ლემეტრის ტრიუმფი ბარსელონაში

ევროპული სპრინტის ახალი მეფის, ფრანგი კრისტოფ ლემეტრის ტრიუმფით დასრულდა კონტინენტის პირველობა ბარსელონაში... ევროპული სპრინტის ახალი მეფის, ფრანგი კრისტოფ ლემეტრის ტრიუმფით დასრულდა კონტინენტის პირველობა ბარსელონაში. 100 და 200 მეტრზე გამარჯვების შემდეგ, ფრანგმა სპრინტერმა მესამე ოქრო 4ხ100 მეტრზე ესტაფეტაში მოიპოვა. თითქოს ფრანგების ოთხეულს იოლი გამარჯვება ელოდა, რადგან მისი ძირითადმა კონკურენტმა - ბრიტანეთის ნაკრებმა კვალიფიკაცია ვერ გაიარა. მაგრამ ფინალში მოულოდნელად კარგად გამოვიდა იტალიის ნაკრები, რომელიც ბოლო მეტრამდე ინარჩუნებდა ლიდერობას, მაგრამ უკანასკნელ წამს იყოჩაღა ფრანგმა მბანჯოკმა, ვინც 6 მეასედი წამის უპირატესობა მოუტანა საფრანგეთის ნაკრებს. დანარჩენ გუნდებს ფავორიტის შეჩერების შანსი არ ჰქონია.20 წლის ლემეტრმა სამი ოქროთი დატოვა ბარსელონა. ეს ის სპრინტერია, რომელმაც ცოტა ხნის წინ, საფრნაგეთის პირველობაზე 100 მეტრი 10 წამზე ნაკლებ დროში გაირბინა და პირველი თეთრკანიანი ათლეტი გახდა, ვინც ასეთი შედეგი დააფიქსირა. საინტერესო იქნება მისი დუელი მსოფლიოს წამყვან ათლეტებთან - უსაინ ბოლტთან, ტაისონ გაისთან და ასაფა პაუელთან, თუმცა ფრანგის შედეგებიდან გამომდინარე, მას გაუჭირდება ამ დიდ სამეულთან ბრძოლა.ქალთა ანალოგიურ დისციპლინაში მედლები სამმა ნაკრებმა გაითამაშა - უკრაინამ, საფრანგეთმა და პოლონეთმა. სწორედ ამ თანმიმდევრობით მივიდნენ ისინი ფინიშთან. პრაქტიკულად თანაბარ ბრძოლაში უკრაინელმა ელიზავეტა ბრიზგინამ ბოლო მომენტში გამოსტაცა გამარჯვება ლეგენდარულ კრისტინ არონსა და ვერონიკა ვეიდლერს.საინტერესო სამი ფინალი გაიმართა ტექნიკურ სახეობებში, რაც მთავარია, გამარჯვებულებმა მაღალი შედეგები აჩვენეს. ყველაზე მეტად გაგვაკვირვა გერმანელმა სიგრძეზე მხტომელმა კრისტიან რაიფმა. მესამე ცდაზე მან სეზონის საუკეთესო შედეგი აჩვენა - 8,47 მეტრი, რითაც 20 სანტიმეტრით გააუმჯობესა პირადი რეკორდი. ასე შორს წელს დუაიტ ფილიპსიც არ გადამხტარა.ბადროს ტყორცნაში პოლონელმა პიოტრ მალახოვსკიმ სულ რაღაც 40 სანტიმეტრით აჯობა გერმანელ რობერტ ჰარტინგს. ამჯერად, პოდიუმის მიღმა აღმოჩდნენ ოლიმპიური ჩემპიონები - გერდ კანტერი და ვირგილიუს ალეკნა.კიდევ ერთ ოლიმპიურ ჩემპიონს მოეცარა ხელი ქალებს შორის სიმაღლეზე ხტომაში. ბელგიელმა ტია ელებომ ვერ დაძლია 197 სანტიმეტრი სიმაღლე და მეხუთე ადგილით დაკმაყოფილდა. მეორე ადგილისთვის ბრძოლაში შვედმა ემა გრინმა და გერმანელმა არიან ფრიდრიხმა ერთნაირი შედეგი აჩვენეს - 2.01 მეტრი, მაგრამ ცდების რაოდენობით უკეთესი მდგომარეობა სკანდინავიელს ჰქონდა. გამარჯვება კი ხორვატმა ლამაზმანმა ბლანკა ვლასიჩმა მოიპოვა. იმ დღეს მხოლოდ მან დაძლია 2.03 მეტრზე გადებული თამასა, რითაც დამსახურებულად მიიღო ოქროს მედალი და კარიერაში ევროპის ჩემპიონის პირველი ტიტული.კაცებიმარათონი. 1. ვიქტორ რიოტლინი (შვეიც) - 2:15.31; 2. ხოსე მანუელ მარტინესი (ესპ) - +2.19; 3. დმიტრი საფრონოვი (რუს) - +2.45... ესტაფეტა 4X100 მ. 1. საფრანგეთი - 38,11; 2. იტალია - 38,17; 3. გერმანია - 38,44... ესტაფეტა 4ხ400 მ. 1. რუსეთი - 3.02,14; 2. ბრიტანეთი - 3.02,25; 3. ბელგია - 3.02,60; 3000 მ/სტიპლჩეზი. 1. მაიდინ მეკისი-ბენაბადი (საფ) - 8.07,87; 2. ბოაბდელაჰ ტარი (საფ) - 8.09,28; 3. ხოსე ლუის ბლანკო (ესპ) - 8.19,15... სიგრძეზე ხტომა. 1. კრისტიან რაიფი (გერ) - 8,47; 2. კაფეტიენ გომისი (საფ) - 8,24; 3. კრის ტომლინსონი (ბრიტ) - 8,23... ბადროს ტყორცნა. 1. პიოტრ მალახოვსკი (პოლ) - 68,87; 2. რობერტ ჰარტინგი (გერ) - 68,47; 3. რობერტ ფაზეკაში (უნგ) - 6,53...ქალებიესტაფეტა 4X100 მ. 1. უკრაინა - 42,29; 2. საფრანგეთი - 42,45; 3. პოლონეთი - 42,68... ესტაფეტა 4ხ400 მ. 1. რუსეთი - 3.21,26; 2. გერმანია - 3.24,07; 3. ბრიტანეთი - 3.24,32... 5000 მ. 1. ალემიტუ ბეკელე (თურ) - 14.52,20; 2. ელვან აბეილეგესე (თურ) - 14.54,44; 3. სარა მორეირა (პორ) - 14.54,71... სიმაღლეზე ხტომა. 1. ბლანკა ვლასიჩი (ხორ) - 2,03; 2. ემა გრინი (შვედ) - 2,01; 3. არიან ფრიდრიხი (გერ) - 2,01...

"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]

ვიქტორ სანეევის სახელობის ღია პირველობა

"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს