<p>სოჭში, რუსეთის ჩემპიონ "ენისეისთან" გასამართ თამაშში "შავი ლომის" შემადგენლობაში ორი დებიუტანტია – ბურჯი ნიკოლოზ ხატიაშვილი ძირითადშია, მესამეხაზელი იოსებ გუშარაშვილი კი თამაშში მარქაფიდან ჩაერთვება.</p><p>რაგბი ევროპის სუპერთასის მეოთხე ტურში "შავი ლომი" სოჭში აღმოსავლეთ კონფერენციის ერთ-ერთ ლიდერს პირველობისთვის ერკინება. შეხვედრა 30 ოქტომბერს, ჩვენი დროით 13 საათზე დაიწყება.</p><p>"ენისეის" სამი თამაშიდან 11 ქულა აქვს. "შავ ლომს" ორი მატჩის შემდეგ ქულათა მაქსიმუმი (10) მოუგროვდა და "თელავივ ჰითთან" გამოტოვებულ შეხვედრას 18 დეკემბერს გამართავს.</p><p>ჩვენი გუნდის სამწვრთნელო შტაბმა "ენისეისთან" მატჩისთვის 23-კაციანი შემადგენლობა დაასახელა. პენზაში "ლოკომოტივის" 27:11 დამარცხების შემდეგ სასტარტო რაზმში რამდენიმე ცვლილებაა.</p><p>შეიცვალა ორივე ბურჯი და თამაშს ნიკოლოზ ხატიაშვილი და გიორგი პერტაია იწყებენ. ხატიაშვილს ტრავმა ჰქონდა და ქართული ფრენჩაიზის კვართს პირველად მოირგებს. პერტაია წინა ორ თამაშში მარქაფა იყო და ახლა ძირითადში დაწინაურდა. კვაჭად თამაშს კვლავ შალვა მამუკაშვილი იწყებს.</p><p>უცვლელია შერკინების მეორე ხაზი – ნოდარ ჭეიშვილი და დავით გიგაური, ხოლო მესამე ხაზში ერთი გადაადგილება და ერთი ცვლილებაა. შერკინების შემკვრელად მარქაფიდან დაწინაურდა თორნიკე აქუბარდია, რომელიც წინა ორ შეხვედრაში მარქაფაში იყო. ნიკო აფციაურის ნაცვლად ფლანკერად გადავიდა ლუკა ივანიშვილი, ხოლო მეორე ფლანკერი კვლავ სანდრო მამამთავრიშვილია.</p><p>ერთი ცვლილებაა ხაზში, სადაც ფრთაზე მირიან მოდებაძის ნაცვლად სანდრო თოდუა ბრუნდება. მეორე ფრთა კვლავ აკა ტაბუცაძეა. ცენტრში მერაბ შარიქაძე დემე თაფლაძეს შეუწყვილდება. ფულბეკის პოზიციაზე კი კვლავ ლაშა ხმალაძეს ვიხილავთ. უცვლელია ღერძიც და თენგიზ პერანიძე გიორგი ბაბუნაშვილს შეუწყვილდება.</p><p>კვაჭის მარქაფაში ბრუნდება თენგიზ ზამთარაძე, ასევე - ბურჯი მიხეილ წიკლაური (ორივემ ითამაშა "ჰითთან"). 23-კაციან განაცხადში ადგილი შეინარჩუნა მეორე ბურჯმა გოგა ქადარიამ და მეორეხაზელმა მიხეილ ბაბუნაშვილმა, ასევე - უკანახაზელმა ლაშა ლომიძემ. მარქაფაში გადაინაცვლა მირიან მოდებაძემ, ხოლო გიორგი ბეგაძე, რომელიც პირველ შეხვედრაში ძირითადში იყო და მეორე თამაში გამოტოვა, ამჯერად მარქაფაშია. მესამე ხაზის შეცვლაზეა იოსებ გუშარაშვილი, რომელსაც "შავ ლომში" დებიუტი ექნება.</p><p>დებიუტანტების და გუნდის მზადყოფნის შესახებ მთავარმა მწვრთნელმა ლევან მაისაშვილმა განაცხადა:</p><p>„ხატიაშვილი და გუშარაშვილი ძალიან კარგად ემზადებოდნენ, მაგრამ, სამწუხაროდ, ორივე მათგანს გაუმიზეზდა ძველი ტრავმა და პირველ თამაშებში გუნდის დახმარება ამის გამო ვერ შეძლეს. ახლა ორივე მწყობრშია, ფორმაშია და იმედს ვიტოვებ, რომ ეს სარგებლის მომტანი იქნება“.</p><p>„სამწუხაროდ, ვარჯიშზე კუნთი გაიჭიმა და გამოგვაკლდა ნიკო აფციაური. არის პატარ-პატარა ტრავმებიც, თუმცა გუნდი კარგადაა მომზადებული და სრული მზადყოფნით ხვდება მომავალ თამაშს“.</p><p>"შავი ლომი" სოჭში დღეს გაემგზავრა.</p><p><strong>რაგბი ევროპის სუპერთასი</p><p>აღმოსავლეთი კონფერენცია</p><p>IV რაუნდი. 30 ოქტომბერი</p><p>სოჭი. „იუგ სპორტ“. 13:00 საათი (თბ. დრ.)</p><p>ენისეი სტმ (რუსეთი) – შავი ლომი (საქართველო)</p><p>შავი ლომი</p><p>ხაზი: 15. ლაშა ხმალაძე, 14. აკა ტაბუცაძე, 13. დემე თაფლაძე, 12. მერაბ შარიქაძე (კაპ.), 11. სანდრო თოდუა, 10. გიორგი ბაბუნაშვილი, 9. თენგიზ პერანიძე;</p><p>შერკინება: 1. ნიკოლოზ ხატიაშვილი, 2. შალვა მამუკაშვილი, 3. გიორგი პერტაია, 4. ნოდარ ჭეიშვილი, 5. დავით გიგაური, 6. ლუკა ივანიშვილი, 7. სანდრო მამამთავრიშვილი, 8. თორნიკე აქუბარდია.</p><p>მარქაფა: 16. თენგიზ ზამთარაძე, 17. გოგა ქადარია, 18. მიხეილ წიკლაური, 19. მიხეილ ბაბუნაშვილი, 20. იოსებ გუშარაშვილი, 21. გიორგი ბეგაძე, 22. ლაშა ლომიძე, 23. მირიან მოდებაძე.</strong></p><p>წყარო: <strong>rugby.ge</p><p></strong> <p><p><br></p>
....
რაგბის გაგებაში არ ხარ შენ და ისინი ვინც კომენტარი დაგილაიკა. შე დალოცვილო ჭურში ხომ არ გძინავს? თელ-ავივი ჰიტმა მოსკოვში დაამარცხა ენისეი და მაინც ენისეი როგორ სჯობნის??? ახალი შექმნლი გუნდია, სხვებზე მეტად სახელოვანი მორაგბეებით! შეთამაშდებიან და მერე ვნახოთ ვინ ვის აჯობებს.ჩემის აზრით თელ-ავივი ჰიტი ევროპის სარაგბო სუპერთასის 2021/2022 წლების გათამაშების მოგების ერთერთი ფავორიტია!
....
რუსებმა, ეს მატჩი გადაიდოვო.
Musenbezi
სამწუხაროა მაგრამ რაგბის დონემ ძალიან დაიკლო ბოლო წლებში საქართველოში, ჩვენი ნაკრების უკანა ხაზით ექვს ერზე თამაშის პრეტენციაც კი უხერხულია…
სოსო
ენისეი წინა ორ გუნდზე საგრძნობლად ძლიერია და მის წინააღმდეგ სრული ძალით მოგვიწევს თამაში.რა თქმა უნდა გამარჯვებას და კარგ,ლამაზ თამაშს ვუსურვებ,ბიჭებს.
tngh
წარმატებები "შავ ლომს"!!!
"შავი ლომი" - სამხრეთ აფრიკაში "ჩიტასთან" ორი ტესტისთვის
გიორგი მაისურაძე - ქალთა რაგბის ახალი მთავარი მწვრთნელი
რუსთავში ბავშვთა რაგბის აკადემიის მშენებლობა დაიწყო
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
შოკირებული იყო და შეხვედრა განაწყენებულმა დატოვა - ამორიმს "მანჩესტერ იუნაიტედის" ხელმძღვანელობამ მოთხოვნა წაუყენა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
პსჟ-ს მეკარე: ძნელია მოტივაციის შენარჩუნება
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"თუ სხვა რამის გამო გაბრაზდა, არასწორი ადამიანი აირჩია" - დე ბრუინსა და კონტეს შორის დაპირისპირება მწიფდება? [PHOTO]
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა