რუსები ფავორიტებს კარგავენ

გუშინდელი დღის მთავარი მოულოდნელობა შარშანდელი ფინალისტის ვერა ზვონარევასა და სვეტლანა კუზნეცოვა მარცხი გახდა გუშინდელი დღის მთავარი მოულოდნელობები რუს ჩოგბურთელებს უკავშირდებათ. ტურნირს გამოეთიშა შარშანდელი ფინალისტი ვერა ზვონარევა, რომელმაც უშანსოდ დათმო შეხვედრა ცვეტანა პირონკოვასთან - 2:6, 3:6.როგორც ჩანს, ბულგარელს შარშან ნახევარფინალში წაგებისთვის ძალიან უნდოდა შურისძიება, ამიტომაც გუშინ უნაკლო ჩოგბურთი აჩვენა და საათსა და 17 წუთის განმავლობაში მხოლოდ 4 (!) უნებლიე შეცდომა დაუშვა. ზვონარევამ მხოლოდ ერთი ბრეიკი გააკეთა და ოთხჯერ წააგო საკუთარი მოწოდება. ეს იყო ამ ჩოგბურთელთა მესამე შეხვედრა და პირონკოვამ მეორედ მოუგო რუსული ჩოგბურთის პირველ ნომერს.მეორე რუსული სენსაცია სვეტლანა კუზნეცოვას სახელს უკავშირდება. ქართველი ანა ტატიშვილის მძლეველმა იანინა ვიკმაიერმა ჩვენებურთან რთული სამსეტიანი მატჩის შემდეგ რუსების ერთ-ერთი იმედიც ასევე სამ პარტიაში დაამარცხა, თანაც ამჯერადაც მდევრის როლში იყო.როგორც ჩანს, ფორმაში შედის უიმბლდონის ხუთგზის ჩემპიონი ვენუს უილიამსი. პირველ ორ წრეში სამსეტიანი მატჩების ჩატარების შემდეგ, ამერიკელმა გუშინ საათსა და ორ წუთში გაანადგურა ესპანელი მარია ხოსე მარტინეს სანჩესი - 6:0, 6:2. არადა, პირენეელი თითქოს კარგ ფორმაში შეხვდა უიმბლდონს, რაზეც პირველ წრეში სერბი ელენა იანკოვიჩის დამარცხებაც მეტყველებდა.ახლა, ვენუს უილიამსს უიმბლდონზე 71 მოგება და 9 წაგება აქვს. ამ ტურნირზე გამარჯვებების რაოდენობით ის მხოლოდ მარტინა ნავრატილოვას (120), კრის ევერტსა (96) და შტეფი გრაფს (74) ჩამორჩება.უფროსი უილიამსი მეოთხე წრეში ზვონარევას მძლეველ პირონკოვას შეხვდება და თავად მოუწევს რევანშზე ზრუნვა, რადგან შარშან მეოთხედფინალში სწორედ ბულგარელმა გამოთიშა ბრძოლას.ძალიან საიმედო და სტაბილური თამაში აჩვენა მსოფლიოს პირველმა ჩოგანმა კაროლინ ვოზნიაცკიმ. დანიელი პირონკოვაზე შორს წავიდა და მხოლოდ ერთი (!) უნებლიე შეცდომა დაუშვა ვირჟინ რაზანოსთან შეხვედრაში - 6:1, 6:3. ფრანგმა ბოლოსკე გაიბრძოლა, როცა 5:2-ზე სამი მატჩბოლი მოიგერია, მაგრამ მომდევნო გეიმში ვოზნიაცკიმ მატჩზე დამაჯერებლად ჩააწოდა.გვარიანად ანერვიულა თავისი გულშემატკივრები მარია შარაპოვამ. 17 წლის ბრიტანელ ლაურა რობსონთან პირველ სეტს 1:4-ს აგებდა, შემდეგ ტაი-ბრეიკზეც ჩამორჩა (2:4), მაგრამ ბოლოს ყველაფერი თავის ადგილზე დადგა და რუსმა გადალახა უიმბლდონის იუნიორთა ყოფილი ჩემპიონის ბარიერი.* * *მამაკაცებს შორის ერთი მატჩი უნდა გამოვყოთ - უიმბლდონის სამგზის ფინალისტის ენდი როდიკის წლევანდელი ლაშქრობა ბრიტანულ ბალახზე კვლავ წარუმატებლად დასრულდა. არადა, ამერიკელი დამარცხდა ფელისიანო ლოპესთან, რომელთანაც მანამდე შვიდიდან შვიდი მატჩი ჰქონდა მოგებული.ესპანელმა უმაღლესი დონის ჩოგბურთი აჩვენა. მის ანგარიშზე იყო 28 ეისი, 57 "ვინერსი", ორი ბრეიკი და მხოლოდ შვიდი უნებლიე შეცდომა.წვიმის გამო მამაკაცებს შორის მესამე წრის ხუთი შეხვედრის დასრულება ვერ მოესწრო. ერთ-ერთი იყო მოქმედი ჩემპიონის რაფაელ ნადალისა და ლუქსემბურგელი ჟილ მიულერის მატჩი. ჩოგბურთელებმა მხოლოდ პირველი სეტის თამაში მოასწრეს და ესპანელი სასწაულებრივ გადაურჩა წაგებას. 5:6-ზე ნადალმა საკუთარი მოწოდებისას ორი სეტბოლი მოიგერია, ტაი-ბრეიკზე კი ბოლოსკენ გატეხა ლუქსემბურგელის წინააღმდეგობა - 8:6.სეტის შემდეგ ნადალმა სამედიცინო ტაიმ-აუტი მოითხოვა, იქვე წვიმაც წამოვიდა და რაფას დასვენების საშუალება მიეცა.კაცებიII წრედავიდ ფერერი (ესპ, 7)-რაიან ჰარისონი (აშშ) 6:7, 6:1, 4:6, 6:3, 6:2; ბერნარდ ტომიჩი (ავსტრა)-იგორ ანდრეევი (რუს) 4:6, 5:7, 6:3, 6:4, 6:1; იურგენ მელცერი (ავსტრია, 11)-დმიტრი ტურსუნოვი (რუს) 6:3, 2:6, 7:6, 7:6.III წრერიშარ გასკე (საფ, 17)-სიმონე ბოლელი (იტა) 6:3, 6:2, 6:4; ფელისიანო ლოპესი (ესპ)-ენდი როდიკი (აშშ, 8) 7:6, 7:6, 6:4; ენდი მიურეი (ბრიტ, 4)-ივან ლუბიჩიჩი (ხორ) .ქალებიII წრეკაროლინ ვოზნიაცკი (დან, 1)-ვირჟინ რაზანო (საფ) 6:1, 6:3; შუია პენგი (ჩინ, 20)-ელენა ბალტაჩა (ბრიტ) 4:6, 6:2, 7:5; მარია შარაპოვა (რუს, 5)-ლაურა რობსონი (ბრიტ) 7:6, 6:3; მარიონ ბარტოლი (საფ, 9)-ლურდეს დომინგეს ლინო (ესპ) 4:6, 7:5, 6:2.III წრექსენია პერვაკი (რუს)-ანდრეა პეტკოვიჩი (გერ, 11) 6:4, 7:6; ნადია პეტროვა (რუს)-კატერინა ბონდარენკო (უკრ) 6:3, 6:2; ვიქტორია აზარენკა (ბლრ, 4)-დანიელა ჰანტუხოვა (სლოვაკ, 25) 6:3, 3:6, 6:2; პეტრა კვიტოვა (ჩეხ, 8)-რობერტა ვინჩი (იტა, 29) 6:3, 6:3; იანინა ვიკმაიერი (ბელ, 19)-სვეტლანა კუზნეცოვა (რუს, 12) 4:6, 6:3, 6:4; ვენუს უილიამსი (აშშ, 23)-მარია ხოსე მარტინეს სანჩესი (ესპ) 6:0, 6:2; ცვეტანა პირონკოვა (ბულ, 32)-ვერა ზვონარევა (რუს, 2) 6:2, 6:3.ყოველდღიური სპორტული გაზეთი "ლელო"

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

"შავი ლომი" ირლანდიაში 0:52 დამარცხდა

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

"მანჩესტერ იუნაიტედს" ახალი მწვრთნელი ჰყავს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

ლუის ენრიკემ "პარიზთან" მატჩში შემადგენლობა დაასახელა

მამარდაშვილი "ბარნსლისთან" მატჩის სასტარტოშია

"რეალმა" ჩაბი ალონსო გადააყენა და მის ნაცვლად არბელოა დანიშნა

"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი

"დინამო თბილისი" 8 ფეხბურთელს დაემშვიდობა

იუნაიტედი FA თასზე მესამე წრიდან გამოვარდა

იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა

[VIDEO] სანდროს კარგი მატჩი არ გამოუვიდა... "რეპტორსმა" 12 წამით ადრე 4 ქულა ამოიღო და ოვერტაიმში მოიგო

ნინო ბაციაშვილი სწრაფ ჭადრაკში ევროპის ჩემპიონი გახდა!

ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ

"რომ არა ის, "ბარსელონას" აუცილებლად დავტოვებდი, მან ჩემი ცხოვრება შეცვალა" - რაფინია

[VIDEO] "ტაშს ნუ უკრავთ!" - მბაპეს ამ ქმედებას დიდი კრიტიკა მოჰყვა

სულშერი ფავორიტი აღარაა - "მანჩესტერ იუნაიტედის" ხელმძღვანელობა მწვრთნელის პოსტზე ორ კანდიდატს განიხილავს

[VIDEO] ბითაძის სეზონის საუკეთესო მატჩი - "ორლანდომ" "ნიუ ორლეანი" დაამარცხა

"არსენალს" რეკორდსმენი აუტების მწვრთნელი ეყოლება