ ენდზე სემს მისი ბლექბერნისდროინდელი თანაშემწე ნილ მაკდონალდი შეუერთდება.ელერდაისის „ვესტ ჰემში“ დანიშვნას „ჩაქუჩთა“ ყოფილი მცველი და დღეს ტელეჟურნალისტი სკოტ მინტო გამოეხმაურა. მან თქვა: „სემი დიდებული არჩევანია. ამ კაცმა ძალიან კარგად იცის, როგორ უნდა გადაიყვანოს გუნდი პრემიერლიგაში და როგორ დატოვოს იქ. დღეს „ვესტ ჰემს“ ყველაზე მეტად სტაბილურობა სჭირდება. რაც კლუბს სათავეში გოლდი და სალივანი ჩაუდგნენ, „აპტონ პარკს“ სწორედ სტაბილურობა აკლია“.

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა