ბათუმის "დინამომ" თითქმის მოგებული მატჩი წააგო [VIDEO]

კონფერენს ლიგის მესამე საკვალიფიკაციო ეტაპის პირველ მატჩში ბათუმის "დინამო" საკუთარ მოედანზე "სივასპორთან" 1:2 დამარცხდა.თამაში მასპინძლებმა აქტიურად დაიწყეს, ჯოვინო ფლამარიონი მეტოქის დაცვის მარჯვენა ფლანგზე სივრცეებს პოულობდა და კარის აღებას ცენტრისკენ შესვლით ცდილობდა. ასეთი ეპიზოდი ორჯერ იყო, თუმცა ბათუმელთათვის შედეგის მომტანი არ ყოფილა. ერთხელ საჯარიმოში არეულობის შემდეგ კართან ახლოს მდგომმა გიული მანჯგალაძემ დარტყმა ვერ მოახერხა.ამის შემდეგ სახიფათო მომენტი "დინამოს" კართან" შეიქმნა - მე-13 წუთზე სეფა ილმაზმა საჯარიმოში ბურთი კარგად ვერ მიიღო და ხიფათი განიმუხტა. დაახლოებით 25-ე წუთისთვის სტუმრებმა ბურთზე კონტროლი დაამყარეს და რამდენჯერმე მრავალსვლიანი კომბინაციაც შემოგვთავაზეს.33-ე წუთზე სტანდარტული მდგომარეობიდან გათამაშებული კომბინაციის შემდეგ კარში ალექსანდრ აზაცკი ურტყამდა. ბათუმის "დინამოს" მცველი კუთხურს ითხოვდა, თუმცა ირფან პელიტომ სხვა გადაწყვეტილება მიიღო. მე-40 წუთზე ჯაბა ჯიღაურმა საჯარიმოში შესვლა ცრუ მოძრაობით სცადა, მაგრამ მიზანს ვერ მიაღწია. ტაიმის ბოლოს მუსტაფა იატაბარემ უხეიროდ დაარტყა და გუნდები შესვენებაზე არც ისე მცირე შელაპარაკებით გავიდნენ.შეტევის გასაძლიერებლად შესვენების შემდეგ ბათუმელთა მწვრთნელმა გია გეგუჩაძემ მანჯგალაძის ნაცვლად მოედანზე ფანცულაია შეუშვა. 48-ე წუთზე ფლამარიონი საჯარიმოსთან წააქციეს, მამუჩაშვილის მიერ შესრულებულ სტანდარტს კი მეკარე ვურალი იოლად დაეუფლა. სტუმრებმა უხეშობას უმატეს და ამაზე ტრიბუნები აქტიურად რეაგირებდნენ. 51-ე წუთზე ბათუმელები ირაკლი აზაროვის მშვენიერმა ვარდნამ იხსნა, თორემ იატაბარე სახიფათოდ ურტყამდა. 54-ე წუთზე კი ფლამარიონი საჯარიმოს სიახლოვეს წააქციეს და საჯარიმოდან მამუჩაშვილმა ანგარიში გახსნა.სტუმრებს ფლამარიონთან გამკლავება უჭირდათ - მის წინააღმდეგ კორაი ალთინაი საკმაოდ ხშირად უხეშობდა და მსაჯმა გააფრთხილა, თუმცა 29 წლის მცველი მაინც არ დამშვიდებულა. "სივასპორის" მოთამაშეებს რეალური ხიფათის შექმნა ისევ უჭირდათ. შეხვედრის 68-ე წუთზე მოედანზე ვითარება სერიოზულად დაიძაბა და შეხვედრის მთავარ არბიტრს სიტუაციის მართვა უჭირდა. 74-ე წუთზე სტუმრებმა კუთხური ზედიზედ ორჯერ ჩააწოდეს, თუმცა ამას ბათუმელთა კართან ხიფათი არ მოჰყოლია. გოლი კი უწყინარ სიტუაციაში გავუშვით. მარცხენა ფლანგიდან ჩაწოდებული ბურთი კარში თავით შეცვლაზე შესულმა ჯეიმსმა გადაგზავნა - სტუმრებმა კარში პირველივე დარტყმით გოლი გაიტანეს. ანგარიშის გათანაბრების შემდეგ თურქები უფრო ლაღად და თამამად ათამაშდნენ. 83-ე წუთი - ახლად შემოსულმა გაფრინდაშვილმა ფლანგიდან სიტუაცია გაამწვავა, მაგრამ ბურთი კარს ააცილა, ხოლო კომპენსირებულ დროში კაიოდემ კუპატაძის კარი დალაშქრა და ბათუმის "დინამომ" დასანანი მარცხი განიცადა.ამ გუნდების საპასუხო შეხვედრა 12 აგვისტოს სივაში გაიმართება.ბათუმი. „ბათუმი-არენა“დინამო (ბთ) - სივასპორი 1:2გოლები: 1:0 მამუჩაშვილი (54), 1:1 ჯეიმსი (75), 1:2 კაიოდე (90+5)დინამო (ბთ): კუპატაძე, ჩაბრაძე, კობახიძე, აზაცკი, აზაროვი, ტეიდი, ალთუნაშვილი (ნიქაბაძე 90+2), მამუჩაშვილი (შინდაგორიძე 80), მანჯგალაძე (ფანცულაია 46), ჯიღაური (ნავალოვსკი 90+2), ფლამარიონი (გაფრინდაშვილი 79)სივასპორი: ვურალი, ოსმანფაშა, გუტასი, ჩიფტჩი, ალთინაი (ენდალი 76), ოკეჩუკვუ, არსლანი, ფაჯრი (იაიგიტერი 90+7), ილმაზი (ფელიქსი 76), იატაბარე (ჯეიმსი 58), კაიოდე

ემზარ

კუპატაძეს არა! კობახიძე უნდა აყოლოდა თავით მაგრამ დააგვიანა და შორსაც იდგა,….აი ჩაბრაძეს რომ რეაქცია არ ქონდა ეს გამიკვირდა…საერთოდ არც კი გაიბრძოლა…მეორე შემთხვევაშიც კობახიძეს გადაახტა ბურთი….
გიგა

თამაში გეგუჩაძემ წააგო.ბათუმის კაპიტნის (მცველი)სინდისზეა ორივე გოლი.გეგუჩაძემ უნდა იცოდეს, რომ ქართველები პრესინგს 90 წუთი ვერ თამაშობენ.ბატესთან ეს დადასტურდა და იგივე გაიმეორეთ.შეცვლები პირველი გოლის შემდეგ უნდა მომხდარიყო და არა დამთავრებამდე 5 წუთით ადრე.
ლადო

შარშან ლოკომოტივმა კიდევ უფრო უკეთესი ჩემპიონატის დინამო დაიფრინა მოსკოვზე მაქვს საუბარი და მანამდე რუმინეთის მეორე ადგილოსანი კრაიოვა, ნახევარფინალისტ გრანადასთან სტუმრად 2-0 წააგო! ანუ ფეხბურთში მარტო ჩემპიონატის დონე და ფეხბურთელების ფასი არაა გადამწყვეტი! მითუმეტეს ეს სივასპორი საერთოდ არაა ბათუმზე უკეთესი გუნდი! მოეშვნენ დაკარგეს კონცენტრაცია და ეგ იყო! დაცვაში კობახიძე და მეკარე ძალიან სუსტები არიან!
თომა

თურქების პირველ გოლში კუპატაძეს ჩაეძინა.
kote

ყველაფერს მცველებს ნუ დააბრალებთ.გუნდს დროული გადაცემის მიმცემი არ ჰყავს.1-ლი გოლის შემთხვევაში პასი უნდა გაკეთებულიყო ერთი-ორი შეხებით მარცხნივ არგაკეთდა დაიკარგა და მივიღეთ გოლი.საკმარისია დინამო თბილისმა ცენტრი გააძლიეროს ბათუმი ვერ გახდება ჩემპიონი.
სვანსკი

მოდით ჯერ თურქეთის ჩემპიონატს გავუთანაბრდეთ და მერე ვილაპარაკოთ მიღწევებზე. რა შედეგიც დასდეს რატომ არ ვხედავთ? თურქეთშიც რომ წააგონ თანაც დიდი ანგარიშით არც ეგ არის გასაკვირი,რითი აპირებ ბრძოლას?ფანცულაია მუცელს ძლივს დაათრევს,მაგნაირი ფეხბურთელებით?ფული არაა რომ ახალი ფეხბურთელები მოვიწვიოთ,რაც არის ეგაა.თურქეთში ჯოჯოხეთი იქნება.მოგებას რითი ვაპირებთ?მარტო ფლამარიონით?მხოლოდ ერთი შემსრულებელი გყავს.დაცვას ბოლო აქვს მოღებული,გინდ გყოლია გინდ არა.ამ ხალხის მართვა იოლია როგორ ფიქრობთ?
გულშემატკივარი

შარშან ბათუმი ალავიძემ დაღუპა,მოიყვანეს კუპატაძე არაფრით გამორჩეული მეკარე,გამოსვლაზე 0,კუპატაძეს ბრალი არაა ორი ხე რო დგა დაცვაში კობახიძეც და აზაცკიც მინუს უსასრულობაა,ამათი სიდებილის ფონზე ჩაბრა და აზაროვი ვეღარ რისკავდნენ ფლანგებიდან შეტევას,ამიტომაც წავაგეთ...ფლარამიონის შეცვლა რა იყო ვერ გავიგე რო არ გაეგდოთ?!აგრესიული არ იყო ეს ბიჭი ძირითადად ფეხებში ურტყავდნენ და ჯარიმდებოდნენ მასზე ამიტომ უნდა დაეტოვა,მოიტანდა რაღაც შედეგს ეს ბიჭი
tngh

დასანანი წაგებაა... გუნდს დაღლა დაეტყო... წინ საქართველოს ჩემპიონატი გადამწყვეტი თამაშებია. წარმატებას ვუსურვებ "დინამო" ბატუმს ჩემპიონობისათვის ბრძოლაში!!! იმსახურებს...
....

:))) წერეთ წერეთ დიზლაიკები.მახსენდება 2 წლის წინ საბურთალომ შერიფს ტირასპოლში 3–0 რომ მოუგო.მაშინაც ვწერდი, რომ ფარსი იყო,როგორც ახლა ჩემი კომენტარი დიზლაიკებით აავსეს.ბოლოს კი მივხდით რაში იყო საქმე,არარატ არმენიასთან საბურთალოს ორი მატჩის ჯამში უნამუსოდ ვითომდა წაგების შემდეგ! ყველაფერი ფულის მოგების გამო ხდება! ფეხბურთის თამაში, როგორც საინტერესო სამართლიანი სპორტული სანახავობა, მეორე პლანზეა გადასული!
jjj

რა კომენტატორიცაა ისაა გუნდი, ზედმეტი ბაქიბუქი და ფაფხურია, ქარიშხალი ჭიქაში რა.
მიმინო

კუპატაძე ბალასტია.2ვე გოლში ბრალი აქვს
ბაჩი

ბათუმი არ გამოიყურებოდა ცუდათ, მინუს მამუჩო! მასზეა ორივე გოლი, მარა კაპიტანია და დგას რა, გეგუჩაძემ ცოტა მიიხედ-მოიხედოს, ბერიაშვილი "როტორში" გაუშვეს, ასათიანი "სამტრედიაში, ქაფიანიძე "ტორპედოშია" და ალექსიძე სკამზე "ლოკოში", ყველა ახალგ.ნაკრების შუა მცველი, 21-22 წ.მოტივირებული, მებრხოლი ბიჭი, სელექცია აშკარად მოიკოჭლებს ეროვნ.ლიგის ფლაგმან კლუბებში, აფრიკელ "no name"-ზე და ნეპოტიზმზე დგება შემადგენლიბები.
!!!!!!!!!!!!!!!!!!!!!!!!!!!!!!!!!!!!!!!!!!!!

ამ კომენტატორი ნოდარას უაზრო შინაარსის წინადადებებს, ყვირილს და ტაქტიკის უცოდინრობას კიდევ აიტანს კაცი მაგრამ ხმის ტემბრი განსაკუთრებით ხმას რომ უწევს ძალიან აუტანელია!!!
ასლანი

თურქების ტაქტიკამ გაამართლა. ტემპი დააგდეს. ბურთის გათამაშებას, აუტის ჩამოწოდებას სპეციალურად ზედმეტად აჭიანურებდნენ. ბათუმელთა კოზირი, სწრაფი ფეხბურთი მოკლეს. მსაჯი, უფრო მკაცრი უნდა ყოფილიყო თურქების მიმართ. მატჩის სადავეები გაექცა. ჩაწოდებაზე იმუშავეს, რადგან იცოდნენ, რომ მეტოქის სუსტი მხარე იყო. შედეგიც სახეზეა. განმეორებითი მატჩი, ასევე თურქების კარნახით იქნება და მომდევნო ეტაპზე გავლენ. ვფიქრობ ჩვენი ჩემპიონატიდან გამომდინარე, დინამომ მაქსიმუმი გააკეთა. მადლობა ბიჭებს.
ირაკლი

ამ გუნდს, ამ დაცვით და ნახევარდაცვით , რომელი ქართველი მწვრთნელი აათამაშებდა უკეთ, რას ფიქრობ ?
მინდია

ნაკრებში მარცხენა დაცვის ფლანგზე გიორბელიძეს სერიოზული კონკურენტი გამოუჩნდა აზაროვის სახით, მომწონს ეს ბიჭი დაცვაშიც კარგია,ტექნიკურია და კარადაც ურტყამს, კარლოსის ტიპისაა, ბათუმს კი 1-2 ტანმაღალი და ძლიერი ცენტრალური მცველი არ აწყენდა, განაპირები კარგია - ჩაფრაძე და აზაროვი, წარმატებები დინამოს!!!
....

დაიჯერებთ, რომ გითხრათ - ესენი ჩვენ ყველას გვაბოთავებენ მეთქი? ხალხო კარგად დაუკვირდით, ეჭვის თვალით შეხედეთ მომხდარს და არა ემოციებით! ეს თამაში და ბატესთან ორი მატჩის ჯამში მოგებული ფარსი იყო!
სვანსკი

სანამ მატჩჰი შედგებოდა ვწერდი,რომ ბათუმი გასაძლიერებელია,მთავარია სწორ გზაზე ვდგავართ,კარგი მცველები გვჭირდება,შუა ხაზი ნახევარდაცვა ვერ ყვება სწრავ თამაშს რომ დაცვაშიც ჩავიდნენ და თავდასხმაშიც, თამაში გაექცათ ვერ შეძლეს ბურთის შენახვა,თამაშის დამშვიდება,შეიძლება თურქეთში მოგება, მიუხედავად იმისა თურქეთი ჯოჯოხეთს მოაწყობს,მაგრამ გაიხსენეთ რა ქნა ბათუმმა ბატესთან,ის ყველაზე ძლიერი გუნდია ფსიქოლოგიურად,უბრალოდ ყველა დარტყმა სადაც ერთი ერთზე გადიხარ მიზანმიმართულად უნდა შეასრულო ესაა და ეს
asseeeeeee

ეს დინამო რა ჭ კლასის გუნდიცაა ჯერ კიდევ ბატესთან თამაშისას გამოჩნდა,განსაკუთრებით დაცვა,მეკარე და შეტევის ხაზი,გეგუჩაძე კი ერთი საშუალოზე დაბალი დონის სპეციალისტია,რომელიც კომფერენც ლიგის დონეზეც ვერასოდეს გაქაჩავს.ტვ "იმედის" სტილის რეპორტაჟით და კომენტატორით უნდათ შექმნან ილუზია რომ ფეხბურთში ჩვენთან ყველაერი მაგრადაა. ბათუმის დინამო წელს ჩემპიონიც ვერ გახდება,რადგანაც თბილისის დინამო გაცილებით მაღალი დონის გუნდია,მიუხედავად იმისა თუ რა მგომარეობაშია დღეს..
გოგა

