ბათუმის სტადიონი ოფიციალურად გაიხსნა [VIDEO]

ბათუმში ახალი საფეხბურთო სტადიონის მშენებლობა დასრულდა. 27 ოქტომბერს დასრულებული სტადიონი საქართველოს პრემიერ-მინისტრმა გიორგი გახარიამ, აჭარის მთავრობის თავმჯდომარე თორნიკე რიჟვაძემ, თბილისის მერმა კახი კალაძემ და საქართველოს ფეხბურთის ფედერაციის პრეზიდენტმა ლევან კობიაშვილმა ვეტერან ფეხბურთელებთან და სხვა საპატიო სტუმრებთან ერთად მოინახულეს.ღონისძიების ფარგლებში, ცენტრალური და ადგილობრივი მთავრობის წარმომადგენლებმა, ფეხბურთის ფედერაციის პრეზიდენტმა და ვეტერანმა ფეხბურთელებმა საზოგადოებას სიტყვით მიმართეს. საკუთარ სიტყვაში თითოეულმა მათგანმა აღნიშნული პროექტის მნიშვნელობაზე ისაუბრა და ფეხბურთის გულშემატკივრებს ახალი სტადიონის მშენებლობის დასრულება მიულოცა.ლევან კობიაშვილი - საქართველოს ფეხბურთის ფედერაციის პრეზიდენტი: "დღევანდელ დღეს არა მარტო ბათუმელები, არამედ თითოეული ჩვენგანი წლების განმავლობაში ველოდებოდით. ამაყი და ბედნიერ ვარ, რომ ბათუმელმა გულშემატკივრებმა, რომლებიც ჩემი აზრით, ყველაზე პატივსაცემი ადამიანები არიან, მიიღეს ის, რისთვისაც ჩვენთან ერთად წლების განმავლობაში იბრძოდნენ. დარწმუნებული ვარ, რომ ეს სტადიონი ქართული ფეხბურთის წარმატების საფუძველი იქნება.ბათუმის ახალი სტადიონი ყველნაირ საერთაშორისო სტანდარტს აკმაყოფილებს. ამ არენაზე ჩვენ უმაღლესი დონის საკლუბო და სანაკრებო მატჩების მასპინძლობა შეგვიძლია.მინდა მადლობა ვუთხრა ყველა იმ ადამიანს, ვინც პატარა წვლილი მაინც შეიტანა ამ ოცნების ახდენაში. ამ ქალაქს ეს სტადიონი სჭირდებოდა და ამაყი ვარ, რომ ჩვენ ყველამ ერთად ეს შევძელით".ბათუმის სტადიონის მშენებლობას 2018 წლის 21 იანვარს ჩაეყარა საფუძველი. სამშენებლო სამუშაოები შპს „ანაგმა“ შეასრულა. სტადიონის მშენებლობა აჭარის ბიუჯეტიდან, დაახლოებით 141 მლნ ლარით დაფინანსდა.ბათუმის საფეხბურთო სტადიონი 20 000 მაყურებელზეა გათვლილი. უეფას მე-4 კატეგორიის სტანდარტებით აშენებული სტადიონი უახლესი მოდელის განათების, გახმოვანების და სხვა სისტემებით აღიჭურვა.საფეხბურთო სტადიონი ქართული ცეკვა "ხორუმის' მოტივებზე აშენდა. ფასადის მწყობრად ჩალაგებული ფიგურები მოცეკვავეების მოძრაობებს ასახავს. სტადიონის ფასადზე თანამედროვე განათების სისტემა დამონტაჟდა, რომელიც შესაბამისი მატჩის მიხედვით, სხვადასხვა ფერით განათდება (საქართველოს დროშის, საქართველოს გერბის, აჭარის დროშის და სხვა.).ბათუმის სტადიონი აჭარაში სპორტული ტურიზმის განვითარებას და ჯანსაღი ცხოვრების გაძლიერებას შეუწყობს ხელს. საფეხბურთო სტადიონი, გარდა სპორტული აქტივობებისა, სხვადასხვა კულტურულ ღონისძიებასაც უმასპინძლებს.GFF.GE

jorj

მადლობათ კრიტიკისთვის ჯანსაღი კრიტიკა ყოველთვის მისაღებია ჩემთვის. ქართული ფეხბურთის დღევანდელი სახე ჟურნალისტური გამოძიება შეგიძლიათ უყუროთ სათაური ;(წარუმატებელი ფეხბურთი გადამხდელების ფულით)
გიზოგ

გილოცავთ ძვიფასო ბათუმელებო. გისურვებთ უამრავ გამარჯვებებს ევროპისა და მსოფლიოს მასშტაბის შეჯიბრებებზე.
გიზოგ

66 წლის ვარ და სულ ფეხბუთის გულშემატკივარი ვარ. არ მახსოვს ის დრო, როცა სტადიონები არ გვქონდა და გვქონდა წარმატებები. გაიხარეთ ბატონებო ქვეყანას რაღაც სიდიდრე შეემატა, რომელიც შთამომავლობას დარჩება და ქუჩის უბედურებობებისგან დაიცავს. გილოცავთ ძვიფასო ბათუმელებო. .
ziko

ძალიან კარგია და ეს ერთი და სხვა მრავალი.ბათუმს ჭირდებოდა და ზოგადად საქართველოს ესეთი სტადიონი.იქნებ ზუგდიდშიც და ფოთში ლანჩხუთშიც გაკეთდეს კარგი სტადიონები.ფეხბურთს დღეს კარგი სტადიონები და კარგი ბაზები ჭირდება, ქართული ნიჭი და გენი კი მერე აუცილებლად ამოხეთქავს.
Vasili

აუუუუუუ ამ სტადიონის გახსნაზეც თუ წავიკითხავდი იმ აზრს რო რატო დაიხარჯა ამდენი ფულიო ნაღდად არ მოველოდიი:D :D ბავშვთა ფეხბურთში უნდა ჩაიდოსო რომ იძახი ? რაღა სტადიონის არაშენების ნაცვლად უნდა ჩაიდოს ეგ ფული, პირიქით მოდი ცოტა ნაკლები ხელფასი და დანამატები აიღონ ჩვენმა დეპუტატ მინისტრებმაა და ცოტა მეტი გადაიხადონ ერთი ორი თვით ბიზნესმენებმა ქართული სპორტისთვის, და ეს ფული რო ჩაიდოს ბავშვთა სპორტში არააა??? / ბავშვს ფეხბურთი როგორ უნდა შეაყვარო თუ ჯერ არ აყურებინე, თუ მოედნის და სტადიონის ექო არ შეიგრძნო, თუ ვერ ნახა თავის ქალაქის და ქვეყნის გუნდი როგორ ეთამაშება სხვადასხვა ქვეყნებს და ამით არ აღფრთოვანდა მაშინ რა აზრი აქ ვერ ვხვდები? მიიყვანა სადღაც კარგ სპორტ სკოლაში და გახდა 29 წლის მერე სად წავიდეს? პოლონეთის მესამე ჭღრპღრჰ კლასის ჩემპიონატში ხომ? ძააან მაგარი იქნება !!!/ ეს იგივეა ქუთაისში რომ ცურვაზე დაყავდათ ბავშვები და ბასეინი რომ არ ქონდათ, ისე უწყოლოდ რომ სწავლობდნენ ჩაყვინთვას და ცურვას... /// ბათუმში კი არა იმედია ის ზუგდიდიც მალე გამოსწორდება ის სტადიონი, და ყველაგან აშენდება და გარემონტდება. იმედი მაქ რომ ყველა სტადიონი იქნება წმინდა საფეხბურთო , ოთხივე მხრიდან ტრიბუნა , თავის გადახურვით, და არა ისე როგორც ლოკოს და ტორპედოს აქ მოშიშვკებული , საშინელებაა ნამდვილი, / ყველა ქალაქში რომ იყოს 15000-20000 ეს იქნება ძააან მაგარი ./// დაიწყებს მალე ხალხიც სიარულს, აი ნახავთ თქვენი თვალით ამას !!! როგორც კი ერთი რომელიმე ქართული გუნდი გააარღვევს და გავა ევროპაზე და ლიგაზე აღარაფერს ვამბობ , მაშინვე შეიცვლება ჩვენი ჩემპიონატის დონეც
შოკირებული გულშემატკივარი

ადრე არ იყო სტადიონები მაგრამ გვყავდა ფეხბურთელები რადგან არსებობდენ მწვრთნელები ვისაც ფეხბურთელების გაზრდა შეეძლოთ
jorj

ერთი გამონათქვამი გამახსენდა ცნობილი კინოდან; რა საჭიროა გზა თუ ტაძრამდე არ მიგვიყვანს. რა საჭიროა სტადიონი როცა ფეხბურთელები არ გვყავს გამგები გაიგებს. 141 მილიონი ბავშვთა ფეხბურთში მაინც ჩაედო სახემწიფოს.
irakli

სარეკლამო რო ელექტრონული იყოს ეგ არის კარგი, პლაკატი არ უხდება
Vasili

ვულოცავ ბათუმს და მთელ საქართველოს. იმედია ცოტას გამოაცოცხლებს ჩვენ ჩემპიონატს!!
romandro

ვულოცავ მთლიანად საქართველოს...რაც კარგია კარგია...
შაკო

როგორც იქნააა!!! ძაან მაგარია!!! კიდევ ბევრი მასეთი ლამაზი სტადიონი შემატებოდეს საქართველოს!
Mose

კარგია გილოცავთ ყველას.. ბევრი გამარჯვებები ახალ სტადიონზე, წარმატებები ბათუმის დინამოს და საქართველოს ნაკრებს.. p.s ზუგდიდის სტადიონი მოიკითხეთ თხოვნა მექნება ჟურნალისტებთან, ბათუმის სტადიონის მშენებლობამდე დაიწყო შენება და დღემდე დაუსრულებელია

[VIDEO] გოგლიჩიძის გარეშე და ჩაკვეტაძის ერთი ტაიმი - "უოტფორდმა" სახლში "იფსვიჩთან" წააგო

ლუის ენრიკე: კვარაცხელია სრულიად განსხვავებული ფეხბურთელია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა