- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ბენტი ჰარის ეჯიბრება
<p>ინგლისში ჭორი დადის, რომ გაისად, ნაკრების მწვრთნელის თანამდებობაზე, კაპელოს სწორედ რედნაპი შეცვლის <br> 2009 წლის იანვარში, როდესაც დარენ ბენტმა „ტოტენჰემისა“ და „პორტსმუთის“ შეხვედრაში მეტად ხელსაყრელი მომენტით ვერ ისარგებლა, „სფურზის“ გაბრაზებულმა მწვრთნელმა ჰარი რედნაპმა თქვა, ამ გოლს ჩემი ცოლიც კი გაიტანდაო.</p><p>დღეს, ინგლისისა და შვეიცარიის ნაკრებთა შეხვედრის წინ კი ბრიტანული პრესა წერს, რომ საეჭვოა ჰარი რედნაპის ცოლს (შესაბამისად ჯეიმი რედნაპის დედასა და ფრენკ ლემპარდის დეიდას) გასულ სეზონში 20 გოლი გაეტანა და ფაბიო კაპელოს მისი თამაში ისე მოსწონებოდა, რომ ნაკრებში გამოეძახებინა.</p><p>რედნაპის ირონიული კომენტარი დღეს უკვე „ასტონ ვილას“ 27 წლის ფორვარდისთვის შესაძლოა გადაულახავ ფსიქოლოგიურ ბარიერად ქცეულიყო, მაგრამ ასე არ მოხდა. ბენტი კი არ დაითრგუნა, გაბრაზდა და გადაწყვიტა ყველასთვის, უპირველეს ყოვლისა კი „სფურზის“ თავკაცისთვის დაემტკიცებინა, რომ ის ერთ-ერთი საუკეთესო თავდამსხმელია.</p><p>შარშან ის „ტოტენჰემს“ „სანდერლენდში“ გაექცა. მაშინ მართლა ისეთი შთაბეჭდილება რჩებოდა, რომ ფორვარდის კარიერა დაღმავლობის გზაზე იდგა და თუ რამე არ შეიცვლებოდა, ბენტი თვალსაწიერიდან თანდათანობით გაქრებოდა, მაგრამ, საბედნიეროდ, ასე არ მოხდა. თავდამსხმელს მშველელად „ასტონ ვილა“ მოევლინა. ოთხი თვის წინ ბირმინგემელებმა ის 24 მილიონ ფუნტად იყიდეს (ამ ამბავმა „შავი კატების“ თავკაცი სტივ ბრუსი აღაშფოთა, რადგან ბენტის ტრანსფერი ფეხბურთელის გაქცევად აღიქვა) და, აი, დღეს, კაპელო, რომელმაც ფორვარდი 2010-ში მსოფლიოს ჩემპიონატზე არ წაიყვანა, მას დისკვალიფიცირებული უეინ რუნის არყოფნაში ძირითად შემადგენლობაში ათამაშებს.</p><p>ბენტი მწვრთნელებისა და გულშემატკივრების ნდობას გოლებით პასუხობს. ინგლისის ნაკრების შემადგენლობაში ჩატარებულ ბოლო სამ შეხვედრაში მან სამჯერ გაიტანა და ამბობს, რომ 2009 წლის შემდეგ რედნაპის ცინიზმს უკვე ბევრჯერ გასცა საკადრისი პასუხი.</p><p>„ჰარის სიტყვებმა ვერ წამახდინა. მას მერე ძალიან ბევრი გოლი გავიტანე. ვიცი, ჰარი ბევრს უყვარს და მის ნათქვამს ყურს უგდებენ. ამიტომაც მაშინ მართლაც ცუდ დღეში ვიყავი. „ტოტენჰემიდან“ რომ წავედი, ერთი სული მქონდა ფანებისთვის დამემტკივებინა, რომ სინამდვილეში ძლიერი თავდამსხმელი ვიყავი.</p><p>საბედნიეროდ, „სანდერლენდში“ მართლაც დავიწყე გოლის გოლზე გატანა. იმ პერიოდში, საღამოობით წამოვწვებოდი ხოლმე და ვფიქრობდი: მორჩა, უკვე დავამტკიცე, რომ გოლების გატანა შემიძლია. ამიერიდან ჰარიმ რაც უნდა ის თქვას, მნიშვნელობა აღარ ექნება“.</p><p>ინგლისში კი ჭორი დადის, რომ გაისად, ნაკრების მწვრთნელის თანამდებობაზე, კაპელოს სწორედ რედნაპი შეცვლის. ამაზე ბენტს ეცინება:</p><p>„კი, როგორ არა, ეს ამბავი მეც გავიგე. რა გითხრათ. მე ჩემი კლუბისთვის, ჩვეულებისამებრ, ყველაფერს გავიღებ და თუ ამ დროს ნაკრების მწვრთნელი მართლა ჰარი იქნება, წარმატებას ვუსურვებ. თუ კარგად ვითამაშებ, ის კი მაინც არ ამიყვანს, ესე იგი რაღაც სხვა მიზეზი აქვს. თუმცა, ამიყვანს თუ არა, დარწმუნებული ვარ, რომ ის ნაკრებს თავის ხელს დაატყობს. მოკლედ, წინასწარ ლაპარაკი არ არის საჭირო, დავიცადოთ და ვნახოთ რა მოხდება“.</p><p>ბენტს ეროვნულ გუნდში 9 შეხვედრა აქვს ჩატარებული. დებიუტი 2006 წელს ჰქონდა, მაგრამ პირველი გოლი შარშან სექტემბრამდე ვერ გაიტანა. თამაში, რომელშიც მან მეტოქეს ბურთი გაუტანა ხვალინდელ მეტოქესთან, შვეიცარიასთან იყო და ინგლისმა 3:1 მოიგო.</p><p>შვეიცარიელთა კარში გოლის გატანამ ბენტს შვება მოჰგვარა, რადგან მანამდე მას 2008 წელს, ხორვატიის ნაკრების კარში შესანიშნავი მომენტიდან გოლის ვერ გატანას ახსენებდნენ. რომ გაეტანა ინგლისის ნაკრები ევროპის ჩემპიონატზეც მოხვდებოდა და არც სტივ მაკლარენს მოხსნიდნენ. ბენტი დასძენს:</p><p>„ხორვატიასთან გადამწყვეტი თამაში იყო და ამიტომაც, ხელმოცარვა ორმაგად მტკივნეული გახლდათ. ის ეპიზოდი გულზე მძიმედ დამაწვა. საბედნიეროდ, ბოლო დროს ხელიდან გაშვებული შესაძლებლობების დავიწყება ვისწავლე და ცხოვრებაც უფრო გაიოლდა. ახლა მხოლოდ შემდეგ გოლზე ვფიქრობ, წარსულს კი აღარ ვიხსენებ... ყოველ შემთხვევაში ვცდილობ და ამას ადრინდელზე უფრო ვახერხებ. შვეიცარიის ნაკრების კარში გატანილმა გოლმა მხრებიდან სიმძიმე ჩამომხსნა. მას მერე საკუთარი შესაძლებლობების რწმენა მომემატა.</p><p>მე თავდამსხმელი ვარ და ყოველთვის გოლებით მაფასებენ. ძალიან მნიშვნელოვანია, აგრეთვე, როგორ ვითამაშებ ნაკრებში. დღეს თავს უკვე ეროვნული გუნდის წევრად ვთვლი, თუმც ვერ ვიტყვი, რომ ნაკრების მთავარი ცენტრფორვარდი ვარ — ინგლისში ხომ ბევრი უმაღლესი დონის თავდამსხმელია. ასეა თუ ისე, თუკი ბოლო თვეებში ჩემს შესახებ ხალხს შეხედულება შევაცვლევინე, ბედნიერი ვიქნები. სანამ შვეიცარიას გოლს გავუტანდი ბევრი ადამიანი ამბობდა, რომ მე გოლების გატანა არ შემეძლო, სექტემბრის შემდეგ კი მათ აზრი შეიცვალეს“.</p><p>პრემიერლიგის ერთ-ერთი საუკეთესო ბომბარდირის სახელი კი ბენტმა „არსენალის“ კარში გატანილი ორი გოლით დაიმკვიდრა. ეს შეხვედრა მაისში გაიმართა და „ასტონ ვილამ“ 2:1 მოიგო. განსაკუთრებით ლამაზი პირველი გოლი იყო. თავად ბენტი იმ ეპიზოდს ასე იგონებს:</p><p>„ჩემთვის, როგორც „არსენალის“ ფანისთვის ეს, ალბათ, ყველაზე დასამახსოვრებელი გოლი იქნება. მთელი კომბინაცია დიდებული იყო. კაილი უოქერმა შესანიშნავი პასი მომაწოდა. ბურთი მეც კარგად მივიღე და კარშიც შევაგდე. აკი მოგახსენეთ, რომ დღეს საკუთარ თავში გაცილებით დარწმუნებული ვარ. ვგრძნობ, რომ კარგად ვთამაშობ და იმედი მაქვს, რომ ასევე გავაგრძელებ“.</p>
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