ანანიძე "დინამოსა" და ცხადაძეზე გაბრაზებულია - "არ გამოირჩევიან საფეხბურთო ცოდნით"

თბილისის "დინამოდან" წასვლის მიზეზებთან დაკავშირებით, ჯანო ანანიძემ "ინსტაგრამით" განცხადება გაავრცელა:"საკმაოდ დიდხანს ვფიქრობდი, დამეწერა თუ არა ეს წერილი და გადავწყვიტე, ჩემი გულშემატკივრებისათვის მეთქვა "დინამოდან" წამოსვლის მიზეზებსა და იმ ფორმის შესახებ, როგორც მოხდა ჩვენი განშორება. საქმე ისაა, რომ ბევრის აზრით, "დინამოდან" ჩემი წამოსვლის მთავარი მიზეზი ფინანსური უკმაყოფილება გახდა. ეს არის მცდარი ინფორმაცია და მინდა ჩემმა გულშემატკივრებმა სიმართლე იცოდნენ.ამიტომ, მსურს გითხრათ, რომ ეს იყო კლუბის გადაწყვეტილება, რომელიც ჩემდა გასაკვირად, ტელეფონით მაცნობეს და არა შეხვედრის დროს, პირადად საუბრისას.ჩემთვის გასაკვირი ის იყო, რომ დამირეკა "დინამოს" ერთ-ერთმა ახლად დანიშნულმა ხელმძღვანელმა და არა გუნდის მთავარმა მწვრთნელმა, რომელთანაც ძალიან კარგი ურთიერთობა მაქვს და არც პრეზიდენტმა, რომელსაც ასევე დიდი ხანია ვიცნობ. გულწრფელად ვიტყვი, გული დამწყდა იმაზე, რომ ეს თავად იმ ადამიანმა არ მითხრა, ვისაც აქამდე დიდ პატივს ვცემდი, როგორც მწვრთნელს და როგორც პიროვნებას. ვთვლი, რომ არც კლუბისგან და მით უმეტეს, არც მთავარი მწვრთნელისგან არ ვიმსახურებდი ასეთ დამოკიდებულებას, რადგან მის ნათქვამს ჩემთვის გაცილებით მეტი წონა ექნებოდა და გაცილებით უფრო გასაგები იქნებოდა, ვიდრე კლუბის სხვა ნებისმიერი ხელმძღვანელისა.მოკლედ, კლუბის ერთ-ერთმა ხელმძღვანელმა სატელეფონო საუბრისას მითხრა, რომ ჩვენი თანამშრომლობა აღარ გაგრძელდებოდა. მიზეზად ის დაასახელა, რომ ჩემი ტრავმის გამო ვერ გარისკავდა ჩემთან შემდგომ თანამშრომლობას. არადა, საქმე ისაა, რომ ოპერაციისა და პანდემიისგან გამოწვეული ხანგრძლივი პაუზის შემდეგ ასე კარგად თავი არასდროს მიგრძვნია და სწორედ ამიტომ, "დინამოს" მიმართ ჩემი მხრიდან იყო შეთავაზება, რომ შეკრებაზე ჩემივე ხარჯით წავსულიყავი, სადაც საწვრთნელ პროცესში ყველაფერს ჩავდებდი. თუკი ამის შემდეგ არ შემექმნებოდა მუხლის ან რაიმე სხვა ტრავმით გამოწვეული პრობლემა და შესაბამისად, დავიბრუნებდი ოპტიმალურ სათამაშო ფორმას, მაშინ ვისაუბრებდით ჩვენს შემდგომ თანამშრომლობაზე. თუმცა განხორციელებულ სატელეფონო ზარში სულ სხვა პასუხი მივიღე.ასე რომ, საქმე ფინანსებს საერთოდ არ ეხება და ნურავინ შეეცდება, მიზეზი მატერიალურ მხარეში ეძიოს. ზოგადად ვიტყვი, რომ კლუბის ხელმძღვანელთა და მენეჯმენტის მხრიდან, რომელიც მეტწილად ნამდვილად არ გამოირჩევა საფეხბურთო ცოდნით, გემოვნებითა და მენეჯერული თვისებებით, ფეხბურთელებისადმი ასეთი დამოკიდებულებით ვერც რომელიმე კლუბს და მით უმეტეს, ვერც ქართულ ფეხბურთს განავითარებს.სამწუხაროა, რომ ქართული კლუბის მენეჯმენტში ასეთი რეალობაა. რეალობა, რომელზეც ნათლად მეტყველებს შედეგები. ეს აუცილებლად უნდა მეთქვა, რადგან როცა ვსაუბრობთ განვითარებაზე, ამ განვითარების მთავარი ამოსავალი წერტილი საქმისადმი სწორი და პროფესიონალური დამოკიდებულება უნდა იყოს, ამას კი საფეხბურთო განათლება და განსაკუთრებით, საფეხბურთო ინტელექტი სჭირდება."

