- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ბაიერნი", "იუვენტუსი", "მილანი"... რომელი ვარიანტია საუკეთესო ხვიჩასთვის?
<p>საქართველოს ნაკრებისა და ყაზანის "რუბინის" ლიდერი ხვიჩა კვარაცხელია რუსეთის პრემიერლიგის დატოვებასთან ძალიან ახლოსაა. ფეხბურთელით ევროპული გრანდები: "ბაიერნი", "იუვენტუსი", "მილანი", ახლა უკვე "ინტერი" და "ატალანტა" ინტერესდებიან. ჩამონათვალში ასევე "დორტმუნდს", "ლიდს იუნაიტედსა" და "გლადბახსაც" შეხვდებით.</p><p>ხვიჩას შესაძლო ტრანსფერზე ინფორმაციები დასავლურ მედიაში სისტემატურად ვრცელდება, Transfermarkt-ის გვერდზე ერთ დღეს კი ყველაზე მეტად ძებნადი ფეხბურთელიც გახლდათ. ქართველმა ვუნდერკინდმა ერლინ ჰოლანი და ლიონელ მესი ჩამოიტოვა.</p><p>გავრცელებული ინფორმაციები ხვიჩას შესაძლო ტრანსფერთან დაკავშირებით დღითი დღე უფრო და უფრო რეალური ხდება. "რუბინის" გენერალურ დირექტორს, რუსტემ საიმანოვს, ქართველი ტალანტის საკუთარ გუნდში, როგორც მინიმუმ, კიდევ 1 სეზონით შენარჩუნება სურს, თუმცა, მეორე მხრივ, ყაზანელები ევროპის ერთ-ერთ საუკეთესო კლუბებთან მოლაპარაკებებს უკვე მართავენ. ახალგაზრდა ტალანტისთვის ყაზანურმა კლუბმა თავდაპირველად 15 მილიონი ევრო მოითხოვა, რამდენიმე დღის წინ კი სატრანსფერო ღირებულება 30 მილიონ ევრომდე გაზარდეს, თუმცა მოლაპარაკების შემდეგ შეიძლება თანხამ იმატოს ან იკლოს კიდეც.</p><p>"რუბინი" ორიენტირებულია პერსპექტიული მოთამაშეების ევროპაში გაყიდვაზე, რადგან რუსეთის ჩემპიონატიდან თითოოროლა გუნდია, რომლებსაც ხვიჩასთვის მოთხოვნილი თანხის გადახდა შეუძლიათ.</p><p><strong>"ბაიერნი" - ტრანსფერი ზრდისთვის</strong></p><p>მანამ, სანამ კვარაცხელია რუსეთის პრემიერლიგას მიაშურებდა, მოლაპარაკებებს "რეკორდმაისტერთან" აწარმოებდა, თუმცა გერმანული კლუბის სპორტულმა დირექტორმა ჰასან სალიჰამიჯიჩმა საბოლოოდ უარი განაცხადა. "ბაიერნმა" მაშინ ხვიჩაზე უარი თქვა, ამის მიზეზი კი ის გახლდათ, რომ საქართველოს ჩემპიონატიდან ქართველს თავი ჯერ სხვა ლიგაში უკეთ უნდა წარმოეჩინა.</p><p>3 წლის შემდეგ გერმანული გუნდი კვარაცხელიას მიუბრუნდა და მოლაპარაკებები ხელმეორედ დაიწყო. ხვიჩას არაერთხელ უთქვამს, რომ მისთვის საოცნებო გუნდი "ბაიერნი" და "რეალი" გახლავთ.</p><p>თუმცა გერმანული პრესა კვარაცხელიას ტრანსფერს სკეპტიკურად უყურებს. ერთი მხრივ, "რეკორდმაისტერს" ახალი ფლანგის შემტევის შეძენა არ აწყენს, რადგან მიმდინარე სეზონის დასრულებისთანავე ბრაზილიელ დუგლას კოშტასთან იჯარის ხელშეკრულებას ვადა გაუვა და "იუვენტუსში" გადაბარგდება.</p><p>მეორე მხრივ, ხვიჩას გამოცდილება აკლია და კინგსლი კომანთან, სერჟ გნაბრისა და ლეროი სანესთან კონკურენცია გაუჭირდება. შესაძლოა ხვიჩას ბევრად დიდი ტალანტი ჰქონდეს, თუმცა ევროპის ტოპ 5 ლიგაში თავი ჯერ არ გამოუჩენია, რის გამოც "ბაიერნის" ხელმძღვანელობამ შესაძლებელია ისეთი ფეხბურთელის დამატება არჩიოს, რომელიც წამყვან ლიგაში თამაშობს და ამასთან, ასევე ბევრად გამოცდილი და შედეგიანია.</p><p><p><p>თუ სალიჰამიჯიჩი ქართველის შეძენას გადაწყვეტს, დიდი ალბათობით, "რუბინში" იჯარის წესით კიდევ 1 წლით დატოვებს, ან შესაძლოა, ბუნდესლიგის რომელიმე გუნდში გაანათხოვროს. თუ ტრანსფერი განხორციელდა და გუნდში დაიტოვეს, არ არის გამორიცხული, მცირე სათამაშო დრო მიეცეს, რაც მისასალმებელი არ არის.</p></p></p><p><strong>"დორტმუნდი" - ოქროს ახალგაზრდებთან ერთად</strong></p><p>ბორუსიელთა გუნდი "რეკორდმაისტერთან" შედარებით უკეთეს ვარიანტად ჩანს, თუმცა პრესა მის შესაძლო ყიდვაზე გაცილებით ნაკლებს წერს. "დორტმუნდის" სამწვრთნელო შტაბი ახალგაზრდა ტალანტებთან შესანიშნავად მუშაობს, უცხადებენ ნდობას და თამაშისთვის სოლიდურ დროსაც აძლევენ, მაგრამ აღსანიშნავი ერთი ფაქტია, ბორუსიელთათვის ხვიჩა უკვე ზრდასრულია, რადგან "ყვითლების" რიგებში 18 წლის ჯოვანი რეინა, 17 წლის ჯუდ ბელინგემი და 16 წლის იუსეფ მუკოკო ირიცხებიან, მათ ფონზე კი თანამედროვე ფეხბურთის ვარსკვლავი ერლინ ჰოლანი ვეტერან მოთამაშედ მიიჩნევა.</p><p>ახალგაზრდების გარდა, "დორტმუნდის" რიგებში მარკო როისი, ჯეიდონ სანჩო და ტორგან აზარი ირიცხებიან, რომლებიც იმავე პოზიციას იკავებენ, რომელსაც ხვიჩა.</p><p>თუმცა ბორუსიელთა ფილოსოფია კვარაცხელიას შეეფერება - ქართველის ტექნიკა, სისწრაფე, ქარიზმა, ეს ის შემადგენელი კომპონენტებია, რომლებიც დორტმუნდელთა რიგებში სათამაშოდაა საჭირო. თუმცა მხოლოდ შეტევითი ფაზაც არაა საჭირო, რადგან თანამედროვე ფეხბურთის ერთ-ერთი მთავარი კომპონენტი პრესინგის თამაშია. ხვიჩას არც აქ უჭირს, რასაც "რუბინის" ამჟამინდელი მწვრთნელი ლეონიდ სლუცკიც ადასტურებს: "ქართველი ბალერინა-დრიბლიორი ნამდვილად არ არის".</p><p><strong>სერია A - ჩვეული მარშრუტი (რუსეთიდან იტალიის ჩემპიონატში)</strong></p><p><p><p>ჟურნალისტი ნობელ არუსტამიანი თამამად აცხადებს, რომ ხვიჩას აგენტს, მამუკა ჯუღელს, იტალიის სერია A-ს გრანდები: "მილანის", "იუვენტუსისა" და "ნაპოლის" წარმომადგენლები დაუკავშირდნენ, ამ დროისთვის კი სიტუიაციას აკვირდებიან. რუსეთის პრემიერლიგის მოთამაშეები იტალიის სერია A-ში გადადიან, მაგალითად, მირანჩუნი და კოკორინი... თუმცა აპენინის ნახევარკუნძულზე კარიერა ვერცერთმა ვერ აიწყო.</p></p></p><p>"ბებერი ქალბატონის" რიგებში ქართველი შემტევის წარმოდგენა რთულია. მართალია, ანდრეა პირლო გუნდის გაახალგაზრდავებას ცდილობს, რითაც გუნდს უფრო მეტად შემტევს გახდის, ამ მხრივ კი კვარაცხელიას ტურინში გადაბარგება კარგია, თუმცა აღსანიშნავი ერთი ფაქტია: იტალიის სერია A-სა და განსაკუთრებით, წამყვან გუნდებში თავის დამკვიდრება ძალიან რთულია. ამის კარგი მაგალითი ალექსეი მირანჩუკია, მიუხედავად მისი ჭკვიანური თამაშის სტილისა და შესაძლებლობისა, "ატალანტასა" და გასპერინის სისტემაში თავი ჯერ კიდევ ვერ დაიმკვიდრა და ეს მიუხედავად იმისა, რომ რუსი ფეხბურთელი უკვე 7 თვეა ბერგამოელთა რიგებში ირიცხება.</p><p>პრესა "მილანის" გუნდზე უფრო მეტს წერს, ვიდრე თუნდაც "ნაპოლისა" და "იუვენტუსზე". "შავ-წითლებს" ხვიჩა ძალიან მოუხდებოდა და მეტიც, "როსონერის" შემტევებს დიდ კონკურენციასაც გაუწევდა. სტეფანო პიოლის ფილოსოფიიდან გამომდინარე, კვარაცხელიას მსგავსი სტილის ფეხბურთელი მილანელებს ნამდვილად დაამშვენებდათ, კარგ დრიბლიორს ამ გუნდში ძალიან აფასებენ. მეტიც, "მილანი" თამაშში შესრულებული დრიბლინგით იტალიის სერია A-ში მე-3 ადგილზეა. თუმცა ისიც სათქმელია, რომ "იუვენტუსს" ხვიჩას შეძენა რეალურად სურს და სატრანსფერო თანხაც დაასახელა (20 მილიონი ევრო), მაგრამ ალბათ შემტევისთვის "ბებერი ქალბატონი" მთლად იდეალური ვარიანტი არაა, რადგან ევროპაში თავის დასამკვიდრებლად სჯობს მეტი ითამაშოს, ხოლო შემდეგ შევიდეს კონკურენციაში.</p><p><strong>პრემიერლიგაში მოასპარეზე "ლიდსში"?</p><p></strong>"ლიდს იუნაიტედი" 34 ტურის შემდეგ ინგლისის პრემიერლიგაში მე-11 ადგილზეა, გატანილი და გაშვებული ბურთები კი 50-52 გახლავთ, რაც იმაზე მეტყველებს, რომ ეს გუნდი ლაღ და შემტევ ფეხბურთს თამაშობს, არ ერიდება შეტევას და მაღალ სისწრაფეს. გუნდის სათამაშო ტაქტიკა 4-1-4-1 გახლავთ, მარცხენა ფლანგიდან კი ჰელდერ კოშტა (მარჯვენა ფრთიდანაც შეუძლია თამაში) და ჯეკ ჯარისონი თამაშობენ. ჰელდერს მიმდინარე სეზონში 3 გოლი და ამდენივე ასისტი აქვს დაგროვებული, ჯეკს კი - 7 გოლი და 6 ასისტი. რეალურად, ჰარისონის შედეგი საკმაოდ მსუყეა, რადგან მონაწილეობა 13 გოლში მიიღო, თუმცა, "ბაიერნისგან" განსხვავებით, ხვიჩა ამ სქემაში მარტივად ჩაჯდება. ამას დამატებული, გულშემატკივრებს ქართველი შემტევის დამატება სურთ და სხვადასხვა სახალისო კომენტარსაც ვკითხულობთ.</p><p><strong>და იქნებ დარჩეს?</strong></p><p>შესაძლო ტრანსფერთან ერთად ისიც განიხილება, რომ ხვიჩა რუსეთის ჩემპიონატში დარჩეს. შესაძლოა, ევროპული გუნდების ინტერესი პრესამ გააბუქა და არცერთმა კლუბმა კვარაცხელია პრიორიტეტად არ ჩათვალოს და მეტიც, არც კი შეიძინონ. ამ შემთხვევაში "რუბინს" შეიძლება შეთავაზება სანკტ-პეტერბურგის მდიდარმა კლუბმა "ზენიტმა" გაუკეთოს, რომლის წარმომადგენელმაც უკვე განაცხადა, რომ ხვიჩათი დაინტერესდნენ და მომდევნო სეზონში ჩემპიონთა ლიგაზე მისი დახმარებით სურთ ითამაშონ. თუმცა თვითონ ხვიჩა თავისი ევროპული ამბიციით, ძნელი წარმოსადგენია, რომ "ზენიტის" რიგებში ვიხილოთ. ფეხბურთელი ან გადავა ევროპაში, ან დარჩება ლეონიდ სლუცკისთან, სანამ დასავლეთისთვის კიდევ უფრო მეტად არ გახდება მოთხოვნადი.