პატარა სტაფილო

თურმე ასე ეძახდნენ „ჩელსის“ ახალ მწვრთნელ ანდრე ვილას-ბოასს, როდესაც ის, ყმაწვილკაცობისას, ქალაქ პორტოს რეგიონალურ ლიგებში თამაშობდა გასულ სეზონში „ჩელსიმ“ ინგლისის ჩემპიონის ტიტული დაკარგა გუნდთან, რომელსაც „პატარა ბარდა“ ანუ ესპანურად ჩიჩარიტო ჰყავდა. ახალ სეზონში ლონდონის გუნდი ძველი დიდების დაბრუნებას „პატარა სტაფილოს“ დახმარებით შეეცდება - თურმე ასე ეძახდნენ „ლურჯების“ ახალ მწვრთნელ ანდრე ვილას-ბოასს, როდესაც ის, ყმაწვილკაცობისას, ქალაქ პორტოს რეგიონალურ ლიგებში თამაშობდა.გუნდი, რომელშიც "სტაფილო" ორი წლის განმავლობაში აგორებდა ბურთს გახლავთ „რამალდენსე“. ის ქალაქის ჩრდილოეთ ნაწილში პატარა სტადიონს ფლობდა, რომელიც უფულობის გამო მიატოვა და სადღაც, პატარა და საცოდავი მინდორი იქირავა. რაც შეეხება „რამალდენსეს“ საკლუბო შენობას, ის ფაქტობრივად ბარია, სადაც უბნის კაცები იკრიბებიან და ლაყბობენ.სხვათა შორის, „პორტოს“ ფანები ვილას-ბოასის „ჩელსიში“ წასვლამ გააბრაზა, „რამალდენსეს“ ფანებს კი დღემდე უყვართ და ახსოვთ თავიანთი ბიჭი. აი, მაგალითად რას ამბობს კლუბის ერთ-ერთი დირექტორი, მავანი ნელსონ კარვალიუ: „ჩვენს ხელში ფეხბურთის ბევრ ვარსკვლავს გაუვლია, მაგრამ ვილას-ბოასი სხვაა რადგან მას არ ვავიწყდებით. მან ამასწინათაც გვახსენა ერთ-ერთ ინტერვიუში“.არადა, „ჩელსის“ 33 წლის მწვრთნელი „რამალდენსეს“ შემადგენლობაში სრულიად უსახური ფიგურა გახლდათ. ერთადერთი, რითაც ის ხალხს დაამახსოვრდა, ზრდილობაა. მცველი იყო, მაგრამ ვაგლახ... ამოცანას ვერ ართმევდა თავს. თვალში მოწითალო თმით თუ მოგხვდებოდათ. სწორედ ამიტომაც შეარქვეს სტაფილო.„პატარა სტაფილო" შეურაცხმყოფელი მეტსახელი არ არის, სასაცილოა - ამბობს აგოსტინო მარკეში, რომელიც „რამალდენსეში“ ბავშვთა შვიდკაცა გუნდს ავარჯიშებს - ის ძალიან კარგი ბიჭი იყო, მაგრამ ახლა ჩვენ ძველს კი არ ვიხსენებთ, იმაზე ვფიქრობთ, როგორ წავა მისი საქმეები ლონდონში. აქ, პორტუგალიაში მისი ცხოვრება იდილიური იყო იმასთან შედარებით, რაც ინგლისში ელის. უნდა მოახერხოს და პრესის აგრესიას მშვიდად შეხვდეს“.პორტოში ბევრი ფიქრობს, რომ ვილას-ბოასი იღბლიან ვარსკვლავზეა დაბადებული, რადგან ინგლისელი ბებიის წყალობით ენას კარგად ფლობს და ცხოვრებამ დიდ მწვრთნელს, ბობი რობსონს შეახვედრა. შემდეგ მან გაიცნო ჟოზე მოურინიო, რომელმაც ასევე დიდი როლი ითამაშა მის სამწვრთნელო კარიერაში, მაგრამ მოურინიო „ჩელსის“ ცხოვრებაში ქარივით შევარდა და თავს განსაკუთრებული უწოდა, ვილას-ბოასი კი, სავარაუდოდ, ასე ვერ მოიქცევა. აგოსტინო მარკეში განაგრძობს:„მოურინიო ისე იქცეოდა გეგონება მეფე ყოფილიყო, ვილას-ბოასი კი ზრდილობიანი ბიჭია და ამ შეცდომას არ დაუშვებს“.ვილას-ბოასის ოჯახშიც ამას იმეორებენ - ანდრე განსაკუთრებული არ არისო. ერთადერთი, რაც მან სხვანაირად გააკეთა ის გახლდათ, რომ მდიდარი მამის ბიზნესს კი არ გაჰყვა, ფეხბურთში დაიწყო მოღვაწეობა.ანდრეს ბიძაშვილი ბეატრის ვილას-ბოასი: „ის იმით გახლავთ გამორჩეული, რომ ოჯახის სხვა წევრებისგან განსხვავებით ექიმი ან ადვოკატი არ გახდა. ის ყოველთვის ერთი მოკრძალებული ბიჭი იყო, რომელიც ფეხბურთზე გადაირია, თუმცა თავად საკუთარ ბიძაშვილებზე უკეთესადაც ვერ თამაშობდა. მერე გაირკვა, რომ მაინც სწორედ აურჩევია პროფესია“.„ჩელსის“ ახალ მწვრთნელს ჰყავს მეუღლე, 31 წლის ჟოანა და ორი გოგონა. მისი დიდი ოჯახიდან სწორედ ისინი წაჰყვებიან ანდრეს ლონდონში.„მათ ძალიან წესიერი ოჯახი აქვთ, მოკრძალებული ხალხია. არადა, ანდრეს მამის სიმდიდრე იძლეოდა იმის საშუალებას, რომ ის თავხედ ადამიანად გაზრდილიყო, - ამბობს მეგობარი ალბერტო კონსეისაო. საინტერესოა, რომ ვილას-ბოასი პორტოში სიდედრ-სიმამრის სახლთან, ქუჩის გადაღმა ცხოვრობს. ახლოს არის მისი მშობლების სახლიც. ერთადერთი, რითაც მან ახლოს მცხოვრები ნათესავები და მეზობლები შეაწუხა, ის გახლდათ, რომ „პორტუდან“ „ჩელსიში“ გადასვლით ფანები გააღიზიანა და მათ სახლთან მიტინგები მოუწყვეს. სახლი პოლიციამ დაიცვა, თუმცა ანდრეს ბავშვები უკვე სოფელში ჰყავდა წაყვანილი.ყოველდღიური სპორტული გაზეთი "ლელო"

