- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
თამაში კანიბალმა მოიგო
<p>"ვანკუვერ კენაქსმა" მნიშვნელოვანი ნაბიჯი გადადგა წინ თავისი არსებობის ისტორიაში სტენლის თასის პირველად მოგებისთვის <br> "ვანკუვერ კენაქსმა" მნიშვნელოვანი ნაბიჯი გადადგა წინ თავისი არსებობის ისტორიაში სტენლის თასის პირველად მოგებისთვის. ოვერტაიმის მე-11 წამზე ალექს ბაროუზის მიერ გატანილი გოლით "ბოსტონთან" ფინალურ სერიაში ანგარიში 2:0 გახდა. აქამდე მხოლოდ ოთხმა გუნდმა შეძლო ფინალში 0:2-დან სერიის გადარჩენა. ბოლოს ეს 2009 წელს სიდნი კროსბის "პიტსბურგ პინგვინზმა" გააკეთა "დეტროიტ რედ უინგზის" წინააღმდეგ.</p><p>ბაროუზმა NHL-ის პლეი ოფის ისტორიაში მეორე ყველაზე სწრაფი გოლი გაიტანა ოვერტაიმში. რეკორდი მონრეალელ ბრაიან სკრუდლანდს ეკუთვნის, ვინც 1986 წელს დამატებითი დროის მეცხრე წამზე გაუტანა "კალგარის".</p><p>ეს ასე მოხდა: სასტარტო ჩაგდების შემდეგ შაიბა ბოსტონელ ენდრიუ ფერენსს მიუვიდა, რომელიც წინ პასის შესრულებისას შეცდა და შაიბა დანიელ სედინს ჩააბარა, რომელსაც არც უფიქრია, მაშინვე თავისუფალი ბაროუზი მონახა. ამ უკანასკნელმა ზდენო ხარა ჩამოიცილა და ტიმ ტომასთან პირისპირ გავიდა. "ბრუინზის" მეკარემ მოასწრო "ვანკუვერის" ფორვარდის ფინტებზე რეაგირება, მაგრამ თან კარის დატოვება მოუწია. ბაროუზმა შაიბა არ დაკარგა, კარს უკნიდან შემოუარა და ახლო კუთხეში გაიტანა.</p><p>ბაროუზი ორი გოლითა და ერთი საგოლე პასით მატჩის პირველი ვარსკვლავი გახდა, არადა, ეს ის ჰოკეისტია, რომელსაც წესით და რიგით დისკვალიფიკაციის გამო არ უნდა ეთამაშა ამ შეხვედრაში. გახსოვთ, ალბათ, წინა მატჩის გახმაურებული ისტორია, როცა "ვანკუვერის" ფორვარდმა თითზე უკბინა პატრიკ ბერჟერონს, მაგრამ ლიგის სადისციპლინო კომიტეტმა დაინდო ბაროუზი.</p><p>ოვერტაიმამდე მაყურებელმა კვლავინდებურად აგრესიული და უხეში თამაში იხილა. საწყის ხუთ წუთში გუნდებმა 12 ძალისმიერი ილეთი შეასრულეს, პირველი გაძევება კი მე-10 წუთზე დაფიქსირდა - ორი წუთით მოედანი ხარამ დატოვა და მასპინძლებმა მაშინვე გამოიყენეს რიცხობრივი უპირატესობა - ბაროუზმა "ბოსტონის" კართან იბრძოლა და ახლო კუთხეში ძლიერი დარტყმა მოასწრო. ამ შაიბამ სტუმრებზე ცუდად იმოქმედა და პირველი პერიოდის დასრულებამდე დარჩენილ დროში მხოლოდ ერთი ზუსტად დარტყმა შეასრულეს.</p><p>სამაგიეროდ, "დათვებმა" ძალიან კარგად დაიწყეს მეორე პერიოდი და პირველ ხუთ წუთში ექვსჯერ შეაწუხეს რობერტო ლუონგო. "ვანკუვერის" მეკარემ მეცხრე წუთამდე გაძლო და შემდეგ მის მიერ მოგერიებულს მილან ლუჩიჩმა დაამატა - 1:1. ამ გოლამდე ლუონგო 137 წუთისა და 26 წამის განმავლობაში "მშრალად" ინახავდა საკუთარ კარს. "ბოსტონს" ამ შემდეგაც არ დაუგდია ტემპი და ლუჩიჩის გოლიდან წუთნახევრით შემდეგ ტაბლოზე უკვე 2:1 ეწერა: მარკ რეკიმ მოასწრო ხარას დარტყმაზე რეაგირება და თავისი გუნდი დააწინაურა.</p><p>სხვათა შორის რეკი ყველაზე ასაკოვანი ჰოკეისტი გახდა, ვინც NHL-ის ფინალურ სერიაში გოლი გაიტანა. მატჩის დღეს ვეტერანი ფორვარდი 43 წლის და 123 დღის იყო. წინა რეკორდის მფლობელი ლეგენდარული რუსი ჰოკეისტი იგორ ლარიონოვი იყო, ვინც 2002 წლის ფინალში "დეტროიტის" მაისურით 41 წლისა და 189 დღის ასაკში გაიტანა შაიბა.</p><p>მხოლოდ ორი გოლის გაშვების შემდეგ გამოფხიზლდნენ მასპინძლები და რამდენიმე შტურმი მოაწყვეს ტიმ ტომასის კართან, მაგრამ უშედეგოდ - გუნდები მეორე შესვენებაზე "დათვების" ერთშაიბიანი უპირატესობით გავიდნენ.</p><p>მესამე პერიოდი "ბოსტონმა" რიცხობრივი უპირატესობით დაიწყო და პირველ წუთზე ლუონგოს ორი რთული დარტყმის მოგერიება მოუწია. ცოტა ხანში თავად "დათვებს" მოუწიათ ერთი კაცით მეტი მეტოქის შეტევების მოგერიება, თუმცა ეს დიდ პრობლემას არ წარმოადგენდა, რადგან ამ ორი წუთის განმავლობაში მასპინძლებს ერთხელაც არ დაურტყამთ ზუსტად კარში.</p><p>ამის შემდეგ "ვანკუვერი" მეტოქის პრესინგზე გადავიდა და მეხუთე წუთზე სულ ცოტა დააკლდა ანგარიშის გათანაბრებამდე - ცარიელ კარში ერჰოფის დარტყმა მცველმა მოიგერია. კანადელთა აქტიურმა თამაშმა შედეგი მხოლოდ მეცხრე წუთზე გამოიღო, როცა მათი მცირე შტურმი ტომასის კარში მეორე გოლით დასრულდა. ყველაფერი "ბოსტონის" კაპიტნის ზდენო ხარას დასანანი შეცდომით დაიწყო - ბაროუზმა სლოვაკ გიგანტს "ბრუინზის" ზონაში მოპარა შაიბა და ედლერს მიაწოდა, რომელმაც შორიდან დაარტყმა. ტომასმა წინ მოიგერია შაიბა და მას პირველმა დანიელ სედინმა მიუსწრო- 2:2. დაინიშნა ოვერტაიმი, რომლის პერიპეტიებზე ზემოთ მოგიყევით. აღსანიშნავია, რომ "ვანკუვერი" 7 მაისის შემდეგ არ მარცხდება საკუთარ მოედანზე.</p><p><strong>ვანკუვერი-ბოსტონი 3:2 (ო)</p><p></strong>1:0, 0:2, 1:0, 1:0</p><p>გოლები: 1:0 ბაროუზი-8 (ჰიგინსი-4, სალო-2), 1:1 ლუჩიჩი-4 (ბოიჩუკი-4, კრეისი-8), 1:2 რეკი-3 (ხარა-4, პ. ბერჟერონი-12), 2:2 დ. სედინი-9, (ბაროუზი-8, ედლერი-8), 3:2 ბაროუზი-9 (დ. სედინი-9, ედლერი-9).</p><p>სერია: 2-0</p>
საქართველოს თასის პირველი და მეორე ეტაპის წილისყრა
მეორე ლიგის "სპაერმა" თბილისის "დინამოს" მოუგო და თასის მფლობელი გახდა [VIDEO]
საქართველოს თასის ნახევარფინალური ეტაპის წილისყრა
ოფიციალურად - მანჩინი "ალ-სადს" ჩაუდგა სათავეში
"გული მტკივა, როცა საფრანგეთში ამდენ უცხოელ მწვრთნელს ვხედავ" - დიდიე დეშამი
[VIDEO] ფენომენალური ნიკოლა იოკიჩის 55-ქულიანი მატჩი და მორიგი რეკორდი - "დენვერ ნაგეთსმა" "ლოს ანჯელეს კლიპერსი" დაამარცხა
"მუდრიკი 100%-ით უდანაშაულოა, ვერ ვხვდები, ეს როგორ მოხდა" - დარიო სრნამ მიხაილო დაიცვა
"ბარსელონას" ვარსკვლავი შეიძლება თურქულ გუნდში გადაბარგდეს
შენგელიას 10 ქულა და "ბარსელონას" გამარჯვება "ბაიერნთან"
[სიმბოლური ნაკრები. ეროვნული ლიგა. XXXII ტური] იონსენის "პოკერი", ანუ როცა მოდუნება წამითაც არ შეიძლება...
"რეალი" თავდამსხმელს იჯარით "ლიონში" გაუშვებს
"ჯგუფიდან გასასვლელად სასწაული გვჭირდება" - ნაკრების შეკრების მესამე დღე
"ვულვერჰემპტონს" ახალი მწვრთნელი ჰყავს
"ბარსელონამ" ლევანდოვსკის შემცვლელი შეარჩია
U19. ევროპირველობის შესარჩევი ციკლის პირველ ტურში საქართველოს ნაკრები ხორვატიასთან დამარცხდა
"ფულჰემმა" შესაძლოა, მთავარი მწვრთნელი გაათავისუფლოს
უარი დაბრუნებაზე - ოვერმასმა და ტენ ჰაგმა "აიაქსის" წინადადება უარყვეს
მიჩელი "არსენალში" გადადის - "ნაპოლიში" კვარაცხელიას ერთ-ერთ აღმომჩენად ის სახელდება
თბილისის "დინამო" ახალგაზრდული ლიგის მესამე რაუნდის ორივე მატჩს სახლში გამართავს
მანჩინი სამწვრთნელო საქმიანობას დაუბრუნდა - იტალიელმა კატარული გუნდი ჩაიბარა
[VIDEO] ზაბარნიმ საფონოვს ხელი ჩამოართვა და მიესალმა - ინტერნეტში კადრები ვირუსულად გავრცელდა
პსჟ-ის რიგები შესაძლოა, 17 წლის ტალანტმა დატოვოს - მას შეთავაზება გერმანიიდან აქვს
"ჩვენ ერთად თამაშიც შეგვიძლია" - ეკიტიკემ ისაკის შესახებ ისაუბრა