აბაიშვილის შეფასება

საფეხბურთო სიცრუის ანატომიაარაკომპეტენტურობა და დილეტანტიზმი არის ის მთავარი პრობლემა, რომელიც ზოგიერთ ჩემს „კოლეგას“ გამოარჩევს და რომელთა გამოისობითაც ქართველ სპორტულ ჟურნალისტიკას სახელი ებღალება. სწორედ ასეთი მავნებლობადართული არაკომპეტენტურობის კლასიკური მაგალითია სპორტულ ვებგვერდ sportall.ge-ზე გალაქტიონ ესაკიას მიერ გამოქვეყენებული სტატია სათაურით „არაადეკვატური გადაწყვეტილება - ბიუჯეტიდან საფეხბურთო კლუბები კვლავ დაფინანსდებიან“მივყვეთ თანმიმდევრობით. ავტორის ძირითადი პათოსია ის გარემოება, რომ იმ საგანგაშო დროს, როცა მთელი საქართველო ხმალამოღებული და თავგანწირვით იბრძვის სასიკვდილო ვირუსის დასამარცხებლად, ხელისუფლება ბედავს და ეს უბედურება რომ დასრულდება, ქართული საფეხბურთო კლუბების დაფინანსების გაგრძელებას ძველი მოცულობით აპირებს. აი ციტატაც: “stopcov ფონდში ამ დროისთვის ჩარიცხულია 22802383 ლარი, ხოლო თუ ქართული ფეხბურთის განვითარების ფონდის ინფორმაციას დავეყრდნობით, 2019 წელს ქართული კლუბებისთვის 32019195 ლარი გამოიყო“.შემდეგ კი თურმე ამ ფულის ნაწილი სხვადასხვა ლიგებში მოასპარეზე ქართული კლუბების ფეხბურთელებისა და პერსონალის ხელფასებზე იხარჯება, რაც ჟურნალისტის მტკიცებით, პრაქტიკულად ფულის გადაყრაა. „ რა უნდა ქნან მათ, ვინც გაცილებით მეტ საქმეს აკეთებს და უფრო ნაკლები ხელფასი აქვს? რით არიან ვინმეზე ნაკლებნი ექიმები, მასწავლებლები, მეეზოვეები, მაშველები და ა.შ. რეალურად ამ სამსახურებში დახარჯული თანხა გაცილებით მეტ სარგებელს მოიტანს, ვიდრე ასე უგზოუკვლოდ ფეხბურთში“, - აღშფოთებას ვერ მალავს გალაქტიონ ესაკია. ყველა ჩამოთვლილი პროფესია ძალზე საპატივცემულო, კეთილშობილური, ღირსეული და საზოგადოებისთვის სასიცოცხლოდ მეტ-ნაკლებად აუცილებელ-მნიშვნელოვანია. მაგრამ ამ პროფესიების მოშველიებით ფეხბურთის დაკნინება, საბედნიეროდ, ვერ გამოვა ძალიან მარტივი მიზეზის გამო. ფეხბურთის მნიშვნელობა ქართველებისთვის დიდი ხანია გასცდა სპორტის ერთი, თუნდაც ყველაზე პოპულარული სახეობის ფარგლებს და გაცილებით ღრმა ემოციური, გენეტიკური და ზოგადეროვნული დატვირთვა შეიძინა. ბატონი ესაკია 1981 წლის 13 მაისს დაბადებულიც არ იყო და, ალბათ გადმოცემითაც არ გაუგია, რომ საქართველოს არსებობის ისტორიის მანძილზე დიუსელდორფის ფინალში „დინამოს“ გამარჯვებამ ქართველ ხალხს ყველაზე დიდი სიხარული მოუტანა. თუ რა დიდი მნიშვნელობა აქვს დღემდე ფეხბურთს ჩვენთვის, თუნდაც იმ მარტივი ფაქტიდანაც იოლად ჩანს, რომ საქართველო-ბელორუსის მატჩის ბილეთები სულ სამიოდ დღეში გაიყიდა და ამ ეტაპს რომ დავძლევთ, რაშიც მე პირადად დარწმუნებული ვარ, ერთა ლიგის ფინალის ბილეთები რამდენიმე საათში გაიყიდება. ეს კი იმაზე მეტყველებს, რომ ფეხბურთს საქართველოზე და ქართველებზე დიდი ზეგავლენა აქვს, შეუძლია გააერთიანოს ერი და უდიდესი დადებითი ემოციები მიანიჭოს, რაც, სხვა პროფესიებს ნაკლებად ხელეწიფებათ. შესაბამისად, ფეხბურთი იმსახურებს, რომ მასზე სახელმწიფომ განსაკუთრებულად იზრუნოს. ამასთან, ეს სახეობა ძალიან ძვირი სიამოვნებაა და გალაქტიონმა ჩემზე უკეთ იცის, რომ ის 32 მილიონი ლარი, რომელსაც ქართულ გუნდებს ამადლის და რომელიც 4-ვე ლიგაში მოასპარეზე 46 კლუბის დაფინანსებას ხმარდება, ერთი საშუალო დონის ყაზახური გუნდის 1 წლის ბიუჯეტია. არსებული დაფინანსებაც კი, რა თქმა უნდა, ცოტაა და მხოლოდ იმას ყოფნის, რომ საფეხბურთო მეურნეობა და კლუბები ასე თუ ისე შევინარჩუნოთ, სანამ კერძო სექტორი თუნდაც კომერციული თვალსაზრისით გაიაზრებს ფეხბურთის სიკეთეებს და უფრო ფართოდ მოიცლის ჩვენი კლუბებისთვის. თუმცა, თუ ამ დაფინანსებასაც შევაჩერებთ, საქართველოში პრაქტიკულად დავასამარებთ ფეხბურთს.მაგრამ ავტორი არ ეპუება მსგავს არგუმენტებს და ცრემლნარევი პათოსით აგრძელებს: „დადგა ჟამი, როცა ქვეყანაში კორონავირუსის ეპიდემიის დროს (დროს ნაცვლად გამო აჯობებდა) უმუშევრობის ნიშნული მაქსიმუმამდე არის აყვანილი. ხალხი ვირუსზე მეტად დაფინანსებაზე ნერვიულობს. ბევრმა ისიც კი არ იცის, როგორ უნდა გამოკვებოს ოჯახი, თუ ეს პერიოდი დიდხანს გაგრძელდა“ . ჩვენო თანამემამულეების დარდით გულმოკლულო კეთილო სამარიტელო, როგორ ფიქრობ, ფეხბურთელებს, მწვრთნელებს, გუნდების ტექნიკურ პერსონალს, სტადიონების, ბაზების, საფეხბურთო აკადემიების თანამშრომლებს, დაცვის სამსახურს და სამედიცინო პერსონალს, მძღოლებს, მზარეულებს,არ მინდა ვინმე გამომრჩეს, ვინც საფეხბურთო ინდუსტრიაშია ჩართულ-დასაქმებული, და კიდევ რაც შენთვისაც წესით მნიშვნელოვანი უნდა იყოს - კოლეგა მედიაოფიცრებს, ფოტოგრაფებს, კლუბების ვებგვერდების მოდერატორებს, პი არ-ის თანამშრომლებს, ვიდეოოპერატორებს ოჯახები არ ჰყავთ, არ სცივათ და არ შიათ? მე კი ვხვდები, რომ შენთვის ფეხბურთი „ფიფა 2020’-ის მსგავსი ვირტუალური სამყაროა, მაგრამ დამიჯერე, ამ სფეროში 50 ათასზე მეტი შენი თანამოქალაქეა დასაქმებული, რომელთა უკანაც ოჯახები დგანან და რომლებსაც შენსავით სცივათ, შიათ და სწყურიათ. იქნებ შენი მოწყალე ინტელექტის ფოკუსირება მათზეც მოგეხდინა.აქვე, ჟურნალისტიკის უმთავრეს,თუმცა, როგორც ირკვევა, ავტორისთვის უცნობ წესზე გავამახვილებ ყურადღებას: ნებისმიერი ინფორმაცია თუ ფაქტი, სანამ საზოგადოებას გააცნობ, უნდა გადაამოწმო და 100 პროცენტით დარწმუნდე მის ჭეშმარიტებაში. მოდი ახლა ვნახოთ ჟურნალისტიკის ამ აქსიომის დარღვევით კიდევ რას ღაღადებს სტატია: „ამ დროს კი საქართველოს ფეხბურთის ფედერაციამ სახელმწიფოს ბოძებული ფულისგან 100 000 ლარი მოაბრუნა და STOPCOV ფონდში გადარიცხა.