ბოლო 15 წუთი დახოხავდნენ დაიღალნენ და უფრო მაღალმა კლასმა იმარჯვა.
მერაბი

დასანანი წაგებაა, დაცვაში ახალი მოთამაშეები გვჭირდება, თავდასხმაც გასაძლიერებელია. ჩემპიონატში სამი კონკურენტუნარიანი გუნდი მაინც რომ იყოს, სულ სხვა შედეგი გვექნება ევროთასებზე. რა თქმა უნდა ფინანსების გარეშე არაფერ შედეგს ვერ დავდებთ. იმედი მაქვს, რომ თურქეთში მოვუგებთ.
???

მე ის გამიკვირდებოდა ბოლო წუთზე ბურთი რომ არ გაეტანათ თურქებს, მეორე იარუსზე ყველა მომენტში უპირატესობა ქონდათ მაგათაც და ბელარუსელებსაც
ქუთაისელი

ak kobaxidzes abraleben da memgoni orive chacodebul burtze mekare unda gamosuliko, ras elodeboda, sanamde gols ar gautanden, tu igives ar gaimeorebs kupataze turketchi kargia.,
დიმა

რა სულელები არიან იაპონელები ამხელა ოლიმპიადას მაყურებლის გარეშე ატარებენ არადა რა ფული გაკეთდებოდა.
ხომ ერა

რეალურად უფრო ძლიერი ფეხბურთელები ყავთ გუნდში, თან ყველამ კარგად ვიცით დონით რამხელა სხვაობაა ჩვენსა და მაგათ ჩემპიონატის. მარცხი ყოველთვის მტკივნეულია, თანაც ასეთი . მეორე გოლი რომ არა - საკმაოდ ნორმალური შთაბეჭდილება დატოვეს ჩვენებმა. გეგუჩაძის დიდი პატივისცემის მიუხედავად , მგონია , რომ ბათუმის დინამოში ამოწურა თავისი შესაძლებლობები. ფაქტია , რომ გაძლიერებასაც საჭიროებს. ერთი საიმედო ცენტრალური მცველი, სწრაფი 9ნი და კიდევ ერთი (თუნდაც ბრაზილიელი) ტექნიკური, ინდივიდუალისტი შემსრულებელი
mmm

სივასპორი რომ ფავორიტი იყო ამ დაპირისპირებაში საკამათო არ არის. ჩვენი ჩემპიონატიდან გამომდინარე სივასპორის დონის გუნდი ვერ გვეყოლება. საერთო ჯამში ბათუმის დინამომ ღირსეულად ითამაშა. არც ისე მცირე შანსია სტუმრად მოვიგოთ და გავიდეთ კიდეც.
გულშემატკივარი

სამწუხარო მარცხია. კობახიძის შეცდომა იყო ორივე გოლი, სავარაუდოდ შესწავლილი ყავდათ და მაგიტომ აკეთებდნენ გამუდმებულ ჩაწოდებებს. ბატემაც კობახიძის შეცდომით გაგვიტანა გასვლით თამაშზე თუ გახსოვთ. კაპიტანია და გაუჭირდებათ სათადარიგოზე დასმა, მაგრამ ფაქტია რომ ვერაა ფორმაში. მიწიდან 10 სმ-ზე მეტად ვერ ხტება მაღლა
: )))))))

სწორედ იმაშია სხვაობა, რომ იმათ მომენტები გამოიყენეს და ჩვენ - ვერა. მეორე სართულზე სულ პრობლემა იყო. ეხლა კარგად იციან ყველაფერი და თურქეთში ამდენ მომენტს აღარ შეგვაქმნევინებენ. არადა არ არის დაუძლეველი გუნდი და სახლში ასე რომ აგებ, ეგ არის ცუდი.
ქართველი

ბატეს რა ვუთხარი რომ ისევ გააჩინა რაღაცის იმედი... არადა სჯობდა გავარდნილიყო ბათუმივ,რომ მიხვდეს ადამიანი და დავიდეს მათ ტვინამდე!!!! უფულოდ და ახალი სისხლის გარეშე არაფერი არ გამოდის არაააააა!!!! კობახიძე, მანჯგალაძე, ჯიღაური და მათნაირი გაცვეთილი ფეხბურთელები ათასჯერ რომ არიან უსახურად გამოვარდნილი ევროთასებიდან შედეგს ვერ დადებენ... ბათუმს სანამ კონკურენტი არეყოლენა ჩემპიონატში მაქამდე დონეს ვერ აწევს..
რომა

კაი გუნდია ბათუმი უმაღლეს კლასის ტემპს თამაშობს მაგრამ დიხანია არ ყოფნით მთელი თამაში ერთ რიტმში რომ ჩაატარონ გაშვებული გოლებიც მაგას მოწმობს... დაცვის ცენტრში სოფლის ბირჟავიკები უყენიათ.. თავდასხმაში მარტო ფლამინიორი ჩანს მოსაყვანია კარგი 9იანი. ისე ეს ფლამინიორი საქართველოს ნაკრებში რომ მიიწვიონ რა პრობლემაა? ბევრი გვყავს მაგ კლასის შემტევი? თურქულ გუნდს კი რაც შეეხება 3კაცი ყავდათ თურქი.. 2შანსი მიიღეს და 2გოლი გაიტანეს... კლასით გვაჯობეს ვაღიაროთ. დაცვის ცენტრი მოაშოროს გეგუჩაძემ

ძალიან ყინჩად კი იყვნენ - "იბერია 1999"-ის მძლეველი "მალმიო" "კოპენჰაგენმა" გააბითურა

"ბარსელონას" 8 წლიან კონტრაქტზე უარი ვუთხარი და ყველაფერი დავკარგე" - მესის ბავშვობის თანაგუნდელის ინტერვიუ

რიო ფერდინანდმა თავისი ყველა დროის საუკეთესო თერთმეტეული დაასახელა

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

"სპორტინგმა" ისევ მოიგო, ქოჩორაშვილი ისევ შეცვლაზე შევიდა

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა

გეგუჩაძე: მარცხში საგანგაშოს ვერაფერს ვხედავთ - იმედია, ყველაფერი კარგად წარიმართება

"ძალიან დაბალი დონის ჩემპიონატი გვაქვს, ყოველი წელი უარესია" - გიორგი ჭიაბრიშვილი "გარეჯთან" გამარჯვების შემდეგ

“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება

ეროვნული ლიგა. I ტური. "დინამო" (ბთ) - "დინამო" (თბ) [LIVE]

"სივასპორის" მწვრთნელი: "საქართველო გვიყვარს - გამარჯვებული პირველ მატჩში ვერ გამოვლინდება"

"ქართული ფეხბურთი ამას ვერასდროს მიხვდება..." - ვახო სანაია ბათუმის "დინამოს" მარცხს ეხმაურება

ხარატიშვილი თურქეთის ჩემპიონატში? - "ეიუფსპორმა" ბათუმის "დინამოს" ოფიციალური წინადადებით მიმართა

ასე ახლოს მიზანთან - ბათუმის "დინამოს" დასანანი ფრე თურქეთში [VIDEO]

ერთი გოლის ფასი: ბათუმელებმა, ფოთელებმა და გორელებმა მოიგეს [VIDEO]

არჩილ ბერიძე: მალე დიდ გამარჯვებებს ვიზეიმებთ!

"სივასპორის" მწვრთნელი: ბათუმის "დინამოს" ახლა კარგად ვიცნობთ

გიტის პაულაუსკასმა ბათუმის "დინამო" დატოვა და სლოვაკეთში გადაბარგდა