ქართან მებრძოლები

"ბრილიანტის ლიგის" ნიუ იორკის ეტაპზე დაბალი შედეგების მიზეზი უამინდობა გახდა უამინდობა გახდა "ბრილიანტის ლიგის" ნიუ იორკის ეტაპზე დაბალი შედეგების მიზეზი. ბევრმა ლიდერმა ვერ გაუძლო სტიქიას. მათ შორის იყვნენ ტაისონ გაი, ტედი ტამგო და რენო ლავინიე.თითქმის მთელი ეტაპის განმავლობაში წვიმდა, მაგრამ ეს არ ყოფილა ძირითადი პრობლემა. სპორტსმენებს განსაკუთრებული სირთულეები შეუქმნა ძლიერმა ქარმა, რომლის სიჩქარე წამში 6 მეტრს აღწევდა. თანაც მისი მიმართულება მაქსიმალურად მოუხერხებელი იყო - ფინიშის სწორზე მორბენლებს ქარის საწინააღმდეგოდ უწევდათ მოძრაობა. სიგრძეზე მხტომელებსა და სამხტომელებსაც ასეთივე პრობლემა ჰქონდათ. რა თქმა უნდა, ამის გამო შედეგები მნიშვნელოვნად დაზარლდა.გასულ წელს სულ სხვა სიტუაცია იყო. ბრწყინვალე პირობებში ტედი ტამგომ სამხტომში ფანტასტიკური შედეგი აჩვენა - 17,89 მეტრი. წელს სწორედ ეს სახეობა მიიჩნეოდა ცენტრალურად, რადგან ორგანიზატორებმა შესანიშნავი შემადგენლობა შეკრიბეს - ტამგო, აიდოვუ, ოლსონი.აიდოვუმ მესამე ცდაზე 16,61 მეტრი აჩვენა. სხვა შემთხვევაში ეს ძალიან დაბალ შედეგად მოინათლებოდა, ამჯერად კი ბრიტანელმა გამარჯვება მოახერხა. რაც შეეხება ტამგოს, მან "სასაცილო" 15,55 მეტრი აჩვენა და მეშვიდე ადგილზე გავიდა.მსგავსი კატასტროფა ვიხილეთ ჭოკით ხტომაში. "ბრილიანტის ლიგის" ლიდერმა მალტე მორმა პირველი სიმაღლე ვერ აიღო - 5,22 (!) მეტრი. თანაც მესამე ცდაზე გერმანელმა უბრალოდ გაირბინა სექტორში და ნახტომის შესრულება არც უცდია. რენო ლავინიემ გამოტოვა პირველი სიმაღლე და, ალბათ, ინანა ამის გამო, რადგან 5,42-ზე გადახტომა ვერ მოახერხა. სტიქიას ყველაზე კარგად რომან მენილი გაუმკლავდა, რომელმაც პირველი ცდიდან აიღო 5,52 მეტრი.სიმაღლეზე ხტომაში მოულოდნელად დამარცხდა ბლანკა ვლასიჩი. საერთოდ ეს სეზონი ხორვატისთვის არც ისე კარგად მიმდინარეობს. "ბრილიანტის ლიგაზე" ორი გამარჯვების მიუხედავად, ბლანკას წელს ჯერ არ გადაულახავს ორი მეტრი, რასაც ადრე რეგულარულად აკეთებდა. ახლაც, ვლასიჩი 1,90 მეტრზე გაჩერდა და ოთხი სანტიმეტრი წააგო გამარჯვებულ შვედ ემა გრინ-ტრეგაროსთან.მამაკაცთა სპრინტში ორგანიზატორებმა შეკრიბეს ამ სეზონში ორი საუკეთესო დროის ავტორი - ტაისონ გაი და სტივ მალინგსი. წელს იამაიკელმა მოულოდნელად ძალიან მოუმატა და თანაბრად ებრძვის მსოფლიოს საუკეთესო სპრინტერებს. ამ სეზონში გაის ის პირველად ხვდებოდა და ეს დუელი დიდ ინტერესს იწვევდა.ამ სახეობაში ქარი ერთადერთი პრობლემა არ ყოფილა. სპორტსმენებს სამჯერ ჩაუვარდათ სტარტი: ფალსტარტის გამო მოხსნეს ედვარდსი, პაჯეტი და ტომპსონი. მეოთხე ცდიდან გარბენი მაინც შედგა. იმ მომენტისთვის შემხვედრი ქარის სიჩქარე წამში 3,4 მეტრი იყო. მალინგსმა დაძაბულ ფინიშში გამოსტაცა გამარჯვება გაის. ამ დუეტმა ერთნაირი დრო აჩვენა - 10,26, რაც თანამედროვე სპრინტისთვის სასაცილო შედეგია.წინა ამერიკულ ეტაპზე განცდილი მარცხის შემდეგ წლევანდელ სერიაში პირველ გამარჯვებას მიაღწია ჯერემი უორინერმა, რომელმაც 400 მეტრის ფინიშზე გაუსწრო ჯერმეინ გონსალესს. ცნობილმა სპორტსმენმა-ამპუტანტმა ოსკარ პისტორიუსმა ამ გარბენში ღირსეული მეხუთე ადგილი დაიკავა.ქალებს შორის რბენის დისციპლინებში საინტერესო შემადგენლობა იყო 200 მეტრ დისტანციაზე. ფავორიტ ელისონ ფელიქსს შეუერთდნენ კარმელიტა ჯეტერი და შელი-ენ ფრეზერი. იამაიკელმა მორბენალმა ბოლო ადგილი დაიკავა, კარმელიტამაც ჩააგდო ეს ეტაპი და მხოლოდ მეოთხეზე გავიდა, საუკეთესო კი ფელიქსი იყო, ოღონდ "ბრილიანტის ლიგის" საერთო ჩათვლაში ის აგებს ბიანკა ნაიტთან. ეს უკანასკნელი ნიუ იორკში მეორე მივიდა ფინიშთან.შემდეგი ეტაპი 20 ივნისს ლოზანაში გაიმართება, უფრო ადრე (18-19 ივნისი) სტოკჰოლმში ევროპის გუნდური ჩემპიონატია დაგეგმილი.VI ეტაპი. ნიუ იორკი (აშშ)კაცები100 მ. 1. სტივ მალინგსი (იამ) - 10,26; 2. ტაისონ გაი (აშშ) - 10,26; 3. კესტონ ბლედმანი (ტრინ) - 10,33; 400 მ. 1. ჯერემი უორინერი (აშშ) - 45,13; 2. ჯერმეინ გონსლესი (იამ) - 45,16; 3. რონდეო ბარტოლომიუ (გრენ) - 45,17; 800 მ. 1. ალფრედ კირვა იეგო (კენ) - 1.46,57; 2. მბულაენი მულაუძი (ს. აფრ) - 1.46,68; 3. ბოაზ ლალანგი (კენ) - 1.46,75; 5000 მ. 1. დეიენ გებრემესკელი (ეთი) - 13.05,22; 2. ბერნარდ ლაგატი (აშშ) - 13.05,46; 3. ტარიკუ ბეკელი (ეთი) - 13.06,06; სამხტომი. 1. ფილიპს აიდუო (ბრიტ) - 16,61; 2. კრისტიან ოლსონი (შვედ) - 16,29; 3. მარიან ოპრეა (რუმ) - 16,03.ქალები200 მ. 1. ელისონ ფელიქსი (აშშ) - 22,92; 2. ბიანკა ნაითი (აშშ) - 22,96; 3. გალონდა სოლომონი (აშშ) - 23,03; 100 მ/თარჯრბენი. 1. დანიელა კარატერსი (აშშ) - 13,04; 2. კელი უელსი (აშშ) - 13,06; 3. ტიფანი ოფილი-პორტერი (ბრიტ) - 13,11; სიმაღლეზე ხტომა. 1. ემა გრინ-ტრეგარო (შვედ) - 1,94; 2. ბლანკა ვლასიჩი (ხორ) - 1,90; 3. შირი ფრენსისი (იამ) - 1,82; სიგრძეზე ხტომა. 1. ფუნმი ჯიმო (აშშ) - 6,48; 2. ჯანეი დელოაჰი (აშშ) - 6,41; 3. ბრიტნი რიზი (აშშ) - 6,35.

"სასქესო ორგანო გაჩვენოთ?" - ოლიმპიური ჩემპიონის სქესში ეჭვი შეიტანეს [PHOTO]

ვიქტორ სანეევის სახელობის ღია პირველობა

"თავმდაბლობას არ დავიწყებ, ვიცი, რომ წელსაც მეკუთვნოდა..." - ინტერვიუ ლაშა ტალახაძესთან

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა

მორიგი გუნდი 58 წლის ასაკში - კაზუიოში მიურა პროფესიონალური ფეხბურთის თამაშს აგრძელებს

დე ლაურენტისი: კონტეში ეჭვი გეპარებოდათ?

ხვიჩა მწვრთნელს უსმენს - იმიჯის გამყარება და ის, რაზეც სამუშაოა...