“აქ უკვე საქმე რამდენიმეშრიან აშკარა ტყუილთან გვაქვს. დავიწყოთ შრეების გამორჩევა: 1. საქართველოს ფეხბურთის ფედერაციას არანაირი შემხებლობა არ აქვს ქართული ფეხბურთის განვითარების ფონდის ბიუჯეტთან. ამ ფონდს გააჩნია საკუთარი მენეჯმენტი, რომელიც ყველა გადაწყვეტილებას დამოუკიდებლად იღებს. 2. ფონდის ყველა თანხა, თითოეული თეთრი მკაცრად მიზნობრივია და ვერანაირ ასი ათასს კი არა, 1 ლარსაც ვერ გადარიცხავენ სხვა მიმართულებით, თუნდაც ასეთი კეთილშობილური მიზნით. 3. ფეხბურთის ფედერაციას მთავარი დონორებისგან - ფიფასგან და უეფასგან ყოველწლიურად ერიცხება 8-10 მილიონი ევრო, რაც გამიზნულია სხვადასხვა საფეხბურთო ინფრასტრუქტურულ, სანაკრებო თუ განვითარების პროექტებზე და ის 100 000 ლარიც სწორედ ამ ბიუჯეტიდან გაიღეს. აი ასეთია ამ ერთი „უწყინარი“ წინადადების სამშრიანი სიცრუის ანატომია, რაც ასეთი ირონიანარევი პასაჟით სრულდება: „ ძვირფასო ფედერაციავ და გადაწყვეტილების მიმღებო პირებო, შეგიძლიათ დარჩეთ თბილ სახლებში და არაფერზე იდარდოთ. იამაყოთ იმით, რომ წელსაც წარმატებულად გაფანტავთ ამ თანხას, თქვან არაფერი გემუქრებათ, თქვენ გაქვთ მარაგები“. უკვე დავინახეთ, რომ ავტორს შეგნებულად აქვს სურვილი, ფონდი გააიგივოს ფედერაციასთან და შემდეგ შეთითხნილი ბრალდებებით „შავი“ პიარი აუგოროს. ეხლა ცოტა ფონდზეც ვთქვათ, რამდენად კარგია თუ ცუდი ის მოდელი, როგორითაც ხორციელდება ქართული კლუბების დაფინანსება. ამ ორგანიზაციის შექმნამდე სახელმწიფო ბიუჯეტიდან ყოველწლიურად კლუბების დაფინანსებაზე საშუალოდ 40 მილიონ ლარზე მეტი იხარჯებოდა და ეს ზოგან სამხარეო, ზოგან მუნიციპალური ბიუჯეტის გავლით ხდებოდა. თანაც ეს პროცესი იყო ქაოსური და უკონტროლო: თუ რომელიმე მხარის გუბერნატორი, ქალაქის მერი ან გამგებელი ფეხბურთის ქომაგი იყო, კლუბი დაფინანსებას იღებდა, თუ პოლიტიკურ ხელმძღვანელს ასეთი სისუსტე არ ჰქონდა, კლუბი უფულოდ რჩებოდა. ცალკე საკითხი იყო გამოყოფილი ფულის განაწილებაც, რომელიც გამოყოფის მომენტიდან უკონტროლოდ იხარჯებოდა და ხშირ შემთხვევაში, დანიშნულებაც არასწორი ჰქონდა. თან ასეთი მიდგომა აბსოლუტურად არათანაბარ ვითარებაში აყენებდა როგორც სხვადახვა სახელმწიფო, ისე კერძო კლუბებს. განვითარების ფონდის დაარსებით ალბათ ყველაზე ოპტიმალური მოდელიც შეიქმნა. 1. ყველა კლუბი თანაბარ პირობებშია, რადგან ლიგების მიხედვით ყველა თანაბრად ფინანსდება. 2. კლუბებს არ აქვთ თანხების თავის ნებაზე განკარგვის ფუფუნება - ფონდი თითოეულ თეთრს აკონტროლებს და დადგენილი აქვს ქვოტები, თუ რა მუხლებზე რა პროცენტულობით შეიძლება თანხის დახარჯვა(პირველი გუნდის ხელფასზე , ეკიპირებაზე, აკადემიაზე, ინფრასტრუქტურაზე, ასაკობრივ გუნდებზე და ასე შემდეგ - ყველაზე პროცენტულობაა განსაზღვრული და კონტროლდება). 