</p><p>ყველაფერს რომ თავი დავანებოთ, ყაზანელებს კარგი შანსი აქვთ, ევროპის ლიგასა და მეტიც, ჩემპიონთა ლიგის საგზურიც რომ მოიპოვონ. ეს უკანასკნელი ცოტა რთულია, მაგრამ არა გამორიცხული. 28 ტურის შემდეგ "რუბინი" 49 ქულით მე-4 ადგილს იკავებს. ამრიგად, 8 მაისს "ტულასთან" დაპირისპირებაში ბევრი რამ გაირკვევა. ლეონიდ სლუცკის შეგირდებს ამ შეხვედრის მოგება "სასიცოცხლოდ" სჭირდებათ.</p><p>საბოლოოდ, ხვიჩას კარგი თამაში ევროპაში უკვე კარგადაა ცნობილი. როგორც ზემოთ აღვნიშნე, მისით არაერთი ევროპული გრანდი ინტერესდება, თუმცა ახლა საჭიროა სწორი გათვლა, რადგან ახალგაზრდა ფეხბურთელს მუდმივი პრაქტიკა სჭირდება, რათა საკუთარი თამაშის დონე უფრო მაღლა ასწიოს და პოტენციალი მეტად გამოავლინოს.</p><p><strong>წყარო: sportbox</p><p></strong> <p><br></p>
-
ფეხბურთი
ხვიჩას დონის ტალანტები არ გადადიან დორტმუნდში. დორტმუნდიდან მიდიან უკვე ხვიჩას დონეზე მდგარი ფეხბურთელები დიდ კლუბებში. ამიტომ სულაც არ ვფიქრობ დორტმუნდი იყოს ოპტიმალური ხვიჩასთვის, უფრო დიდ გუნდს ვურჩევდი. კონკურენცია არის ყველგან , დორტმუნდშიც, იუვენტუსშიც და წყალტუბოს სამგურალში, ამიტომ სჯობს იუვენტუსში , მილანში და ბავარიაში იბრძოლოსს დასამკვიდრებლად, ვიდრე დორტმუნდში.
-
Levani
ხვიჩაზე ერთიც გაითვალისწინეთ-რუბინში ამწყობები არა ყავს.გინდურად ვერ უტევს რუბინი-ინდივიდუალობის გარდა რაც შეუძლია მეორე ფლანგზე მაკაროვს გადაუტანოს,ან ცენტრში შევიდეს და ცენტრიდან მოძებნოს მაკაროვი,დესპოტი სულ აყვანილია წინ.. კორეელი უწყობდა ადრე კარგად,მაგრამ კორონას მერე ახლა შედის ის ფორმაში.. ხვიჩა ძლიერ გუნდში რომელიც უმეტესად უტევს უფრო გაიხსნება
-
მამუკა
ყველაზე იდეალური გუნდი ჩემის აზრით არის ატალანტა, იტალიაში ყველაზე შემტევ ფეხბურთს თამაშობს თან ჩემპიონთა ლიგაზეც გამოდის და რეალურად ხვიჩას სათამაშო დრო უფრო მეტი ექნება ვიდრე სხვა კლუბში, მშვენიერი გუნდია სატრამპლინოდ გრანდში გადასასვლელად. ეხლავე რომ ტოპ გუნდში წავიდეს დიდი ალბათობით ძალიან მცირე დრო ექნება ძირითადში ან სულაც გაანათხოვრებენ იჯარით დაბალი დონის გუნდში
-
დიმა
ვერც ერთში ვერ მოხვდება ვის უნდა სანაძლეო
-
zura
დაანებეთ ამ ბიჭს თავი, რა ბაიერნი და რა მილანი, ჭორაობაა კონკრეტული წინადადებით არავის მიუმართავს რუბინისთვის და მორჩით ამ უაზრო წერას ტვინი წაიღეთ.
-
აბა ბიჯო
რუისელო ბიჭო არ დაბლოკო... კვარა ისეთი სტილის ტექნიკურია მასეთი მსოფლიოში არაა მაგ ასაკის, მარტო ის ვიფიქროთ რო არ დაგვიმტვრიონ რო მისი ლამაზი ფინტები ვნახოთ
-
დინამო 72
ის ვარიანტია კარგი რომელშიც თარსი აზრი და თვალი არ ჩაერევა და ამდენს არ დაწერს.აცალეთ ვანაგსავით მარჩიელობას დაიცადეთ და რაც იქნება გამოჩნდება.საუკეთესო სკაუტები აკვირდებიან და კლუბებმა თქვენზე უკეთ იცის რა არის საჭირო რომ არ ვთქვათ თავად ჯუღელზე და კვარაცხელიაზე.
-
ფეხბურთი
ვფიქრობ რომ იუვენტუსი ყველაზე ოპტიმალური იქნება კვარასთვის.მილანში სულ არეული ვითარებაა, ბაიერნი კარგი ვარიანტია, მაგრამ იტალიის ჩემპიონატი ბევრად უკეთესია კვარასთვის, რადგან მცველებთან დაპირისპირება ბევრად რთულია იტალიაში, რაც თავდამსხმელს ხელს უწყობს ჩამოყალიბებაში.
-
დ
ბაიერნიიიიიიიიიიი!!! ვილი, მიდი რა, გაჩარხე ეს ტრანსფერი, კომანმა რეები აკეთა პსჟ-სთან, ალბათ 50ჯერ დარჩა პირისპირ მეურვესთან და ვერცერთჯერ ვერ გასცდა, კვარა მაგის ადგილას მიხაზ-მოხაზავდა, ბაიერნში თან იციან ერთგულების ფასი, განსხვავებით იგივე რეალისგან, რომელიც ნახმარი ცხვირსახოცივით ისვრის ვეტერანებს, რომლებმაც მთელი კარიერა რეალს შესწირეს. ჩამოთვლას არ დავიწყებ, ყველამ ისედაც ყველაფერი იცის
-
ქ. გ.
მილანი უკვე გადაწყვეტილი ვარიანტია, როგორც ჩანს. თეორიულად კარგი დრიბლიორები ინგლისურ კლუბებში თამაშობენ უფრო ეფექტურ ფეხბურთს. ინგლისურ მცველებს უჭირთ ტექნიკური ფეხბურთელების გაჩერება.
-
რომა
ხვიჩას დორტმუნდი მოუხდება... აზარი არაფერია სანჩოს გაყიდიან უეჭველი.. როისიც ასაკშია. მაგრამ ხვიჩას ადგილი პრემიერ ლიგაშია ლივერპულში არსენალში ან მანჩესტერში...უფრო მანიუში. მაგრად მოუხდება ხვიჩა წითელ ეშმაკებს
-
მიდი გელა!
გორის დილაში!
-
ჟორჟ სამპაიო
,,ტეხავს" ამდენი ორთოგრაფიულ-გრამატიკული შეცდომა.
-
beqa
დორტმუნდი იდეალური იქნება !!! ახალგაზრდებთან შენი ასაკის კონკურენცია გამოგადგება!!
[VIDEO] "კვარა" კუჩხი ბედინერი - ზოგისა ბამბა ჩხრიალებს, ზოგისა - კაკალიც არაო...
უფრო მეტი ფეხბურთელი სჭირდება - ქოჩორაშვილის ახალი მწვრთნელი "სპორტინგის" ხელმძღვანელობას შეუთანხმდა
"ჩაკვეტაძის გაყიდვა არ განიხილება, მაგრამ..." - პოცოებმა "უდინეზე" გაასხვისეს და მთლიანად "უოტფორდზე" გადაერთვნენ
Geo Team: გიორგი ლორია სანაკრებო კარიერას ასრულებს
დრამა იტალიაში - გავარდნილმა "სამპოდორიამ" მომავალ სეზონში კვლავ სერია B-ში იასპარეზოს
"ნაპოლიში" კვარაცხელიას გადამყვანი კრისტიანო ჯუნტოლი "იუვენტუსიდან" გაუშვეს
ევროლიგის მოთამაშეებმა შენგელია ყველაზე პატივსაცემ მოთამაშედ აღიარეს
U21 | რუმინეთი V საქართველო - მატჩისწინა ვარჯიში ფორაუში
ინძაგი "ინტერიდან" "ალ ჰილალში" წავიდა
ნაკრებმა "დინამო არენაზე" ივარჯიშა - გუნდს თავდამსხმელი დაემატა
საქართველოს ნაკრები კვიპროსთან 1:2 დამარცხდა
პსჟ უკრაინელს ყიდულობს, რომელმაც ადრე რუსი საფონოვის გამო თქვა ტრანსფერზე უარი
მიბაძეთ პსჟ-ს - რაღა დროს დე ბრუინია
საბო: მხითარიანი ძლივს დადის - კვარაცხელია ძალიან კარგი ფეხბურთელია
ფეხბურთის მოყვარული მოზარდებისთვის საქართველოში AC Milan Camp Tbilisi იხსნება
დაუფასდა - კვარაცხელიას სატრანსფერო ფასი გაიზარდა და რეკორდული გახდა
შენგელიას "ვირტუსი" უშანსოდ დამარცდა | "მილანომ" ნახევარფინალური სერია გაათანაბრა
"ბარსელონას" ახალი მეკარე ეყოლება - ტერ შტეგენი ტრანსფერზეა
ედინ ჯეკო სავარაუდოდ, კარიერას კვლავ სერია A-ში განაგრძობს
2024 წლის საუკეთესო ქალ სპორტსმენად ეთერ ლიპარტელიანი დაასახელეს
ჩემპიონთა ლიგის ფინალში პსჟ-ისთან განადგურებულ "ინტერს" მწვრთნელად ფაბრეგასს დაუნიშნავენ
"მილანი" ტეოს გაშვებას დასთანხმდა - ფეხბურთელი საუდის არაბეთში გადასვლასთან ერთ ნაბიჯშია
დუემ, კვარაცხელიამ და პსჟ-ის სხვა ფეხბურთელებმა სოციალური ქსელი დაიპყრეს - ლიგის ფინალის შემდეგ ციფრები მნიშვნელოვნად შეიცვალა
"ნაპოლიში" კვარაცხელიას გადამყვანი კრისტიანო ჯუნტოლი "იუვენტუსიდან" გაუშვეს
"ჩემთვის პასუხი აშკარაა" - კვარაცხელია სჯობს თუ კალაძე... ცნობილმა მწვრთნელმა არჩევანი გააკეთა
[VIDEO] დეშამმა პსჟ-ის ფეხბურთელებს ჩემპიონთა ლიგის მოგება მიულოცა - მარკუს ტურამის რეაქცია ინტერნეტს იპყრობს
"ხვიჩა არის ადამიანი, რომელსაც..." - რა თქვა მაკრონმა კვარაცხელიაზე?
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ
დუემ, კვარაცხელიამ და პსჟ-ის სხვა ფეხბურთელებმა სოციალური ქსელი დაიპყრეს - ლიგის ფინალის შემდეგ ციფრები მნიშვნელოვნად შეიცვალა