91:70 - საქართველოს ნაკრებმა ჩრდილოეთი მაკედონია დაჯაბნა [VIDEO]

მსოფლიოს 2023 წლის ჩემპიონატის საკვალიფიკაციო ტურნირზე საქართველოს ნაკრებმა ჩრდილოეთ მაკედონიას 91:70 სძლია.რეგულაციების მიხედვით, თბილისის სპორტის სასახლეში მაყურებელთა 1/3 დაიშვა. ჩვენს გუნდს მხოლოდ 3 ლეგიონერი ჰყავდა, თუმცა საუკეთესო შემადგენლობა ვერც მეტოქემ შეკრიბა. საქართველოს ნაკრების მწვრთნელმა ზუროსმა შემდეგი ხუთეულით დაიწყო თამაში: მაკფადენი, სანაძე, ბოქოლიშვილი, ბერიაშვილი, შერმადინი. საქართველოს ნაკრები თავიდან 12:5 დაწინაურდა, მოწინააღმდეგემ მალე ანგარიშის სხვაობა მინიმუმამდე შეამცირა, მაგრამ ჩვენმა გუნდმა პირველი მეოთხედი 24:18 მოიგო. საქართველოს ნაკრებს, როგორც მოსალოდნელი იყო, შერმადინი და მაკფადენი ლიდერობდნენ, რომლის თამაში ტრავმის გამო საეჭვო გახლდათ.ნაყოფიერად ირჯებოდა დაცვაში ჯინჭარაძე, რომელმაც კარიერაში საუკეთესო მატჩი ჩაატარა. შერმადინი კალათზე ბატონობდა, მაკედონიელთა ნატურალიზებული კალათბურთელი ვაილი ნეიტრალიზებული იყო, „ბარსელონას“ ახალგაზრდა წევრი სიმიჩიც, საქართველოს ნაკრები კი კიდევ უფრო გაიჭრა წინ და პირველი ტაიმი 46:31 დასრულდა.მესამე პერიოდშიც ზუროსის შეგირდები ვიზავიზე უკეთ თამაშობდნენ და დასკვნითი მეოთხედის წინ ტაბლოზე 68:47 დაფიქსირდა. საქართველოს ნაკრები ბოლო პერიოდში 26 ქულით გაიქცა, თუმცა საბოლოოდ 21 ქულით გამარჯვებას "დასჯერდა".26 ქულით მატჩის ყველაზე შედეგიანი მოთამაშე მაკფადენი გახდა, მარგი ქმედების 32-იანი კოეფიციენტით MVP - შერმადინი (20 ქულა, 15 მოხსნა, 6 პასი). 12 ქულა ჯინჭარაძემ ჩააგდო, 11 - სანაძემ, 10 - ბერიშვილმა, 4-4 კი - ბოქოლიშვილმა, ბექაურმა და ლონდარიძემ. სტუმართაგან 15 ქულით ყველაზე შედეგიანი სტოიანოვსკი იყო.საქართველოსა და ჩრდილოეთ მაკედონიის ეროვნული გუნდების მეორე მატჩი 27 თებერვალს სკოპიეში ჩატარდება.

ტაბუ

გეთანხმები, მკვლელების არმიის გუნდის წევრი არ უნდა იყოს საქართველოს ნაკრების კაპიტანი.
ბადრი ბ

ყველამ ვნახეთ, რომ თამაში ფაქტიურად შერმამ და ტედმა მოიგეს, მაგრამ ყველაზე მაგარი ის არის, რომ სიღრმეები გამოჩნდა, რომ არა სათადარიგოების კარგი თამაში, ორი კაცი ვერასოდეს ვერ მოიგებს თამაშს. ყოჩაღ ბიჭები, ყოჩაღ ზუროსს, წინ საქართველოვ.
სოსო

ბრავო ზუროსს!ასე შეთხელებული შემადგენლობითაც კი,შესძლო და ბიჭები სრულიად გაიხსნენ.რა თქმა უნდა აშკარად ჩანდა,რომ არც მაკედონია იყო უძლიერესი შემადგენლობით,ისიც ჩანდა,რომ როცა მეტოქე ტემპს უმატებდა და მჭიდროდ გვეთამაშებოდა,თამაში გვერეოდა,მაგრამ მთლიანობაში მაინც ჩვენ ვჩანდით უფრო ორგანიზებული და მაღალი კლასის გუნდად.შერმადინს ბოლომდე არც ვტვირთავდით,მაგრამ მისი უბრალოდ ყოფნაც კი,აშკარად ჩანდა როგორ დამთრგუნველად მოქმედებდა მეტოქეზე და რამდენჯერ მისი შიშით,ფარქვეშიდან აჩქარებული სროლის შემდეგ,მეტოქემ ბურთი ვერ ჩააგდო.კარგია ისიც,რომ არც მაკფადენს დასჭირდა სრული დატვირთვით და ენერგიის დახარჯვით ეთამაშა.დანარჩენი ბიჭები საკმაო წარმატებით სცვლიდნენ მასაც,შერმადინსაც და სანაძესაც.აქ შენახული ენერგია,განმეორებით მატჩში აუცილებლად დაგვჭირდება,რადგან იქ სულ სხვა თამაში იქნება და ამ თამაშში, საკუთარ შეცდომებსაც გაანალიზებს მეტოქე.გულახდილად რომ ვთქვა,იმედი მქონდა გამარჯვებისა,მაგრამ ვფიქრობდი,ეს უმძიმეს ბრძოლაში გვექნებოდა მოსაპოვებელი და ბოლო წამებამდე სრული დაძაბვა მოგვიწევდა.კიდევ და კიდევ მადლობა ზუროსს და მადლობა ბიჭებს.ყველას უკლებლივ!ხომ აშკარად ჩანდა,რომ ყველა ბოლომდე მზად იყო ფსიქოლოგიურად.ეტყობა არც ისე სუსტი ჩემპიონატი გვაქვს,რაკი ბიჭებმა ასე კარგი თამაში აჩვენეს. მეც თქვენთან ერთად ვუერთდები მთელ მსოფლიოს და ვგმობ,რუსეთის არნახულ თავხედობას.რა ნაძირალა უნდა იყო,რომ საკუთარ სისხლსა და ხორცს,სრულმასშტაბიანი დამპყრობლური ომი გაუჩაღო!ეტყობა რუსეთში ნამდვილი რუსები აღარ დარჩნენ და რუსულად მოლაპარაკე თათარ მონღოლთა ურდოების გენმატარებლები მართავენ, ოდესღაც მართლმადიდებელ ქვეყანას.ღმერთო დაიფარე და დაეხმარე უკრაინას,დასაჯე და იავარჰყავი მათი და ჩვენი სისხლის დამღვრელი!გააღვივე სიკეთის,სიყვარული თესლი,ბოროტისაგან მოწამლულ სულებში!
მასტერს

გილოცავთ ყველას, განსსკუთრებით ბიჭებს! ეს ის შემთხვევა იყო, როდესაც ყველამ იცოდა, რისთვის გადიოდა მოედანზ: დუდა, მიშა, ჯინჭარაძე, ბოქოლა... შერმადინი და მაკფადენი - ნამდვილი ლიდერები გამარჯვებულის მენტალიტეტით! წარმატებები ბიჭებს უკვე გასვლით თამაშშუ - ჩრ. მაკედონიაში და მადლობა!
***

#შერმინატორი კაპიტნად, ჩამოერთვას შენგელიას სამაჯური!
გიზოგ

გაიხარეთ ბიჭებო, მაგრამ 2020 წლის 18 ნოემბრის სირცხვილი უნდა მოგვწმინდოთ მაკედონიაში მათსავე ქვეყანაში ასეთი ანგარიშით დამარცხებით. მშვიდობა და დიდება უკრაინას და მის მებრძოლს.
დდდ

აუფ, მაქედან რომ გახვიდე ყველას უნდა მოუგო შემდეგ ჯგუფში. ესპანეთთან წააგებ. იტალია რუსეთს მოუგებს. შესაბამისად მასე ქნება. ისლანდიასაც უნდა მოუგონ რუსეთსაც და იტალიასაც. სულმოუთქმელად ველოდებით როგორ მოემზადა სანაძე ტექნიკურად.
ირაკლი

მადლობა ბიჭებს.დიდება უკრაინას!!!

თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა

საქართველოს ნაკრებმა დანიასთან მატჩებისთვის თბილისური შეკრება დაასრულა

მარკის რიდი: მზად ვარ, ნაკრების წარმატებაში ჩემი წვლილი შევიტანო

მერაბ რატიშვილი მონტენეგრო-საბერძნეთის მატჩს უკომისრებს

კალანდაძე თბილისის "დინამოში" დაბრუნდა

საქართველოს 15-ქალა ნაკრების წინსვლა რეიტინგში

გრიზმანი MLS-ში - მოლაპარაკებები დასკვნით სტადიაშია

ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია

"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა

კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს

პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე

ქალთა ნაკრები საბერძნეთთან მატჩისთვის მზადებას განაგრძობს

ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს

15-ქალა | ხორვატებთან ახალი რეკორდით

20 წ. | კარგი ტაიმით მსოფლიოს ჩემპიონთან

კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?

"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო

"სერია A-ში თამაში ყველაზე რთულია" - ალეგრი "პარმასთან" მარცხის შემდეგ

L'Équipe: პსჟ-ში შევალიეს ბედი საფონოვზეა დამოკიდებული

ლებრონ ჯეიმსმა მორიგი რეკორდი დაამყარა

"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა

[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა

შენგელიას გარეშე - საქართველოს ნაკრებმა პოლონეთში ივარჯიშა

ანდრონიკაშვილის ტრავმა სერიოზული არ აღმოჩნდა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

ცნობილი გახდა თორნიკე შენგელიას ნაკრებში არყოფნის მიზეზი

საქართველოს ნაკრები ჩეხეთან 20 ქულით დამარცხდა

[VIDEO] უკვე უკეთ, მაგრამ მაინც წავაგეთ. პოლონეთი - საქართველო 94:89