3. შექმნილია სპორტული და სამენეჯმენტო სამოტივაციო ფონდი: მოგებაზე და ფრეზე, ჩემპიონობასა და თასის მოგებაზე, საპრიზო ადგილის დაკავებაზე კლუბი დამატებით იღებს საპრემიო თანხას, ხოლო თუ მენეჯმენტი კარგად იმუშავებს და კერძო სექტორიდანაც მოიზიდავს თანხებს, სახელმწიფო ამ ფულს გარკვეული ლიმიტით უორმაგებს. რაც მთავარია, მთელი ეს ბუღალტერია გამჭვირვალეა და სახელმწიფო ბიუჯეტის ნაწილში მისი დამალვის უფლება არ აქვს არც სახელმწიფო, არც კერძო კლუბს. ამ წერილში ცოტა რთულია, ფონდის მუშაობის ავკარგიანობაზე და ყველა ნიუანსზე უფრო ვრცლად საუბარი. რა თქმა უნდა, შეიძლება კამათი იმაზე, თუ გამოყოფილი ფულის პროცენტული განაწილება უკეთესი როგორ გავხადოთ, მაგრამ თავად მოდელი რომ საუკეთესო, ყველაზე პრაგმატული და სწორად მოფიქრებულია, საკამათო არ არის. სტატიაში კიდევ არაერთი სხვა არასწორი, არაზუსტი და ყალბ ემოციაზე დაფუძნებული მოსაზრებაა და ვფიქრობ, რომ ჟურნალისტური ეთიკის კომიტეტის ყურადღებას ნამდვილად იმსახურებს, თუმცა ამდენ დიდ დროსაც აღარ წაგართმევთ მისი განხილვა-გარჩევით. აქვე აღვნიშნავ, რომ როგორც ფონდის, ისე ფედერაციის კრიტიკა დასაშვებიცაა და ძალიან ხშირად - აუცილებელიც: დაშვებულ შეცდომებზე და ხარვეზებზე მითითება სწორედაც რომ სფეროს განვითარებისთვის უმნიშვნელოვანესი წინაპირობაა. თუმცა, ამან არ უნდა მიიღოს ჩასაფრების და სუბიექტური განწყობების გადმოფრქვევის ფორმა.მიხეილ აბაიშვილისაქართველოს სპორტულ ჟურნალისტთაასოციაციის პრეზიდენტი

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში

ფრე ქუთაისში... და "თელავის" მოგება "გაგრასთან"

"შავი ლომი" - სამხრეთ აფრიკაში "ჩიტასთან" ორი ტესტისთვის

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

"მადლობა უფალს, რომ ეს შანსი მომცა" - თორნიკე შენგელია "ბარსელონაში" დებიუტისთვის ემზადება

კორსანტიას 15-ქულიანი დებიუტი ესპანეთში

Le Parisien: კვარაცხელია პსჟ-ს შეიძლება ბარსელონაში გაჰყვეს

არისაბალაგა შეიძლება ფაბრეგასის გუნდში გადაბარგდეს

პსჟ-ს მეკარე: ძნელია მოტივაციის შენარჩუნება

ბერნალს 382 დღე გაუცდა და "ბარსელონამ" კონტრაქტი გაუხანგრძლივა

კონტე: "მილანთან" დავმარცხდით და არა რომელიმე აუტსაიდერთან

"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს

საერთაშორისო აღიარება - საქართველოს ხმა მსოფლიო ველოსპორტის არჩევნებში

"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]

"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე

დუდუ დადიანის მემორიალზე ნახევარფინალისტები დაწყვილდნენ

"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი

"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო