ფავორიტი გამოიკვეთა - ჯანპიერო გასპერინი

"ინტერისთვის" მოლაპარაკებები დასკვნით ფაზაშია და მორატი აცხადებს, რომ მწვრთნელის საკითხს მალე გადაწყვეტს “ინტერისთვის” მთავარი მწვრთნელის ძიების პროცესი გრძელდება და ჩვენც ოპერატიულად გაწვდით ახალ-ახალ ინფორმაციებს.მასიმო მორატის არაერთ ფრონტზე მოეცარა ხელი, ბოლო იმედგაცრუება კი ანდრე ვილაშ ბოაშის მიმართულებით განიცადა, რომელმაც მილანური გრანდის მესვეურებს უარი სტკიცა და ლონდონის “ჩელსი” ჩაიბარა.მორატი აცხადებს, რომ უახლოეს მომავალში მწვრთნელის საკითხს გადაწყვეტს და როგორც იტალიელი ჟურნალისტები გვიმტკიცებენ, უკვე გამოიკვეთა ის სპეციალისტი, რომელზეც პრეზიდენტის არჩევანი შეჩერდება. ლაპარაკია არც მეტი, არც ნაკლები ჯანპიერო გასპერინიზე, რომელიც ბოლოს “ჯენოას” ედგა სათავეში. არც მეტი, არც ნაკლები კი იმიტომ, რომ თითქოს გასპერინის კვალიფიკაცია თუ წარსული არ შეესაბამება “ნერაძურის” დონეს და ვეჭვობთ, რომ საქმის ბოლომდე მიყვანის შემთხვევაში, გულშემატკივრები მთლად კმაყოფილები არ დარჩებიან.მიუხედავად ამისა, გასპერინის “ინტერის” მთავარ მწვრთნელად დანიშვნა სულ უფრო რეალური ხდება და ამაზე თავად მორატის სიტყვები მეტყველებს:“მწვრთნელის შერჩევის პროცესი დასკვნით ფაზაშია შესული და გამომდინარე აქედან, ლეონარდოს შემცვლელს ახლო მომავალში წარვადგენთ. ახალ მწვრთნელს ბოლო წლების შედეგების მიხედვით შევარჩევთ და ფავორიტი უკვე გამოკვეთილიც გვყავს. გასპერინი? - ძალიან კვალიფიციური მწვრთნელია, შესანიშნავად განსწავლული ტაქტიკურ ნიუანსებში და ფსიქოლოგიაში. ფეხბურთელებთან ურთიერთობა კარგად გამოსდის და მთლიანობაში, შესანიშნავი ადამიანია. ეს იმას არ ნიშნავს, რომ “ინტერის” ახალი მწვრთნელი აუცილებლად გასპერინი იქნება, მაგრამ მის კანდიდატურას, რომ სერიოზულად განვიხილავთ, ესეც ფაქტია.”“კორიერე დელო სპორტის” ცნობით, გასპერინი უკვე არაერთხელ შეხვდა “ინტერის” სპორტულ დირექტორ მარკო ბრანკას, ბოლო შეხვედრას კი თვით მასიმო მორატი დაესწრო. ეს კიდევ ერთი დასტურია იმის, რომ მოლაპარაკებები წარმატებით მიდის და დიდია შანსი, უახლოეს დღეებში შეთანხმებით დასრულდეს. პრინციპში, თავად გასპერინის კომენტარსაც სწორედ აქეთკენ მივყავართ:“დიახ, მოლაპარაკებები მიმდინარეობს და საკმაოდ კარგადაც. როგორც აღმოჩნდა, მორატი და ბრანკა შესანიშნავად არიან ინფორმორებული ჩემი ბოლო წლების მუშაობის შესახებ და ბევრი ისეთი რამ გამახსენეს, რაც მე თვითონ აღარ მახსოვდა. ნათელია, რომ თანამშრომლობის ორმხრივი სურვილია - ამიტომ, მოლაპარაკებების წარმატებით დასრლების შანსი საკმაოდ დიდია.”ჯერჯერობით, გაურკვევლობაში არიან “ინტერის” ფეხბურთელები და ელოდებიან, როდის დაინიშნება ახალი მწვრთნელი. მათ შორის გახლავთ ტიაგო მოტა, რომლის აგენტმა “გაძეტა დელო სპორტთან” საუბარში შემდეგი განაცხადა - მოვუსმინოთ დარიო კანოვის:“ყველაფერი რომ მოტაზე იყოს დამოკიდებული, აუცილებლად “ინტერში” დარჩებოდა, მაგრამ სამწუხაროდ, ასე არ არის. ტიაგოს საკითხს ახალი მთავარი მწვრთნელი გადაწყვეტს და ისღა დაგვრჩენია, რო მორატის გადაწყვეტილებას დაველოდოთ. მაგალითად, თუ არჩევანი ჯანპიერო გასპერინიზე შეჩერდა, მაშინ დარწმუნებით შემიძლია ვთქვა, რომ ჩემი კლიენტი “ინტერში” დარჩება. გასპერინიმ კარგად იცის მოტას შესაძლებლობები, “ჯენოაში” წვრთნიდან მას და ვიცი, რომ ძალიან აფასებს. ასე რომ, დიდი იმედი მაქვს, “ინტერს” სწორედ გასპერინი ჩაუდგება სათავეში.”გასპერინი რომ ფავორიტია, ამაში დავრწმუნდით, მაგრამ შანსი სხვა მწვრთნელებსაც აქვთ, მათ შორის კიკე სანჩეს ფლორესს. ესპანელი სპეციალისტი ბოლოს მადრიდის “ატლეტიკოს” ედგა სათავეში და კვალიფიციური მწვრთნელის სახელიც დაიგდო. ესპანურ მედიაზე დაყრდნობით, “გაძეტა” ფლორესსა და მარკო ბრანკას შორის გამართული სატელეფონო საუბრის შესახებ გვატყობინებს - ფლორესს მზადყოფნა გამოუთქვამს მოლაპარაკებაში ჩაბმის, ბრანკა კი დაპირებია, უახლოეს მომავალში შეგეხმიანები და ერთ შეხვედრას გავუკეთოთ ორგანიზებაო, ვნახოთ, როგორ განვითარდება პროცესები.ყოველდღიური სპორტული გაზეთი "ლელო"