გგგგ

შენ არა მგონია რამე იცოდე ფეხბურთში.უბრალოდ გიდოდა კალაძეზე ცუდი გეთქვა თქვი და ვსიო
ჰჰჰჰ

გიორგი მართალი ხარ ძმაო.ჯანოს რომ უარი ეთქვა ნაკრებში თამაშზე ბევრად უკეთესი კარიერა ექნებოდა მაგრამ კარიერას სამშობლო არჩია და აქ ყველაფერია ნათქვამი. მაგრამ ჩვენ ხომ ტალახის სროლას მიჩვეული ხალხი ვართ?შორს რომ არ წავიდეთ ჩვენი სასახელო ძალოსანიც გვეყფა მაგალითად. როგორ გაატანეს ნიაღვარს გვარამია ქათამმა და მისმა დამქაშებმა.
გიორგი

ფეხბურთში საქმე რომ არეულია, ეს არახლია. მაგრამ ანანიძის მონათხრობში წინააღმდეგობაა. თავიდან ამბობს, რომ ძალიან კარგი ურთიერთობა ჰქონდა და აქვს დინამოს მთავარ მწვრთნელთან და აგრეთვე იმ ადამიანთან, ვინც კლუბიდან გაუშვა. ანანიძის აზრით, სამწუხაროა, რომ დინამოს მენეჯმენტში საფეხბურთო განათლებისაა და განსაკუთრებული, საფეხბურთო ინტელექტი ნაკლებობაა. მიჩნდება კითხვა ანანიძესთან: ძალიან კარგი ურთიერთოდა გქონდათ საფეხბურთო განათლებისა და განსაკუთრებული, საფეხბურთო ინტელექტის არმქონე პირებთან?
vova

კარლო კალაძე ვინაა ?
გიორგი

ძალიან მიკვირს თქვენი. რატომ მიგაჩნიათ ჯანოზე ჭკვიანები თქვენი თავი. არაფრისთვის არ მიუღწევია ჯანოს? თავისი მამულიშვილობა დაამტკიცა თავისი საქციელით. არის კარგი შვილი, ძმა, ნათესავი,მეგობარი. რამდენი ფული აქვს გამოგზავნილი საქართველოში, ესეც ხომ ინვესტიციია. ტალახს ესვრით მისთვის, რომ ევროპაში არ ითამაშა? თქვენ ვინ მოგცათ ამის უფლება. ჯანო ჩემი უსაყვარლესი ფეხბურთელია. ჯანო გაგიმარჯოს შენ ოჯახთან ერთად. დარწმუნებული ვარ კიდევ გაიბრწყინებ და გაგვახარებ!
oceola

ნეტა თამაში გდომოდა და არა მატრაკვეცობა
Irakli

დინამო თავიდან ბოლომდე სირცხვილია, სირცხვილია არამხოლოდ ჯანოს მიმართებაში არამედ იმის გამო რაც ხდება დღეს ეროვნულ ლიგაში ანიდამ ჰოემდე დინამო თბილისის დამსახურებაა.. ბოლო ბოლო ვისღა უნდა შეედარო?! ევროპულ გუნდებს კაი შევეგუეთ, რომ ვერ ვედრებით.. იქ სხვა დონეა და ათასი მიზეზები.. მაგრამ მეზობლად ყველა როგორ მოხვდა უეფას ლიგაზე კონფერენს ლიგა, ევროპის ლიგა, ჩემპიონთა ლიგა ესენი კიდე კულტურას ვერ აყალიბებენ, მაყურებლებსაც კი ვერ იზიდავენ (ჯანო ამ მხრივ მაინც გამოგადგებოდათ პირადად მე მისნაირი ფეხბურთელების სანახავად დავდიოდი) და ამას კიდე სხვას აბრალებენ.. მენეჯმენტი და ისევ მენეჯმენტი! 0 მარკეტინგი, 0 თავმოყვარეობა, 0 ღირსება, ჯანო გაცილებით მაღალი ინტელექტის მქონე ფეხბურთელია ვიდრე თქვენი მენეჯმენტი. ტრამვის გამო კაცს რომ დასცინებ ვერ გაიხარეო მინიმუმ არაკაცი ხარ, და დაუნახავი! იმ შრომის რაც ჯანომ ჩადო. ჯანო კიდევ ერთხელ მადლობა რომ რუსეთის ნაკრებს უარი უთხარი, და ქართული დროშა ჩემპიონობის დროს ამაყად ააფრიალე! მადლობა შენ გამბედაობას და ყველა იმ საუკეთესო მომენტს რომელიც მოგვანიჭე ჯანო, ყურები არ ჩამოყარო!!!
izi

სანამ კარლო კალაძე განაგებს ფეხბურთს საქართველოში კლუბებს ერთიანობაში, ფეხბურთელებს ცალ-ცალკე, მწვრთნელებს, მსაჯებს და ტოტალიზატორებს, მანამ ქართულ ფეხბურთს ისე ეშველება როგორც ბაბუაჩემ კირილეს. ასე რომ, ნუ დაღონდები შენი ბრალი არაფერია. ამ ქვეყანას მეგობრები რომ არ ჰყავდა არასოდეს ეგ ვიცით, მაგრამ შიგნით რომ გულშემატკივარიც აღარავინ ჰყავს ამას ვხედავთ.
erti

ჯანო დაანებე მაგათ თავი დავაი ბათუმში. თბილისის დინამოში იმიტომ ჩახვედი რომ ნაკრებში თამაში გინდოდა, და ჰოი საოცრებავ(!) ნაკრების საბაზო გუნდი ბათუმი გახდა. სტადიონიც ახალი რამე, რა გინდა საერთოდ მაქეთ გდიონ რამდენიც უნდათ. ეხლა ყოფილიყავი ნაკრებში არავის არ გავაბლატავებდით ნაღდად
ლადო

ფიფიას დინამო თავისი მენეჯმენტიან ფეხბურთელებიანა არის დიდი პამოიკა! ასე რომ ჯანო არც გაგიკვირდეს და არც გული დაიწყვიტო! წარმატებები კარგო და ღირსეულო ქართველო!
ლუკა

გავმეორდები: ბოლო 6-7 წელია ფეხბურთი არ უთამაშია, 10-15 თამში ექნება ამ პერიოდში, არის 29 წლის, არც მანამდე ათამაშებდნენ ხშირად და ეხლა რატომ უნდა ჰქონდეს რომელიმე კლუბს ამის ჯანმრთელობის იმედი? გამო,დილება არ აქვს, მხოლოდ ნიჭი. პიროვნულად, ქართველად გვიყვარს, მაგრამ არაპროფესიონალური მოთხოვნა და პოზიცია აქვს და "დაჟე" დინამოსკენ არ ეთქმის საყვედური.
ნიმბუსი

ეს იმის ბრალია რომ ამ ქვეყანაში ყველაფერს თავის სახელს არ არქმევენ, ამდენი წელია ილუზიებით ცხოვრობს ესეც და ის გუნდიც რომელიც იყვანს, კი, ძალიან ნიჭიერია, კარგი ხედვა, პასი, დარტყმა, მაგრამ არ არის ათლეტი, დღევანდელ დატვირთვებს ვერ უძლებს, უკვე მიქარა რუსეთს რომ არ გამოექცა თავუს დრიზე, როცა მოზარდი იყო, ევროპაში სულ სხვანაირად ჩამოყალიბდებოდა, გააკეთოს ის რაც ეხლა შეუძლია და ნუ იმცირებს თქვს ( სპარტაკის შეკრებაზე მიკედლება საკუთარი სახსრებით ყველას ახსოვს ჯერ )
ლუკა

არაადეკვატური პრეტენზია აქვს,ბოლოს გადაბმულად როდის ითამაშა სადმე 3-4 თამაში მაინც?
დათო სიმართლე

დინამოს მფლობელი და მართველობა როგორი საფეხბურთო "ცოდნითაც" გამოირჩევიან კი ვიცით , მაგრამ მაგ წუმპეშიც რო ვერ გამოიჩენ თავს სირცხვილია , ჯანო დაანებე მაგათ თავი თავისი გასჭირვებიათ როგორც შენ ...
დათო

მოკლედ ქართველი კაცებს სასახლეები რო აუშენო მაინც გაგლანძგავენ..მამაკაცობა დედაკაცობამ შეცვალა..ჯანომ კი 100% სიმართლე დაწერა..
ვანჩოპე

რადგან როცა-ს შორის მძიმე არ უნდოდა
Status quo

ბიჭო, შენ თუ გამოირჩევი საფეხბურთო ცოდნით,რაში გამოიყენე?ვინც შენ ფეხბურთელობა დაგაბრალა...
ამბაკო

გაოცებული ვარ, ასე გამართულად თუ წერს ჯანო, შეუძლია საფეხბურთო კარიერის შემდეგ პროზაშიც დიდ წარმატებას მიაღწიოს. წარმატებები ჯანოს!
ზაზა

ძიუბამ გაქაჩა ანანიძემ წამოწვა
ბოკინიო

მე ეს ბიჭი მახსოვს და კიდე მაქ იმედი რო ჩადგება ფორმაში. რაც შეეხება მის პოსტს ყველაფერი სწორი თქვა. ეთქვა მწვრთნელს ან პრეზიდენტს .
gigusha

სრული სიმართლეა,რაც ბრძანა ბატონმა (ლ.გიო).დავამატებ ...რუსების დედაც,მარა?კი აჯექი ძუძუზე.სპარტაკს.გამოქაჩე,გამოწოვე.,,ხვალიუ".მარა? ამ ჩვენსას(დინამოს) რას ერჩი????ამოთქვი.არ გითამაშია რას ითხოოოვ.ნამუსი გააქ?
qomagi

jano guli ar gaitexo,moindome da ivarjishe,ar danebde, mag jogidan sheni tamosvla uketesad aisaxeba shens karierashi momavalshi, martali shefasebaa shengan...egeni rom profesionalebi ikvnen da esmodet fexburti 30 tlis ganmvalobashi rame shedegs dadebdnen eg vitom fexburtis mzodneebi,kartvel xalxs,rom fexburti sheazizges,vot i vsio!
გურო

ჯანოს ყოველთვის დიდ პატივს ვცემ როგორც ფეხბურთელს და როგორც კარგ ქართველ ადამიანს რომელმაც საქართველოს ნაკრების გულისთვის ბევრი რამე დადო სასწორზე ამიტომ კარგად დაფიქრდით ყველა რამდენი გააკეთებდა იმას რაც ჯანომ გააკეთა თავის დროზე საქართველოს ნაკრებში წამოვიდა და მას მერე აირია მისი კარიერა.
Vasili

ამის ფეხების ამბავი ყველამ ვიცით, მაგრამ თუ გადაწყვეტილია ფეხბურთელის გაშვება და ამ ფეხბურთელს არ მიუძღვის წვლილი დანაშაულებებში, თამაშის გაყიდვაში, ან უდისციპლინობაში და ა.შ., მაშინ რა პრობლემა ადამიანს წესიერად გამოემშვიდობო?? ცხოვრება ხო გრძელდება მაგ კონტრაქტის შემდეგაც, რატომ უნდა გაიფუჭო ადამიანური ურთიერთობა იმის გამო რო კაცს ფეხი ტკივა. / თან მითუმეტეს თავის ხარჯებით თუ მიდიოდა შეკრებაზე. შეიძლება გუნდს თავის გეგმები აქ და იქ ზედმეტი იყო, მაგრამ აქაც უბრალოდ დალაპარაკება ჯობს და არა ასეთი გულგრილობა.//. რაც არუნდა იყოს , ტრამვიანია თუ ვერ შედგა მაგის ვარსკვლავური კარიერა, როცა ჯანზე იყო ნაკრებში გულს და სულს დებდა და ცოტა მეტი პატივისცემა რო გამოეჩინათ კარგი იქნებოდა.
ლ.გიო

მთელი წლის განმავლობაში 20 წუთს რო დაჰყოფ მინდორზე და ამ 20 წუთის განმავლობაში 3 ჯერ შეეხები ბურთს და პრეტენზია საკუთარი თავის გარდა ყველაზე და ყველაფერზე გექნება-რაღა უნდა გელაპარაკოს კაცმა.სულ რო ცოცხლად დავმარხოთ დინამო შენთან ნაღდად არფერში ტყუის.ეგ კი არა შენ უნდა მოგეხადა გუნდისთვის მადლობა და ბოდიში და წასულიყავი

"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა

"ლივერპული" პრემიერლიგის "გალაქტიკოსი" გახდა" - ჯეიმი კარაგერი

შესარჩევიდან ჩემპიონთა ლიგაზე - რას უნდა ველოდოთ ამ შვიდი გუნდისგან?

"ოქროს ბურთი" როდრის და დემბელეს - მაშ ვინისიუსს რაღა? - რეალი აღშფოთებულია

ქართველი მსაჯები სომხეთისა და ირლანდიის მატჩს განსჯიან

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

უთავმოყვარეო და მშიშარა უწოდეს - სანტუშს აზერბაიჯანის ნაკრების დატოვება მაინც მოუწია

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

"უოტფორდმა" ჩიქოვანის ტრანსფერი დეტალების გარეშე დაადასტურა

"მისნაირი ადამიანებისთვის ჯოჯოხეთში ცალკე ქვაბია" - ანანიძის ყოფილი თანაგუნდელის ხუმრობა ჯანოს შესახებ

"ვინც კი ოდესმე მინახავს, ყველაზე ჭკვიანი და ტექნიკური ფეხბურთელია" - ანანიძეზე ყოფილმა თანაგუნდელმა ისაუბრა

ბრწყინვალე ჟესტი - ჯანო ანანიძემ ეთერ ლიპარტელიანს საჩუქრად ბინა გადასცა

"თავისი ტალანტის მხოლოდ 50% გამოიყენა" - მალხაზ ასათიანმა ერთმანეთს კვარაცხელია და ანანიძე შეადარა

სომხური დრამა ჩემპიონთა ლიგაზე, ქალი პრეზიდენტი და ანანიძის ექსმწვრთნელი...

ქართველი მეკარე ესპანურ გუნდში გადავიდა

Geo Team: "უოტფორდში" ქართველი თავდამსხმელი გადადის

"2026 წლიდან, 10 წლის თავზე, დიდი ძალისხმევის შედეგად, სამართლიანობა იზეიმებს და "დინამო თბილისს" ექნება დაფინანსების სხვადასხვა წყარო" - რომან ფიფიას განცხადება

Geo Team: ჩიქოვანმა "უოტფორდთან" კონტრაქტი გააფორმა, მაგრამ ჯერ ბელგიაში ითამაშებს

"შეუძლებელია, სპორტი რუსეთის გარეშე არსებობდეს, ევროპელებს ერთი სული აქვთ, როდის დავბრუნდებით საერთაშორისო არენაზე" - ანანიძის ყოფილი თანაგუნდელი

თბილისის "დინამო" კლუბის ნაწილობრივ გაყიდვას არ ადასტურებს