<p>საქართველოს 17-წლამდელთა ნაკრებმა ბუქარესტში გამართული "შავი ზღვის თასის" ფინალში მასპინძელთა ნაკრები დამაჯერებლად დაამარცხა - 27:8 <br> საქართველოს 17-წლამდელთა ნაკრებმა ბუქარესტში გამართული "შავი ზღვის თასის" გათამაშება მოიგო. "პატრა ბორჯღალოსნებმა" ფინალში მასპინძელთა ნაკრებს დამაჯერებლად სძლიეს - 27:8.</p><p>მატჩი ქართველი მორაგბეების აშკარა უპირატესობით წარიმართა და უკვე 23-ე წუთისთვის 15:0 იგებდნენ. ანგარიში პირველი ნახევრის მე-4 წუთზე ლელოთი გარემარბმა მურაზ გიორგაძემ გახსნა, გარდასახვა ფულბეკმა გიორგი აფციაურმა გაიტანა - 7:0.</p><p>მორიგი ლელო ჩვენმა მორაგბეებმა 11 წუთის შემდეგ მიითვალეს. ამჯერად შუამარბმა გიორგი ნათელაშვილმა იყოჩაღა, აფციაურს გარდასახვა გაუცუდდა, თუმცა 23-ე წუთზე საჯარიმო მანვე გაიტანა</p><p>და ანგარიშში სხვაობა საკმაოდ სოლიდური გახდა - 15:0.</p><p>რუმინელები მხოლოდ ამის შემდეგ გამოცოცხლდნენ და სამ წუთში ლელო გაგვიტანეს, შესვენების შემდეგ კი მონაგარს ერთი ზუსტი საჯარიმოც შემატეს - 8:15. საქართველოს ნაკრები ამან კიდევ უფრო აგრესიული გახადა. 50-ე წუთზე ჯერ გარემარბმა გიორგი ფრუიძემ დაამწუხრა მასპინძლები, 16 წუთის შემდეგ კი გიორგაძემ მატჩში მეორე ლელო მიითვალა. აფციაურმა ორიდან მხოლოდ ერთი გარდასახვის რეალიზება შეძლო, თუმცა ესეც საკმარისი აღმოჩნდა საიმისოდ, რომ ჩვენს ბიჭებს შავი ზღვის თასი საქართველოში წამოეღოთ - 27:8.</p><p>შეგახსენებთ, რომ ნახევარფინალში საქართველოს ნაკრებმა უკრაინელ თანატოლებს 68:0 მოუგო. ტურნირისთვის გუნდი მწვრთნელებმა დავით ჩავლეიშვილმა და მამუკა ტყეშელაშვილმა მოამზადეს.</p><p>მესამე ადგილისთვის მატჩში რუსეთის ნაკრებმა უკრაინელთა გუნდს 52:3 სძლია.</p><p><strong><em>საქართველო-რუმინეთი 27:8 </em></strong></p><p>საქართველო: 15. გიორგი აფციაური, 14. მურაზ გიორგაძე, 13. ლაშა ლაშხია, 12. გიორგი ნათელაშვილი, 11. გიორგი ფრუიძე, 10. რევაზ ჯინჭველაშვილი, 9. რევაზ ბროძელი. 1. რამაზ მაზმიშვილი, 2. ბექა ფირიაშვილი, 3. ალექსი ცსიკარიშვილი, 4. მიხეილ მასხარაშვილი, 5. შალვა შაშიაშვილი, 6. საბა შუბითიძე, 7. გიორგი გოგლიძე, 8. შოთა თევზაძე.</p><p>16. მიხეილ ბოდოკია, 17.ბექა კარაგეზოვი, 18. ჟორჟ სალდაძე, 19. ონისე მოგელაშვილი, 20. თემურ თუთბერიძე, 21. იოსებ ტუკვაძე, 22. ილია მელაძე, 23. დევი დევსურაშვილი, 24. ზურაბ ცუცქირიძე.</p><p>4ლ: გიორგაძე (2), ნათელაშვილი, ფრუიძე. 2გ,ს: აფციაური.</p><p><strong>ყოველდღიური სპორტული გაზეთი "ლელო"</strong></p>
18 წ. | დრამატული ფრე ირლანდიასთან
18 წ. | ირლანდიასთან ინგლისის მსგავსად
18 წ. | სამხრეთ აფრიკამ გვაჯობა
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