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

დე ლაურენტისი კონტეს ნაკრებში გაშვებაზე თანახმაა - რას მოითხოვს სანაცვლოდ?

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა

კვერნაძის 74 წუთი და "ფროზინონეს" მორიგი გამარჯვება

[VIDEOS] გულიაშვილმა ესპანეთში დუბლი შეასრულა

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო

18 წ. | 3 ლელო საფრანგეთთან

გოჩოლეიშვილი შეცვლაზე და "ჰამბურგის" ფრე "აუგსბურგთან"

ზივზივაძე სასტარტოში იყო - "ჰაიდენჰაიმმა" "გლადბახთან" ქულები გაიყო

როგორი შეფასებები მიიღო მამარდაშვილმა "სიტისთან" მატჩში?

[VIDEO] "ლივერპულის" უნუგეშო დაცვა და ოთხი გოლი მამარდაშვილის კარში - "სიტიმ" "წითლებს" ისევ მოუგო

ბასილაშვილი მონტე კარლოს საკვალიფიკაციო ეტაპის ფინალში იასპარეზებს!

სამი კანდიდატი, საიდანაც ერთ-ერთი ფავორიტია - ვინ შეცვლის გატუზოს იტალიის ნაკრებში

ლიოვი მსოფლიო ჩემპიონატზე ერთ-ერთ ნაკრებს გაწვრთნის - მოულოდნელი დაბრუნება მუნდიალამდე 2 თვით ადრე