- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მოდური ვენუსი ფორმაშია
<p>ამერიკელმა ვენუს უილიამსმა ყოველგვარი გართულების გარეშე დაამარცხა უზბეკი აკგულ ამანმურადოვა და მეორე წრეში კიმიკო დანტეს შეხვდება <br> წარმატებით დაიწყო ტიტულის დაცვა ესპანელმა რაფაელ ნადალმა. ამერიკელ მაიკლ რასელთან მატჩში მსოფლიოს პირველ ჩოგანს მხოლოდ პირველ სეტში გაუჭირდა. რასელმა მოულოდნელად ბრეიკი გააკეთა და 4:2 დაწინაურდა. ნადალი დროზე მოეგო გონს - ზედიზედ ექვსი გეიმი აიღო, რითაც პირველი სეტი 6:4 მოიგო და მეორეში 2:0 დაწინაურდა. მეორე სეტში ნადალის ანგარიშზე სამი ბრეიკი იყო, მესამეში - ორი.</p><p>შემდეგ წრეში რაფაელი კიდევ ერთ ამერიკელ რაიან სვიტინგს შეხვდება, მესამე რაუნდში კი მისი სავარაუდო მეტოქე უნდა იყოს კანადელი მილოშ რაონიჩი, რომელმაც გუშინ შესანიშნავი თამაში აჩვენა ფრანგი მარკ ჟიკელის წინაღმდეგ. რაონიჩმა 25 ეისი ჩააწოდა და ამასთან, არც ერთი ორმაგი შეცდომა არ დაუშვია. შედეგად, მილოშმა საათსა და 36 წუთში 6:3, 7:6, 6:3 მოუგო ვეტერან ჟიკელს.</p><p>ფინალში ნადალის შარშანდელმა მეტოქემ კიდევ უფრო იოლად გაიარა იტალიელი ფილიპო ვოლანდრის ბარიერი. აპენინელმა სამ სეტში ჯამში მხოლოდ ხუთი გეიმის აღება შეძლო. ჩეხმა თითო პარტიაში ორ-ორი ბრეიკი აიღო, ჯამში 32 "ვინერსი" დააგროვა და 13 მატჩიდან მეთორმეტედ დაამარცხა იტალიელი.</p><p>გუშინდელი დღის სრულფასოვნად ჩატარება არ მოხერხდა - წვიმის გამო გადაიდო 31 მატჩი, აქედან 16 შეხვედრა მიმდინარეობდა, 15 კი ჯერ დაწყებულიც არ იყო. გვიან ერთადერთი მატჩი გაიმართა - მოძრავი სახურავით გადახურულ ცენტრალურ კორტზე ბრიტანელი ენდი მიურეი და ესპანელი დანიელ ხიმენო-ტრავერო არკვევდნენ ურთიერთობას. მასპინძელთა მთავარმა იმედმა ოდნავ ანერვიულა გულშემატკივარი, როცა პირველი სეტი 4:6 წააგო, მაგრამ შემდეგი პარტია 6:3 მოიგო, მესამეში და მეოთხეში კი ერთნაირი ანგარიშით - 6:0 გაიმარჯვა.</p><p>სინოპტიკოსების პროგნოზით, დღეს უიმბლდონზე მშრალი და თბილი ამინდია მოსალოდნელი.</p><p>* * *</p><p>ქალებს შორის გუშინ გაცილებით საინტერესო ბრძოლები ვიხილეთ და ამიტომაც მათ ბატალიებზე უფრო მეტხანს შევჩერდებით.</p><p>პირველი ქალი ჩოგბურთელი, ვინც მეორე წრეში გავიდა, 40 წლის იაპონელი ვეტერანი კიმიკო დატე იყო. მან თითქმის უპრობლემოდ დაამარცხა ბრიტანელი კეტი ო'ბრაიენი - 6:0, 7:5.</p><p>საგულისხმოა ერთი მომენტი - დატემ 15-წლიანი (!) შესვენების შემდეგ მოიგო უიმბლდონზე მატჩი. 1996 წელს მან მეოთხედფინალში დაამარცხა ფრანგი მარი პირსი, ნახევარფინალში კი ლეგენდარულ გერმანელ შტეფი გრაფს შეხვდა და სამსეტიან ბრძოლაში წააგო ფინალში გასასვლელი შეხვედრა - 2:6, 6:2, 3:6.</p><p>"რა თქმა უნდა, მახსოვს 1996 წელი, როცა ცენტრალურ კორტზე შტეფი გრაფს ვხვდებოდი. მატჩი ორ დღეს გაიწელა, რადგან სიბნელის გამო არ მოხერხდა შეხვედრის დასრულება. ის მატჩი არასოდეს დამავიწყდება. 15 წლის შემდეგ ისევ მოვიგე უიმბლდონზე და ესეც დასამახსოვრებელი მომენტი იქნება ჩემთვის", - განაცხადა გუშინდელი მატჩის შემდეგ იაპონელმა.</p><p>40 წლისა და ცხრა თვის დატე ხანდაზმულობით მესამე მოთამაშეა, ვინც უიმბლდონზე მატჩი მოიგო. აბსოლუტური რეკორდის დამხობა მას არ გამოუვა, რადგან ლეგენდარულ ამერიკელ მარტინა ნავარატილოვას უიმბლდონზე 47 წლის ასაკში აქვს მოგებული შეხვედრა.</p><p>შემდეგ წრეში კიმიკო ვენუს უილიამსს შეხვდება. ეს ამ ჩოგბურთელების პირველი დაპირისპირება იქნება.</p><p>ამერიკელმა ყოველგვარი გართულების გარეშე დაამარცხა უზბეკი აკგულ ამანმურადოვა. უფროსმა უილიამსმა მეტოქისთვის მხოლოდ ოთხი გეიმი გაიმეტა. მეორე კორტზე გამართული მატჩი 59 წუთი გაგრძელდა. ვენუსმა ოთხი ეისი ჩააწოდა და მხოლოდ ხუთი უნებლიე შეცდომა დაუშვა, თანაც ყველა პირველ სეტში.</p><p>დღის ერთ-ერთი ცენტრალური მატჩი იყო როლან გაროსის შარშანდელი ჩემპიონის ფრანჩესკა სკიავონესა და ავსტრალიელი ელენა დოკიჩის დუელი. ამ უკანასკნელს 2000 წელს უიმბლდონის ნახევარფინალში აქვს ნათამაშები, თუმცა ლონდონის კორტებზე 2003 წლის შემდეგ არ გაემარჯვა. ნავსი მან ვერც ამჯერად გატეხა, არადა, უიმბლდონს კარგ ფორმაში შეხვდა, რისი დამადასტურებელიცაა გასულ კვირას ჰერტოგენბოშის ტურნირის ფინალში გასვლა.</p><p>ბრძოლა ორ საათსა და 5 წუთს გაგრძელდა. მესამე სეტში სკიავონემ გადამწყვეტი ბრეიკი 4:3-ზე გააკეთა, თუმცა დოკიჩმა ნაადრევად დანებება არ ისურვა და მომდევნო გეიმში ოთხი ბრეიკ-პოინტი მიიღო, თუმცა ფრანჩესკამ ოთხივე მოიგერია და მაინც შეძლო მატჩზე ჩაწოდება.</p><p>აღსანიშნავია, რომ სკიავონეს აქამდე სამიდან სამი მატჩი ჰქონდა წაგებული დოკიჩთან.</p><p>არც ისე დამაჯერებელი სტარტი გამოუვიდა შარშანდელ ფინალისტს ვერა ზვონარევას. მეორე ნომრად განთესილმა რუსმა ერთი სეტი დათმო მსოფლიოს 115-ე ნომერ ალისონ რისკესთან. 20 წლის ამერიკელი მესამე პარტიაშიც კარგა ხანი ებრძოდა ფავორიტს, მაგრამ 3:4-ზე საკუთარი მოწოდება დათმო, შემდეგ კი ზვონარევამ მატჩზე "მშრალი" ანგარიშით ჩააწოდა.</p><p>ასევე სეტი წააგო კიდევ ერთმა რუსმა ფავორიტმა სვეტლანა კუზნეცოვამ, არადა, მასაც არ ჰყოლია ერთი შეხედვით რთული მეტოქე. მსოფლიოს 83-ე ჩოგანმა შუაი ჟანგმა პარტიებში ანგარიში წაიყვანა, მაგრამ მომდევნო ორ სეტში კუზნეცოვამ ორჯერ წაიყვანა ანგარიში - 3:0 და შემდეგ უპრობლემოდ მიიყვანა საქმე გამარჯვებამდე.