თუ "სანდერლენდთან" დამარცხდებიან - "მანჩესტერ იუნაიტედმა" შესაძლოა, ამორიმი დღესვე დაითხოვოს

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა

უარი სუპერლიგას - ''ბარსელონა" გაზრდილი შემოსავლებით კმაყოფილია

ლომინაძემ გაიტანა, შეცვალეს და Flashscore-სგან ყველაზე მაღალი შეფასება დაიმსახურა

სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა

ლოჩოშვილის "ნიურნბერგმა" დიუსელდორფში გაიმარჯვა

იამალი საქართველოსთან ვერ ითამაშებს - დე ლა ფუენტესთვის მნიშვნელოვანი "ჯვაროსნების" დამარცხებაა

ახალი ეტაპი "იბერიაში" - გუნდს გუგა ნერგაძე უხელმძღვანელებს

ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება

"ჩაკვეტაძე რთულ სიტუაციაშია, მას 7 თვეა არ უთამაშია... ბოლო დროს ხაჭაპურსა და ხინკალს ნაკლებად მივირთმევ" - ვილი სანიოლის პრესკონფერენცია

"ყველა დროის საუკეთესო ვარ და ამას კიდევ ერთხელ დავამტკიცებ" - მერაბ დვალიშვილი

ფოტო უკვე სხვა ფასი ღირს - ცნობილია, რა დაგიჯდებათ იამალის დედასთან ერთად ვახშმობა

ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ

"მინდა გვარდიოლამ ესპანეთის ნაკრები ჩაიბაროს" - დავიდ სილვა

ვსა-მ დუდუ დადიანის თასი ზედიზედ მეორედ მოიგო

[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია

"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი

20 წლამდელთა ნაკრებს ვიტო კოლელიშვილი ჩაიბარებს

კონფერენს ლიგა: სიგუას ლამაზი სოლო-რეიდი და საგოლე პასი

[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო

[VIDEO] კიტეიშვილი დაბრუნდა და "რეინჯერსს" გაუტანა