<p>თბილისის "დინამოს" ესპანელი მთავარი მწვრთნელი "მილსამისთან" დუელში ფავორიტის დასახელებას არ ჩქარობს <br> "დინამოს" წინასამატჩო პრესკონფერენციაზე მასმედიის წინაშე გუნდის თავკაც ალექს გარსიასთან ერთად "დინამოში" დაბრუნებული დავით ოდიკაძე და კლუბის პრესატაშე გიგა გვენცაძე წარდგნენ.</p><p><strong>გარსია:</strong> შემდეგ ეტაპზე გამსვლელი ორი მატჩის შედეგით გაირკვევა, პირველი შეხვედრა კი "დინამოს" მომზადების დონესაც კარგად გამოაჩენს და ამ რაუნდის გადალახვის შანსებსაც. ახლა კი ვფიქრობ, შანსები 50/50-ზეა. სამწუხაროა, რომ დისკვალიფიცირებულები, ლევან ხმალაძე და გიორგი კახელიშვილი და ტრავმირებული შოთა კაშია დაგვაკლდებიან, მაგრამ მათ ღირსეული შემცვლელები ჰყავთ.</p><p><strong>- რამდენი ეტაპის გადალახვას ისახავთ მიზნად?</strong></p><p>- ამჟამად მხოლოდ "მილსამისთან" მატჩზე ვფიქრობ.</p><p><strong>- ძირითადი შემადგენლობა უკვე შეარჩიეთ?</strong></p><p>- თერთმეტ ფეხბურთელს იმ თვრამეტიდან შევარჩევ, ვისაც დღეს ვავარჯიშებ.</p><p><strong>- ხვალ რომელიმე ესპანელი თუ ითამაშებს?</strong></p><p>- თუ მისმა სატრანსფერო ფურცელმა დროულად ჩამოაღწია, "მილსამისთან" იაგუე ითამაშებს</p><p><strong>- კმაყოფილი ხართ თუ არა გუნდის მომზადების დონით?</strong></p><p>- ამ კითხვაზე მატჩის შემდეგ უკეთ გიპასუხებთ, თუმცა ახლავე შემიძლია ვთქვა, რომ გუნდი ჩემს საფეხბურთო ფილოსოფიას მონდომებით ითვისებს.</p><p><strong>- ესპანელი ფეხბურთელები რა კრიტერიუმებით შეარჩიეთ?</strong></p><p>- შეკრებამ დაგვანახვა, რომ პრობლემები განსაკუთრებით წინა ხაზში გვქონდა და ეს ტრანსფერებიც აქედან გამომდინარე განვახორციელეთ.</p><p><strong>- მოლდოვური სპორტული პრესა ფავორიტად "დინამოს" მიიჩნევს...</strong></p><p>- ეს სასიამოვნოა, მაგრამ ბევრს არაფერს ნიშნავს. დაველოდოთ პირველ შეხვედრას და ფავორიტზეც ამის შემდეგ ვიმსჯელოთ.</p><p><strong>- მეტოქის შესახებ რა იცით?</strong></p><p>- ძალიან ბრძოლისუნარიანი გუნდია და თანამედროვე ფეხბურთის თამაშს ცდილობს, იბრძვის მოედნის თითოეული მონაკვეთისთვის.</p><p><strong>ოდიკაძე:</strong> გუნდი დიდი მონდომებით ემზადება. ძალიან მოტივირებულები ვართ და წარმატებისთვის თავს არ დავზოგავთ. ვეცდებით, გულშემატკივართა იმედები გავამართლოთ. ამჟამინდელ და იმ "დინამოს" შორის, რომელშიც წლების წინ ვთამაშობდი, უდიდესი განსხვავებაა, კლუბში ვითარება რადიკალურად გაუმჯობესდა, რაც ძალიან მახარებს. მჯერა, იმ განწყობით, რაც ახლა გუნდში სუფევს, ბევრის მიღწევა შეგვიძლია.</p><p><strong>ყოველდღიური სპორტული გაზეთი "ლელო"</strong></p>
ევროპა ლიგა. ორივე ფრანგულმა გუნდმა გაიმარჯვა
[VIDEO] "ტოტენჰემმა" "მანჩესტერს" სძლია და ევროპა ლიგის გამარჯვებული გახდა
ევროპა ლიგა. 1/2-ფინალი: გადამწყვეტ მატჩში ინგლისური გუნდები შეხვდებიან
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