</p><p>კაცები</p><p>I წრე</p><p>რაფაელ ნადალი (ესპ, 1)-მაიკლ რასელი (აშშ) 6:4, 6:2, 6:2; რაიან სვიტინგი (აშშ)-პაბლო ანდუხარი (ესპ) 3:6, 4:6, 6:1, 7:6(1), 6:1; ჟილ მიულერი (ლუქ)-ტომი ჰაასი (გერ) 7:6(5), 7:6(3), 3:6, 6:3; მილან რაონიჩი (კან, 31)-მარკ ჟიკელი (საფ) 6:3, 7:6(3), 6:3; დუდი სელა (ისრ)-ფრედერიკო ჟილი (პორ) 6:4, 6:1, 6:4; მარდი ფიში (აშშ, 10)-მარსელ გრანოლერსი (ესპ) 7:6(3), 7:6(5), 6:4; დენის ისტომინი (უზბ)-ფილიპ კოლშრაიბერი (გერ) 4:6, 6:3, 6:3, 6:3; ალექს ბოგომოლოვი (აშშ)-დონალდ იანგი (აშშ) 7:5, 4:6, 6:3, 6:1; ჟულიან ბენეტო (საფ)-რუბენ ბემელმანსი (ბელ) 6:4, 6:2, 3:6, 4:6, 6:1; ტომას ბერდიხი (ჩეხ, 6)-ფილიპო ვოლანდრი (იტა) 6:2, 6:2, 6:1; ენდი მიურეი (ბრიტ, 4)-დანიელ ხიმენო ტრავერო (ესპ) 4:6, 6:3, 6:0, 6:0; რიშარ გასკე (საფ, 17)-სანტიაგო ხირალდო (კოლ) 7:5, 6:3, 7:6; იგორ კუნიცინი (რუს)-იგორ სისლინგი (ჰოლ) 6:3, 6:4, 6:2; სიმონე ბოლელი (იტა)-მარტინ ფიშერი (ავსტრია) 7:5, 6:4, 6:4; სტანისლას ვავრინკა (შვეიც, 14)-პოტიტო სტარაჩე (იტა) 6:3, 6:4, 6:4; გაელ მონფილსი (საფ, 9)-მატიას ბახინგერი (გერ) 6:4, 7:6, 6:3; გრეგა ჟემლია (სლოვენ)-ლუკაშ ლაჩკო (სლოვაკ) 6:4, 3:6, 7:6, 6:4; რაინერ შუტლერი (გერ)-ტომაშ ბელუჩი (ბრა, 30) 7:6, 6:4, 6:2; ფელისიანო ლოპესი (ესპ)-მიხაელ ბერერი (გერ) 6:4, 7:5, 6:3.</p><p>ქალები</p><p>I წრე</p><p>ფრანჩესკა სკიავონე (იტა, 6)-ელენა დოკიჩი (ავსტრა) 6:4, 1:6, 6:3; კრსიტინა მაკჰეილი (აშშ)-ეკატერინა მაკაროვა (რუს, 28) 2:6, 6:1, 8:6; ქსენია პერვაკი (რუს)-შაარ პეერი (ისრ, 22) 5:7, 6:4, 6:4; პოლინ პარმენტიე (საფ)-სორანა კირსტეა (რუმ) 6:1, 6:3; სარა ერანი (იტა)-კაია კანეპი (იტა, 17) 6:1, 6:4; იანინა ვიკმაიერი (ბელ, 19)-ვარვარა ლეპჩენკო (აშშ) 7:5, 6:3; ანა ტატიშვილი (საქ)-ანასტასია პივოვაროვა (რუს) 3:6, 6:2, 6:3; ალექსანდრა დულგერუ (რუმ)-ჯილ კრეიბასი (აშშ) 6:2, 6:4; სვეტლანა კუზნეცოვა (რუს, 12)-შუაი პენგი (ჩინ) 3:6, 6:3, 6:4; მონაკა ნიკულესკუ (რუმ)-სიბილ ბამერი (ავსტრია) 6:1, 6:1; კიმიკო დატე (იაპ)-კეტი ო'ბრაიენი (ბრიტ) 6:0, 7:5; ვენუს უილიამსი (აშშ, 23)-აკგულ ამანმურადოვა (უზბ) 6:3, 6:1; ელენა ვესნინა (რუს)-ლაურა პოუს ტიო (ესპ) 6:4, 6:3; ვერა ზვონარევა (რუს, 2)-ელისონ რისკე (აშშ) 6:0, 3:6, 6:3.</p><p><strong>ყოველდღიური სპორტული გაზეთი "ლელო"</strong></p>
თრილერი ცინცინატიზე - საბალენკამ რადუკანუ დაამარცხა
ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია
სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
როგორ ფორმაში ხვდება ხვიჩა სანაკრებო მატჩებს - ბარკოლას მარცხნივ ურჩევნია...
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა